1 Pità 2:21 - Mundani

²¹ Mbɔ̧ɔ̧mà li ntɔ awɨ̧ nê mènəè maa ye awɨ̧, mbɨ̀Ꞌɨ̀ è li ndzea Yesò Klistò la. Tòà zìambɔŋ li ndzě ngoꞋ ane yɨ̧ nɨŋ nyɨ̀Ꞌte nê bɨ̀ me ghɨ̀ mbɨꞋɨ̀ ye li ngɨ̀ la.

1 Pità 2:21 ပူးပေါင်းရင်းမြစ်များ

Matìù 10:38

Wòt bakà bɨ̧̀ɨ̧̀ne eŋeꞋe mbasa vi ekùŋè am, tà kà kuꞋu ewe tàa wu wɔ̧ la.

Matìù 11:29

Bɨ bɨ̧ɨ̧nè mèngǎ̧ mɔ̧, ka è màà ndèt ntsèa wɨ̧, mè me kùŋè tèka taã, ko mèntɨ̧ɨ̧ mɨ̧ naa yète, nkàà nê mènəè mɔ̧ naa njùa, e mè mbɔ àbɔɔla èntɨ̧ɨ̧.

Matìù 16:24

ÀfɨꞋa mbɔŋ Yesò shu abua bɔkatè bi nê “Wòt me kɨ eghȩ̀ȩ̀ne ateka taã, tà sà mènəè mi ègème ŋèꞋe mbasa vi nkùŋè am.

Lûk 24:26

Tè bɨ bakà ko laꞋ nê Fɔ̧̀ wu Mbɔ̧ɔ̧mà li ndzɔꞋ etsàà la, li mbɔ̌ ndɨ tàa ye ngoꞋ ka bɔ tseke a ègwet àtɨ̧ Kèfɔ̧̀ Mbɔ̧ɔ̧mà la à?”

Jɔ̌n 13:15

Mâ nyɨꞋte awɨ̧ ndɨ bɨ̀a me ghɨ̀ àghɨa mâ ghɨ̀ la, nê, bɨ̀ me ghɨ̀ wuê mbɨ̀Ꞌɨ̀ mâ ghɨ̌ ane yɨ̧ la mɨ̧̂.

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

ÀfaꞋa 14:22

Ngà ale, me ghȩ̀ȩ̀ne a èdziꞋ baa ègème, ndɔ̀ktà mèntɨ̧ɨ̧ bɔkatè Yesò nê bɔ̀ me nɨ èngǎ̧ tò nɨa ngà wuê nè mbì. Bɔ ghɨ̀ bɔ nê, “Ba bɔ̂ ndɨ bàa taꞋa eye ngoꞋ ka enyi Kèfɔ̧̀ Mbɔ̧ɔ̧mà la.”

ÀfaꞋa 17:3

Tà ghɨ̀ ale, tà me ghaꞋte mè nyɨ̀Ꞌte awɔb èlȩê nê, Fɔ̧̀ wu Mbɔ̧ɔ̧mà li ndzɔꞋ etsàà la, li mbɔ̌ ndɨ tàa ye ngoꞋ te epfə ka eyu̧u̧me la. Mè nê, “Yesò waa è ngua ndàꞋà ànəa tò la, wu Fɔ̧̀ wu Mbɔ̧ɔ̧mà è yɔꞋ ntsà la.”

ÀfaꞋa 9:16

Mmɔ̌ mbɔŋ, maa nyɨꞋte atò ngoꞋ tàa ye mbɨ̀Ꞌɨ̀ e ghɨ̌ bòt àa ko am la.”

Lûm 8:29

Bòt bu Mbɔ̧ɔ̧mà li mbele àfɨꞋa tsa ndà la, tà li nɔ̀ŋè nê bɔ̀ wu mbɨꞋɨ̀ waã vi nàa la, mbɨ̀Ꞌɨ̀ e ghɨ̌ taa wu waã mbì ayɔɔ bɔnyɨ nyaŋ.

