1 Pità 1:3 - Mundani

³ Bà wùꞋte a Mbɔ̧ɔ̧mà, Tǎt Yesò Klistò Lefɨ̀Ꞌ wa. Tà li nkù tèsȩ ta nyaŋ ale, mbi àwa a membǐ fi, ndɨ̀ wu tà li ngɨ̀ Yesò yù̧ù̧me ndzə a èbem èsî la. À yaa a ghɨ̂ ba bɔ ngule ntɨ̀ kà wu li eyu.

1 Pità 1:3 ပူးပေါင်းရင်းမြစ်များ

Jɔ̌n 1:13

Ka bɔ me wu bɔ̧ Mbɔ̧ɔ̧mà ale, è kà wu wɔ̀bȩ̂ tà bi awɔb bɔ tsiꞋi àlo̧ atò la, è kà mê ngu wɔ̀bȩ̂ ka tà ghɨ̀ a wu ale la. Wu Mbɔ̧ɔ̧mà zìambɔŋ ka tà ghɨ̀à wɔb bɔ tsiꞋi bɔ̧ tò la.

Lûm 12:12

Bɨ̀ me wùꞋtè àwɨ̧ mbɨ̀Ꞌɨ̀ bɨ̀a nchɨ̀Ꞌà àghɨ yu Mbɔ̧ɔ̧mà nàa ghɨ̌ ane yɨ̧ la, nkùùla mèntɨ̧ɨ̧ mɨ̧ a èbem ngoꞋ, mè ntsàꞋta Mbɔ̧ɔ̧mà kà kaã.

Lûm 15:13

Maà ntsàꞋta Mbɔ̧ɔ̧mà wu tàa ngɨ̀à bòt e chɨ̀Ꞌà àghɨa tà kàꞋà la nê, tà ghɨa Fo Kèfə ghɨa mèntɨ̧ɨ̧ mɨ̧ mu bɨ zi ane tò la lu̧u̧ nê mèngùꞋte nè àlàŋkè.

Lûm 4:25

bɔ li ngɨ̀ tà pfə ane kàbɔ̀ŋ wa, tà mè njù̧ù̧me atò enɨ ghɨ̂ bàa tsiꞋi bòt bɔ tɨ̧ɨ̧ ndɨŋndɨ̀ŋ a mbì li la.

Lûm 5:10

Baa li mbèle bɔmbù̧ Mbɔ̧ɔ̧mà, tà ghɨ̀ baa tsiꞋi ane àlàŋkè nè tò, nkàà èvə waã tò. Àyaa a wua mpàa nyɨ̀Ꞌta nê ndɨ̀ waa bàà tsiꞋi ane àlàŋkè nè tò la, taa li ghɨ̌ baa peme nkàà nê waã tò wu yu̧.

Lûm 8:11

Fo Mbɔ̧ɔ̧mà wu tà li njù̧ù̧me a Yesò la wu ane yɨ̧, ko Mbɔ̧ɔ̧mà wu tà li njù̧ù̧me a Yesò Klistò la, naa li nɨ Fo zi yu nàa ntsèka ane yɨ̧ la, e ghɨ̌ mbɨ̧te ènyit tɨ̧ tu tèa mpfəèa la, tea yu̧u̧me mɨ̧̂.

Lûm 8:24

ÀfɨꞋa baa li pem la, baa li ndzaŋe wua nchɨ̀Ꞌà èghɨ bàa. Wòt bɔ àghɨa tàa nchɨ̀Ꞌà la, lə kǒ tàa mě me chɨ̀Ꞌɨ̀ la ka tsi nguê. Wòt wu tàa nchɨ̀Ꞌà àghɨa tà ye tê ndɔ̀Ꞌ la wu wàà?

1 Kɔlìn 13:13

Ale, màndzia èntɨ̧ɨ̧ nè màmbɔ ntɨ̀ ane Mbɔ̧ɔ̧mà nè èkɔŋ, èghɨ bàa betat la aa li tèꞋa, mbɔ̂ àyea a tsè èbeko la wu èkɔŋ.

1 Kɔlìn 15:20

Ka ane nkûŋ, Yesò Klistò yu̧u̧me a èbem èsî, mbɨ̀Ꞌɨ̀ wòt mbì tà yu̧u̧me la e nɨ nyɨꞋte nê bòt bu bɔ pfəꞋte la aa li yu̧u̧me.

2 Kɔlìn 1:3

Bà kɔ̀ŋke a Mbɔ̧ɔ̧mà, Tǎt Yesò Klistò Lefɨ̀Ꞌ wa. Tà wu Tǎt tàa nkua tèsȩ la, mè ngu Mbɔ̧ɔ̧mà tàa ndzìà mèntɨ̧ɨ̧ bòt la.

