1 Tèsàlonikà 2:5 - Mundani

⁵ Bɨ ko ntsɔ̧̀ Mbɔ̧ɔ̧mà mè nko mɨ̧̂ nê ba li bà ka làꞋà abua yɨ̧ ne ètsəê nendɨ̧, bà ka làꞋà èngà̧ àfible mbɨ̀Ꞌɨ̀ enɨ àghɨa ko abua wòt.

1 Tèsàlonikà 2:5 ပူးပေါင်းရင်းမြစ်များ

Matìù 22:16

Ale, bɔ tsà bɔkatè bɔb nè bòt bu bɔ̀ɔ nkuŋa Elɔ̀d la abua Yesò, bɔ kɨꞋɨ̀ mbììte atò nê, “NyɨꞋtà, baa ko nê àà ndàꞋà wuê nkûŋ, mè nyɨ̀Ꞌta mènəè Mbɔ̧ɔ̧mà wuê mbɨ̀Ꞌɨ̀ nàa la, kà wua njùta ànəa bòt àa ndàꞋà la. Nkàà nê àà kà nɨ àghɨa wòt wu yùà la mbɨ̀Ꞌɨ̀ àghɨa ko.

Matìù 23:13

“Aa li bɨa wɨ̧, bɨ̀a bènyɨꞋtà mbɨ̧te Musì nè Bèfalèsiì, bɨ̀a wu bɨ̀a shua nê bɨ wu àghɨa kà wu yùà la, nkàà nê bɨa nkèla bòt mbɨ̀Ꞌɨ̀ bɔ nyi a Kèfɔ̧̀ Mbɔ̧ɔ̧mà. Bɨ̀a mbɔŋ aà kà kɨ nyi, mbɔ̂ nkèle bòt nkɨ enyi la, mbɨ̀Ꞌɨ̀ bɔ nyi. [

ÀfaꞋa 20:33

E mbakà ghòꞋnè àghɨa wòt, ka wuê silbà, kò goêl, kò ndǐ wòt leꞋ.

Lûm 1:9

Mbɔ̧ɔ̧mà wu mâ ŋa am nènkèm abua tò a mànstsɔta Ntu̧ Ntsɔ̧̀ waã tò la, è koê nê ànəa e ndàꞋà la wu nkûŋ nê, màa ngɨ̀ e me tsàꞋte atò àfɨ̀Ꞌ àgeme e me làꞋà ànəa yɨ̧ abua tò,

Lûm 16:18

Èwuu bòt mbɔŋ è ka faꞋa abua Yesò Klistò Lefɨ̀Ꞌ wa, bɔ fàꞋà wuê abua tèbêm tɔb. Bɔɔ nɨa mèngǎ̧ ntsɔ̧̀ nè àvəèəèlè fɨ̀ta bòt bu bɔ̀ɔ ka kwaꞋte mènəè ntsɔ̧̀ la.

Lûm 9:1

Ànəa e shua la wu nkûŋ, ndɨ̀ wu è ntsiꞋi àghɨ yeamɔꞋ nè Yesò Klistò la. È nka laꞋà mèfà̧. Mèmɨ̀ɨ̀te mɔ̧ ane ndɨ Fo Kèfə nàa nyɨ̀Ꞌta la, è shu am nê è nka fɨta fɨte.

2 Kɔlìn 12:17

Wòt kǒ ane bòt bu e ndi ntsàà la li tà kà fible awɨ̧ enɨ àghɨa ko ekɨꞋɨ ŋa abua am.

2 Kɔlìn 2:17

È me wu awa ko ba ntsě mbɨ̀Ꞌɨ̀ bòt ko bɔ̀ɔ ndàꞋà èngǎ̧ Mbɔ̧ɔ̧mà wuê ambo èkab la. Ka ndɨ̀ wu è wu Mbɔ̧ɔ̧mà ka tà tsàà àwa baa mè ngu a mbì tò la, baa ndàꞋà èngǎ̧ tò nè èntɨ̧ɨ̧ kèfə, mbɨ̀Ꞌɨ̀ bɔfàꞋ Yesò Klistò.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

2 Kɔlìn 7:2

Bɨ̀ ghaꞋa mèntɨ̧ɨ̧ mɨ̧ nɨ̀ awa. Wòt kǒ ba fâ̧ ànəê abua tò la ntsè, ba ka tsokè wòt, bà kà me fìble wòt.

Gàlashìà 1:20

Ane nkûŋ, a mbì Mbɔ̧ɔ̧mà, ànəê yaa e shɨa abua yɨ̧ la, ntsě àfɨte.

