1 Pità 1:5 - Mundani

⁵ Èghɨ mbɔŋ e wu abua yɨ̧ wu bɨ̀ zì mèntɨ̧ɨ̧ mɨ̧ ane Yesò Klistò la. Mbɔ̧ɔ̧mà nɨ̀ mètàŋ mi nkàbte awɨ̧ me chɨ̀Ꞌɨ̀ àli yu ngɔ̀ŋ nàa li elìà la. Taa li eŋa wɨ̧ mèmpème màa tà taŋke la.

1 Pità 1:5 ပူးပေါင်းရင်းမြစ်များ

Jɔ̌n 12:48

Àghɨ aa və àa li saꞋa waa waa tà tu̧ am, mè ntu̧ ànəa mâ shu la. Mèngǎ̧ mâ làꞋà la ka nàa li esaꞋa ŋut àlia ngɔ̀ŋ nàa li elìà la.

Jɔ̌n 17:15

È nka shu̧u̧ta wê nê, tsì àwɔb a èbem ngɔ̀ŋ yaa, e shu̧u̧tà wuê nê baabe awɔb mbɨ̀Ꞌɨ̀ bɔ kwene a tèkitebu Satàn Wòt Kàbɔ̀ŋ.

Jɔ̌n 4:14

ka wòt ègème tà nu mèleb mu màa ŋa abua tò la, àtɔŋ tò à ka lɔꞋ àlia ntsi nju̧. Mèleb mu màa ŋa abua tò la, naa tsiꞋi ane tò mbɨ̀Ꞌɨ̀ adzì nàa nkɔꞋɔ a si àfɨ̀Ꞌ àgème ŋǎ tò mèmpème kàlìà la.”

Jɔ̌n 5:24

“Ane nkûŋ, tsiꞋ è shua wɨ̧ nê, wòt tà zə èngǎ̧ am, ndzì èntɨ̧ɨ̧ vi ane wòt wu tà tsàà am la, è bɔ mèmpème kàlìà. Tà ka tsi ekwene èsaꞋa. Tà peme èvə, tè ntsìꞋi nyi a èbem mèmpème.

Lûm 11:20

Àyea mbɔŋ wu nkûŋ. Bɔ li ndòòte àwɔb ndɨ̀ wu bɔ li bɔ̀ ka zǐ èntɨ̧ɨ̧ wɔb ane Yesò la, ka bɔ zì àwɨ̧ a mbɨ̧̀ àyɨt yu nkàà mèntɨ̧ɨ̧ mɨ̧ mu bɨ zi ane Yesò la. Ale, bɨ̀ ka me ŋeꞋe tèkwȩ tɨ̧ a ègwet, bɨ̀ me ko awɨ̧ mbɨ̀Ꞌɨ̀ bɔ tsì àwɨ̧.

Lûm 8:18

Mâ mɨɨtè nê betsiꞋa bàà ka fɨꞋnè ngoꞋ yu baa yea àfɨ̀Ꞌ yaa la ane ènɨ̧ wu bɔ̀ɔ li nyɨ̀Ꞌte abua ya la.

1 Kɔlìn 1:21

Mbɔ̧ɔ̧mà li nɨ èyǐ vi ngɨ̀ a me kweele abua bɔbȩ bɔɔ nɨ èyǐ wɔb e ko atò. Tà li ntsìꞋi nɨ̀ èngǎ̧ vi wu bàa ndàꞋà bòt e tɔ nê wu èngǎ̧ àkèghɨ̧̀ la, ngɨ̀ bòt bɔ̀ɔ mbɨ̧̀ɨ̧̀nâ ane tò la e pema.

2 Kɔlìn 1:24

Ba ntsea ŋwèèlà wɨ̧ shua wɨ̧ ndɨ bɨ̀a me kùŋe a Mbɔ̧ɔ̧mà la. Ba wua fàꞋà ba nɨ̧̀ ba mbɨ̀Ꞌɨ̀ èghɨ mèntɨ̧ɨ̧ mɨ̧ naa me bɔ̌, nkàà nê ba ko nê bɨa nkwèèla ane ànəa Mbɔ̧ɔ̧mà.

Gàlashìà 2:20

Bɔ li ngù̧ù̧te a Yesò Klistò a mbɨ̧̀ mbasa ale nko nê bɔ wu̧u̧te am mɨ̧̂. Mâ tseke anè è nka tsi ngu mmɔ̌, è tsìꞋi Yesò Klistò ntsèka ane yaã la. Mèntsèke màa e ntsèka àfɨ̀Ꞌ yaa la, e ntsiꞋa ntsèka nkàà èntɨ̧ɨ̧ wu mâ zi ane Waã Mbɔ̧ɔ̧mà wu tà li nkɔ̀ŋkè am kwat tè mpfə ambo yaã la.

Efesɔ̀s 2:8

Wu ntsɔ̧̀ Mbɔ̧ɔ̧mà wu tà nyɨꞋte abua ya la ka è ghɨ̂ ba pem nkàà mèntɨ̧ɨ̧ ma mu ba zi ane tò la. È kà ghɨ bɨ̀a. È ghɨ̀à Mbɔ̧ɔ̧mà àku abua yɨ̧.

