1 Tèsàlonikà 2:12 - Mundani

¹² Ba li ngua ndɔ̀ktà wɨ̧, ndzìà mèntɨ̧ɨ̧ mɨ̧, mè nkɨ̀ɨ̀ta wɨ̧ nê bɨ̀ me ghɨ̀ mènəè mɨ̧ wuê mbɨ̀Ꞌɨ̀ Mbɔ̧ɔ̧mà nàa nkɨà la. Wu tòà tà tɔ awɨ̧ nê bɨ̀ kɨꞋɨ bɔ̂ nɨ̧̀ ba è fɔte ngu a èbem kèfɔ̧̀ vi nè ènɨ̧ vi la.

1 Tèsàlonikà 2:12 ပူးပေါင်းရင်းမြစ်များ

Lûm 8:28

Baà ko nê Mbɔ̧ɔ̧mà nàa ngɨ̀à àghɨa àgème wuê ane ntsɔ̧̀ bòt bu bɔ̀ɔ nkɔ̀ŋkà tò la, bòt bu tà tɔ awɔb mbɨ̀Ꞌɨ̀ tà li nɔ̀ŋè la.

Lûm 8:30

Tà ghɨ̀ ale, mè ntɔ bòt bu tà li mbele àfɨꞋa tsa nɔ̀ŋè nê bɔɔ li wu mbɨꞋɨ̀ waã vi la. Tà tɔ ale ngɨ̀ bɔ tsiꞋi bòt bɔ tɨ̧ɨ̧ ndɨŋndɨ̀ŋ a mbì tò la. Tà ghɨ̀ ale, mè ngɨ̀ bòt mbɔŋ e bɔ ènɨ̧ wu tà bɔ la.

1 Kɔlìn 1:9

Mbɔ̧ɔ̧mà naa lâ ghɨ̀ àyaa ane yɨ̧ nkàà nê tàà ngɨ̀à àghɨa tà shu la àfɨ̀Ꞌ àgème. Wu tòà tà tɔ àwɨ̧ nê bɨ̀ kɨꞋɨ ngu a èbem mèntsèke ntsɔ̧̀ nè waã vi Tǎt wa Yesò Klistò Lefɨ̀Ꞌ wa la.

2 Kɔlìn 4:6

Mbɔ̧ɔ̧mà wu tà li shu nê “ÈkaꞋà è beꞋe a èbem ndzěm la”, wu tòà tà li ngɨ̀ èkaꞋà vi e beꞋe a mèntɨ̧ɨ̧ ma la. Tà li ngɨ̀ anè mbɨ̀Ꞌɨ̀ baa ye èkaꞋa tò mbèꞋa a èsi Yesò Klistò e ko ndɨ ènɨ̧ Mbɔ̧ɔ̧mà àa la.

Gàlashìà 5:16

TsiꞋ è shua wɨ̧ nê, bɨ̀ me ghɨ̀ mbɨ̀Ꞌɨ̀ Fo Mbɔ̧ɔ̧mà nàa nkɨà la, bɨ̀ ka me ghɨ̀ mbɨꞋɨ̀ mbɨ̧te ènyit tɨ̧ te kɨa la.

Efesɔ̀s 4:1

Ale, mmɔ̌ wu è ngu wɔ̀tèfȩ nkàà ànəa Yesò Klistò la, e ngua shù̧ù̧ta wɨ̧ nê, bɨ̀ me tseke a èlɨ̀ wu Mbɔ̧ɔ̧mà li me tɔ awɨ̧ ane bòt bi nê bɨ me tseke la.

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

Efesɔ̀s 5:8

Bɨ̀a mbɔŋ bɨ li ngu mbɨ̀Ꞌɨ̀ ndzěm, ka àfɨ̀Ꞌ yaa bɨ̀ tsiꞋi bòt Tè Yesò la, bɨ tsiꞋi mbɨ̀Ꞌɨ̀ èkaꞋà. Ale, bɨ̀ me tseke mbɨ̀Ꞌɨ̀ bòt bɔ̀ wu a èbem èkaꞋà la.

Filìpȩ 1:27

Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.

Kɔ̀losìà 1:10

Bɨ ko ale ko bɨa me tseke mbɨꞋɨ̀ Mbɔ̧ɔ̧mà nàa nkɨà la, mè ngɨ̀à àghɨa àa mbɔ̀ abua tò la àfɨ̀Ꞌ àgème. Ko bɨa mèe me ghɨa ntsɔ̧̀ ane balu̧ bàgème, mè nkoa Mbɔ̧ɔ̧mà ngà nè mbì.

Kɔ̀losìà 2:6

Ndɨ̀ wu bɨ bɨ̧ɨ̧ne nê Yesò Klistò wu Tǎt wɨ̧ la, bɨ̀ tsiꞋi me ghɨ̀ mènəè mɨ̧ mbɨ̀Ꞌɨ̀ bɨ tò ba e tsiꞋi àghɨ yeamɔꞋ.

1 Tèsàlonikà 4:1

Enɨ lìa à bɔnyɨ ba, ba li nyɨ̀Ꞌte awɨ̧ ndɨ bɨ bɔ ndɨ bɨ̀a tseke ka aa me bɔ̌ a Mbɔ̧ɔ̧mà la. Maa shua anè, mbɔ̂ nko nê eyaa wu ndɨ bɨ̀a ntsèka la. Ka nè àfɨ̀Ꞌ yaa, ba wua shù̧ù̧ta awɨ̧ mè ngù̧a wɨ̧ ane èlen Yesò Lefɨ̀Ꞌ nê, bɨ̀ me paa ngɨ̀à wuê ale ngà nè mbì.

