1 Tèsàlonikà 1:10 - Mundani

¹⁰ Bɔ ko mɨ̧̂ nê, bɨà nchɨ̀Ꞌà Waã tò taa chu a ègwet. Waã tò waa wu Yesò Klistò wu Mbɔ̧ɔ̧mà lè yu̧u̧me atò la, è mè ngu tòà tà tsì àwa a èbem ntsǒ Mbɔ̧ɔ̧mà yu tàa li nɨ esaꞋa bòt kàbɔ̀ŋ la.

1 Tèsàlonikà 1:10 ပူးပေါင်းရင်းမြစ်များ

Matìù 1:21

Taa bi wambâ̧ bɨa tsì èlen tò nê Yesò, nkàà nê taa li tsǐ bòt bi a èbem mènəè kàbɔ̀ŋ mɔb e ghɨ̌ bɔɔ peme.”

Matìù 16:27

Waã Wòt naa li kɨꞋɨ bɔ̂ bɔntu̧ bi ane ènɨ̧ tǎt vi, etsɔꞋɔ wòt ègème ane àghɨa tà ghɨ̀ la.

Matìù 16:28

Ane nkûŋ, tsiꞋ è shu awɨ̧ nê bòt ko aa adzìꞋ yaa betsiꞋa èvə è ka nɨ awɔb kà bɔ ye Waã Wòt nkɨ̀Ꞌa nè Kèfɔ̧̀ Mbɔ̧ɔ̧mà la.”

Matìù 3:7

Ka àfɨꞋa tà ye Bèfalèsiì nyaŋ nè Bèsadùsiì nkɨ̀Ꞌa taa zǐ àwɔb a èdzî mɨ̧̂ la, tà bììte awɔb nê, “KwàꞋ bɨ̀a àndǎ̧ nyaãtekàbɔ̀ŋ, waa kɨɨte awɨ̧ nê bɨ̀ lùùla ntsǒ Mbɔ̧ɔ̧mà yu tàa ngà ètsàà la à?

Lûk 2:25

È li ngu àfɨꞋa mbɔŋ wòt kǒ wu a Jèlusalèm èlen tò wu Simiòn. Tà li ngua nkùkta Mbɔ̧ɔ̧mà mè ntɨ̧ɨ̧ ndɨŋndɨ̀ŋ a mbì tò. Tà li ngua nchɨ̀Ꞌà àlia bòt Izəèlȩê bɔ̀ɔ li dzəâ a èbem ngoꞋ tɔb la, Fo Kèfə mè ngu ane tò.

Lûk 3:7

Banɔ̧̀ e ghɨ ale me kùŋe a Jɔ̌n wu nê, tà zì àwɔb a èdzî. Tà shu abua yɔb nê “KwàꞋ bɨ̀a àndǎ̧ nyaãtekàbɔ̀ŋ, waa kɨɨte awɨ̧ nê bɨ̀ lùùla ntsǒ Mbɔ̧ɔ̧mà yu tàa ngà ètsàà la à?

ÀfaꞋa 1:11

è shu nê, “Bòt Galìlî, bɨ̀ ka tsi ndzě ngoꞋ yɨ̧ ndɨ̀ŋkè ègwelebuule. Èlɨ Mbɔ̧ɔ̧mà nɨ Yesò waa, abua yɨ̧ nɨŋ nga a ègwet la, wu wuê ndɨ tàa li mě kɨꞋɨ la.”

ÀfaꞋa 17:31

Aà ale nkàà nê, tà tsia àlia tàa li tsě ane wòt kǒ tà yɔꞋ la, esaꞋa ngɔ̀ŋ yaa ane ndɨ a kùꞋù la. Tà nyɨꞋte a waa waa nê ànəê yaa aa li tsè mbɨꞋɨ̀ ye kàꞋà la, nkàà nê tà ghɨ̂ ŋut pfə mè njù̧ù̧mê.”

ÀfaꞋa 2:24

Ka Mbɔ̧ɔ̧mà li ngɨ̀ tà yù̧ù̧me. Mbɔ̧ɔ̧mà li mè ngɨ̀ ngoꞋte kekweelè tu tà li ndze ka mpfə la, te sa atò nkàà nê èvə e li è ka wu ko ebaãaã atò ekuule adzìꞋ yu bòt àa mpfəèa ngà la.

ÀfaꞋa 2:32

Bàa mbɔŋ ba yè nê àghɨ aya mè nko nê, Mbɔ̧ɔ̧mà ghɨ̂ Yesò waa yù̧ù̧me.

ÀfaꞋa 3:15

Eyaa wu ndɨ bɨ li ngɨ̀ ka mbùŋè wòt wu tàa ŋǎ bɔbȩ ngule mèmpème kàlìà la. Ka Mbɔ̧ɔ̧mà li njù̧ù̧me atò tè bàambɔŋ e ye mè nkoê.

