1 Pità 3:15 - Mundani

¹⁵ Ka bɨ tsiꞋ mèntɨ̧ɨ̧ mɨ̧ me kweele ane Yesò Klistò, bɨ̀ mě me ŋa kènuke abua tò mbɨ̀Ꞌɨ̀ Tǎt wɨ̧. Bɨ̀ taŋke awɨ̧ ane ndɨ wòt bììte awɨ̧ ànəa ntɨ̀ yu bɨ bɔ ane Yesò la, ka wuê a ka àfɨ̀Ꞌà leꞋ, bɨ̀ ka bu ànəê eshu la. Ka bɨ̀ me làꞋa bɨ nyaꞋà mbɔ̀ɔ̀le awɨ̧ me làꞋa bò̧ bò̧.

1 Pità 3:15 ပူးပေါင်းရင်းမြစ်များ

ÀfaꞋa 21:39

Pɔ̂l bɨ̀ɨ̀lè nê, “E ngu wòt Juê bɔ bi am àpfəèà nɨ̧ yu è wu Tasɔ̀s àbâ àlaꞋ a Sìlisìà la. E ngu waã àpfəèà nɨ̧ àkekweelè àlaꞋ ŋàa. Wɔ̀jûŋ, chɨɨme sà am è ndaꞋa abua bòt baa.”

ÀfaꞋa 24:25

Pɔ̂l è ghɨ̀ ale, tà mè ngà nè mbì me làꞋa ndɨ bòt e wu me ghɨ̀ mènəè Mbɔ̧ɔ̧mà nàa nkɨà la. Mè ndàꞋà ndɨ bòt e wu me baãaã mèntɨ̧ɨ̧ mɔb ka ngɨ̀à mènəè la, mè shu ndɨ Mbɔ̧ɔ̧mà nàa li esaꞋa a waa waa ane àlia ko la. Mbɨ̀Ꞌɨ̀ tàa ndàꞋà mènəè maa la, Felìk è bùꞋ me bɔa, tê ntsìꞋi shu abua tò nê, “TsiꞋ ale àfɨ̀Ꞌ yaa me ghǎ. Maa mě è mbɔ àfɨ̀Ꞌ, ka e mè ntɔ awê.”

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

Kɔ̀losìà 1:5

È li ngu àfɨꞋa bɔ li mbɨ̀ ntsɔ̀tè èngǎ̧ nkûŋ wu è wu Ntu̧ Ntsɔ̧̀ Mbɔ̧ɔ̧mà, abua yɨ̧ la, bɨ zə ànəa ntu̧ mbɔŋ shua la. È li ngua ndàꞋà ànəa ntsɔ̧̀ wu betsiꞋa bɨ bɔŋ mbɨ̀Ꞌɨ̀ bɨ nɔ̀ŋè mèntɨ̧ɨ̧ mɨ̧ adù̧ me chɨ̀Ꞌɨ̀ la. Wu ànəa ntsɔ̧̀ waa Mbɔ̧ɔ̧mà neetè nɔŋe abua yɨ̧ a ègwet bɨ mè me chɨ̀Ꞌɨ̀ la, ka a ghɨ̂ bɨ zì mèntɨ̧ɨ̧ mɨ̧ ane Yesò mè me kɔ̀ŋkè bòt Mbɔ̧ɔ̧mà la.

Kɔ̀losìà 4:6

Bɨ̀ tsiꞋ mèngǎ̧ mɨ̧ wu me nàa mbɔ̀, bòt e mè me kɔ̀ŋke eyute la. Bɨ̀ me ghɨ̀ ale, mbɨ̀Ꞌɨ̀ me koa ntsɔꞋɔ èngǎ̧ waa waa ane ndɨ bɔ̀ɔ zə la.

Tȩtɔ̀s 1:2

e mě zǐ ntɨ̀ yɔb ane Mbɔ̧ɔ̧mà mbɨ̀Ꞌɨ̀ taa ghɨ̌ bɔɔ bɔ mèmpème kàlìà. Ngɔ̀ŋ li me laꞋ nê yeà mbùꞋà, Mbɔ̧ɔ̧mà wu tàa ka fɨ̀te la yaŋe kàꞋà àwa mèmpème màa.

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

Ebùlù 6:1

Bà me ghɨ èghɨ bu e kùꞋu abua bòt bu bɔ tsə ane mènəè Yesò la. Bà ka ntèꞋà wuê ane ànəa èghɨ leyu bu bɔ li mbɨ̀ nyɨ̀Ꞌte awa ane ànəa Yesò Klistò la. Bà ka tsi me làꞋà wuê mènəè mbì mu nàà shua nê bòt è waꞋa mènəè mu nàa ngɨ̀à bɔ tsiꞋi èpfəꞋte bòt a mbì Mbɔ̧ɔ̧mà la. Bà ka tsi me làꞋà wuê ndɨ wòt nàa zǐ èntɨ̧ɨ̧ vi ane Mbɔ̧ɔ̧mà la.

1 Pità 1:17

Ndɨ̀ wu bɨ̀a ntɔa Mbɔ̧ɔ̧mà ane Tǎt wɨ̧ la, e wu tàa saꞋa wòt ègème kà lȩ mèsi mbɨ̀Ꞌɨ̀ mènəè tò nyɨꞋte la, bɨ̀ me ŋa kènuke abua tò, ndzəa tò ane mèntsèke mɨ̧ adzìꞋ yaa mbɨ̀Ꞌɨ̀ bègɨ̧̀.

1 Pità 3:2

Bɔɔ ye ndɨ mènəè mɨ̧ nàa mbɔ̀, bɨ mè me zə bèlu̧ bɨ̧ la, ekubte.

1 Pità 3:4

Bɨ̀ tsiꞋ è wu mèntɨ̧ɨ̧ mɨ̧ ka nàa ndâ nyɨ̀Ꞌta nê bɨa mbɔ̀ la. Bɨ̀ me bɔɔle ènyit, mè njùa ane mènəè mɨ̧. Eyaa wu kèbɔ̂ŋ fu kèa ka lɔ̀Ꞌ mbɨ mè me bɔ̌ a Mbɔ̧ɔ̧mà la.