1 Pità 1:12 - Mundani

¹² Ale, Mbɔ̧ɔ̧mà nyɨ̀Ꞌte awɔb nê àfàꞋa yɔb a li à ka wuê ane ntsɔ̧̀ wɔb, ka a li ngu ane ntsɔ̧̀ wɨ̧. Èghɨ mbɔŋ wu èghɨ bàa bɨ zə àfɨ̀Ꞌ yaa a ètsəê bòt bu bɔ̀ kɨꞋɨ̀ ntsɔ̀tè Ntu̧ Ntsɔ̧̀ Yesò Klistò abua yɨ̧ la. Bɔ li ngua ndàꞋà ane mètàŋ Fo Kèfə yu è dzə a ègwet la. Èghɨ bàa wu èghɨ ka wuê bɔntu̧ Mbɔ̧ɔ̧mà àa ndâ ndɨ̀à nkɨ eko ndɨ àa la.

1 Pità 1:12 ပူးပေါင်းရင်းမြစ်များ

Matìù 11:25

ÀfɨꞋa mbɔŋ Yesò nê, “Tê, Fɔ̧̀ ègwet nè sitsǎꞋ, mâ kɔ̀ŋkè àwê na à lô̧ èghɨ bàa abua bòt èyì nè bòt àkatè, mbɔ̂ nyɨ̀Ꞌte abua bòt kà ko èdziꞋ la.

Matìù 11:27

“Tǎt am è ŋa èghɨ ègème abua am. Wòt kǒ tà lâ ko waã, kà wu tǎt tò la tsě; wòt kǒ tà meè ndâ ko a tǎt waã kà wu waã mbɔŋ la ka wu, nè bòt waã wu kɔ̀ŋkè nê bɔ̀ ko atò la.

Matìù 16:17

Yesò bê nê “Ntsɔ̧̀ wu àwɔ̀ Simùn Ba-Jɔnà. Ngu nê ànəê yaa à ka dzəa abua wɔ̀bȩ̂, a dzəa abua Tǎt am wu a ègwet la.

Ntu̧ Ntsɔ̧̀ MAK 16:15

Tà li shu abua yɔb nê, “Bɨ̀ ghǎ a ngɔ̀ŋ ègème ntsɔ̀tè Ntu̧ Ntsɔ̧̀ abua waa waa.

Lûk 15:10

Yesò ghɨ̀ ale, mè nê, “E ngu a si è shu awɨ̧ nê, ndɨ àvi wàa le lɔ̂Ꞌ ngùꞋtè àvi la, wu wuê èlɨ mbɔŋ bɔntu̧ Mbɔ̧ɔ̧mà àa ngùꞋtà àwɔb ane wòt kàbɔ̀ŋ wemɔ̀Ꞌ tà kubtè èntɨ̧ɨ̧ vi èsà mènəè kàbɔ̀ŋ mi la.”

Lûk 2:26

Fo Kèfə li nkàꞋ atò nê, tàa li ye wòt wu Mbɔ̧ɔ̧mà li ndzɔꞋ etsàà a sitsǎꞋ la, ka pfə.

Lûk 9:6

Bɔkatè Yesò bu e zə ànəa tà shu la, ale mbà̧à̧ èlu̧ ngȩ̀ȩ̀nè bɔbɔpfəè ègème ntsɔ̀tè Ntu̧ Ntsɔ̧̀ yu, è dzə abua Mbɔ̧ɔ̧mà la, mè mbəâ bòt bɔ̀ɔ ngò̧ò̧nà la àdzìꞋ àgème.

Jɔ̌n 15:26

“Ka wòt tàa tɨŋe awɨ̧ la nàà kɨꞋa. Tà dzə abua tǎt am, ngu Fo tò yu nàa nyɨ̀Ꞌta mènəè mu è wu nkûŋ la. Maa ghɨ̌ Tǎt am naa tsǎ atò abua yɨ̧, taa kɨꞋɨ làꞋa ànəa ye ko ane yaã la.

