1 Pità 2:9 - Mundani

⁹ Ka bɨ wu bòt Mbɔ̧ɔ̧mà làà la, mè ngu bɔɔntɔꞋ Mbɔ̧ɔ̧mà bɔ̀ɔ ngɨ̀à mènəè tò la. Bɨ wu ngule àlaꞋ a Mbɔ̧ɔ̧mà, ale bɨ wu bòt Mbɔ̧ɔ̧mà. Tà tsì àwɨ̧ a èbem ndzěm nɨŋ nkɨ̀Ꞌɨ̂ a èbem èkaꞋà vi wu e ghe la, mbɨ̀Ꞌɨ̀ bɨa me làꞋà ànəa èghɨ bu ègème tàa ngɨ̀à, è wù èghɨ e ghe la.

1 Pità 2:9 ပူးပေါင်းရင်းမြစ်များ

Matìù 4:16

Bòt bu bɔ li ntsèke a èbem ndzěm la, e ye taꞋa èkaꞋà. È me wu èbu bɔ li ntsèke àlaꞋ mbɨ̀Ꞌɨ̀ bɔ wu a èbem ndzěm èvə la, ko èkaꞋà e pùùla abua yɔb.”

Matìù 5:16

È wu ale, bɨ tsiꞋ èkaꞋà wɨ̧ e beꞋè a mbì bòt mbɨ̀Ꞌɨ̀ bɔɔ ye èfàꞋa ntsɔ̧̀ bɨ̧ e ŋa mèngùꞋte abua tǎt wɨ̧ a ègwet.

Lûk 1:79

eŋa èkaꞋà ane bòt bu a èbem ndzěm yu è wuê mbɨ̀Ꞌɨ̀ mbàꞋ èvə la, e ghɨ̌ bàa ghȩ̀ȩ̀ne ane alu̧ àlàŋkà èntɨ̧ɨ̧.”

Jɔ̌n 17:19

Mâ ŋa am nènkèm abua yê ambo yɔb, mbɨ̀Ꞌɨ̀ èngǎ̧ wè wu è wû nkûŋ la aa ghɨ̌ bɔɔ tsiꞋi mbɨ̀Ꞌɨ̀ àwɔ̀ nkûŋ nkûŋ.

ÀfaꞋa 20:28

Bɨ̀ me lɨ̀ŋkè àwɨ̧ bɨ̀ambɔŋ nè bòt bu Fo Kèfə è zì àwɔb a tèkitebu tɨ̧ la ntsɔ̧̀. Bɨ̀ me lɨ̀ŋke a chɔsì Mbɔ̧ɔ̧mà mbɨ̀Ꞌɨ̀ mbaabà nàa mbààba njɨ̀ ti la. Waã Mbɔ̧ɔ̧mà li mpfə ka ngɨ̀ bòt mbɔŋ e tsiꞋi èbe Mbɔ̧ɔ̧mà.

ÀfaꞋa 26:18

Aa ghǎ eghaꞋa àghɨ ayɔb, e mě ghɨ̌ bɔɔ dzəâ a èbem ndzěm enyi a èbem èkaꞋà. Aa ghɨ̌ bɔɔ dzəâ a tèkitebu Satàn enyi a èbem kèfɔ̧̀ Mbɔ̧ɔ̧mà, mbɨ̀Ꞌɨ̀ bɔ zì mèntɨ̧ɨ̧ mɔb ane yaã, Mbɔ̧ɔ̧mà naa waꞋa a kàbɔ̀ŋ wɔb, bɔɔ me nɨ adziꞋa yɔb ayɔɔ bòt bu Mbɔ̧ɔ̧mà làà ane bi la.’

ÀfaꞋa 26:28

Fɔ̧̀ Aglipà è biite a Pɔ̂l nê, “À kwaꞋtè nê, betsiꞋa à nɨ̀ kètem àfɨ̀Ꞌ ngɨ̀ e ntsiꞋi Klɨtèn?”

Lûm 9:24

Bòt mbɔŋ wu bàa wu tà tɔ awa la. E ntsě wuê ndàꞋa abua Bèjuê, e wu abua bòt kà wu Bèjuê mɨ̧̂.

1 Kɔlìn 3:17

Ale, wòt tsòkà lob Mbɔ̧ɔ̧mà ko Mbɔ̧ɔ̧mà naa li tsoke atò mɨ̧̂, nkàà nê lob Mbɔ̧ɔ̧mà wu abua tò zìambɔŋ, bɨ bɔ̂ ngu lob Mbɔ̧ɔ̧mà mbɔŋ.

Efesɔ̀s 1:14

Fo tò yaa wu àghɨa mbì tà nɨŋ nyɨ̀Ꞌte nê baa li bɔ èghɨ bu ye kàꞋà wa la. Baa li bɔ èghɨ bàa ane àli yu Mbɔ̧ɔ̧mà nàa li ghɨ̌ bàa wu bà wu bòt tò la aa peme la. Èghɨ baa tà ghɨ̀ la aa ghɨ̌ bòt aa me wùꞋtè ènɨ̧ tò.

Efesɔ̀s 1:6

Bà wùꞋte a Mbɔ̧ɔ̧mà ane taꞋà ntsɔ̧̀ tò waa tà tsě ane waã èkɔŋ vi nyɨ̀Ꞌte abua ya àku la.