Gàlashìà 6:16

Maà ntsàꞋtà nê Mbɔ̧ɔ̧mà ŋa àlàŋkè, mè nkù tèsȩte bòt bɔ̀ɔ ngɨa èlɨ̀ waa la, fɔ̀ɔ̀lè ne bòt Mbɔ̧ɔ̧mà bàgème.

Efesɔ̀s 1:17

shua nê Mbɔ̧ɔ̧mà Yesò Klistò Lefɨ̀Ꞌ wa, Tǎt wa wu tà ghe la ŋa awɨ̧ Fo zi, mbɨ̀Ꞌɨ̀ bɨa bɔ èyì a mànkoa mènəè Mbɔ̧ɔ̧mà, e mě nèète ko wòt Mbɔ̧ɔ̧mà wu wùà la.

Efesɔ̀s 1:3

Bà kɔ̀ŋka Mbɔ̧ɔ̧mà wu tà wu Tǎt Yesò Klistò Lefɨ̀Ꞌ wa la. Ndɨ̀ wu bà tsiꞋi àghɨ yeamɔꞋ nè Yesò Klistò la, Mbɔ̧ɔ̧mà lɔ̀ɔ̀lè àwa, nè èghɨ ntsɔ̧̀ ègème e dzə a ègwet, è wu èghɨ e bɔ ndɨ àa ghɨ̀ ne mèntsèke ma ane Mbɔ̧ɔ̧mà la.

Efesɔ̀s 1:7

Wu Waã tò waa ka tà li nɨ̀ àlo̧ a zi nɨŋ chùꞋù ètsə ba ngɨ̀ Mbɔ̧ɔ̧mà waꞋa bèkàbɔ̀ŋ ba la. Wu taꞋà ntsɔ̧̀ tò wu tàa nyɨ̀Ꞌta abua bòt la,

Efesɔ̀s 2:4

Tèsȩte Mbɔ̧ɔ̧mà teà ndzà̧a nyaŋ, tà kɔ̀ŋkè àwa kwàꞋ ànyaꞋne,

Efesɔ̀s 3:20

Bà ŋa mèngùꞋte abua Mbɔ̧ɔ̧mà wu tàa faꞋa ane ya nyaŋ tè ntsè ndɨ betsiꞋa ba mɨ̀ɨ̀tè kò shuê la.

Kɔ̀losìà 1:23

Aa wu anè, ane yɨ̧ na bɨ me zì mèntɨ̧ɨ̧ mɨ̧ ane Ntu̧ Ntsɔ̧̀ yu, me kweele mbɨꞋɨ̀ àtetsi àkekweelè, mè mbakà sàŋ àghɨa ko aa nyìꞋì ntɨ̀ yu bɨ li mbɔŋ àfɨ̀Ꞌ yu bɨ li mbɨ̀ ndzəâ Ntu̧ Ntsɔ̧̀ yu la. Bɔ li ntsɔ̀tè Ntu̧ Ntsɔ̧̀ ya abua waa waa a sitsǎꞋ ŋàa. Mmɔ̌ Pɔ̂l e ndi ntsìꞋi wafàꞋ Yesò Klistò mbɨ̀Ꞌɨ̀ me tsɔ̀te Ntu̧ Ntsɔ̧̀ yaa, abua waa waa.

Kɔ̀losìà 1:27

Mbɔ̧ɔ̧mà kɔ̀ŋkè nê yea tùꞋu ànəa ndò̧ zi yu abua yɔb mbɨ̀Ꞌɨ̀ nɨ enyɨꞋte ndɨ yea mbà̧aã bòt èlaꞋ ègème ntsɔ̧̀, ngɨ̀à bɔ bɔ èghɨ ntsɔ̧̀ bu ègème àa ndzəa ane ntsèm yaa la. Ntsèm mbɔŋ wu nê, Yesò Klistò wu a mèntɨ̧ɨ̧ mɨ̧. Àyaa a wua shua nê, bɨà li ewu ne Mbɔ̧ɔ̧mà a èbem ènɨ̧ tò.

1 Tèsàlonikà 1:3

Bàa ngɨ̀ baa me ku̧u̧te mènəè mu bɨ̀a ngɨ̀à ndɨ̀ wu bɨ zì mèntɨ̧ɨ̧ mɨ̧ ane Yesò la. Baa nkù̧ù̧ta mɨ̧̂ ndɨ bɨ taꞋa wua fàꞋà nkàà nê bɨ̀a nkɔ̀ŋkà tò la, mè me ku̧u̧te ndɨ bɨ nɔ̀ŋe ntɨ̀ yɨ̧ ane Yesò Klistò Lefɨ̀Ꞌ wa la.

