1 Pità 4:15 - Mundani

¹⁵ Ka wòt ane yɨ̧ ka ndzě ngoꞋ nkàà a kàbɔ̀ŋ tàa ngɨ̀à la, è wû màmbuŋa bòt, nè ètsɔŋ, kò màŋeꞋe avi echɨ̧ɨ̧ a èbem mènəè bòt tsa leꞋ la.

1 Pità 4:15 ပူးပေါင်းရင်းမြစ်များ

Matìù 5:11

“Ntsɔ̧̀ wu bɨ̀a wu bòt àa ntsɔ̧̀ɔ̧̀tà wɨ̧ mè nkɨà àtsəa yɨ̧ enɨ, mè ndàꞋà tèwuute mènəè kàbɔ̀ŋ fɨte ègème àtsəa yɨ̧, ambo yaã la.

1 Tèsàlonikà 4:11

Waa waa ane yɨ̧ nyɔꞋta me nyaꞋa ntsèke avi bò̧ bò̧, tà ka me ŋeꞋe avi nchɨ̧̀a a èbem mènəè bòt tsa. Bɨ̀ me nɨ èbu bɨ̧ fàꞋà nkɨà ètsəèjɨ wɨ̧ mbɨꞋɨ̀ ba li ndzaŋe shu awɨ̧ la.

2 Tèsàlonikà 3:11

Ba làꞋà anè nkàà nê, bɔ shu awa nê bòt ko ayɔɔ yɨ̧ aa ndȩȩta a màfaꞋa, bɔ̀ ka wua ngɨ̀à àghɨ, me ŋeꞋe wuê awɔb nchɨ̧̀a a èbem mènəè bòt tsa.

1 Tɔ̀màtià 5:13

Lə kǒ kà à wu shɨ tèlen tɔb wu nê, bɔɔ tsiꞋa nkua èlɔŋ, mè me nyi a lob a lob ndzəèà. Ànəa ko a mê mbɨ ntsè la wu nê, bɔɔ tseke tê mbùꞋ me ghɨ̀ mènàŋ, ndzìà mètsəê mɔb ane mènəè kà wu mɔb, mèà ndàꞋà mènəè bɔɔ bɔ̀ ka wu làꞋà la.

2 Tɔ̀màtià 2:9

Wu ànəa yùà ka a ghɨ̂ e me ye ngoꞋ tè bɔ kuule am mbɨ̀Ꞌɨ̀ wòt tà ghɨ ànəa kàbɔ̀ŋ la. Bɔ batè nkùùlè am ale, ka bɔ̀ ka kuulè Ntu̧ Ntsɔ̧̀ yu.

1 Pità 3:14

Ka wòt màà me ye ngoꞋ nkàà ndɨ tàa ngɨa àghɨa Mbɔ̧ɔ̧mà nàa nkɨà la, tà nɨ̀ àvi mbɨ̀Ꞌɨ̀ wòt èsi ntsɔ̧̀. Bɨ̀ ka me bɔɔ bòt, mèntɨ̧ɨ̧ mɨ̧ ka me bente.

1 Pità 3:17

Aa mbɔ̀ nê, wòt ye ngoꞋ nkaa ntsɔ̧̀ tà ghɨ̀ la, na a wu mbɨ̀Ꞌɨ̀ Mbɔ̧ɔ̧mà nàa nkɨà la, tè ntsè ndɨ wòt nàa ye ngoꞋ nkaa kàbɔ̀ŋ tà ghɨ̀ la.