ÀfaꞋa 3:21

Tà bɔ̂ ndɨ tàa tseke ègwet tè Mbɔ̧ɔ̧mà naa gheble èghɨ ègème aa tsiꞋi be fi mbɨ̀Ꞌɨ̀ tà li ngɨ̀ ngule bèndàꞋàtɔŋ tò be làꞋ, tê àfɨꞋa mbì la.

ÀfaꞋa 4:10

Ka, bɨ bòt Izəèlȩê bàgème è ko nê, wu ane èlen Yesò Klistò wòt Nazàlet ka tà ghɨ̂ mbê waa kwèèlê ntsɔ̧̀ tè ntɨ̧ɨ̧ a mbì lɨ̧ anè la. Wu tòà wu bɨ li ngù̧ù̧te atò a mbɨ̧̀ mbasa tà pfə, ka Mbɔ̧ɔ̧mà yù̧ù̧me atò la.

Lûm 1:4

Enɨ nyɨꞋte nê tà wu Waã Mbɔ̧ɔ̧mà, Mbɔ̧ɔ̧mà nɨ mètàŋ mi è ghe la, njù̧ù̧me atò a èbem èvə. Waã tò mbɔŋ wu Tǎt wa Yesò Klistò.

Lûm 2:7

È me wu bòt bu bɔ̀ɔ nkùùla mèntɨ̧ɨ̧ mɔb ngɨ̀à mènəè ntsɔ̧̀, nkɨà ènɨ̧, nkɨà kènùke, mè me kɨ e li tseke ane àlia nè àlia la, ko Mbɔ̧ɔ̧mà nàa ŋa awɔb mèmpème kàlìà.

Lûm 4:25

bɔ li ngɨ̀ tà pfə ane kàbɔ̀ŋ wa, tà mè njù̧ù̧me atò enɨ ghɨ̂ bàa tsiꞋi bòt bɔ tɨ̧ɨ̧ ndɨŋndɨ̀ŋ a mbì li la.

Lûm 8:34

Wòt wu tàa laꞋnê ànəa a li àtsəa wòt Mbɔ̧ɔ̧mà la wu wàà? Yesò Klistò wu tà li mpfə, Mbɔ̧ɔ̧mà yù̧ù̧me atò ngɨ̀ tà tseke àbâ àbualu̧ atò a ègwet la, ka lâ ngu wòt tàa ndɨ̀à mènəè ma abua Mbɔ̧ɔ̧mà la.

1 Kɔlìn 1:7

bɨa bɔ èghɨ ègème Fo Mbɔ̧ɔ̧mà nàa ŋa la, mbɨ̀Ꞌɨ̀ bɨ̀a nchɨ̀Ꞌà Mbɔ̧ɔ̧mà naa ghɨ̌ Yesò Klistò Lefɨ̀Ꞌ wa naa pùùlà la.

Gàlashìà 3:13

Yesò Klistò li nɨ̀ àtsəa zi nchùꞋ ètsə ba a èbem ndɔ̀ mbɨ̧tsə, ndɨ̀ wu tà li ntsìꞋi ŋeꞋe ndɔ̀ ngaa zìambɔŋ àdziꞋa ya la. Aa anè nkàà nê Àkata Mbɔ̧ɔ̧mà a laꞋnê, “Ànyem a wu àtsəa waa waa tà tɨŋne a ègwet àyɨt la.”

Filìpȩ 3:20

Ka è wu awa, ko àpfəa ya a wu nè kèfɔ̧̀ Mbɔ̧ɔ̧mà. Baa nchɨ̀Ꞌà nê Yesò Klistò Lefɨ̀Ꞌ, Mpemnà wa chu a ègwet və nkwène ane ya.

Kɔ̀losìà 1:18

Tà mè ngu àtsəa chɔsì wu è wu mbɨ̀Ꞌɨ̀ mbɨ̧̀ ènyit Yesò Klistò zìambɔŋ la. Wu tòà tà li ngɨ̀ bɔ bɔ mèmpème la. Tà wu wòt mbì Mbɔ̧ɔ̧mà li njù̧ù̧me mbɨ̀Ꞌɨ̀ e ghɨ̌ taa wu àtsəa èghɨ ègème la.

1 Tèsàlonikà 1:7

Bɨ li ngɨ̀ a èlɨ̀ waa ale a nyɨꞋte ndɨ bòt Yesò bàgème a Màsèdonìà bɔ̂ Akayà e bɔ ndɨ bɔ̀ɔ me tseke la.

1 Tèsàlonikà 2:16

nkàà nê bɔɔ nkèla awa mbɨ̀Ꞌɨ̀ ba tsɔ̀Ꞌtè Ntu̧ Ntsɔ̧̀ Mbɔ̧ɔ̧mà yu tàa nɨa ngɨ̀à bòt e pema la abua bòt kà wu Bèjuê. Àyaa wu kàbɔ̀ŋ bɔ paà ngɨ̀ wuê mbɨ̀Ꞌɨ̀ bɔ̀ɔ ndzìà ngɨ̀à àfɨ̀Ꞌ àgème la. Ntsǒ Mbɔ̧ɔ̧mà bê nɔ̀ŋke àtsəa yɔb àfɨ̀Ꞌ yaa tè ndɔ̀Ꞌ.

