1 Pità 1:18 - Mundani

¹⁸ Bɨ ko àghɨa Mbɔ̧ɔ̧mà li ŋa nɨŋ nchùꞋù àtsəa yɨ̧ ngɨ̀ bɨ peme ane èbɨꞋte ènəê bu bètǎt nyaꞋ bɨ̧ e li sa abua yɨ̧ la. È li è kà wu àghɨa ko mbɨ̀Ꞌɨ̀ silbà kò goêl leꞋ, betsiꞋa a bɨ la.

1 Pità 1:18 ပူးပေါင်းရင်းမြစ်များ

Ntu̧ Ntsɔ̧̀ MAK 8:37

Kò àghɨa ko aà və betsiꞋa wòt ŋa nɨŋ nchùꞋ àtsəa zi la à?

Lûm 1:21

Bɔ li mbàte nko nê Mbɔ̧ɔ̧mà nàà və, ka bɔ̀ ka ŋa kènuke abua tò mbɨ̀Ꞌɨ̀ Mbɔ̧ɔ̧mà, bɔ̀ ka mě nkɔ̀ŋkè atò ane àghɨa tà ghɨ̀ la. Ale, mèmɨ̀ɨ̀te mɔb è tsìꞋi àku, bɔ̀ ka meè nko àghɨa Mbɔ̧ɔ̧mà li ngua nkɨa nê bɔ̀ ko la.

1 Kɔlìn 3:20

A mee shu nê, “Mbɔ̧ɔ̧mà ko nê mèmɨ̀ɨ̀te bòt èyì wu àku.”

1 Kɔlìn 6:20

Tà li njù̧ù̧ awɨ̧ yu̧. Ale, bɨ̀ me nɨ mbɨ̧te ènyit tɨ̧ nɨa nkùkta Mbɔ̧ɔ̧mà.

1 Kɔlìn 7:23

Yesò Klistò li njù̧ù̧ àwɨ̧, è wu ale bɨ̀ ka mbɨ̧̀ɨ̧̀ne èbùꞋ abua wòt.

Gàlashìà 1:4

Yesò waa li ŋa àtsəa zi ane mènəè kàbɔ̀ŋ ma mbɨ̀Ꞌɨ̀ etsì àwa a èbem mènəè kàbɔ̀ŋ ngɔ̀ŋ laane, mbɨ̀Ꞌɨ̀ Mbɔ̧ɔ̧mà li ntsia nê aa li wu la.

Efesɔ̀s 4:17

Ale, e ngua səèŋkà ètû̧ bɨ̧ ane àtɔŋ yu Yesò Klistò ŋa abua am la shua nê, bɨ̀ ka tsi me ghɨ̀ mènəè mɨ̧ mbɨ̀Ꞌɨ̀ bòt bu kà ko a Mbɔ̧ɔ̧mà la. Mèmɨ̀ɨ̀te mɔb wu àku.

Tȩtɔ̀s 2:14

Tà li ŋà àtsəa zi mbɨ̀Ꞌɨ̀ enɨ echùꞋù ètsə ba ane mènəè kàbɔ̀ŋ ma, e mě ghɨ̌ baa tsiꞋi bòt tò bɔ bɔ mèntɨ̧ɨ̧ kèfə, baa ndzìà àtsə ngɨ̀à wuê mènəè ntsɔ̧̀ la.

Ebùlù 9:12

Yesò li nyi a èbem àyò ya ngò̧ yemɔ̀Ꞌ, ntsè nga a èbem àdziꞋa ntsèm a mbì a Mbɔ̧ɔ̧mà yu. Tà li tà kà nɨ àlo̧ a dzətsə nè mpɔ̀ŋtsə ka nɨ enyi. Tà li ŋà àlo̧ azi zìambɔŋ, nɨŋ ngɨ̀ ba bɔ mèmpème nàa li ewu ane àlia nè àlia la.

1 Pità 1:7

NgoꞋte mbɔŋ te ye awɨ̧ anè, mbɨ̀Ꞌɨ̀ bɔɔ ye nê bɨ zì mèntɨ̧ɨ̧ mɨ̧ ane Yesò nkûŋ nkûŋ. Ka è màà ngu wuê goêl wu è wù àghɨa betsiꞋa a bɨ la, ko bɔ̀ɔ ngɨ̀ bɔ to̧ a èbem èwet, ngɨ̀ mèkɔb mu adù̧ la dzəè. Mèntɨ̧ɨ̧ mɨ̧ mu bɨ zi ane Yesò la, è taꞋa tsèa goêl. Ale, ngoꞋtsə te bɔ ndɨ tèa nyìꞋì àwɨ̧ mbɨ̀Ꞌɨ̀ bɨa paa ezì mèntɨ̧ɨ̧ mɨ̧ ane Yesò la. A wu ale, ko Mbɔ̧ɔ̧mà naa li ewùꞋtè àwɨ̧, e mèe lɔ̀kè èlen lɨ̧ a ègwet ane àli yu Yesò Klistò nàa li kɨꞋɨ la.

1 Pità 4:3

Bɨ li ntaꞋa tsoke àfɨ̀Ꞌ a màngɨa èghɨ bu bòt kà ko a Mbɔ̧ɔ̧mà àa ngɨ̀à la. Bɨ li ngua njɨ̀a mèpǎ̧ màpaꞋta àbɨ̧, mpfəa akwen èghɨ bu mbɨ̧te ènyit tɨ̧ tèa nkɨà la, mbea mèlùꞋ, ngɨ̀à àghɨa àgème èntɨ̧ɨ̧ wɨ̧ àa nkɨà la, mè nɨa èghɨ tsa ane bèmbɔ̧ɔ̧mà bɨ̧, è wu kwàꞋ àbɨꞋte ànəê la.

1 Jɔ̌n 3:5

Bɨ ko nê Yesò Klistò li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsì a kàbɔ̀ŋ bòt, mbɔ̂ kàbɔ̀ŋ kà bê ngu a èntɨ̧ɨ̧ tò.