1 Pità 1:13 - Mundani

¹³ Mbɨ̀Ꞌɨ̀ àa nè la, bɨ̀ taŋke awɨ̧ ntsɔ̧̀ ndɨ betsiꞋa bɨ ko ngɨ̀ àghɨ la, me baabe ènyit yɨ̧, mè nɔ̀ŋè ntɨ̀ yɨ̧ ègème ane mèmpème mu bɨ̀a bɔ ane àli yu Yesò Klistò nàa kɨꞋɨ la.

1 Pità 1:13 ပူးပေါင်းရင်းမြစ်များ

Matìù 20:4

shu abua yɔb nê ‘Bɨ̀ ghǎ a mbȩ me faꞋa mɨ̧̂ ko maa ŋa wɨ̧ àghɨa a kuꞋu ane àfàꞋ àyɨ̧ la.’ Mbɨ̀Ꞌɨ̀ tà làꞋ ale la bɔ bê ndɔ̀Ꞌ me ghǎ.

Lûk 12:35

“Bɨ̀ tsela àleb a yɨ̧, ntò̧ò̧tè mèkàꞋà mɨ̧ me chɨꞋɨ àghɨa nkɨ̀Ꞌa la,

Lûk 17:30

“Eyaa wu ndɨ àa li wu àfɨꞋa Waã Wòt nàa li pùùla ayaã la.

Lûk 17:8

Àghɨa tàa ghɨ̀ la wu nê, taa shu abua wɔ̀fàꞋ vi wu nê, ‘Ghǎ ntàŋke èghɨjɨ nɨŋ nkɨ̀Ꞌɨ̂ ntsìà, è jɨ, nu, tè è mpaa, ka à jɨ̀ èbe.’

Lûm 13:13

Bàà me ghɨ̀ mènəè ma ane ndɨ è wu wu la, mbɨ̀Ꞌɨ̀ bòt bɔ̀ɔ ntsèka a èbem èkaꞋà la. Bàà ka me jɨ mèpǎ̧ màpaꞋta àbɨ̧, kò nùa mbea leꞋ, bàà ka me jɨ àbȩ kò ngɨ̀à èbɨꞋte mènəè leꞋ, bàà ka me nù èbet kò ngòꞋna bòt leꞋ.

Lûm 8:19

Èghɨ bu ègème Mbɔ̧ɔ̧mà ghɨ̀ la aa ndâ nchɨ̀Ꞌà àli yu Mbɔ̧ɔ̧mà nàa nyɨꞋte bɔ̧ bi la.

1 Kɔlìn 1:7

bɨa bɔ èghɨ ègème Fo Mbɔ̧ɔ̧mà nàa ŋa la, mbɨ̀Ꞌɨ̀ bɨ̀a nchɨ̀Ꞌà Mbɔ̧ɔ̧mà naa ghɨ̌ Yesò Klistò Lefɨ̀Ꞌ wa naa pùùlà la.

1 Kɔlìn 13:13

Ale, màndzia èntɨ̧ɨ̧ nè màmbɔ ntɨ̀ ane Mbɔ̧ɔ̧mà nè èkɔŋ, èghɨ bàa betat la aa li tèꞋa, mbɔ̂ àyea a tsè èbeko la wu èkɔŋ.

Efesɔ̀s 6:14

Ale, bɨ̀ tɨ̧ɨ̧ ntsɔ̧̀, ngɨ̀ mènəè nkûŋ mɨ̧̂ wuê mbɨ̀Ꞌɨ̀ àleb bɨ kuule a èloŋ lɨ̧ la, mè nɨ̀ mènəè è kùꞋù la mbɨ̀Ꞌɨ̀ àbǎ àtɨ̧ɨ̧na a kaba ghàmnà wɨ̧ la.

Kɔ̀losìà 3:4

Wu Yesò Klistò ka betsiꞋa tà ghɨ̀ mèntsèke ma lâ ngu àghɨ la. Naa li ngu àfɨꞋa tà mê mpuula a sitsǎꞋ ŋàa la, bɨ̀ambɔŋ e wu nè tò, mè mbɔ̀ èwuu ènɨ̧ wu tà bɔ la.

2 Tèsàlonikà 1:7

e bɔ̂ ghɨ bɨ̀a wu ndzea ngoꞋ la aa yète, fɔ̀ɔ̀lè awa mɨ̧̂. Aa li ewu anè, ane àli yu Yesò Lefɨ̀Ꞌ nàa saꞋa a ègwet a èbem èwet ngòꞋà la, nè bɔntu̧ bi bu mètàŋ mɔb è ghe la.

2 Tɔ̀màtià 4:5

È wu awê, ko me baabe awê àfɨ̀Ꞌ àgème, nkìà ngoꞋ. Baãaã àfàꞋ ayê mbɨ̀Ꞌɨ̀ wòt màntsɔta Ntu̧ Ntsɔ̧̀ Yesò, mè me nɨ àfàꞋ ayê ngà wuê nè mbì mbɨ̀Ꞌɨ̀ ngule wɔ̀fàꞋ Mbɔ̧ɔ̧mà.