1 Tèsàlonikà 4:12

Bɨ me ghɨ̀ anè, ko bòt kà zi mèntɨ̧ɨ̧ mɔb ane Yesò aa me kukte awɨ̧, bɨ̀ ka mê ngu me lȩ̂ wòt kǒ ane àghɨa bɨ̀a nkɨ̀ŋkà la.

1 Tèsàlonikà 5:24

Tòà wu tà làà àwɨ̧ ane bòt bi la naa ghɨ̌ ale, ngu nê tàa ngɨ̀ tà kaꞋa ànəê, tè tà ghɨ̀.

2 Tèsàlonikà 1:10

Taa li nkɨ̀Ꞌɨ̂ ane àlia mbɔŋ bòt Mbɔ̧ɔ̧mà bu è wu èbe tò la bàgème aa lɔ̀kè èlen tò etsàa ègwet, bòt bu bɔ bɨ̧ɨ̧ne ane tò la aa ŋa kènuke abua tò. Bɨ wu ayɔɔ bòt baa nkàà nê bɨ bɨ̧ɨ̧ne ànəa ba li shu awɨ̧ la.

2 Tɔ̀màtià 1:9

Mbɔ̧ɔ̧mà li ŋà àwa ngule mèmpème mi, mè ndȩ̀ àwa nê, bà wu bòt ebi. Tà li tà kà wua ndȩ̀à àwa nê, ba ghɨ ànəa ntsɔ̧̀ ako. Tà li nkɔ̀ŋkè nê yea lȩ̀ àwa mbɨ̀Ꞌɨ̀ eyɨꞋte a ntsɔ̧̀ vi abua ya. È li ngu àfɨꞋa kà ngɔ̀ŋ ya bùꞋ, tà taŋke nê yea li etsàa Yesò Klistò, taa kɨꞋɨ e ghɨ̌ baa wu bòt tò.

1 Pità 2:9

Ka bɨ wu bòt Mbɔ̧ɔ̧mà làà la, mè ngu bɔɔntɔꞋ Mbɔ̧ɔ̧mà bɔ̀ɔ ngɨ̀à mènəè tò la. Bɨ wu ngule àlaꞋ a Mbɔ̧ɔ̧mà, ale bɨ wu bòt Mbɔ̧ɔ̧mà. Tà tsì àwɨ̧ a èbem ndzěm nɨŋ nkɨ̀Ꞌɨ̂ a èbem èkaꞋà vi wu e ghe la, mbɨ̀Ꞌɨ̀ bɨa me làꞋà ànəa èghɨ bu ègème tàa ngɨ̀à, è wù èghɨ e ghe la.

1 Pità 3:9

Wòt ghɨa kàbɔ̀ŋ ane yê, à ka mvəèəè ane kàbɔ̀ŋ. Wòt tsɔ̧̀ɔ̧̀ àwê, à ka mvəèəè ane kèntsɔ̧̀ɔ̧̀mè. Ka wòt ghɨ̀ ànəa kàbɔ̀ŋ ane yê, à tsàꞋtè nê Mbɔ̧ɔ̧mà nyɨ̀Ꞌte a ntsɔ̧̀ vi abua tò. Bɨ̀ ko nê, Mbɔ̧ɔ̧mà li ngua ntɔ awɨ̧ mbɨ̀Ꞌɨ̀ e ghɨ̌ bɨa zə a ntsɔ̧̀.

1 Pità 5:10

Bɨ̀ ko nê ngoꞋ yaa bɨ yea la wu wuê ane àtem àfɨ̀Ꞌ àko, mbɔ̂ Mbɔ̧ɔ̧mà wu tàa ntsèka nkua tèsȩ tɨ̧ la naa tsì àwɨ̧ a èbem tùà. Tà li nɨ̀ àwɨ̧ ngɨ̀ bɨ Yesò Klistò ba e tsiꞋi àghɨ yeamɔꞋ mbɨ̀Ꞌɨ̀ bɨa li ebɔ mèngùꞋte tò mu kà wu li elìa la. Taa ghɨ̌ bɨa kùꞋu ane mènəè tò etɔ̀kè àwɨ̧ bɨa nèète ntɨ̧ɨ̧ me kweele ka wu ekwene.

2 Pità 1:3

Mètàŋ Mbɔ̧ɔ̧mà è ghɨ ndɨ bàa me koa ntsèka àfɨ̀Ꞌ àgème mbɨ̀Ꞌɨ̀ Mbɔ̧ɔ̧mà kɨa la. Ba tsiꞋi a èlɨ̀ waa nkàà ndɨ ba ko a Mbɔ̧ɔ̧mà àfɨ̀Ꞌ yaa la. Wu tòà tà nɨ awa ane bòt bi ngɨ̀ ba bɔ ènɨ̧ tò mè ngu bòt mènəè ntsɔ̧̀ mbɨ̀Ꞌɨ̀ tòà la.

1 Jɔ̌n 2:6

wòt ègème tà laꞋnê ye tsiꞋi àghɨ yeamɔꞋ bɔ̂ Mbɔ̧ɔ̧mà la, è bɔ ndɨ tàa me tseke wuê mbɨ̀Ꞌɨ̀ Yesò Klistò li ngua ntsèka la.

3 Jɔ̌n 1:6

Bɔ kɨꞋɨ̀ ntaꞋa làꞋa ndɨ àa nkɔ̀ŋkà bòt la abua bòt chɔsì ko bu a si ŋàa la. Shu̧ yaã, tɨŋe awɔb ane lèghȩ̀ȩ̀nè wɔb ndɨ àa bɔ̌ a Mbɔ̧ɔ̧mà la.