1 Tèsàlonikà 4:13

Bɔnyɨ ba, baa kà kɨ laꞋ nê bɨ̀ tseke ane lèmàkè, ane ànəa bòt bu bɔ pfəꞋte la. Ba kɨ eshu awɨ̧ ale, mbɨ̀Ꞌɨ̀ ka bɨ me dɨ̌ a èlɨ̀ wu bòt bu kà bɔ ntɨ̀ ane Yesò àa ndɨ̀à la.

2 Tèsàlonikà 2:16

Maà ntsàꞋta Yesò Klistò Lefɨ̀Ꞌ wa zìambɔŋ bɔ̂ Tǎt wa Mbɔ̧ɔ̧mà ane ànəa yɨ̧. Mbɔ̧ɔ̧mà nàà nkɔ̀ŋkà wa, mè nɨa ntsɔ̧̀ vi ndzìà mèntɨ̧ɨ̧ ma àfɨ̀Ꞌ àgème, ngɨ̀à ba kuula mèntɨ̧ɨ̧ ma nchɨ̀Ꞌà àghɨ yu è wù àyea ntsɔ̧̀ la.

1 Tɔ̀màtià 1:14

Yesò Klistò Lefɨ̀Ꞌ wa li nèètè ndɔ̀ɔ̀lè am, ngɨ̀ e ndzì èntɨ̧ɨ̧ am ane tò, mè me kɔ̀ŋkè atò, è wù àghɨa tàa ngɨa ane bòt bu bɔ̂ tò ba e tsiꞋi mbɨ̀Ꞌɨ̀ àghɨ yeamɔꞋ la.

Tȩtɔ̀s 2:13

Mbɨ̀Ꞌɨ̀ baa ngɨ̀à ale la, bà me zì wuê ntɨ̀ ya nchɨ̀Ꞌà wuê ngule àli yu bàa li eye ènɨ̧ ngɨŋa Mbɔ̧ɔ̧mà, Yesò Klistò Mpemnà wa la.

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

Jimsì 1:18

Tà li ndàꞋ èngǎ̧ nkûŋ vi, mbi awa ane mènkɔ̀ŋke mi nê bàa tɨ̧ɨ̧ a mbì àghɨ àgème ye ghɨ̀ la.

1 Pità 1:13

Mbɨ̀Ꞌɨ̀ àa nè la, bɨ̀ taŋke awɨ̧ ntsɔ̧̀ ndɨ betsiꞋa bɨ ko ngɨ̀ àghɨ la, me baabe ènyit yɨ̧, mè nɔ̀ŋè ntɨ̀ yɨ̧ ègème ane mèmpème mu bɨ̀a bɔ ane àli yu Yesò Klistò nàa kɨꞋɨ la.

1 Pità 1:21

Yesò ghɨ̂ bɨ zì èntɨ̧ɨ̧ wɨ̧ ane Mbɔ̧ɔ̧mà wu tà li njù̧ù̧me atò àfɨꞋa tà pfə la, ngɨ̀ tà bɔ̀ ènɨ̧ vi la. Eyaa wu àghɨa a ghɨ̂ ka bɨ zì mèntɨ̧ɨ̧ mɨ̧ ane Mbɔ̧ɔ̧mà, mè nɔ̀ŋè ntɨ̀ yɨ̧ ane tò la.

1 Pità 1:23

Èngǎ̧ Mbɔ̧ɔ̧mà wu àa ŋǎ mèmpème, mè ngu ane àlia nè àlia la, e ghɨ̂ bɔ bi awɨ̧ a membǐ fi. Bɨa nè ntsìꞋi bɔ̧ Mbɔ̧ɔ̧mà wu tà wu ane àlia nè àlia kà wu epfə la.

1 Pità 2:2

Bɨ̀ la me nkɨ ngule èghɨjɨ bu Fo Mbɔ̧ɔ̧mà nàà ŋǎ la, wuê mbɨ̀Ꞌɨ̀ bɔkefi àa ngɨ̀ bɔ me kɨ èbɨ̧ bènyɨ̌ bɔb la, mbɨ̀Ꞌɨ̀ me tsə ane mèmpème mu Mbɔ̧ɔ̧mà ŋa abua yɨ̧ la.