1 Tèsàlonikà 2:10

Bɨ ye mè nkoê, Mbɔ̧ɔ̧mà mè nkoê nê, mènəè ma a kètsìà wɨ̧ bɨ̀a bòt Yesò li ngua mbɔ̀. Ba li mbê ngua ngɨ̀à mbɨ̀Ꞌɨ̀ ba wuê ghɨ̀ la. Àghɨa ko wòt nàa fèèlè awa adù̧ la à ka wuê.

1 Tɔ̀màtià 3:3

Wòt àtsəa bòt Yesò ka ngu àbaala mèlùꞋ, tà ka ngu wòt tàa nkàà mèntɨ̧̀ la. A nyɨꞋte nê, tà wu mbɔɔlè wòt tàa ndàŋkà mènəè la, tà ka me zǐ èntɨ̧ɨ̧ vi ane èkab.

1 Tɔ̀màtià 3:8

Bèdikɨ̀n mɨ̧̂ e bɔ̂ ndɨ bɔ̀ɔ wu bòt mènəè ntsɔ̧̀ la, bɔ̀ ka me fible bòt. Bɔ̀ ka me nu mèlùꞋ nyaŋ, bɔ̀ ka me kɨ nê àghɨ àgème wu ayɔb.

Tȩtɔ̀s 1:7

Ndɨ̀ wu tà wu àtsəa bòt Yesò fàꞋà àfàꞋa Mbɔ̧ɔ̧mà la, tà ka me ghɨ̀ mènəè bòt àa me fèèle atò la, tà ka mbɔ̌ ètsəê kàbɔ̀ŋ, tà ka me ghèmtè, tà ka me nu mèlùꞋ nyaŋ, tà ka me kɨ èbet, tà ka me zǐ èntɨ̧ɨ̧ vi ane èkab nyaŋ.

1 Pità 5:2

E ngua shù̧ù̧ta awɨ̧ nê bɨ̀ me baabe bòt bu Mbɔ̧ɔ̧mà zi a tèkitebu tɨ̧ la, mbɨ̀Ꞌɨ̀ mbaabà njɨ̀ nàa mbààba njɨ̀ ti la. Mbɔ̧ɔ̧mà nàà nkɨà nê bɨ̀ me baãaã awɔb ane mɨ̧ nê mènkɔ̀ŋke, è ka ngu ngaa mbɨ̀Ꞌɨ̀ bɔ ŋwèèlè àwɨ̧ ŋwèèle. Bɨ̀ ka me fàꞋà mbɨꞋɨ̀ bòt nkɨà wuê èkab la, bɨ̀ me fàꞋà nè èntɨ̧ɨ̧ ntsɔ̧̀.

2 Pità 2:18

Bɔ taꞋa wua ngwàbta mètsəê mɔb ngù̧a nkùꞋ tɔb, mbɔ̂ ngua ndàꞋà mènəè àku. Bɔɔ nyɨ̀Ꞌta nê bòt è me ghɨ̌ àghɨ àgème mbɨ̧te ènyit tɔb tèa nkɨà la, nɨa səèà bòt bu mbèla ndzəèa dzəâ ayɔɔ bòt bɔ fà̧à̧tè èka bɔb la, mè mvəèəè àwɔb a èbèm.

2 Pità 2:3

BènyɨꞋtà fɨte bàa aa gha ambo èlɨ̀ wu bɔ̀ɔ nkɨ me nɨ nɨ la, me dèbè mètaã mɔb mènəè kɔ̀Ꞌa bɔ shua mbɨ̀Ꞌɨ̀ enɨ èghɨ àku abua yɨ̧. Bɔ li mbê ndzaŋe saꞋa awɔb tè ndɔ̀Ꞌ, tè Mbɔ̧ɔ̧mà wu tàa eliime awɔb la tsiꞋì àtatsi nchɨ̀Ꞌà.

Jûd 1:11

Aa li bɨɨ awɔb nkàà nê bɔɔ̀ ngȩȩna ane alu̧ Kên li ngȩ̀ȩ̀nè la. Bɔɔ ngɨa kàbɔ̀ŋ wuê mbɨ̀Ꞌɨ̀ Balààm li ngɨ̀ la ambo èkab, mè nkwèèla àtsə mbɨ̀Ꞌɨ̀ Kolà li nkwèèle la tè Mbɔ̧ɔ̧mà wu li eliime awɔb wuê mbɨ̀Ꞌɨ̀ tòà.