1 Pità 5:12 - Mundani

¹² Wu wanɔ̧ Silvanùs ka tà tɨŋe am è shɨ̀ kètem àkatè faa la. Mâ lâ nko nê tàà nkuŋa Yesò Klistò nkûŋ nkûŋ. E shɨa anè mbɨ̀Ꞌɨ̀ elɔ̀ktè mèntɨ̧ɨ̧ mɨ̧, e mě shua wɨ̧ ndɨ Mbɔ̧ɔ̧mà nàa ndâ nkɔ̀ŋkà àwɨ̧, nkua tèsȩ tɨ̧ la. Ale, bɨ̀ baãaã ànəê yaa ntsɔ̧̀ mè ndɨ̀Ꞌà wɨ̧ wuê ane Mbɔ̧ɔ̧mà.

1 Pità 5:12 ပူးပေါင်းရင်းမြစ်များ

Jɔ̌n 21:21

Mbɨ̀Ꞌɨ̀ Pità ye atò la, tà bììte a Yesò nê, “Tê àa wu na ane mbê wa à?”

ÀfaꞋa 11:23

Tà ghà abàꞋ və ndze ndɨ Mbɔ̧ɔ̧mà è nyɨꞋte a ntsɔ̧̀ vi ane bòt ngaa la, ànəa mbɔŋ a bɔ̀ atò, tà kààtè àwɔb nê bɔ̀ zì àtsə me kùŋè wuê a Yesò nkûŋ nkûŋ ngà nè mbì kà lɨŋke kwèn.

ÀfaꞋa 15:22

AfɨꞋa mbɔŋ, bɔntu̧ bu nè bòt chɔsì bàgème, fɔ̀ɔ̀lè ne bɔɔjuŋ ayɔɔ ayɔb, e làŋkè nê, bɔ̀ tsi bòt ko ayɔɔ ayɔb ntù̧ àwɔb a Antìɔ̀k bɔ̂ Pɔ̂l ba nè Bànabasì. Bɔ li ndȩ a Judàs wu bɔ̀ le wua ntɔ nê Bàsabàs la, nè Sȩlàs è wu bòt bɔnyɨ ba e li ngua ntsènà nkùkta wɔb la.

ÀfaꞋa 20:24

A batè ngu ale, ka è nka tsi nɨ mbɨ̧̀ yaã ane àghɨa ko, mbɨ̀Ꞌɨ̀ epaate àfaꞋa Yesò Lefɨ̀Ꞌ li ŋa abua am nê è ngɨa la. ÀfaꞋa mbɔŋ wu ndɨ màa tsɔ̀te Ntu̧ Ntsɔ̧̀ ndɨ Mbɔ̧ɔ̧mà nàa ngɨ̀à ntsɔ̧̀ adù̧ bòt bi la.

Lûm 5:2

Ndɨ̀ wu bàa zì mèntɨ̧ɨ̧ ma ane Yesò la, tà ghɨ̂ ba ye a ntsɔ̧̀ Mbɔ̧ɔ̧mà wu bàà wu a èbèm àfɨ̀Ꞌ yaa la. Ba wu ane mèngùꞋte nkàà nê bàa ko nê baa li wu ne Mbɔ̧ɔ̧mà a èbem ènɨ̧ tò.

1 Kɔlìn 15:1

Bɔnyɨ bɔ̧, maà nkɨ ku̧u̧te awɨ̧ àfɨ̀Ꞌ yaa ànəa Ntu̧ Ntsɔ̧̀ yu e ndi ntsɔ̀te abua yɨ̧, bɨ zə mbɨ̧̀ɨ̧̀nê mê mbaã me kweele adù̧ la.

2 Kɔlìn 1:19

Yesò Klistò Waã Mbɔ̧ɔ̧mà wu ba Tɔ̀màtià nè Silvanùs àa ndàꞋà ànəa tò a kètsìà wɨ̧ la nàà kà laꞋa èngà̧ yebe, e bɨ̧ɨ̧ne ànəê e mě tu̧u̧. Tàa ngɨ̀ tà shu ànəê tà bê ngɨ̀ wuê mbɨ̀Ꞌɨ̀ tà shu la.

2 Kɔlìn 1:24

Ba ntsea ŋwèèlà wɨ̧ shua wɨ̧ ndɨ bɨ̀a me kùŋe a Mbɔ̧ɔ̧mà la. Ba wua fàꞋà ba nɨ̧̀ ba mbɨ̀Ꞌɨ̀ èghɨ mèntɨ̧ɨ̧ mɨ̧ naa me bɔ̌, nkàà nê ba ko nê bɨa nkwèèla ane ànəa Mbɔ̧ɔ̧mà.

Efesɔ̀s 3:3

Mbɔ̧ɔ̧mà zìambɔŋ li shu am ànəa ndò̧ àzi yu a li à kà tuꞋa àbȩ bòt aa ko la. Mâ nyaꞋà shɨ adzìꞋ ane ànəa mbɔŋ abua yɨ̧.

