Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pità 2:24 - Mundani

24 Yesò Klistò zìambɔŋ li ŋèꞋe a kàbɔ̀ŋ wa àtsəa zi nɨŋ nga a mbɨ̧̀ mbasa mbɨ̀Ꞌɨ̀ e ghɨ̌ kàbɔ̀ŋ naa bakà tsi mbɔ̀ mètàŋ a ègwet la, baa me tseke mbɨꞋɨ̀ Mbɔ̧ɔ̧mà nàa nkɨà la. Tèfɨŋ tu tà li mbɔŋ la te ghɨ̂ bɨ pem.

အခန်းကိုကြည့်ပါ။ ကော်ပီ




1 Pità 2:24
50 ပူးပေါင်းရင်းမြစ်များ  

Ale, Pȩlèt sa Bàlabasì abua yɔb; tà ghɨa bɔ̀ shu̧u̧ a Yesò; tà ŋǎ atò bɔɔ wu̧u̧te a mbɨ̧̀ Mbasa.


Ka e ngua shua wɨ̧ nê bɨ bakà ghɨ àghɨa Mbɔ̧ɔ̧mà nàa nkɨà la, te tse bènyɨꞋtà mbɨ̧te Musì nè Bèfalèsiì, ko bɨ̀ ka li nyi a kèfɔ̧̀ Mbɔ̧ɔ̧mà à.


A li ntsè anè mbɨ̀Ꞌɨ̀ e ghɨ̌ àghɨa ndàꞋàtɔŋ Mbɔ̧ɔ̧mà Àsayà li ndàꞋ la aa wu nkûŋ nê, “Tà li ntsì èlɔꞋ ba, mè mbəè èghɔ̧ ba ègème.”


Ndɨ̀ wu Pȩlèt li ngua nkɨà nê ènɔ̧̂ bòt bu è me kɔ̀ŋkè àvi la, tà sa Bàlabasì. È me wua Yesò, tà ghɨ̀ bèshujà e shu̧u̧ atò mbɔ̂ ŋa atò nê bɔ̀ wu̧u̧te a mbɨ̧̀ mbasa.


“Fo Tǎt wa Mbɔ̧ɔ̧mà wu ane yaã, nkàà nê tà yɔꞋɔ am nê e nga ntsɔ̀tè Ntu̧ Ntsɔ̧̀ abua bòt mbuŋ. Tà tu̧u̧ am nê, è ntsɔ̀ta nê bòt mènəè è kuule awɔb la, è dzəa, mè ngɨ̀ bòt àghɨ àleme è me ye èdziꞋ. Tà tu̧u̧ am nê, è ntsì bòt ngoꞋ a èbem ngoꞋtsə,


ÈtsəꞋ e tsi Jɔ̌n ye a Yesò nkɨ̀Ꞌa ekwene ane tò la, nê “Bɨ̀ ye Wanjɨ̀ Mbɔ̧ɔ̧mà wu tàa tsì mènəè kàbɔ̀ŋ bòt ngɔ̀ŋ la.


ÀfɨꞋa mbɔŋ, Pȩlèt ŋǎ Yesò bɔ shu̧.


Waa waa tàa ngùꞋtà atò mè ngɨ̀à àghɨa tàa nkɨà la, ka tà màà ndzəèà wuê a ka àbâ àlaꞋ leꞋ, ko Mbɔ̧ɔ̧mà naa bɨ̧ɨ̧ne atò.


“Bà le ye mè nkoê àghɨ àgème tà ghɨ a èbem àpfəèa Jèlusalèm, nè àlaꞋ a Bèjuê la. Bɔ li ngù̧ù̧tè atò a mbɨ̧̀ mbasa mbùŋè atò.


AfɨꞋa bɔ paa mènəè ègème Àkata Mbɔ̧ɔ̧mà a làꞋà ane tò la, bɔ shuke atò a ègwet mbasa wu ngà ndzi a èbem èsî.


Bɨ li ngù̧ù̧te a Yesò a mbɨ̧̀ mbasa mbùŋe atò, ka Mbɔ̧ɔ̧mà bètǎt ba yu̧u̧mè atò.


Bɨ̀ nɨ àwɨ̧ mɨ̧̂ mbɨ̀Ꞌɨ̀ bèmpfəà ane màngɨa kàbɔ̀ŋ, mè nɨ àwɨ̧ mbɨ̀Ꞌɨ̀ bòt yu̧ a màngɨa àghɨa Mbɔ̧ɔ̧mà kɨa la, ndɨ̀ wu bɨ̀ tsiꞋi àghɨ yeamɔꞋ nè Yesò Klistò la.


