1 Tèsàlonikà 2:4 - Mundani

⁴ Bàa ngɨ̀ ba wua ndàꞋà wuê mènəè Mbɔ̧ɔ̧mà nàa nkɨà nê bà laꞋa la, nkàà nê tà lɨ̀ŋkè àwa ba kùꞋù èbe tàa zǐ Ntu̧ Ntsɔ̧̀ yu a tèkitebu ta la. Bà ka laꞋà àghɨa bɔbȩ àa nkɨà la. Baa ndàꞋà wuê ndɨ àa bɔ̌ abua Mbɔ̧ɔ̧mà wu tà ko mèntɨ̧ɨ̧ ma la.

1 Tèsàlonikà 2:4 ပူးပေါင်းရင်းမြစ်များ

Lûk 12:42

Yesò bɨ̀ɨ̀lè nê, “WafàꞋ ntsɔ̧̀ tà bɔ èyì la wu we ŋa à? Wu wu tǎt àfàꞋ tò zi atò àtsəa beko nê tà me ŋa wɔb èghɨjɨ àfɨꞋa ntsɔ̧̀ la.

Lûk 16:11

Ale, tè bɨ bakà ko mbà̧à̧te èghɨ sitsǎꞋ yàa ndɨŋndɨ̀ŋ, ko wàà naa li lɔ̀Ꞌɔ evi àghɨa ko eŋa abua yɨ̧ nê wu àyɨ̧ à?

Jɔ̌n 21:17

Yesò mè nkwetê mbììte atò nê, “Simùn waã Jɔ̌n, tè àà nkɔ̀ŋkà am?” Tà biite ale, a saa Pità nkàà nê tàà mbììta ale è wu ngò̧ tetat tà biite atò nê, “tè àa nkɔ̀ŋkè am” la. Tà ghɨ̀ ale mbɔ̂ shu abua Yesò nê, “Tê, à ko ànəa àgème, à ko nê, maà nkɔ̀ŋkà wê.” Yesò shu abua tò nê, “Me jɨɨ njɨ̀ taã.

Lûm 8:27

Mbɔ̧ɔ̧mà wu tàa ndzea àghɨ àgème àa èntɨ̧ɨ̧ wòt la, è ko àghɨa àa èntɨ̧ɨ̧ Fo Kèfə la, nkàà nê Fo Mbɔ̧ɔ̧mà nàà ndɨ̀à mènəè bòt Mbɔ̧ɔ̧mà abua tò mbɨ̀Ꞌɨ̀ Mbɔ̧ɔ̧mà kɨa la.

1 Kɔlìn 7:25

È me wu ane ànəa bòt kà yɔꞋ, ko ànəa ko Tè Yesò shu am nê è ndaꞋa la a ntsě, ka maa shu ndɨ màa ndzea la, mbɨ̀Ꞌɨ̀ wòt Tè Yesò nɨ tèsȩ ti ngɨ̀ tà kùꞋù è we bòt àa lɨ̀Ꞌɨ̀ àwɔb ane tò la.

1 Kɔlìn 9:17

Mâ ghɨ̀ ale, ngua ngɨ̀à àyaa ane mènkɔ̀ŋke mɔ̧, ko maa bɔ àbȩ̀, ka ndɨ̀ wu màa ka ghɨ ane mènkɔ̀ŋke mɔ̧ la, ko wu Mbɔ̧ɔ̧mà ka tà zǐ àfaꞋa mbɔŋ a tèkitebu taã nê è me ghɨ̀ la.

2 Kɔlìn 2:17

È me wu awa ko ba ntsě mbɨ̀Ꞌɨ̀ bòt ko bɔ̀ɔ ndàꞋà èngǎ̧ Mbɔ̧ɔ̧mà wuê ambo èkab la. Ka ndɨ̀ wu è wu Mbɔ̧ɔ̧mà ka tà tsàà àwa baa mè ngu a mbì tò la, baa ndàꞋà èngǎ̧ tò nè èntɨ̧ɨ̧ kèfə, mbɨ̀Ꞌɨ̀ bɔfàꞋ Yesò Klistò.