Efesɔ̀s 6:21

Tȩ̀kɨkùs, wanyɨ wa wu ba taꞋa wua nkɔ̀ŋkà tò, tà mè ngu ngule wɔ̀fàꞋ Tè Yesò Klistò la naa shu awɨ̧ ànəê am àgème, mbɨ̀Ꞌɨ̀ bɨa ko ndɨ màa la e mě ko àghɨ màa ngɨ̀à la.

Kɔ̀losìà 1:7

Bɨ li mbɨ ndzə ànəa ntsɔ̧̀ Mbɔ̧ɔ̧mà mbɔŋ abua Èpaflàs, shu̧ ya wafàꞋ Yesò Klistò wu tà ŋà avi abua Yesò me tɨŋa awa la.

Kɔ̀losìà 4:7

Tȩ̀kɨkùs, wanyɨ wa wu ba taꞋa wua nkɔ̀ŋkà tò la naa shua wɨ̧ ànəê am àgème. Tà wu ngule wɔ̀fàꞋ ba tò ba àa fɔ̀ta faꞋa abua Tè Yesò la.

Kɔ̀losìà 4:9

Tà gha ekɨꞋɨ bɔ̂ wanyɨ wa Ònesìmùs wu tà wu wòt kǒ ayɔɔ yɨ̧, mè nèètè ndzì èntɨ̧ɨ̧ vi ane Yesò la. Bɔɔ shu awɨ̧ ànəê àgème àa ntsea a si ŋàa la.

1 Tèsàlonikà 1:1

Letà Pɔ̂l bɔ̂ Silvanùs nè Tɔ̀màtià, Abua bòt chɔsì wu a Tèsàlonikà, bɔ̀ wu bòt Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ la. Baa ntsàꞋtà nê Tǎt wa wu me nyɨꞋte a ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè.

2 Tèsàlonikà 1:1

Letà Pɔ̂l bɔ̂ Silvanùs nè Tɔ̀màtià, Abua bòt chɔsì wu a Tèsàlonikà, bɔ̀ wu bòt Tǎt wa Mbɔ̧ɔ̧mà bɔ̂ Yesò Klistò Lefɨ̀Ꞌ la.

Ebùlù 13:22

Bɔnyɨ bɔ̧, bɨ̀ yute èngà̧ waa e nɨa nkɨ̀ɨ̀ta wɨ̧ la ntsɔ̧̀. Letà waa mâ shɨ abua yɨ̧ la wu kètem àkatè.

1 Pità 1:13

Mbɨ̀Ꞌɨ̀ àa nè la, bɨ̀ taŋke awɨ̧ ntsɔ̧̀ ndɨ betsiꞋa bɨ ko ngɨ̀ àghɨ la, me baabe ènyit yɨ̧, mè nɔ̀ŋè ntɨ̀ yɨ̧ ègème ane mèmpème mu bɨ̀a bɔ ane àli yu Yesò Klistò nàa kɨꞋɨ la.

1 Pità 4:10

Mbɔ̧ɔ̧mà ŋa èyì a màngɨa èghɨ tsa tsa abua waa waa ane yɨ̧. È wu ale, wòt ègème me ghɨ̀ àzi ne àfàꞋ mbɨ̀Ꞌɨ̀ tà faꞋa abua Mbɔ̧ɔ̧mà, nɨ̀a ntɨ̀ŋa bòt ko.

2 Pità 1:12

Bɨ batè nko èghɨ bàa, tè ndâ me kweele ane nkûŋ yu bɔ li shu awɨ̧ la, ka e mbɔ̂ ngu me tseka nkù̧ù̧ta wɨ̧ ànəa èghɨ mbɔŋ.

2 Pità 2:15

Bɔ sà èlu̧ ntsɔ̧̀ ntsìꞋa nkùŋà èwe kàbɔ̀ŋ. Bɔ tsiꞋi kùŋè wuê tèkate Balààm waã Beò wu tà li nkɔ̀ŋkè e ghɨ a kàbɔ̀ŋ, mbɨ̀Ꞌɨ̀ ebɔ èkab ane àbȩ̀ àzi la.

3 Jɔ̌n 1:12

È wu a Dèmetulùs, ko waa waa nàà ndàꞋà ntsɔ̧̀ adù̧ tò. Mènəè tò mè me nyɨꞋte nê wu nkûŋ. Bàa mbɔŋ e ye mɨ̧̂ mè me shu nê tàà ngɨa ntsɔ̧̀, à mè nko nê baa kà laꞋa mèfà̧.

Jûd 1:3

Ngule bèshu̧ bɔ̧, è ndi ngua nkɨ e shɨ letà waa abua yɨ̧ ane ànəa mèmpème mu ba nɨ̧̀ ba e fɔtè mbɔŋ la. È ngɨ̀ ale èntɨ̧ɨ̧ am e tsiꞋi me ŋwèèlè am nê è shɨŋ ngɨ̀ bɨ̀ neeta mbà̧aã ànəa Ntu̧ Ntsɔ̧̀ yu Mbɔ̧ɔ̧mà ŋa abua bòt bi nènkèm tè ndɔ̀Ꞌ la.