Bɨ̀ ka sa èdziꞋ ènyit bɨ̧ abua kàbɔ̀ŋ, e ghɨ̀ bɨ me ghɨ èbɨꞋte èghɨ. Bɨ̀ ŋa wɨ̧ wuê abua Mbɔ̧ɔ̧mà, mbɨ̀Ꞌɨ̀ bòt bɔ dzəè a èbem èvə ntsiꞋi a èbem mèmpème la, mè ŋa mbɨ̧̀ tɨ̧ nènkèm abua Mbɔ̧ɔ̧mà mbɨ̀Ꞌɨ̀ tea me ghɨ̀ èghɨ àa mbɔ̀ la.


Bɨ bakà ko nê wòt nàa ngɨ̀ tà ŋa avi abua wòt mbɨ̀Ꞌɨ̀ àbùꞋ, a màndzəa tò, tà tsìꞋi àbùꞋ a ŋut wu tàa ndzəa tò la à? Tàa ngɨ̀ tà tsìꞋi àbùꞋ a màngɨa kàbɔ̀ŋ, kàbɔ̀ŋ wu nàa ghɨ̌ taa pfə la, kò àyea àa ndzəa Mbɔ̧ɔ̧mà, àa ghɨ̌ taa tsiꞋi wòt tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la leꞋ.


BetsiꞋa à ka wu ale! Bàa wu bàà tsiꞋi mbɨ̀Ꞌɨ̀ bèmpfəà tè kàbɔ̀ŋ kà tsi mbɔ̀ mètàŋ a ègwet la la, bàa ghɨ̀ na e mě me ghɨa kàbɔ̀ŋ à?


Ka àfɨ̀Ꞌ yaa Mbɔ̧ɔ̧mà tsì àwɨ̧ a èbem kàbɔ̀ŋ, bɨ tsiꞋi èbùꞋ tò la, àbȩ̀ yɨ̧ wu àghɨ yu a ghɨ̂ bɨ tsiꞋa ngɨ̀à wuê èghɨ bu àa mbɔ̀ Mbɔ̧ɔ̧mà, àa ghɨ̌ bɨa li bɔ mèmpème kàlìà la.


Wòt nàa ngɨ̀ tà pfə, kàbɔ̀ŋ kà tsi mbɔ̀ mètàŋ a ègwet tò.


Mbɨ̧ nàà ka tsi nkùùle awa afɨ̀Ꞌ yaa, nkàà nê baa li mpfə ndùùlà àghɨ yu a li mbà̧aã awa mbɨ̀Ꞌɨ̀ bɔtefȩ la. Baà tsiꞋa ngɨ̀à wuê àghɨa alu̧ fi wu Fo Mbɔ̧ɔ̧mà nàa nyɨ̀Ꞌta awa la nàa nkɨa la. Baà ka tsi ndzə ànəa alu̧ nyaꞋ wu bɔ li shɨ a èbem àkata mbɨ̧ la.


E ndi shu awɨ̧ ànəa Yesò Klistò li shu am la, mbɨ̀Ꞌɨ̀ ngule àghɨa mbì, nê Yesò Klistò li mpfə ane kàbɔ̀ŋ wa, mbɨ̀Ꞌɨ̀ Àkata Mbɔ̧ɔ̧mà a li shu nê aa wu la.


“Ale Lefɨ̀Ꞌ laꞋnê, bɨ dzə ayɔɔ yɔb me tsèke tsa ane yɔb, bɨ̀ ka mbà̧à̧te àghɨa àa tsòkè àwɨ̧ la ko maa nɨ awɨ̧,


Yesò Klistò li nɨ̀ àtsəa zi nchùꞋ ètsə ba a èbem ndɔ̀ mbɨ̧tsə, ndɨ̀ wu tà li ntsìꞋi ŋeꞋe ndɔ̀ ngaa zìambɔŋ àdziꞋa ya la. Aa anè nkàà nê Àkata Mbɔ̧ɔ̧mà a laꞋnê, “Ànyem a wu àtsəa waa waa tà tɨŋne a ègwet àyɨt la.”


Wu èkaꞋà waa ka àa ngɨ̀à bòt e ghɨ̀à àghɨ àgème è wù àyea ntsɔ̧̀ la, nè àyea a kùꞋù la, nè àyea è wû nkûŋ la.


A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.