1 Kɔlìn 11:1

Bɨ̀ me fɨŋe am ane mènəè mɔ̧ wuê mbɨ̀Ꞌɨ̀ màa fɨŋa Yesò Klistò la.

Efesɔ̀s 5:2

Bɨ̀ me ghɨ̀ mènəè mɨ̧ nè èkɔŋ wuê mbɨ̀Ꞌɨ̀ Yesò Klistò li nkɔ̀ŋkà wa mpfə ambo ya la. Tà li ŋà àtsəa zi ambo ya, ale a wu mbɨ̀Ꞌɨ̀ àghɨ bɔ tô̧ ŋǎ abua Mbɔ̧ɔ̧mà a me nəꞋə àghaa ntsɔ̧̀ nkɔ̀Ꞌɔ nga a ègwet mbɔ̀ a Mbɔ̧ɔ̧mà la.

Filìpȩ 2:5

Bɨ̀ me ghɨ̀ mènəè wuê mbɨ̀Ꞌɨ̀ Yesò Klistò li ngua ngɨ̀à la.

1 Tèsàlonikà 3:3

Ba li ngua ngɨ̀à ale mbɨ̀Ꞌɨ̀ ngoꞋ tu bòt e ghɨ̂ bɨ ye la te ghɨ̀ wòt kǒ ane yɨ̧ tsì èntɨ̧ɨ̧ vi ane Yesò. Bɨ̀a mbɔŋ bɨ ko nê èwuu ngoꞋ tàa wu àbəꞋa èghɨ e bɔ ndɨ àa ye awa bàa bòt Mbɔ̧ɔ̧mà la.

1 Tèsàlonikà 4:2

Bɨ ko nkɨ̀a tu ba li ŋǎ abua yɨ̧ ane èlen Yesò Lefɨ̀Ꞌ la.

2 Tɔ̀màtià 3:12

Wu nkûŋ nê bòt bu bɔ̀ɔ nkɨ me tseke mbɨ̀Ꞌɨ̀ bòt Mbɔ̧ɔ̧mà ndɨ̀ wu bɔ̂ Yesò Klistò ba è tsiꞋi àghɨ yeamɔꞋ la, aa ye ngoꞋ a tèkitebu bòt ko.

Ebùlù 2:10

Mbɔ̧ɔ̧mà wu wòt tà li ngɨ̀ ka àghɨ àgème a wu la, mè ngua ngɨ̀à èghɨ mbɔŋ ègème abua zi. Tà li ngua nkɨà nê bòt nyaŋ è wu bɔ̧ bi mbɨ̀Ꞌɨ̀ èghɨ bɔɔ bɔ ènɨ̧. A li mbɔ̀ŋ nê tà ghɨa wòt wu tàa ghɨ bòt aa bɔ mèmpème la ye ngoꞋ mbɨ̀Ꞌɨ̀ ewu àghɨa tà bɔ ndɨ tàa wu yùà la.

1 Pità 1:20

Mbɔ̧ɔ̧mà li me laꞋnê yea ngɨ̀à ngɔ̀ŋ, ndaa Yesò mbɨ̀Ꞌɨ̀ wòt tàa li kɨꞋɨ e ghɨ̌ bɨa bɔ mèmpème la. Tà li ngua nkɨ̀Ꞌa mbɨ̀Ꞌɨ̀ e ghɨ̌ bɨa bɔ mèmpème àfɨ̀Ꞌ yaa ngɔ̀ŋ tsiꞋa ndìà lìa la.

1 Pità 2:24

Yesò Klistò zìambɔŋ li ŋèꞋe a kàbɔ̀ŋ wa àtsəa zi nɨŋ nga a mbɨ̧̀ mbasa mbɨ̀Ꞌɨ̀ e ghɨ̌ kàbɔ̀ŋ naa bakà tsi mbɔ̀ mètàŋ a ègwet la, baa me tseke mbɨꞋɨ̀ Mbɔ̧ɔ̧mà nàa nkɨà la. Tèfɨŋ tu tà li mbɔŋ la te ghɨ̂ bɨ pem.

