1 Pità 5:14 - Mundani

¹⁴ Bɨ̀ taꞋa bɔnyɨ bɨ̧ ntsàꞋtè àwɔb nè èkɔŋ. Maà shù̧ù̧ta nê Mbɔ̧ɔ̧mà ghɨa bɨ̀agème wu bɨ̀ wu bòt Yesò Klistò la, è bɔ àlàŋkè a mèntɨ̧ɨ̧ mɨ̧.

1 Pità 5:14 ပူးပေါင်းရင်းမြစ်များ

Matìù 5:47

Bɨ me tsàꞋte wuê ndàꞋà bɔnyɨ bɨ̧, bɨ ko nê bɨ ghɨ ghà tè ntsè bòt ko à? Ka bòt bu kà ko a Mbɔ̧ɔ̧mà la aà ngɨ̀à wuê a èlɨ mbɔŋ à?

Jɔ̌n 14:27

Mâ sa àlàŋkè abua yɨ̧, mâ ŋa àlàŋkè am abua yɨ̧, ka è nka ŋa mbɨ̀Ꞌɨ̀ bòt ngɔ̀ŋ àa ŋǎ la. Mbɨ̀Ꞌɨ̀ mèntɨ̧ɨ̧ mɨ̧ me bente, bɨ̀ ka mbɔa.

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

Jɔ̌n 20:19

È tseke te me wu àfɨꞋa nyèmtèsi ane àlia mbɔŋ, è wu àlia mbì ane nkàb la, bɔkatè Yesò e wua lob bɔ bù̧ù̧tè ngàbtè mètsələèꞋ ntsèke a èbèm, bɔ̀ɔ mbɔ̀a Bèjuê la. Yesò pùùlà è ntɨ̧ a mbì lɔb nê, “Àlàŋkè à wu ne nɨ̧̀.”

Jɔ̌n 20:26

Nkàb è tem, bɔkatè Yesò bu e mè mbù̧ù̧te a èbem lob, Tɔmasì wu bɔ̂ tò ba mɨ̧̂. Bɔ tseke ale mbɔ̂ ngàbtè mètsələèꞋ, ka Yesò bɔ mpùùla ntɨ̧ a kètsìà yɔb nê, “Àlàŋkè a wu ne nɨ̧̀.”

Lûm 1:7

Tà shɨ abua bòt Mbɔ̧ɔ̧mà bu bàgème a Luêm, Mbɔ̧ɔ̧mà nàa nkɔ̀ŋkà àwɔb mè ntɔ awɔb ane bòt bi la. Maà shù̧ù̧ta Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ nê bɔ̀ nyɨꞋte a ntsɔ̧̀ wɔb abua yɨ̧, ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

Lûm 16:16

Bɨ̀ taꞋa bɔnyɨ bɨ̧ ntsàꞋte àwɔb mbɨ̀Ꞌɨ̀ bòt Mbɔ̧ɔ̧mà. Bèchɔsì Yesò Klistò bàgème beà ntsàꞋtà àwɨ̧.

Lûm 8:1

Ale, ndɔ̀ Mbɔ̧ɔ̧mà te ntsě adù̧ bòt bu bɔ̀ tsiꞋi àghɨ yeamɔꞋ nè Yesò Klistò la àfɨ̀Ꞌ yaa.

1 Kɔlìn 1:30

Wu Mbɔ̧ɔ̧mà ka tà ghɨ̂ ba tsiꞋi àghɨ yeamɔꞋ nè Yesò Klistò la. Yesò Klistò wu mbɨ̀Ꞌɨ̀ èyǐ Mbɔ̧ɔ̧mà abua ya. Tà ghɨ̂ ba tsiꞋi bòt mènəè ntsɔ̧̀ e mbì Mbɔ̧ɔ̧mà, mè ntsìꞋi bòt bɔ ŋa wɔb abua Mbɔ̧ɔ̧mà la. Wu tòa tà tsì àwa a èbem kàbɔ̀ŋ la mɨ̧̂.

1 Kɔlìn 16:20

Bòt Mbɔ̧ɔ̧mà bu bàgème àdzìꞋ yaa la aa ntsàꞋtà wɨ̧. Bɨ̀ taꞋa bɔnyɨ bɨ̧ bàgème ntsàꞋtè àwɔb mbɨ̀Ꞌɨ̀ bòt Mbɔ̧ɔ̧mà.

2 Kɔlìn 13:12

Bɨ̀ taꞋa bɔnyɨ bɨ̧ bàgème ntsàꞋtè àwɔb mbɨ̀Ꞌɨ̀ bòt Mbɔ̧ɔ̧mà.

2 Kɔlìn 5:17

Ale, wòt nàa ntsìꞋa àghɨ yeamɔꞋ nè Yesò Klistò, tà tsiꞋi wòt fi. Mènəè nyǎꞋ tà li ngua ngɨ̀à la è tsê, mènəè tàa ngɨ̀à la tsiꞋi me fi.

Efesɔ̀s 6:23

Maà ntsàꞋtà nê, Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ è ghɨa bɔnyɨ ba è me tseke ane àlàŋkè, nkɔ̀ŋkà wɔb bɔ̀ɔ mbɔŋ, mè ndzìà mèntɨ̧ɨ̧ mɔb ane Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ.

1 Tèsàlonikà 5:26

Bɨ̀ taꞋa bɔnyɨ bɨ̧ bàgème ntsàꞋtè àwɔb mbɨ̀Ꞌɨ̀ bòt Mbɔ̧ɔ̧mà.

1 Pità 1:2

Tǎt wa Mbɔ̧ɔ̧mà li ndàà wɨ̧ ane mènkɔ̀ŋke mi, nɨ Fo zi ngɨ̀ bɨ tsiꞋi mbɨ̀Ꞌɨ̀ tò, mbɨ̀Ꞌɨ̀ bɨa me zəa Yesò Klistò, àlo̧ atò aa mèe shùù àwɨ̧. Maà shù̧ù̧ta nè Mbɔ̧ɔ̧mà me nyɨꞋta ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

3 Jɔ̌n 1:14

Maà nkwàꞋtà wuê nê, è bele yàŋe kɨꞋɨ eye awê, baa mù mènəè mbɔŋ ane ètsəê.