2 Kɔlìn 4:2

Ba tu̧u̧ mènəè àtsəa kɔꞋɔ mu bɔ̀ɔ ngɨa a ntsèm la. Ba tu̧u̧ e ghɨ mènəè nè àfɨte adù̧, bà ka mê ngu enəèꞋə èngǎ̧ Mbɔ̧ɔ̧mà. Ka Mbɔ̧ɔ̧mà ko nê baa ndâ ndzààtà mènəè nkûŋ tò maà ndàꞋà ane ndɨ waa waa nàa ko àghɨa bà wu yùà la.

2 Kɔlìn 5:11

Ba ko àghɨa màmbɔ kèbɔɔ Mbɔ̧ɔ̧mà wu yùà la, ale baa ŋwète bòt nê bɔ̀ zì mèntɨ̧ɨ̧ mɔb ane Yesò Klistò. Mbɔ̧ɔ̧mà ko àghɨa bà wu yùà la, e mè me mɨ̀ɨ̀te nê bɨ̀a mbɔŋ e ko bòt bà wu bùà la mɨ̧̂.

2 Kɔlìn 5:16

Ale, ebuꞋu àfɨ̀Ꞌ yaa e me ghà ne mbì, ba kà tsi ndzè àghɨa wòt wu yùà la ane ndɨ bɔbȩ àa ndzea la. Wu nkûŋ nê e ndi mbàte ngua ndzea Yesò Klistò ane èlɨ bɔbȩ àa ndzea la, ka maa kà tsi ndze a èlɨ mbɔŋ àfɨ̀Ꞌ yaa.

Gàlashìà 1:10

Tè e ngua àfɨ̀Ꞌ yaa nkɨ èghɨ àghɨa bɔbȩ àa nkɨà la, kò wuê àyea Mbɔ̧ɔ̧mà nàa nkɨà la à? Kò e ngua nkɨ e ghɨ̀ àyea àa bɔ̌ abua wɔ̀bȩ̂ la leè? E ngua ngɨ̀à àghɨa àa mbɔ̀ bɔbȩ la, ko e nte ntsě wafàꞋ Yesò Klistò.

Gàlashìà 2:7

Ka bɔ li ndzè na Mbɔ̧ɔ̧mà zi ànəa màndaꞋa Ntu̧ Ntsɔ̧̀ zi abua bòt kà wu Bèjuê a tèkitebu taã wuê mbɨ̀Ꞌɨ̀ tà li ndzì ànəa màndaꞋa èngǎ̧ vi abua Bèjuê a tèkitebu Pità la.

Efesɔ̀s 3:8

Mâ batè nkuà nè kwèn tè ntse a tandiakwèn ane bòt Mbɔ̧ɔ̧mà, ka Mbɔ̧ɔ̧mà li nkɔ̀ŋkè am, ŋà am àfàꞋ yaa nê, è me tsɔ̀te Ntu̧ Ntsɔ̧̀ abua bòt kà wu Bèjuê shua awɔb ànəa èwuu èghɨ ntsɔ̧̀ bu Yesò Klistò nàa ŋǎ la.

Efesɔ̀s 6:6

Bɨ̀ ka me fàꞋa abua yɔb wuê àfɨꞋa bɔ̀ɔ ndzea wɨ̧ la, nɨa nkɨà nê bɔ̀ me kɔ̀ŋkè àwɨ̧. Bɨ̀ me fàꞋà abua yɔb mbɨ̀Ꞌɨ̀ bɔfàꞋ Yesò Klistò, ngɨ̀à àghɨa Mbɔ̧ɔ̧mà nàa nkɨà la nè èntɨ̧ɨ̧ wɨ̧ wemɔꞋ.

