1 Pità 2:12 - Mundani

¹² Bɨ̀ wu bòt mènəè ntsɔ̧̀ ayɔɔ bòt bu kà ko a Mbɔ̧ɔ̧mà la, mbɨ̀Ꞌɨ̀ bɔ̀ me shu nê bɨ wu bòt kàbɔ̀ŋ, bɔ ye mènəè ntsɔ̧̀ mu bɨ̀a ngɨ̀à la, ngùꞋtè a Mbɔ̧ɔ̧mà ane àli yu tàa li esaꞋa ngɔ̀ŋ la.

1 Pità 2:12 ပူးပေါင်းရင်းမြစ်များ

Matìù 10:25

Ale, wakatè è tsìꞋa mbɨ̀Ꞌɨ̀ nyɨꞋta vi, tà wùꞋtè àvi. WafàꞋ è tsìꞋa mbɨ̀Ꞌɨ̀ tǎt àfàꞋ vi, tà wùꞋtè àvi mɨ̧̂. Bɔ wu tsì èlen tǎt lob ane Belzebùl, ko bɔɔ tɔ bòt lob tò ane tèlente kàbɔ̀ŋ te tsě.

Matìù 5:11

“Ntsɔ̧̀ wu bɨ̀a wu bòt àa ntsɔ̧̀ɔ̧̀tà wɨ̧ mè nkɨà àtsəa yɨ̧ enɨ, mè ndàꞋà tèwuute mènəè kàbɔ̀ŋ fɨte ègème àtsəa yɨ̧, ambo yaã la.

Matìù 5:16

È wu ale, bɨ tsiꞋ èkaꞋà wɨ̧ e beꞋè a mbì bòt mbɨ̀Ꞌɨ̀ bɔɔ ye èfàꞋa ntsɔ̧̀ bɨ̧ e ŋa mèngùꞋte abua tǎt wɨ̧ a ègwet.

Matìù 9:8

Mbɨ̀Ꞌɨ̀ ènɔ̧̂ bòt bu e ye ale la, kèbɔɔ ke baãaã wɔb, bɔ tsiꞋi me wùꞋte a Mbɔ̧ɔ̧mà wu tà ŋa èwuu àtɔŋ yàa abua wɔ̀bȩ̂ la.

Lûk 1:68

“Bà wùꞋte èlen Lefɨ̀Ꞌ wu, tà wu Mbɔ̧ɔ̧mà bòt Izəèlȩê la. Tà kɨꞋɨ̀ ntɨ̀ŋe bòt bi ndɔ̀Ꞌ nchùꞋu ètsə bɔb, ntsì àwɔb a èbem ngoꞋ.

Lûk 19:44

Mbɔ̂ ngɨ̀ ale nyi a èbèm àpfəè yu, ndììmè bòt bàgème bɔɔ a èbèm la, mè mbùù lobtsə tègème tè ngà ndzəè ane ètetsi. Èghɨ baa aa li ghɨ̌ a èlɨ waa, nkàà nê bɨ le kaꞋa nɨ àli yu Mbɔ̧ɔ̧mà le kɨꞋɨ etsì àwɨ̧ a èbem kàbɔ̀ŋ wɨ̧ la mbɨ̀Ꞌɨ̀ àghɨ ako.

Lûk 6:22

Ntsɔ̧̀ wu bɨ̀a wu bòt aa mpààbà àwɨ̧, ntsìà àwɨ̧ ayɔɔ, ntsɔ̧̀ɔ̧̀tà àwɨ̧, mè shua nê bɨ wu bòt kàbɔ̀ŋ, nkàà ndɨ̀ wu bɨ̀a nkùŋà Waã Wòt la.

Jɔ̌n 13:31

ÀfɨꞋa Judàs gha àbȩ la, Yesò nê, “Bòt aa ye ènɨ̧ Waã Wòt àfɨ̀Ꞌ yaa, e mě eye ènɨ̧ Mbɔ̧ɔ̧mà ane tò.