1 Pità 3:15

Ka bɨ tsiꞋ mèntɨ̧ɨ̧ mɨ̧ me kweele ane Yesò Klistò, bɨ̀ mě me ŋa kènuke abua tò mbɨ̀Ꞌɨ̀ Tǎt wɨ̧. Bɨ̀ taŋke awɨ̧ ane ndɨ wòt bììte awɨ̧ ànəa ntɨ̀ yu bɨ bɔ ane Yesò la, ka wuê a ka àfɨ̀Ꞌà leꞋ, bɨ̀ ka bu ànəê eshu la. Ka bɨ̀ me làꞋa bɨ nyaꞋà mbɔ̀ɔ̀le awɨ̧ me làꞋa bò̧ bò̧.

1 Pità 3:21

Mèleb mu è li ŋèꞋe ànkànuꞋ yu la wu mbɨ̀Ꞌɨ̀, bɔ̀ɔ ngɨ̀ bɔ̀ zì àwa a èdzî àfɨ̀Ꞌ yaa, a nyɨꞋte nê bàà pem, mbɨ̀Ꞌɨ̀ Yesò Klistò li mpfə mè njù̧ù̧me la. Nàà kà tsi mèkɔb a mbɨ̧̀ ènyit wòt, mbɔ̂ me lo̧o̧ èntɨ̧ɨ̧ kà wua fèèlà wòt abua Mbɔ̧ɔ̧mà. Nàà ngɨ̀à ba pema ndɨ̀ wu Yesò Klistò li mpfə mè njù̧ù̧me la.

1 Pità 3:5

Eyaa wu ndɨ bèzi bu àfɨꞋa mbì bɔ li ngu bòt Mbɔ̧ɔ̧mà, nɔ̀ŋè ntɨ̀ yɔb ane tò la e li ngua nèètè àwɔb la. Bɔ li ngua dzəa bèlu̧ bɔb

1 Jɔ̌n 2:29

Bɨ koa nê Yesò Klistò tɨ̧ɨ̧ ndɨŋndɨ̀ŋ a mbì Mbɔ̧ɔ̧mà, bɨ bɔ ndɨ bɨ̀a ko nê waa waa tàa ngɨ̀à àghɨa Mbɔ̧ɔ̧mà nàa nkɨà la wu Waã Mbɔ̧ɔ̧mà la.

1 Jɔ̌n 3:3

Waa waa tà nɔ̀ŋe ntɨ̀ zi ane Yesò Klistò la, nàà nɔ̀ŋà èntɨ̧ɨ̧ vi è kèfə wuê mbɨ̀Ꞌɨ̀ èwe Yesò Klistò àa fəèa la.

1 Jɔ̌n 3:9

Waa waa tà wù Waã Mbɔ̧ɔ̧mà la nàà kà tsi ngɨ a kàbɔ̀ŋ, nkàà nê ŋut e nɔ̀ŋe èngǎ̧ Mbɔ̧ɔ̧mà a èntɨ̧ɨ̧ vi, tà kà tsi ngu e ghɨ̌ a kàbɔ̀ŋ nkàà nê tà wu Waã Mbɔ̧ɔ̧mà.

1 Jɔ̌n 4:7

Ngule bèshu̧ bɔ̧, bà me kɔ̀ŋkè bɔnyɨ ba nkàà nê èkɔŋ e dzə abua Mbɔ̧ɔ̧mà. Wòt ègème tàa nkɔ̀ŋkà bɔnyɨ bi la wu Waã Mbɔ̧ɔ̧mà, mèè nko a Mbɔ̧ɔ̧mà wu.

1 Jɔ̌n 5:1

Waa waa tà bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà yɔꞋ ntsà la, wu waã Mbɔ̧ɔ̧mà. Waa waa tàa nkɔ̀ŋkà Tǎt la, nàà nkɔ̀ŋkà Waã tò mɨ̧̂.

1 Jɔ̌n 5:18

Ba ko nê waa waa tà tsiꞋi Waã Mbɔ̧ɔ̧mà la nàà kà ghɨa kàbɔ̀ŋ, nkàà nê Waã Mbɔ̧ɔ̧mà zìambɔŋ nàà mbààba ŋut mbɨ̀Ꞌɨ̀ Satàn wòt kàbɔ̀ŋ zì àlɔꞋ ane tò.

1 Jɔ̌n 5:4

nkàà nê waa waa tà wù Waã Mbɔ̧ɔ̧mà la tà tsě ngɔ̀ŋ yaa. Àghɨa a ghɨ̂ ba tsè ngɔ̀ŋ yaa la wu ndɨ̀ wu ba bɨ̧ɨ̧nè nê Yesò wu Fɔ̧̀ wu Mbɔ̧ɔ̧mà li ndzɔꞋ ntsà la.