1 Pità 2:7 - Mundani

⁷ Tà wu ngule wòt abua yɨ̧ wu bɨ zi èntɨ̧ɨ̧ wɨ̧ ane tò la. È me wu bòt bu bɔ̀ baka zi èntɨ̧ɨ̧ wɔb ane tò la ko Àkata Mbɔ̧ɔ̧mà a làꞋa ànəa yɔb nê, “Èti lu bèmbɔ̧ɔ̧ lob e li ngwaꞋ la, e tsiꞋi ngule èti tɔ̀Ꞌà lob.”

1 Pità 2:7 ပူးပေါင်းရင်းမြစ်များ

Matìù 21:42

Yesò bììte awɔb nê “Tè bɨ bakà li me tɔ èngà̧ waa a èbem Àkata Mbɔ̧ɔ̧mà ezə? ‘Èti lu bèmbɔ̧ɔ̧ lob e li ngwaꞋ nê wu èti kàbɔ̀ŋ la, wu lùà ka è tsìꞋi ngule èti tɔ̀Ꞌɔ̀ lob la. Eyaa wu àghɨa Mbɔ̧ɔ̧mà ghɨ̀ la, a ghe àa mbɔ̀ la.’

Lûk 2:32

Taa ale nguê mbɨ̀Ꞌɨ̀ èkaꞋà àa nyɨꞋte alu̧ wê abua bòt kà wu Bèjuê la. Taa li ghɨ̌ bòt aa kɨꞋɨ ekukte bòt bê bu, è wu bòt Izəèlȩê la.”

Lûk 2:34

Simiòn ghɨ̀ ale, fà̧à̧te awɔb ndɔ̀Ꞌ èshu abua Màlià, nyɨ̌ waã wu nê, “Mbɔ̧ɔ̧mà làà waã waa nê tà kɨꞋɨ a èbem àlaꞋ a Izəèlȩê è shuke bòt nyaŋ a si mè ndɔ̀Ꞌ ndɔ̀kè bòt nyaŋ a ègwet. Taa li wu mbɨ̀Ꞌɨ̀ àlȩê a dzə abua Mbɔ̧ɔ̧mà la, bɔbȩ aa me làꞋa ntàꞋa èlen tò kàbɔ̀ŋ.

Lûk 20:17

Yesò me lɨ̀ŋke àwɔb tè nê, “Èngǎ̧ Mbɔ̧ɔ̧mà è shua nê ghàà? ‘Èti lu bèmbɔ̧ɔ̧ lob e li ngwaꞋ nê wu èti kàbɔ̀ŋ la, wu lùà ka e tsiꞋi ngule èti tɔ̀Ꞌɔ̀ lob la.’

Jɔ̌n 4:42

Bòt bu e shu abua àvi wu nê “Bà ka zià mèntɨ̧ɨ̧ ma ane tò àfɨ̀Ꞌ yaa nkàà ànəa à yaã shua wa la, ba tsiꞋa ndzìà nkàà nê bàambɔŋ e zə ànəa tà làꞋà la, mè nko nê tà lâ ngu Mpemnà bòt ngɔ̀ŋ yaa.”

ÀfaꞋa 26:19

“È wu ale, Fɔ̧̀ Aglipà, e ndi è nka tu̧ ànəa Yesò li nchu a ègwet ndaꞋa abua am la.

Lûm 10:21

Mbɔ̂ ngà ane ànəa bòt Izəèlȩê nê, “Maà shù̧ù̧ta bòt bɔ̧ àlia àgème nê bɔ̀ kɨꞋɨ bàà ghɨ̌ àlàŋkè, ka bɔ wu bòt àtsəa kekweelè, bɔ̀ ka wua nkɨ e zə èngǎ̧ am.”

Lûm 15:31

Bɨ̀ me tsàꞋte atò nê tà ghɨa bòt bu a Jùdià bɔ̀ baka zi mèntɨ̧ɨ̧ mɔb ane Mbɔ̧ɔ̧mà la è ka ndzì àlɔꞋ ane yaã, me nè bòt Mbɔ̧ɔ̧mà bu a Jèlusalèm la è nɨ àghɨa e nɨa nga etɨŋe awɔb la nè mèngùꞋte.

