1 Pità 4:1 - Mundani

¹ Ba ko nê Yesò Klistò li ntsìꞋi wɔ̀bȩ̂, ndzě ngoꞋ. Ale, bɨ̀ bɔ èwuu mèmɨ̀ɨ̀te mbɔŋ ntàŋka awɨ̧ eye ngoꞋ mbɨ̀Ꞌɨ̀ tà li ndze la. Bɨ̀ ghɨ̀ ale, nkàà nê wòt tà bɨ̧ɨ̧ne eye ngoꞋ la, bakà tsi mbɔ̀ àghɨa ko tàa ghɨ̀ nê kàbɔ̀ŋ la.

1 Pità 4:1 ပူးပေါင်းရင်းမြစ်များ

Ntu̧ Ntsɔ̧̀ MAK 3:3

Yesò tɔ wòt wu àbu atò a pfə la nê, “KɔꞋɔ a mbì.”

Lûm 6:11

Bɨ̀ nɨ àwɨ̧ mɨ̧̂ mbɨ̀Ꞌɨ̀ bèmpfəà ane màngɨa kàbɔ̀ŋ, mè nɨ àwɨ̧ mbɨ̀Ꞌɨ̀ bòt yu̧ a màngɨa àghɨa Mbɔ̧ɔ̧mà kɨa la, ndɨ̀ wu bɨ̀ tsiꞋi àghɨ yeamɔꞋ nè Yesò Klistò la.

Lûm 6:2

BetsiꞋa à ka wu ale! Bàa wu bàà tsiꞋi mbɨ̀Ꞌɨ̀ bèmpfəà tè kàbɔ̀ŋ kà tsi mbɔ̀ mètàŋ a ègwet la la, bàa ghɨ̀ na e mě me ghɨa kàbɔ̀ŋ à?

Lûm 6:7

Wòt nàa ngɨ̀ tà pfə, kàbɔ̀ŋ kà tsi mbɔ̀ mètàŋ a ègwet tò.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

Gàlashìà 5:24

Bòt bu bɔ zì mèntɨ̧ɨ̧ mɔb ane Yesò Klistò la e tu̧u̧ e me ghɨ̌ èghɨ bu mbɨ̧te ènyit tèa nkɨà la.

Efesɔ̀s 6:13

Bɨ̀ ŋeꞋe èghɨ èbet Mbɔ̧ɔ̧mà àfɨ̀Ꞌ yaa, mbɨ̀Ꞌɨ̀ è wu ane àlia kàbɔ̀ŋ kɨꞋɨ la, bɨ koê nù wùà tè è me lìa bɨ bela nkwèèla wuê kweele.

Filìpȩ 2:5

Bɨ̀ me ghɨ̀ mènəè wuê mbɨ̀Ꞌɨ̀ Yesò Klistò li ngua ngɨ̀à la.

Ebùlù 12:3

Bɨ̀ ye ànəa a li ndze atò la. Bòt kàbɔ̀ŋ e li ngɨ̧ɨ̧ne atò, ka tà bɔ̂ nkùùle wuê èntɨ̧ɨ̧ vi. È wu ale, bɨ̀ambɔŋ è ka nkaã ntsì mèntɨ̧ɨ̧ mɨ̧ ane Mbɔ̧ɔ̧mà.

Ebùlù 4:10

Wòt gème tà nyi àdzìꞋa màndzeta yaa mbɨ̀Ꞌɨ̀ Mbɔ̧ɔ̧mà li nkàꞋ la, è paa àfàꞋ àzi tè me yète mbɨ̀Ꞌɨ̀ Mbɔ̧ɔ̧mà li ndzètè ane àzi la.

1 Pità 2:21

Mbɔ̧ɔ̧mà li ntɔ awɨ̧ nê mènəè maa ye awɨ̧, mbɨ̀Ꞌɨ̀ è li ndzea Yesò Klistò la. Tòà zìambɔŋ li ndzě ngoꞋ ane yɨ̧ nɨŋ nyɨ̀Ꞌte nê bɨ̀ me ghɨ̀ mbɨꞋɨ̀ ye li ngɨ̀ la.

1 Pità 3:18

Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.