Bɨ̀ me lɨ̀ŋkè àwɨ̧ bɨ̀ambɔŋ nè bòt bu Fo Kèfə è zì àwɔb a tèkitebu tɨ̧ la ntsɔ̧̀. Bɨ̀ me lɨ̀ŋke a chɔsì Mbɔ̧ɔ̧mà mbɨ̀Ꞌɨ̀ mbaabà nàa mbààba njɨ̀ ti la. Waã Mbɔ̧ɔ̧mà li mpfə ka ngɨ̀ bòt mbɔŋ e tsiꞋi èbe Mbɔ̧ɔ̧mà.
Ba ntsea ŋwèèlà wɨ̧ shua wɨ̧ ndɨ bɨ̀a me kùŋe a Mbɔ̧ɔ̧mà la. Ba wua fàꞋà ba nɨ̧̀ ba mbɨ̀Ꞌɨ̀ èghɨ mèntɨ̧ɨ̧ mɨ̧ naa me bɔ̌, nkàà nê ba ko nê bɨa nkwèèla ane ànəa Mbɔ̧ɔ̧mà.
Bɔnyɨ bɔ̧, waa waa nɨ àka lèghȩ̀ȩ̀nè àzi ane yaã. Bɨ̀ me lɨ̀ŋke bòt bu bɔ̀ɔ ngɨ̀à ntsɔ̧̀ anè la, na ba tò ba e nyiꞋte awɨ̧ ndɨ bɨ wu me ghȩ̀ȩ̀nè la.
Bɨ̀ me ghɨ̀ mènəè mu mâ nyɨꞋte awɨ̧ mè ndzì à tèkitebu tɨ̧ la, nè mènəè mu bɨ li ndzə a ètsəê am mè ndzě ndɨ e ngɨ̀à la. Bɨ ghɨ̀ ale, ko Mbɔ̧ɔ̧mà wu tàa ŋàa awa àlàŋkè la naa wu ne nɨ̧̀.
È li ngu àdziꞋa ya e shu nê bɨ̀ me tɨŋe awa, ka ba li bà ka ghɨ ale. Ba li ngua ntsèka fàꞋà àfɨ̀Ꞌ àgème mbɨ̀Ꞌɨ̀ bɨa ye ndɨ ba ghɨa la e me ghɨ̀ àyɨ̧ a èlɨ mbɔŋ.
Ka bɨ wu bòt Mbɔ̧ɔ̧mà làà la, mè ngu bɔɔntɔꞋ Mbɔ̧ɔ̧mà bɔ̀ɔ ngɨ̀à mènəè tò la. Bɨ wu ngule àlaꞋ a Mbɔ̧ɔ̧mà, ale bɨ wu bòt Mbɔ̧ɔ̧mà. Tà tsì àwɨ̧ a èbem ndzěm nɨŋ nkɨ̀Ꞌɨ̂ a èbem èkaꞋà vi wu e ghe la, mbɨ̀Ꞌɨ̀ bɨa me làꞋà ànəa èghɨ bu ègème tàa ngɨ̀à, è wù èghɨ e ghe la.