2 Kɔlìn 2:16

Abua bòt mpfəèꞋta la, àghaa yaa wu àghaa èvə àa bùŋè àwɔb la, è me wu abua bòt bu mpèma la, àghaa mbɔŋ wu àghaa àa ghɨ̌ bɔɔ peme la. Wòt wu tà kùꞋu ane àfàꞋ yaa la wu wàà?

Kɔ̀losìà 2:10

Mbɔ̧ɔ̧mà mè ŋa wɨ̧ ngule mèmpème ndɨ̀ wu bɨ tò ba è tsiꞋi àghɨ yeamɔꞋ la. Tà tsě fo tègème tèa mbà̧aã èlaꞋ mè ntsìta mènəè la.

Tȩtɔ̀s 3:3

À wu ale nkàà nê bàambɔŋ e li ndzaã ngu èkèghɨ̧̀, me ghɨ̀ àtsəa kekweelè, mè ngɨ̀à mènəè kàbɔ̀ŋ. Ba li ndzaã ngu èbùꞋ èbɨꞋte mènəè, mè me zì mèntɨ̧ɨ̧ ma wuê adù̧ tèwuute èghɨ tèa mbɔ̀ awa la. Ba li ngua ntsèka nkwàꞋtà wuê mènəè kàbɔ̀ŋ mè ngòꞋnà bòt. Bòt ko e li ngua mpààbà awa, ba mèà mpààbà àwɔb mɨ̧̂.

Ebùlù 11:31

Èntɨ̧ɨ̧ wu ghȩ̀ȩ̀nè ghȩ̀ȩ̀ne wu èlen tò li ngu Leghàb la li ndzi ane Mbɔ̧ɔ̧mà la, e li ngɨ̀ tà bà̧à̧ bɔntu̧ bu bòt Izəèlȩê e li ntsàà bɔɔ kɨꞋɨ eye abot egha shu awɔb la ntsɔ̧̀. Àyaa a li ngɨ̀ bɔ̀ ka bùŋe atò ayɔɔ bòt bu bɔ li ngua nkwèèla àtsə abua Mbɔ̧ɔ̧mà la.

Ebùlù 4:11

Ale, bà nyɔ̀Ꞌtà ndze nê ba nyi àdzìꞋ yu Mbɔ̧ɔ̧mà nàa ghɨ̌ baa yètè la. Bà ka mbɨ̧̀ɨ̧̀ne wòt kǒ ane ya tseke kà nyi mbɨ̀Ꞌɨ̀ bɔ li nkwèèle àtsə bɔ̀ kà kǒ nyi la.

1 Pità 1:8

Bɨ bakà ye atò, mbɔ̂ me kɔ̀ŋkè atò, mè ndzì mèntɨ̧ɨ̧ mɨ̧ ane tò kà ye atò. Mèntɨ̧ɨ̧ mɨ̧ è lu̧u̧ àfɨ̀Ꞌ yaa nè mèngùꞋte è ghe tê fɨ̀Ꞌ kà wu la,

1 Pità 2:4

Bɨ̀ kɨꞋɨ abua tò. Tà wu èti lu bòt e li ngwaꞋ, Mbɔ̧ɔ̧mà bɔ̂ ndàà lùà nɨ ane ele ntsɔ̧̀ la. Ale, tà wu èti è wu ele yu̧ la.

1 Pità 2:8

Mè nê, “Eyaa wu èti lu àa ghɨ̌ bòt aa sèmne la, mè ngu èwu lu àa ghɨ̌ bɔɔ sèmne ekwene la.” Bòt bu bɔ tu̧u̧ ebɨ̧ɨ̧ne èngǎ̧ Mbɔ̧ɔ̧mà la, àa sèmnà nkwèna a èlɨ̀ waa. A bê ngu wuê mbɨ̀Ꞌɨ̀ Mbɔ̧ɔ̧mà li nê aa li ewu ane èwuu bòt mbɔŋ la.