1 Tèsàlonikà 2:14 - Mundani

¹⁴ Bɔnyɨ bɔ̧, àghɨ yu a li ngɨ̀ ane bèchɔsì Mbɔ̧ɔ̧mà bu a Jùdià bè wu àghɨ yeamɔꞋ nè Yesò Klistò la, a bê ngɨ ane yɨ̧. Bòt àlaꞋ ayɨ̧ e li ngua nkɨà àtsəa yɨ̧ enɨ wuê mbɨ̀Ꞌɨ̀ Bèjuê e li ngua nkɨà àtsəa bòt Jùdià enɨ la.

1 Tèsàlonikà 2:14 ပူးပေါင်းရင်းမြစ်များ

ÀfaꞋa 11:19

Bòt Yesò bu e li ntààte afɨꞋa bɔ li mbùŋe a Stifèn me kɨ àtsəa yɔb enɨ la. ÀbəèꞋ àko ane yɔb a li ngà tè ngu àlaꞋ a Fònisìà, nè àlaꞋ a Sȩplùs, nè Antìɔ̀k, ngȩȩna a èdzìꞋ baa ntsɔ̀tà Ntu̧ Ntsɔ̧̀ yu wuê abua Bèjuê.

ÀfaꞋa 13:50

Ka Bèjuê e tsòkè ètsə bɔɔjuŋ bu àpfəèà nɨ̧ və la, fɔ̀ɔ̀lè ne bèzi kekweelè bu kà wu Bèjuê bɔ̀ɔ nkùkta Mbɔ̧ɔ̧mà la. Bɔ bùꞋ me kɨ̀ŋe a Pɔ̂l bɔ̂ Bànabasì tè fəè àwɔb àlaꞋ və.

ÀfaꞋa 14:19

Bèjuê ko e li ndɔ̀Ꞌ a Antìɔ̀k wu a Pìsidìà la, nè Èkonìòm nkɨ̀Ꞌɨ̂ ntsòkè àtsəa bòt bu, bɔ temte a Pɔ̂l ane àti, səŋne atò nɨŋ ndzə àpfəèà nɨ̧ yu ntanda nê tà pfə tê ndɔ̀Ꞌ.

ÀfaꞋa 14:2

Ka Bèjuê bu bɔ tu̧ ezə èngǎ̧ Mbɔ̧ɔ̧mà la e lute bòt kà wu Bèjuê tè ntsòkè ètsə bɔb bɔ tsiꞋi me pààbe bɔnyɨ ba bu.

ÀfaꞋa 14:4

Ènɔ̧̂ bòt bu àpfəèà nɨ̧ yu la e ghàbtè èbà bebe, bòt ko e tɨ̧ɨ̧ akwene Bèjuê, èbeko e tɨ̧ɨ̧ akwene bɔntu̧ Yesò bu.

ÀfaꞋa 14:5

Bɔ lɔ̀Ꞌɔ àfɨꞋa mbɔŋ, Bèjuê bɔ̂ bɔɔjuŋ ayɔɔ yɔb nè bòt kà wu Bèjuê e làŋkè nê bɔ̀ ghɨ̧̀ɨ̧̀nè bɔntu̧ Yesò bu ntèmte awɔb ane àti.

ÀfaꞋa 17:13

Ka àfɨꞋa Bèjuê bu a Tèsàlonikà la e zə nê Pɔ̂l wua Belìà ndàꞋà èngǎ̧ Mbɔ̧ɔ̧mà la, bɔ kɨꞋɨ abot mbùꞋ me tsòkè àtsəa ndzɔ̀ŋ bòt yu.

ÀfaꞋa 18:12

È li ngu àfɨꞋa bòt Luêm e yɔꞋɔ a Galiò ane gɔvanɔ̀ bòt àlaꞋ a Akayà la, Bèjuê e bù̧ù̧tè mbǎ̧ a Pɔ̂l nɨŋ nga a mbì èsaꞋa.

ÀfaꞋa 8:1

Sɔ̂l li mbɔ̂ mbɨ̧̀ɨ̧̀ne nê bɔ̀ bùŋe atò mbɨ̀Ꞌɨ̀ bɔ li ngɨ̀ la. EbuꞋu ane àlia ngaa bɔ bùꞋ me ŋa ngoꞋ kèkweelè abua chɔsì wu a Jèlusalèm la. Bòt chɔsì bu bàgème e taatè ngà àbâ àlaꞋ a Jùdià bɔ̂ Sàmalìà tè è tsìꞋi wuê bɔntu̧ tò bu a Jèlusalèm.