1 Pità 3:18

Aa ale nkàà nê, Yesò Klistò wu tà li ngu wòt ntsɔ̧̀ la li mpfə ambo mènəè kàbɔ̀ŋ bòt. Tà li mbê mpfə anè ngò̧ yemɔ̀Ꞌ a kùꞋ ale, mbɨ̀Ꞌɨ̀ enɨ awɨ̧ enɨ kɨꞋɨ abua Mbɔ̧ɔ̧mà. Bɔ li mbuŋe atò nè mbɨ̧̀ ènyit yu è wû eye wɔ̀bȩ̂ la, tà yu̧u̧me ane Fo Mbɔ̧ɔ̧mà.

1 Pità 3:9

Wòt ghɨa kàbɔ̀ŋ ane yê, à ka mvəèəè ane kàbɔ̀ŋ. Wòt tsɔ̧̀ɔ̧̀ àwê, à ka mvəèəè ane kèntsɔ̧̀ɔ̧̀mè. Ka wòt ghɨ̀ ànəa kàbɔ̀ŋ ane yê, à tsàꞋtè nê Mbɔ̧ɔ̧mà nyɨ̀Ꞌte a ntsɔ̧̀ vi abua tò. Bɨ̀ ko nê, Mbɔ̧ɔ̧mà li ngua ntɔ awɨ̧ mbɨ̀Ꞌɨ̀ e ghɨ̌ bɨa zə a ntsɔ̧̀.

1 Pità 4:1

Ba ko nê Yesò Klistò li ntsìꞋi wɔ̀bȩ̂, ndzě ngoꞋ. Ale, bɨ̀ bɔ èwuu mèmɨ̀ɨ̀te mbɔŋ ntàŋka awɨ̧ eye ngoꞋ mbɨ̀Ꞌɨ̀ tà li ndze la. Bɨ̀ ghɨ̀ ale, nkàà nê wòt tà bɨ̧ɨ̧ne eye ngoꞋ la, bakà tsi mbɔ̀ àghɨa ko tàa ghɨ̀ nê kàbɔ̀ŋ la.

1 Pità 4:13

Ka bɨ̀ wùꞋtè àwɨ̧ nê bɨa ndzea ngoꞋ mbɨ̀Ꞌɨ̀ Yesò Klistò li ndze la, mbɨ̀Ꞌɨ̀ e li taꞋa ewùꞋtè àwɨ̧ àfɨꞋa tàa kɨꞋɨ bɨa ye ènɨ̧ tò la.

1 Jɔ̌n 2:6

wòt ègème tà laꞋnê ye tsiꞋi àghɨ yeamɔꞋ bɔ̂ Mbɔ̧ɔ̧mà la, è bɔ ndɨ tàa me tseke wuê mbɨ̀Ꞌɨ̀ Yesò Klistò li ngua ntsèka la.

1 Jɔ̌n 3:16

Baa me ko àghɨa èkɔŋ è wu yùà la ale, ngu ndɨ̀ wu Yesò Klistò li ŋà àtsəa zi ane ànəa ya la. È wu ale, bàambɔŋ e bɔ ndɨ bàa ŋa ètsə ba ane ànəa bɔnyɨ ba mɨ̧̂ la.

Ètsə 12:11

Wu àlo̧ Wanjɨ̀ wu nè èngǎ̧ nkûŋ tò wu bɔ̀ɔ ndàꞋà la ka bɔnyɨ ba e nɨŋ nù atò tè ntsè la. Bɔ li bɔ̀ ka nɨ mèntsèke mɔb mbɨ̀Ꞌɨ̀ àghɨa ko, nê è màà ngu wuê èvə ko bɔɔ pfə.