ÀfaꞋa 15:14

Simùn bê nyɨ̀Ꞌte awɨ̧ ndɨ Mbɔ̧ɔ̧mà li mbɨ̀ ndȩ̀ bòt ayɔɔ bòt kà wu Bèjuê ane bòt bi, nɨŋ nyɨ̀Ꞌte nê, yeà nkɔ̀ŋkà àwɔb bàgème la.

ÀfaꞋa 24:13

BètsiꞋa bɔ̀ ka lem nyɨꞋte àlȩê ako nê mènəè maa bɔ shua àtsə am àfɨ̀Ꞌ yaa la wu nkûŋ.

ÀfaꞋa 25:7

ÀfɨꞋa tà kɨꞋɨ la, Bèjuê bu bɔ lɔ̀Ꞌɔ a Jèlusalèm la, e ghaale atò mbùꞋ me shu taꞋà mènəè kàbɔ̀ŋ tà ghɨ̀ la, kà lem ndze àlȩê bɔ ŋa ane ayea ko la.

ÀfaꞋa 28:22

Ka baa nkɨ ezə ànəa à wu a èntɨ̧ɨ̧ wê la, mbɨ̀Ꞌɨ̀ nê bòt aà ntsìà mpəəte ènɔ̧̂ bòt bu à wu bɨ tò ba la, adzìꞋ àgème.”

Lûm 12:17

Wòt ka mvəèa kàbɔ̀ŋ ane kàbɔ̀ŋ, ka me ghɨ̌ wuê àghɨa waa waa nàa ye nê aà mbɔ̀ la.

Lûm 13:13

Bàà me ghɨ̀ mènəè ma ane ndɨ è wu wu la, mbɨ̀Ꞌɨ̀ bòt bɔ̀ɔ ntsèka a èbem èkaꞋà la. Bàà ka me jɨ mèpǎ̧ màpaꞋta àbɨ̧, kò nùa mbea leꞋ, bàà ka me jɨ àbȩ kò ngɨ̀à èbɨꞋte mènəè leꞋ, bàà ka me nù èbet kò ngòꞋna bòt leꞋ.

Lûm 14:18

Wòt tàa fàꞋà abua Yesò Klistò a èlɨ̀ waa la, wu wòt èntɨ̧ɨ̧ Mbɔ̧ɔ̧mà àa mbɔ̀ ane tò la, bɔbȩ e mè ngu me làꞋa a ntsɔ̧̀ adù̧ tò.

Lûm 15:9

A li ngu ale mbɨ̀Ꞌɨ̀ bòt kà wu Bèjuê aa wùꞋte a Mbɔ̧ɔ̧mà mɨ̧̂ ane tèsȩ tu tà li mbɔ ane yɔb la. A wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Ale maa wuꞋtè àwê a kètsìà bòt kà wu Bèjuê, e mèe kɔ̧ mètsəkù̧ ane èlen lê.”

1 Kɔlìn 14:25

e ghɨ̌ bɔɔ ko ènəê ndò̧ tò bu a èntɨ̧ɨ̧ tò la. Àyaa aa ghɨ̌ taa ŋɔꞋne a si e wùꞋte a Mbɔ̧ɔ̧mà, e shu laꞋnê ane nkûŋ Mbɔ̧ɔ̧mà wu ayɔɔ yɨ̧.

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

2 Kɔlìn 13:7

Baa shù̧ù̧ta Mbɔ̧ɔ̧mà nê tà ghɨa bɨ̀ ka tsi ngɨ a kàbɔ̀ŋ. Ba shua àyaa nkàà nê ba ntsea nkɨà bɔɔ ko nê Mbɔ̧ɔ̧mà ka tà tsàà wa la. È màà ngu wuê nê bɨa kà ye awa mbɨ̀Ꞌɨ̀ bòt Mbɔ̧ɔ̧mà tsàà la, ko àghɨa ba kɨa la wu nê bɨ̀ me ghɨ̀ mènəè è kùꞋù la.

2 Kɔlìn 8:21

Ba ghɨa anè nkàà nê ba kɨ e ghɨ̀ àghɨa àa mbɔ̀ a mbì Mbɔ̧ɔ̧mà, mè mbɔ̀ a mbì bɔbȩ la mɨ̧̂.