Efesɔ̀s 3:17

E mè me tsàꞋte nê bɨ̀ ghɨa Yesò Klistò me tseke a mèntɨ̧ɨ̧ mɨ̧, ndɨ̀ wu bɨ̀a ndzìà èntɨ̧ɨ̧ wɨ̧ ane tò la. Maà ntsàꞋtà nê, tsiꞋ è wu èkɔŋ wɨ̧ ka e baãaã àghɨ àgème bɨ̀a ngɨ̀à la,

Filìpȩ 1:6

Mâ lâ nkoê nkûŋ nkûŋ nê, Mbɔ̧ɔ̧mà wu tà li mbùꞋ àfàꞋa ntsɔ̧̀ àzi a èbem mèntɨ̧ɨ̧ mɨ̧ la, naa me ghɨa nɨa ngà nè mbì te tsiꞋi epaate ane àli yu Yesò Klistò nàa li mě ekɨꞋɨ la.

Filìpȩ 4:7

Bɨ ghɨ̀ ale ko Mbɔ̧ɔ̧mà naa ŋa awɨ̧ àlàŋkè a tsè ayea betsiꞋa wɔ̀bȩ̂ koê la, aa kaba mèntɨ̧ɨ̧ mɨ̧, nè mèmɨ̀ɨ̀te mɨ̧ mbɨ̀Ꞌɨ̀ àghɨa ko a ghɨ̀ adù̧, ndɨ̀ wu bɨ Yesò Klistò ba è tsiꞋi àghɨ yeamɔꞋ la.

2 Tɔ̀màtià 3:15

mè nko ànəa Àkata Mbɔ̧ɔ̧mà a shua la, e bùꞋù tê àfɨ̀Ꞌ yu à li mbèle watèchɨɨle la. Letà waa nàa nyɨ̀Ꞌta ndɨ betsiꞋa à bɔ̌ èyì wu àa ghɨ̌ aa zǐ èntɨ̧ɨ̧ wê ane Yesò Klistò mbɨ̀Ꞌɨ̀ Mbɔ̧ɔ̧mà naa ŋa awê mèmpème mi la.

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

Ebùlù 6:12

Baà kà kɨ laꞋnê bɨ̀ wu bòt àlȩ̀ȩ̀tè, ka baa nkɨà nê bɨ̀ wu mbɨꞋɨ̀ bòt bu bɔ li ndzì mèntɨ̧ɨ̧ mɔb ane Mbɔ̧ɔ̧mà, mè nchɨ̀Ꞌ tè mbɔ̀ àghɨa Mbɔ̧ɔ̧mà kàꞋà wɔb la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

1 Pità 1:13

Mbɨ̀Ꞌɨ̀ àa nè la, bɨ̀ taŋke awɨ̧ ntsɔ̧̀ ndɨ betsiꞋa bɨ ko ngɨ̀ àghɨ la, me baabe ènyit yɨ̧, mè nɔ̀ŋè ntɨ̀ yɨ̧ ègème ane mèmpème mu bɨ̀a bɔ ane àli yu Yesò Klistò nàa kɨꞋɨ la.

1 Pità 4:13

Ka bɨ̀ wùꞋtè àwɨ̧ nê bɨa ndzea ngoꞋ mbɨ̀Ꞌɨ̀ Yesò Klistò li ndze la, mbɨ̀Ꞌɨ̀ e li taꞋa ewùꞋtè àwɨ̧ àfɨꞋa tàa kɨꞋɨ bɨa ye ènɨ̧ tò la.

1 Pità 5:1

E ngua shù̧ù̧ta wɨ̧ bɔɔjuŋ ayɔɔ bòt Mbɔ̧ɔ̧mà mbɨ̀Ꞌɨ̀ wajûŋ kǒ, mè ngua ndàꞋà mbɨ̀Ꞌɨ̀ wòt tà ye ngoꞋ Yesò Klistò li ndze la; mè ngu ebɔ wɔ̧ nê èghàb ane ènɨ̧ tò wu tàa li kɨꞋɨ nê wùà la.

2 Pità 1:3

Mètàŋ Mbɔ̧ɔ̧mà è ghɨ ndɨ bàa me koa ntsèka àfɨ̀Ꞌ àgème mbɨ̀Ꞌɨ̀ Mbɔ̧ɔ̧mà kɨa la. Ba tsiꞋi a èlɨ̀ waa nkàà ndɨ ba ko a Mbɔ̧ɔ̧mà àfɨ̀Ꞌ yaa la. Wu tòà tà nɨ awa ane bòt bi ngɨ̀ ba bɔ ènɨ̧ tò mè ngu bòt mènəè ntsɔ̧̀ mbɨ̀Ꞌɨ̀ tòà la.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

Jûd 1:1

Letà Juêd, wɔ̀fàꞋ Yesò Klistò, wanyɨ Jimsì, Abua bòt bu bàgème Tǎt waa Mbɔ̧ɔ̧mà làà àwɔb ane bòt bi me nèèta nkɔ̀ŋkè àwɔb, Yesò Klistò mè me baabe awɔb la.

Jûd 1:24

MèngùꞋte wu abua Mbɔ̧ɔ̧mà. BetsiꞋa tà ko ngɨ̀ tè bɨ̀ ka faãaãtè èka bɨ̧, mè ngɨ̀ ndɨ bɨ̀a tɨ̧ɨ̧ a mbì tò kà ye àghɨa bɔ̀ɔ fèèlè àwɨ̧ adù̧ la, mbɨ̀Ꞌɨ̀ bɨa ye ènɨ̧ tò ebɔ mèngùꞋte.