2 Tɔ̀màtià 4:8

E bùꞋu àfɨ̀Ꞌ yaa, Mbɔ̧ɔ̧mà è nɔ̀ŋe àbȩ̀ am a ègwet ndɨ̀ wu màa ngɨ̀à àghɨa tàa nkɨà la. Tǎt wa Yesò wu èsaꞋa tò àa ndɨŋndɨ̀ŋ la, naa li e ŋa àbȩ̀ yaa abua am ane àli yu tàa li e mě ekɨꞋɨ la. Taa li e ŋa fɔ̀ɔ̀le abua bòt bu bàgème bɔ̀ɔ ndâ nchɨ̀Ꞌà mè nkɔ̀ŋkà e ye ndɨ tàa mě kɨꞋɨ la.

Ebùlù 10:35

Ale, bɨ̀ ka ntsì èntɨ̧ɨ̧ wɨ̧ nkàà nê, bɨa nga bɔ taꞋà àbȩ̀.

Ebùlù 3:6

Ka Yesò Klistò Waã Mbɔ̧ɔ̧mà wu àtsəa lob tò, mè me ghɨ̀ wuê àghɨa Mbɔ̧ɔ̧mà laꞋnê tà ghɨ la a èbem lob Mbɔ̧ɔ̧mà. Bàa mbɔŋ e wu lob Mbɔ̧ɔ̧mà na ba nèètà mbà̧aã ànəa àghɨ yu ba chɨ̀Ꞌà la kà ye kèbɔɔ, ngàꞋtà àwa adù̧ la.

Ebùlù 6:19

Ba bɔ ntɨ̀ yaa, è wuê mbɨꞋɨ̀ àlɨ̀Ꞌa èntɨ̧ɨ̧ ya la. Ba lâ nko nê, betsiꞋa àghɨ à ka baãaãtè yùà. Wu ntɨ̀ mbɔŋ nàa ghɨ̌ baa fəèꞋə ndǐ yu bɔ tsoŋa a èbem lob nɨ̧ Mbɔ̧ɔ̧mà a Jèlusalèm a ègwet la, enyi egha tê wu àdziꞋa ntsèm a Mbɔ̧ɔ̧mà la.

Ebùlù 9:28

Yesò Klistò zìambɔŋ li ŋà àtsəa zi ngò̧ yemɔ̀Ꞌ mɨ̧̂ nɨŋ shùù mènəè kàbɔ̀ŋ bòt nyaŋ. Tàa mèe ekɨꞋɨ a ngo̧ kwèn, mbɔ̂ ngu kɨꞋɨ ale, tà kà tsi ngua nkɨ̀Ꞌa e ghɨ̌ Mbɔ̧ɔ̧mà naa waꞋa mènəè kàbɔ̀ŋ bòt, tà tsìꞋa nkɨ̀Ꞌa e ghɨ̌ bòt bu bɔ̀ɔ nchɨ̀Ꞌà atò la aa peme.

1 Pità 1:10

BèndàꞋàtɔŋ Mbɔ̧ɔ̧mà be li ndàꞋà ànəa èlɔ̂t waa Mbɔ̧ɔ̧mà nàa li eŋa abua yɨ̧ la. Bɔ li ndâ ntùŋnê nkɨ ndɨ ànəa mèmpème màa àa la.

1 Pità 3:15

Ka bɨ tsiꞋ mèntɨ̧ɨ̧ mɨ̧ me kweele ane Yesò Klistò, bɨ̀ mě me ŋa kènuke abua tò mbɨ̀Ꞌɨ̀ Tǎt wɨ̧. Bɨ̀ taŋke awɨ̧ ane ndɨ wòt bììte awɨ̧ ànəa ntɨ̀ yu bɨ bɔ ane Yesò la, ka wuê a ka àfɨ̀Ꞌà leꞋ, bɨ̀ ka bu ànəê eshu la. Ka bɨ̀ me làꞋa bɨ nyaꞋà mbɔ̀ɔ̀le awɨ̧ me làꞋa bò̧ bò̧.

1 Pità 4:7

ÀfɨꞋa ngɔ̀ŋ nàa lìà la a tsiꞋa nkùꞋà, è wu ale bɨ̀ zì àtsə me baabe ènyit yɨ̧ ntsɔ̧̀ mbɨ̀Ꞌɨ̀ me ko ntsàꞋta Mbɔ̧ɔ̧mà.

1 Pità 5:12

Wu wanɔ̧ Silvanùs ka tà tɨŋe am è shɨ̀ kètem àkatè faa la. Mâ lâ nko nê tàà nkuŋa Yesò Klistò nkûŋ nkûŋ. E shɨa anè mbɨ̀Ꞌɨ̀ elɔ̀ktè mèntɨ̧ɨ̧ mɨ̧, e mě shua wɨ̧ ndɨ Mbɔ̧ɔ̧mà nàa ndâ nkɔ̀ŋkà àwɨ̧, nkua tèsȩ tɨ̧ la. Ale, bɨ̀ baãaã ànəê yaa ntsɔ̧̀ mè ndɨ̀Ꞌà wɨ̧ wuê ane Mbɔ̧ɔ̧mà.

1 Pità 5:8

Bɨ̀ me baabe ènyit yɨ̧ mè nkoa wɨ̧, nkàà nê Satàn wu tà wu wɔ̀mbù̧ wɨ̧ la, nàà ngèèba mbɨ̀Ꞌɨ̀ sambàŋ ndzìte tò tèa nkua la, nkɨà wòt tàa kwele la.

1 Jɔ̌n 3:3

Waa waa tà nɔ̀ŋe ntɨ̀ zi ane Yesò Klistò la, nàà nɔ̀ŋà èntɨ̧ɨ̧ vi è kèfə wuê mbɨ̀Ꞌɨ̀ èwe Yesò Klistò àa fəèa la.