Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pità 3:9 - Mundani

9 Wòt ghɨa kàbɔ̀ŋ ane yê, à ka mvəèəè ane kàbɔ̀ŋ. Wòt tsɔ̧̀ɔ̧̀ àwê, à ka mvəèəè ane kèntsɔ̧̀ɔ̧̀mè. Ka wòt ghɨ̀ ànəa kàbɔ̀ŋ ane yê, à tsàꞋtè nê Mbɔ̧ɔ̧mà nyɨ̀Ꞌte a ntsɔ̧̀ vi abua tò. Bɨ̀ ko nê, Mbɔ̧ɔ̧mà li ngua ntɔ awɨ̧ mbɨ̀Ꞌɨ̀ e ghɨ̌ bɨa zə a ntsɔ̧̀.

အခန်းကိုကြည့်ပါ။ ကော်ပီ




1 Pità 3:9
26 ပူးပေါင်းရင်းမြစ်များ  

Wòt ègème tà waꞋa lob ti, nè bɔnyɨ bi, (mbâ̧ nè àvi), nè tǎt vi, nè nyɨ̌ vi, nè vi vi, nè bɔ̧ bi kò tèbaꞋa ti ambo yaã la, nàa bɔ èghɨ ngaa èdziꞋ ènkɨ̀, te tsě ndɨ e li nguê la, fɔ̀ɔ̀le nè mèmpème kàlìà.


“ÀfɨꞋa mbɔŋ ko fɔ̧̀ wu naa shu abua bòt bu àbâ àbualu̧ zi la nê ‘Bɨ̀ kɨꞋɨ, bɨ̀a wu Tǎt am èlɔ̀ɔ̀lè àwɨ̧ la, njɨ̀a kèfɔ̧̀ wu bɔ li ntàŋke abua yɨ̧ a me mbùꞋu ngɔ̀ŋ la.


Ka e ngua shua wɨ̧ nê, wòt ka mvəè èsiꞋ ane wòt tà ghɨ atò a kàbɔ̀ŋ la. Wòt dèbè ngòꞋ àbâ àbualu̧ ayê à gheble ye kǒ tà dèb.


Ka e ngua shua wɨ̧ nê ‘Bɨ̀ me kɔ̀ŋkè bɔmbù̧ bɨ̧, mè tsaꞋta a Mbɔ̧ɔ̧mà ane bòt bu bɔ̀ɔ nkɨà ètsə bɨ̧ enɨ la.’


Yesò li ndɔ̀Ꞌ me ghǎ, wòt kǒ lùùlà nkɨ̀Ꞌɨ̂ ntèm tènjûŋ ti a mbì tò mbììte nê, “NyɨꞋtà Ntsɔ̧̀, betsiꞋa e ngɨ̀ nǎ tè mbɔ̀ mèmpème kàlìà à?”


NyɨꞋtà mbɨ̧te Musì ko li nkɨ̀Ꞌɨ̂ me kɨ etaãaãte a Yesò, mbììte atò nê, “NyɨꞋtà, betsiꞋa e ngɨ̀ nà ka mbɔ̀ mèmpème kàlìà à?”


Wajûŋ Bèjuê kǒ biite a Yesò nê, “NyɨꞋtà Ntsɔ̧̀, betsiꞋa e ngɨ̀ nǎ tè mbɔ̀ mèmpème kàlìà à?”


Bɨ̀ me shu nê Mbɔ̧ɔ̧mà lɔ̀ɔ̀le bòt bu bɔ̀ɔ nkɨà àtsəa yɨ̧ enɨ la, bɨ̀ me shu nê tà lɔ̀ɔ̀lè àwɔb, bɨ̀ ka me zǐ ndɔ̀ àtsəa yɔb.


Wòt ka mvəèa kàbɔ̀ŋ ane kàbɔ̀ŋ, ka me ghɨ̌ wuê àghɨa waa waa nàa ye nê aà mbɔ̀ la.


Baà ko nê Mbɔ̧ɔ̧mà nàa ngɨ̀à àghɨa àgème wuê ane ntsɔ̧̀ bòt bu bɔ̀ɔ nkɔ̀ŋkà tò la, bòt bu tà tɔ awɔb mbɨ̀Ꞌɨ̀ tà li nɔ̀ŋè la.


Tà ghɨ̀ ale, mè ntɔ bòt bu tà li mbele àfɨꞋa tsa nɔ̀ŋè nê bɔɔ li wu mbɨꞋɨ̀ waã vi la. Tà tɔ ale ngɨ̀ bɔ tsiꞋi bòt bɔ tɨ̧ɨ̧ ndɨŋndɨ̀ŋ a mbì tò la. Tà ghɨ̀ ale, mè ngɨ̀ bòt mbɔŋ e bɔ ènɨ̧ wu tà bɔ la.


Yesò Klistò li ngɨ̀ àyaa anè mbɨ̀Ꞌɨ̀ e ghɨ̌ èlɔ̂t wu Mbɔ̧ɔ̧mà li nkaꞋa Abàlàghâm la aa tsě ane tò e kɨꞋɨ abua bòt kà ko a Mbɔ̧ɔ̧mà. A li ngu ane mbɨ̀Ꞌɨ̀ e ghɨ̌ èntɨ̧ɨ̧ wu ba zi ane Yesò la aa ghɨ baa bɔ Fo yu tà li nkàꞋ la.


Ka bɨ̀ me ghɨa ntsɔ̧̀ ane bɔnyɨ bɨ̧, njùa ane mènəè mɨ̧ mè ngwaꞋà bèkàbɔ̀ŋ bɔnyɨ bɨ̧ wuê mbɨ̀Ꞌɨ̀ Yesò Klistò ghɨ̂ Mbɔ̧ɔ̧mà me waꞋa bɨ̧ la.


Ko mbɨ̀Ꞌɨ̀ bɨ bɨ̧ɨ̧nè wòt kǒ vəə a kàbɔ̀ŋ ane kàbɔ̀ŋ, ka bɨ̀ me nyɔ̀Ꞌte àfɨ̀Ꞌ àgème ngɨ̀à a ntsɔ̧̀ a kètsìà wɨ̧ fɔɔle abua waa waa.


Bɨ ko ndɨ àfɨꞋa li me wu tà nê ye kɨa tǎt vi naa fà̧à̧te àvi, tǎt tò tu̧ la. Tà li mbàte ngua ndɨ̀à nè mèsi nkɨà nê tà fà̧à̧te avi, ka èlu̧ è ka tsi ngu, nkàà nê tà li tà kà tsi ngu ko ekubte àghɨa tà ghɨ̀ la.


Tà li nê, “Ane nkûŋ, maa lɔ̀ɔ̀lè àwê, e ghɨ̌ àndà̧ yê aa yaãaã.”


Bɨ̀ ko nê ngoꞋ yaa bɨ yea la wu wuê ane àtem àfɨ̀Ꞌ àko, mbɔ̂ Mbɔ̧ɔ̧mà wu tàa ntsèka nkua tèsȩ tɨ̧ la naa tsì àwɨ̧ a èbem tùà. Tà li nɨ̀ àwɨ̧ ngɨ̀ bɨ Yesò Klistò ba e tsiꞋi àghɨ yeamɔꞋ mbɨ̀Ꞌɨ̀ bɨa li ebɔ mèngùꞋte tò mu kà wu li elìa la. Taa ghɨ̌ bɨa kùꞋu ane mènəè tò etɔ̀kè àwɨ̧ bɨa nèète ntɨ̧ɨ̧ me kweele ka wu ekwene.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