1 Pità 4:14 - Mundani

¹⁴ Bɔ tsɔ̧̀ɔ̧̀tè àwɨ̧ nkàà nê bɨ wu bòt Yesò Klistò, ko ntsɔ̧̀ wu bɨ̀a nkàà nê Fo Mbɔ̧ɔ̧mà yu è ghe la, wu nè nɨ̧̀.

1 Pità 4:14 ပူးပေါင်းရင်းမြစ်များ

Matìù 5:11

“Ntsɔ̧̀ wu bɨ̀a wu bòt àa ntsɔ̧̀ɔ̧̀tà wɨ̧ mè nkɨà àtsəa yɨ̧ enɨ, mè ndàꞋà tèwuute mènəè kàbɔ̀ŋ fɨte ègème àtsəa yɨ̧, ambo yaã la.

Matìù 5:16

È wu ale, bɨ tsiꞋ èkaꞋà wɨ̧ e beꞋè a mbì bòt mbɨ̀Ꞌɨ̀ bɔɔ ye èfàꞋa ntsɔ̧̀ bɨ̧ e ŋa mèngùꞋte abua tǎt wɨ̧ a ègwet.

Lûk 6:22

Ntsɔ̧̀ wu bɨ̀a wu bòt aa mpààbà àwɨ̧, ntsìà àwɨ̧ ayɔɔ, ntsɔ̧̀ɔ̧̀tà àwɨ̧, mè shua nê bɨ wu bòt kàbɔ̀ŋ, nkàà ndɨ̀ wu bɨ̀a nkùŋà Waã Wòt la.

Jɔ̌n 15:21

Ka bɔ̀ɔ ghɨ̧̀ɨ̧̀nè àwɨ̧ anè ndɨ̀ wu bɨ̀ wu bòt bɔ̧ la, nkàà nê, bɔ bakà ko wòt tà tsàà am la.

Jɔ̌n 8:48

Mbɨ̀Ꞌɨ̀ Yesò làꞋ ale la, Bèjuê bu e bɨ̀ɨ̀le nê, “Tè bà ka shua nkûŋ nê, à wu wòt Sàmalìà, mè mbɔ̂ fo kàbɔ̀ŋ ane yê?”

Jɔ̌n 9:28

Tà làꞋ ale, bɔ tsɔ̧ɔ̧te atò shu nê, “Wu àwɔ̀ ka à wu wakatè mbê waa la, è me wu awa ko ba wu bɔkatè Musì.

Jɔ̌n 9:34

Bɔ shu abua tò nê, “Bɔ li mbia wê kwàꞋ a èbem mènəè kàbɔ̀ŋ, ngule si àghɨ yu à ko te enyɨꞋte awa la wu ghà à?” Bɔ ghɨ̀ ale mbɔ̂ ntsi atò ayɔɔ bòt lob Mbɔ̧ɔ̧mà.

ÀfaꞋa 13:45

Mbɨ̀Ꞌɨ̀ Bèjuê e ye ènɔ̧̂ bòt bu la, bɔ tsiꞋi me làꞋa ane ghòꞋnà, shua mènəè kàbɔ̀ŋ, ngèbtâ ànəê àgème Pɔ̂l nàa shua la.

ÀfaꞋa 18:6

AfɨꞋa bɔ ntu̧ ànəa Pɔ̂l shua la, mè me làꞋà mènəè kàbɔ̀ŋ ane tò la, tà ŋȩ̀ àwɔb, nyìꞋì àbeb ntsi ane ndǐ ti ndèb kwen zi. Me shua wɔb nê, “Bɨ lia nyɔ̂, ko à yu a ye awɨ̧. È ntsě èsaꞋa am.” E bùꞋu àfɨ̀Ꞌ yaa me ghà ne mbì, maa sà àwɨ̧ eghǎ me làꞋa èngǎ̧ Mbɔ̧ɔ̧mà abua bòt kà wu Bèjuê.

ÀfaꞋa 28:22

Ka baa nkɨ ezə ànəa à wu a èntɨ̧ɨ̧ wê la, mbɨ̀Ꞌɨ̀ nê bòt aà ntsìà mpəəte ènɔ̧̂ bòt bu à wu bɨ tò ba la, adzìꞋ àgème.”

ÀfaꞋa 5:41

Bɔntu̧ bu e sà lob èsaꞋa yu me ghȩ̀ȩ̀na ngùꞋtà awɔb nê, Mbɔ̧ɔ̧mà ye nê bɔ kùꞋù èbe bɔ̀ɔ jɨ àkù ane èlen Yesò la.