Efesɔ̀s 2:3

Bàa gème e li ngu mbɨ̀Ꞌɨ̀ bɔ̀ɔ̀ba wàa, me tseke mbɨꞋɨ̀ mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ba li ngua ngɨ̀à àghɨ àgème a kɔꞋɔ a ètsə ba la, nè àyea mbɨ̧te ènyit ta tèa nkɨà la mbɨ̀Ꞌɨ̀ bɔbȩ. Ale, ntsǒ Mbɔ̧ɔ̧mà li mbɔ̌ ndɨ nàa nɔ̀ŋke a ètsə ba wuê mbɨ̀Ꞌɨ̀ nàa nɔ̀ŋke àtsəa wɔ̀bȩ̂ ègème la.

Efesɔ̀s 4:22

Ale, bɨ̀ waꞋa mènəè nyǎꞋ mu bɨ̀ le yaã ngua ntsèka ngɨ̀à la. Wu mèntsèke nyǎꞋ màa bɨ li ngua ntsèka la ka è li ngua ntsòkà wɨ̧, fɨ̀ta wɨ̧ bɨ ghɨ̀à mènəè kà kùꞋ la.

Filìpȩ 1:27

Ànəa nɨ̧ àfɨ̀Ꞌ yaa wu nê, bɨ̀ me ghɨ̀ mènəè mɨ̧ ègème wuê mbɨ̀Ꞌɨ̀ Ntu̧ Ntsɔ̧̀ Yesò Klistò nàa nkɨà la. Bɨ̀ ghɨ̀ ale, mbɨ̀Ꞌɨ̀ è nkɨꞋɨ e ndze awɨ̧, kò è mbaka nkɨ̀Ꞌɨ̂ leꞋ, e ndzə ndɨ bɨ̀a nèètà mbǎ̧ èngǎ̧ Yesò Klistò nè èntɨ̧ɨ̧ wɨ̧ wemɔꞋ la. Mè ndzəâ ndɨ bɨ̀a fàꞋà nè ètsəê wemɔꞋ mbɨ̀Ꞌɨ̀ bɨ fɔtà nùà nê Ntu̧ Ntsɔ̧̀ Yesò Klistò me ghà nê mbì la.

Filìpȩ 4:8

Bɔnyɨ bɔ̧, ànəa e nkɨ elìa eshu awɨ̧ la wu nê, bɨ̀ me mɨ̀ɨ̀tè wuê mènəè è wû nkûŋ la, nè mènəè bòt àa nkùkta la, mè nè mènəè è kùꞋù la. Bɨ̀ me mɨ̀ɨ̀te mènəè kà ye àŋɔꞋte adù̧, nè mènəè nàa mbɔ̀, bòt e mè me kɔ̀ŋke la. Èghɨ bu e taꞋa wua mbɔ̀, bòt e mè me wùꞋte bùà la wu èbe bɨ̀a me mɨ̀ɨ̀tè la.

1 Tèsàlonikà 4:12

Bɨ me ghɨ̀ anè, ko bòt kà zi mèntɨ̧ɨ̧ mɔb ane Yesò aa me kukte awɨ̧, bɨ̀ ka mê ngu me lȩ̂ wòt kǒ ane àghɨa bɨ̀a nkɨ̀ŋkà la.

1 Tɔ̀màtià 2:2

Bɔ mè tsàꞋte a Mbɔ̧ɔ̧mà àtsəa bèfɔ̧̀, nè waa waa tàa mbà̧aã àlaꞋ la, mbɨ̀Ꞌɨ̀ baa me tseke ane àlàŋkè kà ye ànəa kàbɔ̀ŋ. À wu anè mbɨ̀Ꞌɨ̀ baa me nèèta ndzəèa a Mbɔ̧ɔ̧mà, mènəè ma naa mě me tsě ndɨŋndɨ̀ŋ.

1 Tɔ̀màtià 4:12

Ko mbɨ̀Ꞌɨ̀ à sàŋ wòt kǒ tà me waa awê nê à bele watèchɨɨle. Ka me ghɨ̀ mènəè mê ane ndɨ bòt Yesò àa me kùŋè teka tè ane ndɨ àa ndàꞋà la, nè ndɨ àa ngɨ̀à mènəè mê la, nè ndɨ àa nkɔ̀ŋkà bòt la, ka nè ndɨ à zǐ èntɨ̧ɨ̧ wê ane Mbɔ̧ɔ̧mà e me fəə la.