ÀfaꞋa 8:3

Ka è me wu a Sɔ̂l tà nyɔ̀Ꞌte nê yea me tseke a si ntaa chɔsì wu. Tà me ghǎ a lobtsə səèŋnà mbâ̧ ègème nè àvi tà zì èntɨ̧ɨ̧ vi ane Yesò la nɨa wɔb ngà maꞋa a tèfȩ.

ÀfaꞋa 9:1

Mbɨ̀Ꞌɨ̀ mènəè maa nàa ntsèà la, Sɔ̂l me ghǎ wuê nè mbì nkàà, nkɨ ekɨɨme wuê bɔkatè bu bɔ zì mèntɨ̧ɨ̧ mɔb ane Yesò la. Tà li ngà fɔ̀ɔ̀le abua àtsəa bèntsìà mèpɨ̧̀ Mbɔ̧ɔ̧mà

ÀfaꞋa 9:13

Ànàniàs bɨ̀ɨ̀lè nê, “Tè Yesò, bòt nyaŋ e taꞋa làꞋa ànəa mbê waa, e dzə. Bɔ shu èwuu èbɨꞋte èghɨ ègème tà ghɨ ane bòt Mbɔ̧ɔ̧mà a Jèlusalèm la mɨ̧̂.

ÀfaꞋa 9:31

Eyaa wu ndɨ a li tsè ka chɔsì wu a èlaꞋ a Jùdià, bɔ̂ Galìlî, nè Sàmalìà la e nyaꞋa ntsèke ntsɔ̧̀ la. Bɔ̀ li nkwèèlê, nkwèꞋnê ntàꞋa yaãaã, mbɨ̀Ꞌɨ̀ bɔ li ngua ntsèkâ ntsàꞋta a Tè Yesò la. A li ngu a èlɨ̀ waa nkàà nê Fo Kèfə li ngu ane yɔb.

1 Kɔlìn 10:32

Bɨ̀ me tseke ntsɔ̧̀ ane ndɨ bɨ̀ ka ghɨ̌ ngoꞋ ane wòt Juê, kò wòt kà wu Juê, kò bòt chɔsì Mbɔ̧ɔ̧mà la leꞋ.

1 Kɔlìn 7:17

Mbɨ̀Ꞌɨ̀ àa la, waa waa me ghɨ̀ wuê àghɨa Mbɔ̧ɔ̧mà li ŋǎ abua tò la, mè me tseke wuê mbɨ̀Ꞌɨ̀ tà li ngu ka Mbɔ̧ɔ̧mà naa tɔ atò ane wòt vi la. Eyaa wu àghɨa màa nyɨ̀Ꞌta bèchɔsì a èdzìꞋ ègème la.

Gàlashìà 1:22

È me wu àfɨꞋa mbɔŋ ale, bòt bèchɔsì Yesò bu a Jùdià la è ka lem nko am ane èsi.

1 Tèsàlonikà 1:1

Letà Pɔ̂l bɔ̂ Silvanùs nè Tɔ̀màtià, Abua bòt chɔsì wu a Tèsàlonikà, bɔ̀ wu bòt Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ la. Baa ntsàꞋtà nê Tǎt wa wu me nyɨꞋte a ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè.

1 Tèsàlonikà 1:6

Bɨ li ngua fɨ̀ŋa mènəè ma, nè me Tè Yesò. Bɨ li mbàtè ntàꞋa ye ngoꞋ, a tèkitebu bòt, ka mbɔ̂ mbɨ̧̀ɨ̧̀nê wuê Ntu̧ Ntsɔ̧̀ yu nè mèngùꞋte mu Fo Kèfə nàa ŋǎ la.

1 Tèsàlonikà 3:4

Ba li mbèle ba nɨ̧̀ ba ale ndzaŋe shu awɨ̧, nê bòt aa li me kɨ àtsəa ya ba nɨ̧̀ ba enɨ. Mènəè maa bê ntè wuê mbɨ̀Ꞌɨ̀ bɨ ko la.

2 Tèsàlonikà 1:1

Letà Pɔ̂l bɔ̂ Silvanùs nè Tɔ̀màtià, Abua bòt chɔsì wu a Tèsàlonikà, bɔ̀ wu bòt Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ la.

2 Tèsàlonikà 1:4

Eyaa wu lə bàa ngàꞋtà wa ndàꞋà ànəa yɨ̧ ayɔɔ bèchɔsì Mbɔ̧ɔ̧mà la. Ba ghàꞋtà wa ale ngu ndɨ̀ wu bòt àa mbàtâ nkɨà àtsəa yɨ̧ enɨ, ngɨ̧̀ɨ̧̀nà wɨ̧, ka bɨ bɔ̂ me kweela ngà wuê nè mbì ane èntɨ̧ɨ̧ wɨ̧ wu bɨ zi ane Yesò la.