1 Pità 4:17 - Mundani

¹⁷ ÀfɨꞋa Mbɔ̧ɔ̧mà naa saꞋa bòt la a kuêꞋ, tà bɔ̂ ngua nga ebùꞋu ane bòt bi. Tè tà wu ebùꞋu ane ya ko àa li ewu na ane bòt bu bɔ ntu̧ ebɨ̧ɨ̧ne Ntu̧ Ntsɔ̧̀ yu è dzə abua Mbɔ̧ɔ̧mà la à?

1 Pità 4:17 ပူးပေါင်းရင်းမြစ်များ

Lûk 23:31

Bɔ wu e ghɨ̀ èwuu ànəê yaa ane àyɨt a kefi, ko bɔ̀ɔ li e ghɨ̀ na ane àyɨt ayuube à?”

Lûm 1:1

Letà Pɔ̂l wɔ̀fàꞋ Yesò Klistò, Mbɔ̧ɔ̧mà lè tɔ nê tà me tsɔ̀te Ntu̧ Ntsɔ̧̀ yu è dzə abua zi la.

Lûm 2:9

Bòt bu bɔ̀ɔ ngɨ̀a kàbɔ̀ŋ la bàgème aa li nyi a èbem ngoꞋ kèkweelè, e me ye ngɨ̧̀ɨ̧̀nè, ebùꞋu ane Bèjuê bu bɔ li mbɨ̀ ndzə èngǎ̧ Mbɔ̧ɔ̧mà la, eghǎ wu ane bòt kà wu Bèjuê.

Gàlashìà 3:1

Bɨ̀a bòt Gàlashìà bàa bɨ wu kwàꞋ èkèghɨ̧̀. Wàa chɨɨmè nɨ̀ èbə nɨŋ ngèble ètsə bɨ̧ nê bɨ̀ ka mbɨ̧̀ɨ̧̀ne nkûŋ à? Ka bɔ li ngàꞋte kwàꞋ a mbì lɨ̧ nyɨ̀Ꞌte ndɨ bɔ li ngù̧ù̧te Yesò Klistò a mbɨ̧̀ mbasa la à?

Gàlashìà 5:7

Bɨa yǎ̧ ngua ngȩ̀ȩ̀nà ane alu̧ ntsɔ̧̀ ale wǎ tseke tè nkèlè àwɨ̧ nê bɨ̀ ka tsi ngɨ̀ mbɨ̀Ꞌɨ̀ nkûŋ nàa shua la à?

Gàlashìà 6:10

È wu ale, àfɨ̀Ꞌ àgème èlu̧ e dzə a si ndɨ betsiꞋa ba ghɨa ntsɔ̧̀ ane wòt ègème la, ba ghɨ̀. È bɔ è me wu bɔnyɨ ba bu bɔ zì mèntɨ̧ɨ̧ mɔb ane Yesò la ba ghɨa ntsɔ̧̀ ane yɔb tè ntsè.

2 Tèsàlonikà 1:8

Tà kɨꞋa e ghɨ̌ bòt bu ka nɔ̀ŋe àdziꞋ abua Mbɔ̧ɔ̧mà a èbem mèntɨ̧ɨ̧ mɔb la aa ye ngoꞋ nkàà mènəè kàbɔ̀ŋ mɔb, nè èbu bɔ̀ɔ ka ghɨ mbɨ̀Ꞌɨ̀ Ntu̧ Ntsɔ̧̀ Yesò Lefɨ̀Ꞌ wa wu tà wu Tǎt wa la nàa shua la.

1 Tɔ̀màtià 3:15

Ka e mbakà yàŋè nkɨ̀Ꞌɨ̂, ko letà waa naa nyɨꞋte awɨ̧ ndɨ bàa bòt àndǎ̧ Mbɔ̧ɔ̧mà e bɔ ndɨ bàa me ghɨ̀ mènəè ma la. Eyaa wu àndǎ̧ bòt chɔsì Mbɔ̧ɔ̧mà wu tà wu yû̧ la. Bɔ wu èntɔ̧ nè àtetsi yu a baãaã èngǎ̧ Mbɔ̧ɔ̧mà wu è wû nkûŋ la.

Ebùlù 11:8

Èntɨ̧ɨ̧ wu Abàlàghâm li ndzi ane Mbɔ̧ɔ̧mà la, e li ngɨ̀ tà zə ànəa Mbɔ̧ɔ̧mà shu la, ndzə àlaꞋ zi nga àlaꞋ ako Mbɔ̧ɔ̧mà li nkàꞋ nê yea ŋa abua tò la. Tàà ndzəa ngà ale, tà kà lem nko àdziꞋa ye ghà la.

Ebùlù 2:2

Èngà̧ wu bɔntu̧ Mbɔ̧ɔ̧mà e li ndàꞋ tê àfɨꞋa Musì la, e li ndâ ngua nkwèèla tè wòt ègème tà tu̧u̧ e ghɨ̀ àghɨa e shua la bɔ ngoꞋ è kuꞋu ane àghɨa tà ghɨ̀ la.

Ebùlù 2:4

Mbɔ̧ɔ̧mà zìambɔŋ nɨ èlȩê, nè ngɨŋa mènəè, nè tèwuute ènəê kà ye fɨ̀Ꞌ nɨŋ nyɨ̀Ꞌte nê ànəa ngaa wu nkûŋ mɨ̧̂, ndɔ̀Ꞌ mè ngàbtè èghɨ Fo Kèfə nàa ŋǎ la abua bòt. Mbɔ̧ɔ̧mà wu nàà ŋǎ èghɨ bàa abua bòt mbɨ̀Ꞌɨ̀ tà kɔ̀ŋkè la.

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

Ebùlù 5:9

ÀfɨꞋa Mbɔ̧ɔ̧mà li ndzèa tò tà kùꞋ la, tà ghɨ̀ tà tsìꞋi èlu̧ mèmpème kàlìà abua bòt bu bɔ̀ɔ ndzəèa tò la.

1 Pità 2:5

Bɨ̀a anè ntsìꞋi àti a yu̧ mɨ̧̂. È wu ale, bɨ̀ səèꞋtè àwɨ̧ ngà mbɨ̧̀ tò tà nɨ awɨ̧ mvəèəè lob Mbɔ̧ɔ̧mà, è wu ye Fo tò yu ane yɨ̧ la. À wu ale mbɨ̀Ꞌɨ̀ bɨa me fàꞋa a èbèm mbɨ̀Ꞌɨ̀ bèntsìà mèpɨ̧̀ èntɨ̧ɨ̧ kèfə, e me tsì mèpɨ̧̀ Fo Mbɔ̧ɔ̧mà, è kùꞋu a mbì tò nkàà àghɨa Yesò Klistò è ghɨ̀ la.

1 Pità 2:8

Mè nê, “Eyaa wu èti lu àa ghɨ̌ bòt aa sèmne la, mè ngu èwu lu àa ghɨ̌ bɔɔ sèmne ekwene la.” Bòt bu bɔ tu̧u̧ ebɨ̧ɨ̧ne èngǎ̧ Mbɔ̧ɔ̧mà la, àa sèmnà nkwèna a èlɨ̀ waa. A bê ngu wuê mbɨ̀Ꞌɨ̀ Mbɔ̧ɔ̧mà li nê aa li ewu ane èwuu bòt mbɔŋ la.