Kɔ̀losìà 3:22

ÈbùꞋ, bɨ̀ me zə bòt bu bɔ bɔ awɨ̧ la ane mènəè ègème. Bɨ̀ ka me fàꞋa abua yɔb wuê àfɨꞋa bɔ̀ɔ ndzèa wɨ̧ la nɨa nkɨà nê bɔ̀ me kɔ̀ŋkè àwɨ̧. Ka bɨ̀ me fàꞋa abua yɔb nè èntɨ̧ɨ̧ kèfə nkàà nê bɨa nkùkta Tè Yesò.

1 Tɔ̀màtià 6:20

Tɔ̀màtià, baãaã àghɨ yu Mbɔ̧ɔ̧mà è zì a èkibu lê nê me lɨ̀ŋkè la ntsɔ̧̀. Ko mbɨ̀Ꞌɨ̀ à zì ètsəê wê a èbem mèngǎ̧ àku mu kà bɔ ànəê ane mènəè Mbɔ̧ɔ̧mà la. Ko mbɨ̀Ꞌɨ̀ à tseke adzìꞋa bòt àa ngɨ̧̀ɨ̧̀nà nkàànà ànəa àghɨ yu bòt ko àa ntɔ nê wu “Èyì”, kà e wu èyì la.

2 Tɔ̀màtià 1:14

Neeta mbààbe èghɨ nkûŋ bu Fo Kèfə yu nàa ntsèka ane ya la è zì a tèkitebu tê la.

2 Tɔ̀màtià 2:2

Nɨ mèngǎ̧ Mbɔ̧ɔ̧mà mu à li ndzə e ndàꞋ abua bòt nyaŋ la ndzì a tèkitebu ngule bòt bu bɔ kùꞋu a mànyɨꞋta bòt ko la mɨ̧̂.

Tȩtɔ̀s 1:3

Àfɨ̀Ꞌ a li nkùꞋ, Mbɔ̧ɔ̧mà ghɨ̀ bɔ tsɔ̀tè èngǎ̧ tò, ngɨ̀ bòt e ko àghɨ yu tà li nkàꞋ la. Wu Mbɔ̧ɔ̧mà, Mpemnà wa tà li ndzì ntu̧ yaa a tèkitebu taã nê è me tsɔ̀tè la.

Ebùlù 4:13

Àghɨa ko a ntsě betsiꞋa a lò̧ò̧tè a mbì Mbɔ̧ɔ̧mà la. Tàà ndzea àghɨ àgème a ngɔ̀ŋ ŋaa mbɨ̀Ꞌɨ̀ àa la, è mè ngu abua tò bàa li làꞋà ànəê àghɨ àgème bàa ngɨ̀à la.

1 Pità 4:11

ÀfaꞋa wòt wu màndaꞋa èngǎ̧ Mbɔ̧ɔ̧mà, tà làꞋà wuê mbɨ̀Ꞌɨ̀ e dzə abua Mbɔ̧ɔ̧mà la. Àyea wòt wu màntɨŋa banɔ̧̀, tà me tɨŋe wuê ane mètàŋ mu è dzə abua Mbɔ̧ɔ̧mà la. Bɨ̀ me ghɨ̀ ale mbɨ̀Ꞌɨ̀ waa waa naa wùꞋte Mbɔ̧ɔ̧mà ane àghɨ àgème bɨ̀a ngɨ̀à la ane èlen Yesò Klistò. MèngùꞋte nè mètàŋ è wu abua Yesò Klistò ane àlia nè àlia. Àmèn.

Ètsə 2:23

Maa liime bòt bu bɔ̀ɔ nkuŋa tò la. Àyaa aa ghɨ̌ bèchɔsì bu bàgème aa ko nê mâ ko mèmɨ̀ɨ̀te bòt bàgème nè àghɨa àa mèntɨ̧ɨ̧ mɔb la. Maa ŋa waa waa àghɨa a kùꞋù ane àfàꞋ tàa ngɨ̀à la.