1 Pità 1:6 - Mundani

⁶ Ànəa ngoꞋ tu bɨ̀a ndzea àfɨ̀Ꞌ yaa la a màà ngu me saa wɨ̧ ane àtem àfɨ̀Ꞌ àko, bɨ̀ me wùꞋtè wuê awɨ̧.

1 Pità 1:6 ပူးပေါင်းရင်းမြစ်များ

Matìù 11:28

“Bɨ̀a wu bɨ̀a fàꞋà nkaãaã mè ŋeꞋa àbòꞋa lelet la, bɨ̀ kɨꞋɨ abua am, ko maa ghɨ̌ bɨa yètè.

Matìù 26:37

Tà bɔ̂ nɨa Pità nè bɔ̧ Zebèdiì bu babe la. Tà bùꞋ me ghɔ̧̀ɔ̧̀ne a èntɨ̧ɨ̧ vi, ènyit tò e me bɨɨ.

Matìù 5:12

Bɨ̀ wùꞋtè àwɨ̧, ènyit yɨ̧ è bɔ, nkàà nê Mbɔ̧ɔ̧mà paŋe taꞋà àbȩ̀ abua yɨ̧ a ègwet. Eyaa wu ndɨ bɔ li ngùa nkɨ enɨ àtsəa bèndàꞋàtɔŋ Mbɔ̧ɔ̧mà bu be li ndɔ̀Ꞌ ngu a mbì lɨ̧ la.

Lûk 1:47

MèngùꞋte è lu̧u̧ a èbem èntɨ̧ɨ̧ am ane Mbɔ̧ɔ̧mà wu tà wu Mpemnà am la.

Lûk 10:20

Ka, bɨ̀ ka ngùꞋtè àwɨ̧ ndɨ fote kàbɔ̀ŋ tèa ndzəèà awɨ̧ la, bɨ̀ wùꞋte àwɨ̧ wuê ndɨ Mbɔ̧ɔ̧mà shɨ tèlen tɨ̧ a èbem àkatè àzi a ègwet la.”

Lûk 2:10

Wantu̧ wu shu abua yɔb nê, “Bɨ̀ ka mbɔ̀ɔ̂. Ye am àdzìꞋ yaa, mâ nɨ Ntu̧ Ntsɔ̧̀ nɨŋ nkɨ̀Ꞌɨ̂ eŋa abua yɨ̧, nàa li nɨ mèngùꞋte enɨ kɨꞋɨ ŋa abua bòt bàgème a èbem àlaꞋ a Izəèlȩê la.

Jɔ̌n 16:22

Wu wuê ndɨ bɨ̀ wu ane tèsȩ àfɨ̀Ꞌ yaa la. Ka maa me ghɨ̀ tê mè ndzè àwɨ̧, mèntɨ̧ɨ̧ mɨ̧ lu̧ ne mèngùꞋte. Eyaa èwuu mèngùꞋte mu betsiꞋa wòt kà ko ntsì mùà a mèntɨ̧ɨ̧ mɨ̧ la.

Jɔ̌n 16:33

“E shu awɨ̧ mènəè maa ègème mbɨ̀Ꞌɨ̀ bɨa bɔ àlàŋkè a mèntɨ̧ɨ̧ mɨ̧ ndɨ̀ wu ba nɨ̧̀ ba è tsiꞋi àghɨ yeamɔꞋ la. Ngɔ̀ŋ naa ghɨ̌ bɨa ye ngoꞋ kèkweelè. Ka mèntɨ̧ɨ̧ mɨ̧ ka mbèntê nkàà nê mâ nù tè ntsòkè mètàŋ ngɔ̀ŋ yaa.”

ÀfaꞋa 14:22

Ngà ale, me ghȩ̀ȩ̀ne a èdziꞋ baa ègème, ndɔ̀ktà mèntɨ̧ɨ̧ bɔkatè Yesò nê bɔ̀ me nɨ èngǎ̧ tò nɨa ngà wuê nè mbì. Bɔ ghɨ̀ bɔ nê, “Ba bɔ̂ ndɨ bàa taꞋa eye ngoꞋ ka enyi Kèfɔ̧̀ Mbɔ̧ɔ̧mà la.”

Lûm 12:12

Bɨ̀ me wùꞋtè àwɨ̧ mbɨ̀Ꞌɨ̀ bɨ̀a nchɨ̀Ꞌà àghɨ yu Mbɔ̧ɔ̧mà nàa ghɨ̌ ane yɨ̧ la, nkùùla mèntɨ̧ɨ̧ mɨ̧ a èbem ngoꞋ, mè ntsàꞋta Mbɔ̧ɔ̧mà kà kaã.

Lûm 5:11

E ntsě wuê ndàꞋà àyùà, baa ngùꞋtà àwa mɨ̧̂ ndɨ̀ wu bàà tsiꞋi ne Mbɔ̧ɔ̧mà la, nkàà ndɨ Yesò Klistò Lefɨ̀Ꞌ wa ghɨ baa tsiꞋi ane àlàŋkè nè Mbɔ̧ɔ̧mà la.

Lûm 5:2

Ndɨ̀ wu bàa zì mèntɨ̧ɨ̧ ma ane Yesò la, tà ghɨ̂ ba ye a ntsɔ̧̀ Mbɔ̧ɔ̧mà wu bàà wu a èbèm àfɨ̀Ꞌ yaa la. Ba wu ane mèngùꞋte nkàà nê bàa ko nê baa li wu ne Mbɔ̧ɔ̧mà a èbem ènɨ̧ tò.