Efesɔ̀s 3:21

TsiꞋ Mbɔ̧ɔ̧mà bɔ mèngùꞋte nkàà bòt chɔsì nè Yesò Klistò àfɨ̀Ꞌ àgème ane àlia nè àlia. Àmèn.

Filìpȩ 3:14

Maà ŋwèèlà ngà wuê nè mbì, mbɨ̀Ꞌɨ̀ à gha à me lìa, e mbɔ àghɨ yu, è wù mèmpème mu Mbɔ̧ɔ̧mà tɔ am nê è nkɨꞋɨ a ègwet mbɔŋ ndɨ̀ wu ba Yesò Klistò è tsiꞋi àghɨ yeamɔꞋ la.

Kɔ̀losìà 1:13

Tà li ntsì àwa a èbem ndzěm yu è li mbɔ̀ mètàŋ a ègwet la la, nèètè ndzì àwa a èbem kèfɔ̧̀ Waã vi wu tà taꞋa wua nkɔ̀ŋkà la.

2 Tɔ̀màtià 1:9

Mbɔ̧ɔ̧mà li ŋà àwa ngule mèmpème mi, mè ndȩ̀ àwa nê, bà wu bòt ebi. Tà li tà kà wua ndȩ̀à àwa nê, ba ghɨ ànəa ntsɔ̧̀ ako. Tà li nkɔ̀ŋkè nê yea lȩ̀ àwa mbɨ̀Ꞌɨ̀ eyɨꞋte a ntsɔ̧̀ vi abua ya. È li ngu àfɨꞋa kà ngɔ̀ŋ ya bùꞋ, tà taŋke nê yea li etsàa Yesò Klistò, taa kɨꞋɨ e ghɨ̌ baa wu bòt tò.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

1 Pità 1:2

Tǎt wa Mbɔ̧ɔ̧mà li ndàà wɨ̧ ane mènkɔ̀ŋke mi, nɨ Fo zi ngɨ̀ bɨ tsiꞋi mbɨ̀Ꞌɨ̀ tò, mbɨ̀Ꞌɨ̀ bɨa me zəa Yesò Klistò, àlo̧ atò aa mèe shùù àwɨ̧. Maà shù̧ù̧ta nè Mbɔ̧ɔ̧mà me nyɨꞋta ntsɔ̧̀ vi abua yɨ̧ mè ngɨ̀ bɨ̀ bɔ àlàŋkè a mèntɨ̧ɨ̧ mɨ̧.

1 Pità 2:5

Bɨ̀a anè ntsìꞋi àti a yu̧ mɨ̧̂. È wu ale, bɨ̀ səèꞋtè àwɨ̧ ngà mbɨ̧̀ tò tà nɨ awɨ̧ mvəèəè lob Mbɔ̧ɔ̧mà, è wu ye Fo tò yu ane yɨ̧ la. À wu ale mbɨ̀Ꞌɨ̀ bɨa me fàꞋa a èbèm mbɨ̀Ꞌɨ̀ bèntsìà mèpɨ̧̀ èntɨ̧ɨ̧ kèfə, e me tsì mèpɨ̧̀ Fo Mbɔ̧ɔ̧mà, è kùꞋu a mbì tò nkàà àghɨa Yesò Klistò è ghɨ̀ la.

1 Pità 4:11

ÀfaꞋa wòt wu màndaꞋa èngǎ̧ Mbɔ̧ɔ̧mà, tà làꞋà wuê mbɨ̀Ꞌɨ̀ e dzə abua Mbɔ̧ɔ̧mà la. Àyea wòt wu màntɨŋa banɔ̧̀, tà me tɨŋe wuê ane mètàŋ mu è dzə abua Mbɔ̧ɔ̧mà la. Bɨ̀ me ghɨ̀ ale mbɨ̀Ꞌɨ̀ waa waa naa wùꞋte Mbɔ̧ɔ̧mà ane àghɨ àgème bɨ̀a ngɨ̀à la ane èlen Yesò Klistò. MèngùꞋte nè mètàŋ è wu abua Yesò Klistò ane àlia nè àlia. Àmèn.

Ètsə 1:6

Tà li ngɨ̀ àwa ane bòt lèfɔ̧̀ vi, nê ba wu bèntsìà mèpɨ̧̀ bɔ̀ɔ ngɨ̀à àfaꞋa Tǎt vi Mbɔ̧ɔ̧mà la. Maà shù̧ù̧ta nê mèngùꞋte nè mètàŋ è wu abua Yesò Klistò ane àlia nè àlia. Àmèn.

Ètsə 20:6

Ntsɔ̧̀ wu bòt bu bɔ̀ɔ li yu̧u̧me ayɔɔ bòt mbì bàa la. Bɔ wu bòt Mbɔ̧ɔ̧mà. Èvə lu wòt nàa mpfəa mè mpfəa la è ka li tsi e bɔ mètàŋ a ègwet lɔb a. Bɔɔ li wu bèntsìà mèpɨ̧̀ Mbɔ̧ɔ̧mà bɔ̂ Yesò Klistò ba, e mě me baãaã èlaꞋ mbɨ̀Ꞌɨ̀ bèfɔ̧̀ nè Yesò ane mèngùꞋebȩ tɔsì.

Ètsə 5:10

À ghɨ̀ àwɔb ane bòt lèfɔ̧̀ wê, bɔ mè ngu bèntsìà mèpɨ̧̀ abua Tǎt wa Mbɔ̧ɔ̧mà. Bɔ̀ɔ li me baãaã ngɔ̀ŋ yaa.”