Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pità 4:7 - Mundani

7 ÀfɨꞋa ngɔ̀ŋ nàa lìà la a tsiꞋa nkùꞋà, è wu ale bɨ̀ zì àtsə me baabe ènyit yɨ̧ ntsɔ̧̀ mbɨ̀Ꞌɨ̀ me ko ntsàꞋta Mbɔ̧ɔ̧mà.

အခန်းကိုကြည့်ပါ။ ကော်ပီ




1 Pità 4:7
34 ပူးပေါင်းရင်းမြစ်များ  

“È wu ale, bɨ̀ ghaꞋte àghɨ ayɨ̧ ntsɔ̧̀ nkàà nê, bɨ bakà ko àlia tǎt wɨ̧ nàa kɨꞋɨ la.


“Yesò lìà nê, bɨ̀ tseke me lȩ̂ ntsɔ̧̀ nkàà nê bɨ bakà ko àlia, kò àfɨꞋa màa mě kɨꞋɨ la.


Yesò paa èngà̧ waa ale mè shu abua yɔb nê, “Bɨ̀ me ko awɨ̧, mbɨ̀Ꞌɨ̀ bɨ sà àwɨ̧ èghɨjɨ nyaŋ nè mèlùꞋ kèkweelè e tsòke ètsə bɨ̧. Bɨ̀ ka me mɨ̀ɨ̀tè mènəè sitsǎꞋ nyaŋ mbɨ̀Ꞌɨ̀ àli yu a kɨꞋɨ̀ mbà̧à̧ àwɨ̧ kà bɨ koê, mbɨ̀Ꞌɨ̀ àtaã àa ngɨ̀ a baãaã nyà̧ la


Bɨ̀ me chɨ̀Ꞌɨ àfɨ̀Ꞌ àgeme mè ntsàꞋta a Mbɔ̧ɔ̧mà mbɨ̀Ꞌɨ̀ taa ŋa awɨ̧ mètàŋ bɨ̀a nɨ enû etsě mènəè maa, e mě ko etɨ̧ɨ̧ ntsɔ̧̀ a mbì Waã Wòt ane àli yu tàa li saꞋa bòt bi la.”


Tà bììte awɔb nê, “Bɨ̀ lia ghà à? Bɨ̀ lɔ̀Ꞌɔ a si me tsàꞋte a Mbɔ̧ɔ̧mà, mbɨ̀Ꞌɨ̀ bɨ kwen a èbem ètaãaãte mènəè.”


Bɨ̀ me wùꞋtè àwɨ̧ mbɨ̀Ꞌɨ̀ bɨ̀a nchɨ̀Ꞌà àghɨ yu Mbɔ̧ɔ̧mà nàa ghɨ̌ ane yɨ̧ la, nkùùla mèntɨ̧ɨ̧ mɨ̧ a èbem ngoꞋ, mè ntsàꞋta Mbɔ̧ɔ̧mà kà kaã.


Taa li nkɨ̀Ꞌɨ̂ ale ngɔ̀ŋ lìà. Eyaa wu àfɨꞋa Yesò Klistò nàa tsòkè mètàŋ tèwuute fo tègème tèa ntsìta mènəè nè bènàmbəa bu bèa mbà̧aã èlaꞋ la, è bɔ̂ nɨ a kèfɔ̧̀ wu e zǐ tèkitebu Tǎt wa Mbɔ̧ɔ̧mà.


Bɔnyɨ bɔ̧, ànəa e shua la wu nê, àfɨ̀Ꞌ a tsiꞋa nyɨ̀Ꞌa, è wu ale, e bùꞋu àfɨ̀Ꞌ yaa me ghà ne mbì, bòt bu bɔ bɔ bèzi la è tsiꞋi me tseke mbɨꞋɨ̀ bɔ bakà bɔ bèzi.


Bɨ̀ me tsàꞋte a Mbɔ̧ɔ̧mà mbɨ̀Ꞌɨ̀ Fo tò nàà ŋwèta àwɨ̧ la, ndò̧a ètɨŋe abua tò. Bɨ̀ me tsàꞋta Mbɔ̧ɔ̧mà ane èghɨ ègème bɨ baãaã me ghɨ̀ la. Bɨ̀ ka ngwàꞋà ndo̧o̧na bɨ̀ ka nkaã. Bɨ̀ me tsaꞋta Mbɔ̧ɔ̧mà àfɨ̀Ꞌ àgème ane bòt tò bàgème.


Bɨ̀ me yu ane mènəè mɨ̧ a mbì waa waa mbɨ̀Ꞌɨ̀ nê Tǎt wa bele yàŋe ekɨꞋɨ.


