1 Pità 3:20 - Mundani

²⁰ Èlɨ̀ŋkè baa wu èlɨ̀ŋkè bòt bu bɔ li bɔ̀ ka yute ànəa Mbɔ̧ɔ̧mà li shu àfɨꞋa Noà la. Mbɔ̧ɔ̧mà li ndâ ngua nchɨ̀Ꞌà wɔb bɔɔ kubte ane mènəè kàbɔ̀ŋ mɔb, tè ngà ndzəa àfɨꞋa Noà li mpàa ngɨ̀ ànkànuꞋ yu la. A li ngà me lìa è wu ndàꞋ bòt bafà̧aã bɔ li nyi a èbem ànkànuꞋ yu mèleb ŋeꞋe awɔb ngɨ̀ bɔ pem la.

1 Pità 3:20 ပူးပေါင်းရင်းမြစ်များ

Matìù 7:14

Ka ètsələèꞋ wu àa nga àdziꞋa mèmpème la e taꞋa wua nkòa, èlu̧ e mè me bɨɨ, bòt bɔ̀ɔ ntsea adù̧ la è ka wua ndzà̧a.

Lûk 12:32

“Bɨ̀ ka mbɔ̌, bɨ̀a wu bɨ̀ wu mbɨ̀Ꞌɨ̀ àlaã njɨ̀tsə kà ye mètàŋ mɔb la, nkàà nê aà mbɔ̀ a tǎt wɨ̧ a màngɨa bɨa tsiꞋi bèfɔ̧̀ mbɨ̀Ꞌɨ̀ tòà.

ÀfaꞋa 2:41

Tà làꞋa èngǎ̧ mbɔŋ ale, bòt nyaŋ abot və e bɨ̧ɨ̧nè tè bɔ zì àwɔb a èdzî. Bòt mbɔ̀ŋè bètɔsì batat e nkwèꞋnè ane bòt Yesò bu ane àlia ngaa.

Lûm 9:22

A bê ngu mbɨ̀Ꞌɨ̀ àghɨa Mbɔ̧ɔ̧mà ghɨ̀ la. Mbɔ̧ɔ̧mà nàà nkɨ e nyɨ̀Ꞌte ntsǒ zi, ka mbɔ̂ me kɨ nê bòt è ye mètàŋ mi, ale tà me tsèna nkùùla èntɨ̧ɨ̧ vi adù̧ bòt bu ntsǒ tò è nɔ̀ŋkè a ègwet lɔb, bɔ̀ tsiꞋi e be bɔ̀ɔ liime awɔb la.

Efesɔ̀s 5:26

Tà li mpfə mbɨ̀Ꞌɨ̀ e zi a chɔsì a tèkitebu Mbɔ̧ɔ̧mà ane èngǎ̧ vi àfɨꞋa tà shùu a chɔsì ane mèleb è fə la.

Ebùlù 11:7

Èntɨ̧ɨ̧ wu Noà li ndzi ane Mbɔ̧ɔ̧mà la e li ngɨ̀ tà zə ànəa Mbɔ̧ɔ̧mà səèŋkè àtû̧ atò shu ane àghɨa à bele ne mbì kà tà ye la. Tà zə ale, ngɨ̀ ànkànuꞋ bɔ̂ àndà̧ zi a nyi a èbèm mpem. Tà li ngɨ̀ àyaa ale a nyɨ̀Ꞌte nê bòt ngɔ̀ŋ wu bòt kàbɔ̀ŋ. Tà li ngɨ̀ àyaa ale ntsìꞋi wòt ntsɔ̧̀ a mbì Mbɔ̧ɔ̧mà è wu àbȩ̀ a wòt nàa mbɔ̌ nkàà èntɨ̧ɨ̧ wu tà zi ane Mbɔ̧ɔ̧mà la.

1 Pità 1:22

Àfɨ̀Ꞌ yaa bɨ tsiꞋa ngɨ̀à mbɨ̀Ꞌɨ̀ nkûŋ yu è dzə abua Mbɔ̧ɔ̧mà la nàa shua la, bɨ bɔ mèntɨ̧ɨ̧ kèfə tè ntsìꞋa ndâ nkɔ̀ŋkà bɔnyɨ bɨ̧ bòt Mbɔ̧ɔ̧mà. È wu ale, bɨ̀ me kɔ̀ŋkè bɔnyɨ bɨ̧ nɨa ngà nè mbì nè èntɨ̧ɨ̧ wɨ̧ ègème.

1 Pità 1:9

nkàà nê bɨ ko nê mbɨ̀Ꞌɨ̀ bɨ zì mèntɨ̧ɨ̧ mɨ̧ ane Yesò Klistò la, Mbɔ̧ɔ̧mà nàà ŋǎ wɨ̧ mèmpème.

1 Pità 2:25

Bɨ li ndzaãaã ngua ndèma mbɨ̀Ꞌɨ̀ njɨ̀te tèa ngà tèbaꞋ tèbaꞋ la, ka nè àfɨ̀Ꞌ yaa bɨ kua akwèn tè nkɨ̀Ꞌɨ̂ abua mbaabà njɨ̀ wu è wu wòt tàa mbààba awɨ̧ la.

1 Pità 3:19

Mbɨ̀Ꞌɨ̀ tà yu̧u̧me la, tà ghà ndaꞋa abua èlɨ̀ŋkè bòt e li ngu a tèfȩ la.

1 Pità 4:19

È wu ale, wòt me ye ngoꞋ mbɨ̀Ꞌɨ̀ Mbɔ̧ɔ̧mà kɨà la, ŋut me ghɨ̀ wuê àghɨa a kùꞋù la nɨa ngà nè mbì, ndzìà vi nènkèm a tèkitebu Mbɔ̧ɔ̧mà. Wu tòà ka tà ghɨ̀ àwɨ̧ la, ale tà kà wuê ewaꞋa wɨ̧.

2 Pità 2:5

Mbɔ̧ɔ̧mà li tà kà mê sa baliambì bɔɔ ghà àku. Tà li ntsàà mèleb è lù̧u̧ sitsǎꞋ, ndììme bòt bɔ̀ɔ ka ghɨ àghɨa tàa nkɨà la. NdàꞋà bòt tà li ngɨ̀ bɔ pem la li ngu Noà bɔ̂ bòt ko basà̧à̧mbe. Noà waa wu wòt tà li ngua ndàꞋà shua bòt ndɨ Mbɔ̧ɔ̧mà nàa nkɨà nê bɔ̀ me tseke la.

2 Pità 3:15

Bɨ̀ ko nê Lefɨ̀Ꞌ wa kuule èntɨ̧ɨ̧ vi me chɨꞋɨ àfɨꞋa yèa kɨꞋɨ la, ale ngua ŋa awɨ̧ èlu̧ bɨa bɔ mèmpème, wuê mbɨ̀Ꞌɨ̀ ngule wanyɨ waa Pɔ̂l li nɨ èyì wu Mbɔ̧ɔ̧mà ŋa abua tò la, shɨ̀ àkatè abua yɨ̧ ane ànəa mbɔŋ la.