Lûm 9:2

Tèsȩ tea ndâ nkua am, èntɨ̧ɨ̧ am e mè ndù̧à àfɨ̀Ꞌ àgème ane ànəa bòt ba bòt Izəèlȩê.

2 Kɔlìn 4:17

BadzìꞋ ngoꞋ bàa ba yea ane kètem àfɨ̀Ꞌ la be wua ntàŋka taꞋa ènɨ̧ bàa li ebɔ ane àlia nè àlia è tsě ngoꞋ yaa la.

2 Kɔlìn 6:10

Ènyit ya aa ntsèka àfɨ̀Ꞌ àgème mbɔ̀ ka wuê àfɨꞋa bà wu ane tèsȩ la, ntsèka mbɨ̀Ꞌɨ̀ bòt ntseb, ka mbɔ̂ me ghɨ̌ bòt nyaŋ e zəa ntsɔ̧̀, mè ntsèka mbɨ̀Ꞌɨ̀ bòt kà bɔ àghɨ, mbɔ̂ mbɔ àghɨ àgème.

Gàlashìà 5:22

Ka èghɨ Fo Mbɔ̧ɔ̧mà nàa ŋǎ la wu èkɔŋ, nè mèngùꞋte, nè àlàŋkè, nè màmbɔɔla èntɨ̧ɨ̧, mànkua tèsȩ nè màngɨa ntsɔ̧̀, nè màndaꞋa nkûŋ,

Filìpȩ 2:26

Èntɨ̧ɨ̧ tò aà ŋweele atò nê, tà kɨꞋɨ mè ndzè àwɨ̧ bɨ̀agème. A li à ka bɔ atò ndɨ̀ wu bɨ li ndzə nê tàà ngò̧ò̧nà la.

Filìpȩ 3:3

Bàa ka bà wu ngule bòt Mbɔ̧ɔ̧mà la. Aa anè nkàà nê wu Fo Mbɔ̧ɔ̧mà ka è ŋa awa mètàŋ ba me tsàꞋte atò la, ba mè ngua ngùꞋtà àwa ndɨ̀ wu ba Yesò Klistò ba è tsiꞋi mbɨꞋɨ̀ àghɨ yeamɔꞋ la. Mèntɨ̧ɨ̧ ma ntsě ane èghɨ bu bɔbȩ àa ngɨa ane mɔb ne mètàŋ la.

Filìpȩ 4:4

Bɨ̀a wu bɨ̀ wu bòt Tè Yesò la, bɨ̀ me wùꞋtè àwɨ̧ àfɨ̀Ꞌ àgème. TsiꞋ è mèe shu awɨ̧ nê, bɨ̀ wùꞋtè àwɨ̧.

1 Tèsàlonikà 1:6

Bɨ li ngua fɨ̀ŋa mènəè ma, nè me Tè Yesò. Bɨ li mbàtè ntàꞋa ye ngoꞋ, a tèkitebu bòt, ka mbɔ̂ mbɨ̧̀ɨ̧̀nê wuê Ntu̧ Ntsɔ̧̀ yu nè mèngùꞋte mu Fo Kèfə nàa ŋǎ la.

Jimsì 1:2

Bɔnyɨ bɔ̧, ngoꞋtsə te kwene ane yɨ̧, ka te màà ngu wuê nà leꞋ, bɨ wùꞋtè àwɨ̧,

Jimsì 1:9

Wanyɨ wa wu tà wu wòt mbuŋ bòt e mè me waa tò la, wùꞋtè àvi na Mbɔ̧ɔ̧mà è ŋeꞋe a atò a ègwet la.

Jimsì 4:9

Bɨ̀ màꞋà tèsȩtsə ane yɨ̧ me shùù mèsi mè ndɨ̀à. Bɨ̀ ka tsi ntsoꞋ, bɨ̀ tsiꞋi me dɨ̀ dɨ, bɨ̀ ka tsi ngùꞋtè àwɨ̧, bɨ̀ tsiꞋi tseke ane tèsȩtsə.

1 Pità 3:17

Aa mbɔ̀ nê, wòt ye ngoꞋ nkaa ntsɔ̧̀ tà ghɨ̀ la, na a wu mbɨ̀Ꞌɨ̀ Mbɔ̧ɔ̧mà nàa nkɨà la, tè ntsè ndɨ wòt nàa ye ngoꞋ nkaa kàbɔ̀ŋ tà ghɨ̀ la.

1 Pità 4:7

ÀfɨꞋa ngɔ̀ŋ nàa lìà la a tsiꞋa nkùꞋà, è wu ale bɨ̀ zì àtsə me baabe ènyit yɨ̧ ntsɔ̧̀ mbɨ̀Ꞌɨ̀ me ko ntsàꞋta Mbɔ̧ɔ̧mà.

1 Pità 5:10

Bɨ̀ ko nê ngoꞋ yaa bɨ yea la wu wuê ane àtem àfɨ̀Ꞌ àko, mbɔ̂ Mbɔ̧ɔ̧mà wu tàa ntsèka nkua tèsȩ tɨ̧ la naa tsì àwɨ̧ a èbem tùà. Tà li nɨ̀ àwɨ̧ ngɨ̀ bɨ Yesò Klistò ba e tsiꞋi àghɨ yeamɔꞋ mbɨ̀Ꞌɨ̀ bɨa li ebɔ mèngùꞋte tò mu kà wu li elìa la. Taa ghɨ̌ bɨa kùꞋu ane mènəè tò etɔ̀kè àwɨ̧ bɨa nèète ntɨ̧ɨ̧ me kweele ka wu ekwene.