Tà lè saãaãtè àkatè njû ta tu ba li mbɔ̌ ndɨ bàa tsə nkàà nê ba pààte mbɨ̧te Mbɔ̧ɔ̧mà la. Bɔ li ngù̧ù̧te a Yesò a mbɨ̧̀ mbasa nko nê ànəa njû ta tu a mî, tè tè ka tsi mbɔ̀ mètàŋ a ègwet la.


Ndɨ̀ wu bɨ pfəꞋte ne Yesò Klistò, tè bɨ̀ ka tsi ngu a èten fo tu tèa mbǎ̧ ngɔ̀ŋ yaa la, è ghǎ ghɨ̂ ka bɨ mè me ghɨ̀ mènəè mɨ̧ mbɨ̀Ꞌɨ̀ bòt ngɔ̀ŋ ya à? Bɨ ghɨ̀ na ka mbèla nkùŋà mbɨ̧ tu tèa shua nê,


Bɨ li mpfəèꞋte mèntsèke mbì mu è lìà, tè mèntsèke mɨ̧ tsiꞋi a tèkitebu Yesò Klistò mbɨ̀Ꞌɨ̀ Mbɔ̧ɔ̧mà nɔ̀ŋè la.


Ndɨ̀ wu Yesò Klistò li nkɨ̀Ꞌɨ̂ ŋà àtsəa zi ngò̧ yemɔ̀Ꞌ mbɨ̀Ꞌɨ̀ Mbɔ̧ɔ̧mà kɨa la, ba tsiꞋi mbɨ̀Ꞌɨ̀ bòt kà ghɨa kàbɔ̀ŋ.


Ale, Yesò Klistò li me kɨꞋɨ a sitsǎꞋ ale shu abua Mbɔ̧ɔ̧mà nê, “Èntɨ̧ɨ̧ wê e ntsě ane banyà̧ bu bòt àa nkɨ̧̀ɨ̧̀ma la, nè èghɨ bu bòt àa ŋǎ abua yê la, mbɔ̂ à ghɨ̂ e mbɔ mbɨ̧̀ ènyit màa ŋa la.


Bɨ̀ ŋwètè èka bɨ̧ a si ntsɔ̧̀ mbɨ̀Ꞌɨ̀ èka mbɔŋ e loŋ bɨ debte a si. Ka bɨ̀ bɔ me kweele.


Èwuu àtsəa bèntsìà mèpɨ̧̀ Mbɔ̧ɔ̧mà yaa a kùꞋu abua ya. Tà wu wòt tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la, àghɨ à ka wu ane tò betsiꞋa wòt feele atò adù̧ la, tà kà wua ngɨa kàbɔ̀ŋ. Mbɔ̧ɔ̧mà è tsì atò ayɔɔ bòt kàbɔ̀ŋ, mè nɨ atò nkɔꞋ ngà tè ntsè tègwetsə.


Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.


È wu ale, bɨ̀ me shu mènəè kàbɔ̀ŋ mɨ̧ abua bɔnyɨ bɨ̧, mè ntsàꞋta Mbɔ̧ɔ̧mà àtsəa waa waa mbɨ̀Ꞌɨ̀ ekweele. Wòt wu tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà la nàa ngɨ̀ tà tsàꞋte atò, mèntsàꞋte mu bɔ mètàŋ, ànəa tà kɨa la a bê mè ngu wuê yùà.


Bɨ koa nê Yesò Klistò tɨ̧ɨ̧ ndɨŋndɨ̀ŋ a mbì Mbɔ̧ɔ̧mà, bɨ bɔ ndɨ bɨ̀a ko nê waa waa tàa ngɨ̀à àghɨa Mbɔ̧ɔ̧mà nàa nkɨà la wu Waã Mbɔ̧ɔ̧mà la.


Bɔ̧ bɔ̧, ko mbɨ̀Ꞌɨ̀ wòt kǒ fɨte awɨ̧. Waa waa tàa ngɨ̀à mènəè ntsɔ̧̀ la wu wòt tà tɨ̧ɨ̧ ndɨŋndɨ̀ŋ a mbì Mbɔ̧ɔ̧mà, wuê mbɨ̀Ꞌɨ̀ Yesò Klistò tɨ̧ɨ̧ ndɨŋndɨ̀ŋ la.


me chua ntsèà a kètsìà èlu̧ wu a èbem àpfəèà nɨ̧ yu la. Àyɨt yu àa ŋa mèmpème la, a tɨ̧ɨ̧ àbâ èdzî mbɔŋ bebe, me kɔɔle tètaãaãtsə tsa tsa ane èŋu ègème ane èngùꞋebȩ. TèfəꞋte àyɨt a mbɔŋ wu èghɨbə àa mbəa bòt èlaꞋ ègème la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