TsiꞋ è shu abua yɨ̧ bàgème àfɨ̀Ꞌ yaa nê bɨ̀ me tsàꞋte Mbɔ̧ɔ̧mà àfɨ̀Ꞌ àgème. Bɨ̀ ghɨ̀ bɨ̀ me tsàꞋte, bɨ me zə wuê ànəa bɨ shua abua tò la, mè me ŋa mènkɔ̀ŋke abua tò.


È wu awê, ko me baabe awê àfɨ̀Ꞌ àgème, nkìà ngoꞋ. Baãaã àfàꞋ ayê mbɨ̀Ꞌɨ̀ wòt màntsɔta Ntu̧ Ntsɔ̧̀ Yesò, mè me nɨ àfàꞋ ayê ngà wuê nè mbì mbɨ̀Ꞌɨ̀ ngule wɔ̀fàꞋ Mbɔ̧ɔ̧mà.


Ntsɔ̧̀ mbɔŋ nàà nyɨ̀Ꞌta nê, bà sà mènəè mu kà wua mbɔ̀ atò la a si, mè ntsì mèntɨ̧ɨ̧ ma ane èbɨꞋte èghɨ ngɔ̀ŋ yaa. Mbɔ̂ bà me baãaã mèntɨ̧ɨ̧ ma ka ngɨ̀à èghɨ, ngɨ̀à mènəè ma tɨ̧a ndɨŋndɨ̀ŋ, mè ngɨ̀à wuê è me nàa mbɔ̀ abua Mbɔ̧ɔ̧mà la mbɨ̀Ꞌɨ̀ bà wu a ngɔ̀ŋ ŋaa la.


Bà ka me tseke ka wua mbù̧ù̧tà mbɨ̀Ꞌɨ̀ bòt ko àa ngɨ̀à la. Bɨ̀ ghɨa bà me lɔ̀ktè mèntɨ̧ɨ̧ bɔnyɨ ba tè ntsè ndɨ bàa ndzìà ngɨ̀à la, ndɨ̀ wu bàa ndzèa nê, Àlia Mbɔ̧ɔ̧mà aà nkɨ̀Ꞌa la.


Tà li me wu ale ngɨ̀ ale, ko tà li mbɔ̌ ndɨ tàa ye ngoꞋ a ngo̧ a ngò̧ ebuꞋu àfɨ̀Ꞌ yu Mbɔ̧ɔ̧mà li ngɨ̀ ngɔ̀ŋ la. Ka mbɨ̀Ꞌɨ̀ àa la, tà bê nkɨ̀Ꞌɨ̂ ngò̧ yemɔ̀Ꞌ, àfɨ̀Ꞌ yaa ngɔ̀ŋ tsìꞋa ndìà lìa la, ŋà àtsəa zi mbɨ̀Ꞌɨ̀ eyòò mènəè kàbɔ̀ŋ mu bòt àa ngɨ̀à la.


Mbɨ̀Ꞌɨ̀ àa nè la, bɨ̀ taŋke awɨ̧ ntsɔ̧̀ ndɨ betsiꞋa bɨ ko ngɨ̀ àghɨ la, me baabe ènyit yɨ̧, mè nɔ̀ŋè ntɨ̀ yɨ̧ ègème ane mèmpème mu bɨ̀a bɔ ane àli yu Yesò Klistò nàa kɨꞋɨ la.


Bɨ̀a mbâ̧tsə, bɨ̀ me tseke ntsɔ̧̀ nè bèzi bɨ̧ mɨ̧̂. Bɨ̀ me mbaãaã wɔb ntsɔ̧̀, nɨa wɔb mbɨ̀Ꞌɨ̀ bòt bɔ̀ɔ njùa la. Bɨ̀ me baãaã wɔb ntsɔ̧̀ ndɨ̀ wu Mbɔ̧ɔ̧mà nyɨꞋte a ntsɔ̧̀ vi ane yɨ̧ bɨ̀agème mbɨ̀Ꞌɨ̀ eŋa awɨ̧ mèmpème kàlìà la. Bɨ̀ ghɨ̀ ale mbɨ̀Ꞌɨ̀ bɨ̀ me tsàꞋte a Mbɔ̧ɔ̧mà, àghɨa ko à ka nket nê tà ka ndzə.


Bɨ̀ me baabe ènyit yɨ̧ mè nkoa wɨ̧, nkàà nê Satàn wu tà wu wɔ̀mbù̧ wɨ̧ la, nàà ngèèba mbɨ̀Ꞌɨ̀ sambàŋ ndzìte tò tèa nkua la, nkɨà wòt tàa kwele la.


“Bɨ̀ yute, maa kɨꞋɨ mbɨ̀Ꞌɨ̀ tsɔŋ. Ntsɔ̧̀ wu wòt wu tà tseke àtatsi me lȩ, nɔ̀ŋè ndǐ ti a ngèt zi mbɨ̀Ꞌɨ̀ ye ghà kà kwaãaã ndǐ me bɔ àtsəa kɔꞋɔ la.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