1 Pità 5:2 - Mundani

² E ngua shù̧ù̧ta awɨ̧ nê bɨ̀ me baabe bòt bu Mbɔ̧ɔ̧mà zi a tèkitebu tɨ̧ la, mbɨ̀Ꞌɨ̀ mbaabà njɨ̀ nàa mbààba njɨ̀ ti la. Mbɔ̧ɔ̧mà nàà nkɨà nê bɨ̀ me baãaã awɔb ane mɨ̧ nê mènkɔ̀ŋke, è ka ngu ngaa mbɨ̀Ꞌɨ̀ bɔ ŋwèèlè àwɨ̧ ŋwèèle. Bɨ̀ ka me fàꞋà mbɨꞋɨ̀ bòt nkɨà wuê èkab la, bɨ̀ me fàꞋà nè èntɨ̧ɨ̧ ntsɔ̧̀.

1 Pità 5:2 ပူးပေါင်းရင်းမြစ်များ

Lûk 12:32

“Bɨ̀ ka mbɔ̌, bɨ̀a wu bɨ̀ wu mbɨ̀Ꞌɨ̀ àlaã njɨ̀tsə kà ye mètàŋ mɔb la, nkàà nê aà mbɔ̀ a tǎt wɨ̧ a màngɨa bɨa tsiꞋi bèfɔ̧̀ mbɨ̀Ꞌɨ̀ tòà.

ÀfaꞋa 20:29

Mâ ko nê, maa me ghɨ̀ tê sà àwɨ̧, bòt ko mbɨ̀Ꞌɨ̀ ngwitenyà̧ e nyi a kètsìà wɨ̧ ka bɔ̀ ka wu sa wòt ane yɨ̧.

ÀfaꞋa 21:13

Ka Pɔ̂l shu abua ya nê, “Bɨ ghɨ̀ na ka me dɨ̀a èlɨ̀ waa ndòa èntɨ̧ɨ̧ am à? Maà kà lem nkɨ ghǎ a Jèlusalèm bɔɔ kuule am kuule, maa epfə abàꞋ və nkàà Yesò Lefɨ̀Ꞌ.”

Lûm 1:15

Eyaa wu lə màa ndâ nkɨ tsɔ̀te Ntu̧ Ntsɔ̧̀ yaa mɨ̧̂ abua yɨ̧ wu a Luêm la.

1 Kɔlìn 9:7

Kò shujà kǒ nàà və tàa fàꞋà àfaꞋ kà bɔ wua ŋa èkab abua tò la à? Kò wòt kǒ nàà və tàa liꞋi èbaꞋa li e lɔ̀Ꞌɔ bakà jɨ èghɨ e dzə abàꞋ vəꞋ la leè? Kò wòt nàà və tàa mbààba mpɔ̀ŋtsə kà wua nua malɨ̂k è dzə ane mpɔ̀ŋte ngaa la à?

1 Tɔ̀màtià 3:3

Wòt àtsəa bòt Yesò ka ngu àbaala mèlùꞋ, tà ka ngu wòt tàa nkàà mèntɨ̧̀ la. A nyɨꞋte nê, tà wu mbɔɔlè wòt tàa ndàŋkà mènəè la, tà ka me zǐ èntɨ̧ɨ̧ vi ane èkab.

1 Tɔ̀màtià 3:8

Bèdikɨ̀n mɨ̧̂ e bɔ̂ ndɨ bɔ̀ɔ wu bòt mènəè ntsɔ̧̀ la, bɔ̀ ka me fible bòt. Bɔ̀ ka me nu mèlùꞋ nyaŋ, bɔ̀ ka me kɨ nê àghɨ àgème wu ayɔb.

Tȩtɔ̀s 1:11

Bòt bu àtsəa bòt Yesò la e bɔ̂ ndɨ bɔ̀ɔ ghɨ̌ bèŋût aa kate mètsəê mɔb la, nkàà nê bɔɔ̀ ngèèba ntsòkà lobte bòt, nyɨ̀Ꞌta awɔb mènəè bɔ ghɨ bɔ̀ ka wu nyɨꞋte la. Bɔɔ̀ nyɨ̀Ꞌta mènəè maa anè ngua nkɨà wuê èkab, ale nko nê bɔ loà mèkù mɔb.

Tȩtɔ̀s 1:7

Ndɨ̀ wu tà wu àtsəa bòt Yesò fàꞋà àfàꞋa Mbɔ̧ɔ̧mà la, tà ka me ghɨ̀ mènəè bòt àa me fèèle atò la, tà ka mbɔ̌ ètsəê kàbɔ̀ŋ, tà ka me ghèmtè, tà ka me nu mèlùꞋ nyaŋ, tà ka me kɨ èbet, tà ka me zǐ èntɨ̧ɨ̧ vi ane èkab nyaŋ.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Tȩtɔ̀s 3:1

Neeta shu abua bòt Yesò nê, bɔ̀ me zə bòt bɔ̀ɔ mbà̧aã àlaꞋ la, mè ngɨ̀à àghɨa bɔ shu la, mè me taŋke à màngɨa mènəè ntsɔ̧̀.

Fȩlemùn 1:14

Ka maa kà kɨ ghɨ̌ kà à bɨ̧̀ɨ̧̀ne mbɨ̀Ꞌɨ̀ à me ghɨa ntsɔ̧̀ a tsiꞋi fəə ngaa mbɨ̀Ꞌɨ̀ bɔ ŋwèèlè awê ŋwèèle, à wuê ghɨ̀ wuê mbɨ̀Ꞌɨ̀ èntɨ̧ɨ̧ wê e kɔ̀ŋkè la.

Ebùlù 12:15

Bɨ̀ me ko awɨ̧ mbɨ̀Ꞌɨ̀ ka bɨ tsì èntɨ̧ɨ̧ wɨ̧ ane Mbɔ̧ɔ̧mà wu tàa nyɨ̀Ꞌta èkɔŋ vi ane ya la. Bɨ̀ mèe me ko awɨ̧ mbɨ̀Ꞌɨ̀ ka wòt kǒ ane yɨ̧ liꞋa kàbɔ̀ŋ mbɨ̀Ꞌɨ̀ afəèꞋ nàa ndìà la, è koꞋ ntsòkè bòt ko.

2 Pità 2:3

BènyɨꞋtà fɨte bàa aa gha ambo èlɨ̀ wu bɔ̀ɔ nkɨ me nɨ nɨ la, me dèbè mètaã mɔb mènəè kɔ̀Ꞌa bɔ shua mbɨ̀Ꞌɨ̀ enɨ èghɨ àku abua yɨ̧. Bɔ li mbê ndzaŋe saꞋa awɔb tè ndɔ̀Ꞌ, tè Mbɔ̧ɔ̧mà wu tàa eliime awɔb la tsiꞋì àtatsi nchɨ̀Ꞌà.