1 Tèsàlonikà 2:7

È li ngu àdziꞋa ya mbɨ̀Ꞌɨ̀ bɔntu̧ Yesò Klistò e ghɨ̌ bɨa me kukte awa, ka bà ka wua ngɨ̀à ale. Ba li mbɔ̀ɔ̀le awa a si me baãaã awɨ̧ wuê mbɨ̀Ꞌɨ̀ àvi nàa ngɨ̀ tà bɔ̀ɔ̀le avi me nyɔŋe bɔ̧ bi mè ndìà wɔb la.

1 Tèsàlonikà 5:9

Mbɔ̧ɔ̧mà li tà kà wua ndàà wa nê ntsǒ zi li nɔ̀ŋke àtsəa ya bà ye ngoꞋ. Tà li ngua ndàà wa mbɨ̀Ꞌɨ̀ e ghɨ̌ Yesò Klistò Lefɨ̀Ꞌ wa naa ŋa awa mèmpème kàlìà.

2 Tɔ̀màtià 4:1

TsiꞋ è neeta shu awê ànəê yaa a mbì Mbɔ̧ɔ̧mà bɔ̂ Yesò Klistò wu tàa li mě ekɨꞋɨ tseke a ègwet atɨ̧ kèfɔ̧̀ vi, esaꞋa bòt, èbe be pfəꞋte la, nè èbe be bele yû̧ la.

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

Ebùlù 10:27

Àghɨa bàa tsiꞋi me chɨ̀Ꞌɨ̀ ne kèbɔɔ la wu èsaꞋa Mbɔ̧ɔ̧mà, nè èwet kekweelè wu àa nga etô̧ bɔmbù̧ Mbɔ̧ɔ̧mà la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

1 Pità 1:21

Yesò ghɨ̂ bɨ zì èntɨ̧ɨ̧ wɨ̧ ane Mbɔ̧ɔ̧mà wu tà li njù̧ù̧me atò àfɨꞋa tà pfə la, ngɨ̀ tà bɔ̀ ènɨ̧ vi la. Eyaa wu àghɨa a ghɨ̂ ka bɨ zì mèntɨ̧ɨ̧ mɨ̧ ane Mbɔ̧ɔ̧mà, mè nɔ̀ŋè ntɨ̀ yɨ̧ ane tò la.

1 Pità 1:3

Bà wùꞋte a Mbɔ̧ɔ̧mà, Tǎt Yesò Klistò Lefɨ̀Ꞌ wa. Tà li nkù tèsȩ ta nyaŋ ale, mbi àwa a membǐ fi, ndɨ̀ wu tà li ngɨ̀ Yesò yù̧ù̧me ndzə a èbem èsî la. À yaa a ghɨ̂ ba bɔ ngule ntɨ̀ kà wu li eyu.

1 Pità 2:21

Mbɔ̧ɔ̧mà li ntɔ awɨ̧ nê mènəè maa ye awɨ̧, mbɨ̀Ꞌɨ̀ è li ndzea Yesò Klistò la. Tòà zìambɔŋ li ndzě ngoꞋ ane yɨ̧ nɨŋ nyɨ̀Ꞌte nê bɨ̀ me ghɨ̀ mbɨꞋɨ̀ ye li ngɨ̀ la.

1 Pità 3:18

Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.

2 Pità 3:12

mbɨ̀Ꞌɨ̀ bɨ̀a nchɨ̀Ꞌà àli yu tàa kɨꞋɨ la, mè ngɨ̀à ndɨ tàa yàŋe ekɨꞋɨ la. Naa li ngu ane àlia mbɔŋ èwet eshɨɨ ègwet, àghɨa àgème àa ègwet və la a ghɔ̀Ꞌ ndzàne a èbem èwet.

2 Pità 3:14

È wu ale à bèshu̧ bɔ̧, mbɨ̀Ꞌɨ̀ bɨ̀a nchɨ̀Ꞌà èghɨ bàa la, bɨ̀ la ndzì àtsə ndze nê bɨa ntsèka ntsɔ̧̀ nè Mbɔ̧ɔ̧mà tè tà ka ndzè ka wuê adziꞋi kàbɔ̀ŋ ane yɨ̧.

Ètsə 1:18

mè ngu wòt wu tà wu yu̧ la. E ndi mpfə, ka nè àfɨ̀Ꞌ yaa e ntsiꞋi yu̧ kà wu li e tsi pfə. Mâ bɔ nkȩ̀ȩ̀te èvə nè ète àdziꞋa àlaꞋ a bèmpfəà.

Ètsə 1:7

Bɨ̀ ye, tàa nkɨ̀Ꞌa a èbem mbàꞋ. Waa waa naa li ye atò, fɔɔle nè bòt bu bɔ li sɔɔbe atò la. Bòt èlaꞋ ègème a ngɔ̀ŋ ŋaa aa li dɨ̌ nkàà àghɨa a li ngɨ̀ ane tò la. Ane nkûŋ, eyaa bê ngu ndɨ àa li wu la. Àmèn!