1 Pità 2:23 - Mundani

²³ Bɔ li bɔ ghɨ̀ bɔ̀ tsò̧ò̧te atò, tà kà vəə ane kèntsɔ̧̀ɔ̧̀mè. Bɔ̀ me ghɨ̧̀ɨ̧̀ne atò tà kà kaà wòt. Mbɔ̂ tà li nɔ̀ŋè ntɨ̀ zi wuê ane Mbɔ̧ɔ̧mà wu tàa saꞋa ànəa wòt wuê mbɨ̀Ꞌɨ̀ àa la.

1 Pità 2:23 ပူးပေါင်းရင်းမြစ်များ

Lûk 23:41

È me wu awa ko ba wua ndzèa ngoꞋ ane ànəa ba ghɨ̀ la, ka mbê waa bakà ghɨ ànəa kàbɔ̀ŋ àko.”

Lûk 23:46

Yesò ŋȩ ane àtɔŋ nɨ̧ nê, “Tê, ye àlɨ̀ŋkè am àyaa àbu ayê mâ zì la.” Tà shu ale, mbê mpfə.

Lûk 23:9

Ale, tà bììte a Yesò mènəè, ka Yesò kà kwe.

ÀfaꞋa 17:31

Aà ale nkàà nê, tà tsia àlia tàa li tsě ane wòt kǒ tà yɔꞋ la, esaꞋa ngɔ̀ŋ yaa ane ndɨ a kùꞋù la. Tà nyɨꞋte a waa waa nê ànəê yaa aa li tsè mbɨꞋɨ̀ ye kàꞋà la, nkàà nê tà ghɨ̂ ŋut pfə mè njù̧ù̧mê.”

ÀfaꞋa 4:29

È wu ale, a Tǎt wa, ye ndɨ̀ waa bɔ kàà àwa la, è ŋa bɔfàꞋ bê mètàŋ bɔ̀ me làꞋa èngǎ̧ wè kà bɔ̀â.

ÀfaꞋa 7:59

Mbɨ̀Ꞌɨ̀ bɔ̀ɔ ntèmte a Stifèn la, tà tɔ Waã Mbɔ̧ɔ̧mà nê, “Yesò Lefɨ̀Ꞌ, nɨ àlɨ̀ŋkè am.”

ÀfaꞋa 9:1

Mbɨ̀Ꞌɨ̀ mènəè maa nàa ntsèà la, Sɔ̂l me ghǎ wuê nè mbì nkàà, nkɨ ekɨɨme wuê bɔkatè bu bɔ zì mèntɨ̧ɨ̧ mɔb ane Yesò la. Tà li ngà fɔ̀ɔ̀le abua àtsəa bèntsìà mèpɨ̧̀ Mbɔ̧ɔ̧mà

Lûm 2:5

Ka ndɨ̀ wu a kweele èntɨ̧ɨ̧ wê, ntu̧u̧ kubte la, à wua mpàa nkwèꞋnà ntsǒ Mbɔ̧ɔ̧mà a ègwet lè, mbɨ̀Ꞌɨ̀ è li è wu ane àli yu tàa saꞋa waa waa ndɨŋndɨ̀ŋ la, a bê mbɨ̀ àwê.

Efesɔ̀s 6:9

Bɨ̀a wu bɨ bɔ èbùꞋ la, bɨ̀ me baãaã wɔb ntsɔ̧̀ mɨ̧̂, bɨ̀ ka me kàà wɔb, nko nê tǎt wu tà bɔ awɨ̧ bàgème la wu a ègwet. Tàà saꞋa bòt kà lȩ mèsi.

2 Tèsàlonikà 1:5

NgoꞋ yaa bɨ yea nyaŋ la bê nyɨ̀Ꞌta ndɨ Mbɔ̧ɔ̧mà nàa saꞋa bòt wuê mbɨ̀Ꞌɨ̀ bɔ bɔ ndɨ bɔ̀ɔ saꞋa wɔb la. Ale, bɨa li ekùꞋù èbe bɨa li ewu ne Mbɔ̧ɔ̧mà a kèfɔ̧̀ tò la, nkàà ngoꞋ tu te ye awɨ̧ la.

2 Tɔ̀màtià 1:12

Eyaa wu lə yu e ndzèa ngoꞋ yaa la. Ka betsiꞋa è nka bɔ àtsəa kɔꞋɔ ane ànəa ko nkàà nê mâ ko wòt wu mâ zì ntɨ̀ yaã ane tò la. Mâ ko mɨ̧̂ nê, betsiꞋa tà baabe Ntu̧ Ntsɔ̧̀ yu tà ŋa abua am la tè ngà ngu ane àli yu tàa li e mě kɨꞋɨ la.

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.

Ebùlù 12:3

Bɨ̀ ye ànəa a li ndze atò la. Bòt kàbɔ̀ŋ e li ngɨ̧ɨ̧ne atò, ka tà bɔ̂ nkùùle wuê èntɨ̧ɨ̧ vi. È wu ale, bɨ̀ambɔŋ è ka nkaã ntsì mèntɨ̧ɨ̧ mɨ̧ ane Mbɔ̧ɔ̧mà.

1 Pità 3:9

Wòt ghɨa kàbɔ̀ŋ ane yê, à ka mvəèəè ane kàbɔ̀ŋ. Wòt tsɔ̧̀ɔ̧̀ àwê, à ka mvəèəè ane kèntsɔ̧̀ɔ̧̀mè. Ka wòt ghɨ̀ ànəa kàbɔ̀ŋ ane yê, à tsàꞋtè nê Mbɔ̧ɔ̧mà nyɨ̀Ꞌte a ntsɔ̧̀ vi abua tò. Bɨ̀ ko nê, Mbɔ̧ɔ̧mà li ngua ntɔ awɨ̧ mbɨ̀Ꞌɨ̀ e ghɨ̌ bɨa zə a ntsɔ̧̀.

1 Pità 4:19

È wu ale, wòt me ye ngoꞋ mbɨ̀Ꞌɨ̀ Mbɔ̧ɔ̧mà kɨà la, ŋut me ghɨ̀ wuê àghɨa a kùꞋù la nɨa ngà nè mbì, ndzìà vi nènkèm a tèkitebu Mbɔ̧ɔ̧mà. Wu tòà ka tà ghɨ̀ àwɨ̧ la, ale tà kà wuê ewaꞋa wɨ̧.

Ètsə 19:11

ÀfɨꞋa mbɔŋ e me ye ègwet e ghaꞋà, e me ye ndzèa loà kèfə. Bɔ me tɔ wòt wu ta tseke a ègwet la nê wòt nkûŋ, betsiꞋa wòt lɨ̀Ꞌà àvi ane tò la. Tàà nɨ̀a nkûŋ ka sàꞋa mènəè mè nùà èbet.