2 Kɔlìn 12:10

Maà ngùꞋtè am àfɨꞋa è mbaka bɔ mètàŋ la, nè àfɨꞋa bòt àa ntsò̧ò̧tà am la, nè àfɨꞋa màà ndzea ngoꞋ la, nè àfɨꞋa bòt àa nkɨà àtsə am enɨ la, nkàà ànəa Yesò Klistò. Aà ale nkàà nê nàa ngɨ̀ è wu àfɨꞋa è mbaka bɔ mètàŋ la ka Yesò ŋà mètàŋ abua am.

2 Kɔlìn 4:10

ngà àdzìꞋ àgème mbɨ̀Ꞌɨ̀ bòt bɔ ŋa ètsə bɔb epfə mbɨꞋɨ̀ Yesò la, bàa ngɨ̀a anè mbɨ̀Ꞌɨ̀ bɔɔ ye ndɨ Yesò Klistò li ngua ntsèka la ane mbɨ̧te ènyit ta la.

2 Kɔlìn 4:16

Ale, ba ka kaãaã a mà faꞋa. Mbɨ̧te ènyit ta tea mbàta mbɨ̀a ngà, ka Mbɔ̧ɔ̧mà bɔ̂ me ghɨ̌ mèntɨ̧ɨ̧ ma me kweele àli àgème.

Gàlashìà 1:24

Mbɨ̀Ꞌɨ̀ bɔ zə ale la, bɔ wuꞋta Mbɔ̧ɔ̧mà nkàà am.

Ebùlù 11:26

Tà li nko nê ye tseka ane ngɨ̧̀ɨ̧̀nè nkàà ànəa Yesò Klistò, ko aa taꞋa bɔ̀ te ntsě ndɨ yea bɔ èghɨ ntsɔ̧̀ ègème a Ejìb la. Tà li ngɨ̀ anè nkàà nê èntɨ̧ɨ̧ tò e li ngu wuê ane àbȩ̀ yu tàa li lɔ̀Ꞌɔ ebɔ la.

Jimsì 1:12

Ntsɔ̧̀ wu wòt wu tàa nkùùla èntɨ̧ɨ̧ vi àfɨꞋa ngoꞋ la, nkàà nê tà kuula èntɨ̧ɨ̧ vi tè ngà ndìà ko taa bɔ mèmpème, è wu àbȩ̀ yu Mbɔ̧ɔ̧mà kàꞋa abua bòt bu bɔ̀ɔ nkɔ̀ŋkè atò la.

Jimsì 5:11

Baa nɨa wɔb nê bɔ wu bòt mèngùꞋte, nkàà nê bɔ li nkùùle mèntɨ̧ɨ̧ mɔb tè ngà ndìà. Bɨ zə ndɨ Job li nkùùle èntɨ̧ɨ̧ vi la, mè nko ndɨ a li ngà me lìà Mbɔ̧ɔ̧mà lɔɔle atò la, nkàà nê Mbɔ̧ɔ̧mà taꞋa wua nkua tèsȩ, tà kà meè ngua nkɔ̀ŋkà nê wòt ye ngoꞋ.

1 Pità 2:12

Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.

1 Pità 3:14

Ka wòt màà me ye ngoꞋ nkàà ndɨ tàa ngɨa àghɨa Mbɔ̧ɔ̧mà nàa nkɨà la, tà nɨ̀ àvi mbɨ̀Ꞌɨ̀ wòt èsi ntsɔ̧̀. Bɨ̀ ka me bɔɔ bòt, mèntɨ̧ɨ̧ mɨ̧ ka me bente.

1 Pità 3:16

Bɨ̀ ka ngɨ̀ àghɨa èntɨ̧ɨ̧ wɨ̧ àa fèèlè awɨ̧ la, mbɨ̀Ꞌɨ̀ wòt tsɔ̧̀ awɨ̧ nkàà mènəè ntsɔ̧̀ mu bɨa ngɨ̀à mbɨ̀Ꞌɨ̀ bòt Yesò Klistò la, ŋut bɔ wuê àtsəa kɔꞋɔ.

1 Pità 4:16

Ka wòt me ye ngoꞋ nkàà nê tà wu Klɨtèn, tà ka mbɔ̀ àtsəa kɔꞋɔ, tà ŋa wuê mèngùꞋte abua Mbɔ̧ɔ̧mà nê bɔɔ ntɔ avi ane wòt Yesò Klistò.

2 Pità 2:2

Bòt Yesò nyaŋ aa me kùŋe èbɨꞋte ènəê bòt baa, te ghɨ̌ bòt aa me làꞋa kàbɔ̀ŋ ane ànəa alu̧ Mbɔ̧ɔ̧mà wu è wû nkûŋ la.