1 Tɔ̀màtià 5:10

mè ngu àvi bòt e neetè nko nê tà lè wua ngɨ̀à mènəè ntsɔ̧̀ la. Shɨ wuê èlen àvi tà li ngùa nèètà ndìà bɔ̧ bi, mè sèà bègɨ̧̀ a lob zi, shùà èka bòt Mbɔ̧ɔ̧mà, ntɨ̀ŋa bòt ngoꞋ, mè ŋǎ èntɨ̧ɨ̧ vi a màngɨa èfàꞋ ntsɔ̧̀ ègème la.

Ebùlù 13:18

Bɨ̀ me tsàꞋte a Mbɔ̧ɔ̧mà àtsəa ya. Mèntɨ̧ɨ̧ ma nàà kà feele awa nê ba fâ̧ ànəê. Ba nkɨa e ghɨ̀ àghɨa a kùꞋù la àfɨ̀Ꞌ àgème.

Ebùlù 13:5

Bɨ̀ ka ndzì èntɨ̧ɨ̧ wɨ̧ nyaŋ ane ànəa èkab. Àghɨa wòt bɔ la à kùꞋa abua tò, nkàà nê, Mbɔ̧ɔ̧mà zìambɔŋ laꞋnê, “È nka waꞋa awɨ̧ a, è nka wu elèènè àwɨ̧.”

Jimsì 3:13

Wòt wu ane yɨ̧ tà bɔ èyì mè me nèèta nkoa mènəè la, ŋut wu nyɨꞋte ane mèntsèke ntsɔ̧̀ mi, nè èfaꞋa ntsɔ̧̀ tò tàa nɨ̀a èyì mbɔŋ mbɔ̀ɔ̀la avi fàꞋà la.

1 Pità 2:15

Àghɨa Mbɔ̧ɔ̧mà nàa nkɨà la wu nê bɨ̀ nɨ mènəè ntsɔ̧̀ mu bɨ̀a ngɨ̀a la nɨŋ ndììme mètsəê èkèghɨ̧̀ bòt bu kà ko ànəê la.

1 Pità 3:16

Bɨ̀ ka ngɨ̀ àghɨa èntɨ̧ɨ̧ wɨ̧ àa fèèlè awɨ̧ la, mbɨ̀Ꞌɨ̀ wòt tsɔ̧̀ awɨ̧ nkàà mènəè ntsɔ̧̀ mu bɨa ngɨ̀à mbɨ̀Ꞌɨ̀ bòt Yesò Klistò la, ŋut bɔ wuê àtsəa kɔꞋɔ.

1 Pità 4:11

ÀfaꞋa wòt wu màndaꞋa èngǎ̧ Mbɔ̧ɔ̧mà, tà làꞋà wuê mbɨ̀Ꞌɨ̀ e dzə abua Mbɔ̧ɔ̧mà la. Àyea wòt wu màntɨŋa banɔ̧̀, tà me tɨŋe wuê ane mètàŋ mu è dzə abua Mbɔ̧ɔ̧mà la. Bɨ̀ me ghɨ̀ ale mbɨ̀Ꞌɨ̀ waa waa naa wùꞋte Mbɔ̧ɔ̧mà ane àghɨ àgème bɨ̀a ngɨ̀à la ane èlen Yesò Klistò. MèngùꞋte nè mètàŋ è wu abua Yesò Klistò ane àlia nè àlia. Àmèn.

2 Pità 3:11

Ndɨ̀ wu Mbɔ̧ɔ̧mà nàa li eliime èghɨ bàagème a èlɨ̀ waa la, bɨ̀a chɨɨme wu kà èwuu bòt à? Bɨ bɔ ndɨ bɨ̀a ŋa awɨ̧ nènkèm abua Mbɔ̧ɔ̧mà, e me ghɨ̀ mbɨꞋɨ̀ tàa nkɨà la,