ÀfaꞋa 10:44

Pità bela ndàꞋà ale, Fo Kèfə nyi ane bòt bu bɔ̀ wua njùtâ ntu̧ yu tà tsɔ̀tà la.

ÀfaꞋa 16:10

Mbɨ̀Ꞌɨ̀ Pɔ̂l è ye ndzò̧ yu la, ba bê ntàŋkê a mànga a Màsèdonìà, ngu ndɨ̀ wu Mbɔ̧ɔ̧mà è shu awa nê bà gha ntsɔ̀tè Ntu̧ Ntsɔ̧̀ yu abua bòt bu abàꞋ və la. waa bɔ̂ Pɔ̂l ba.

ÀfaꞋa 2:33

Mbɔ̧ɔ̧mà yu̧u̧me atò ntsìà àbâ àbualu̧ azi, mè ndzì Fo Kèfə ane tò, mbɨ̀Ꞌɨ̀ Tǎt tò Mbɔ̧ɔ̧mà wu zìambɔŋ li nkàꞋ la. Èghɨ bàa bɨ ye àfɨ̀Ꞌ yaa mè ndzəèa la, wu èghɨ Yesò ghɨ̌ ane ya la.

ÀfaꞋa 4:31

ÀfɨꞋa bɔ tsàꞋte a Mbɔ̧ɔ̧mà tè ndɔ̀Ꞌ la, àdziꞋa mbɔŋ a nyìꞋnè, Fo Kèfə kɨꞋɨ nyi a mèntɨ̧ɨ̧ mɔb, bɔ bùꞋ mè làꞋa èngǎ̧ Mbɔ̧ɔ̧mà kà bɔ̀â.

ÀfaꞋa 4:8

AfɨꞋa mbɔŋ, Fo Kèfə nyi a èntɨ̧ɨ̧ Pità, tà ŋa àbɨ̀t nê, “Bètǎt ba, nè bɔɔjuŋ ba leꞋ,

ÀfaꞋa 8:25

ÀfɨꞋa Pità bɔ̂ Jɔ̌n e shu ànəa bɔ ko ane Yesò mè ndàꞋ èngǎ̧ tò la, bɔ wene a Jèlusalèm. Mbɨ̀Ꞌɨ̀ bɔ̀ɔ ngà la, bɔ me ghȩ̀ȩ̀na ntsɔ̀tà Ntu̧ Ntsɔ̧̀ yu a èpfəè nyaŋ àlaꞋ a bòt Sàmalìà.

Lûm 1:15

Eyaa wu lə màa ndâ nkɨ tsɔ̀te Ntu̧ Ntsɔ̧̀ yaa mɨ̧̂ abua yɨ̧ wu a Luêm la.

Lûm 1:17

Ntu̧ Ntsɔ̧̀ Mbɔ̧ɔ̧mà nàà nyɨ̀Ꞌta ndɨ Mbɔ̧ɔ̧mà nàa nɨa wòt mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, è wu wòt wu tà zi èntɨ̧ɨ̧ vi ane waã tò Yesò Klistò tè èlu̧ tsa è ka tsi ngu la. Bɔ shɨ a èbem Àkata Mbɔ̧ɔ̧mà nê, “Wòt tà zi èntɨ̧ɨ̧ vi ane Mbɔ̧ɔ̧mà, tè Mbɔ̧ɔ̧mà nɨa tò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la, naa li wu ane àlia nè àlia.”

Lûm 10:15

Wòt nàa mě tsɔ̀te èngǎ̧ Mbɔ̧ɔ̧mà na kà bɔ tu̧u̧ atò à? A wu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Wu kwàꞋ ànəa ntsɔ̧̀ e ye bòt bu bɔ̀ɔ nɨa Ntu̧ Ntsɔ̧̀ nkɨ̀Ꞌa la.”

Lûm 15:19

Mâ ghɨ̂ èlȩê e ghe la, nè mènəè ngɨŋa Fo Kèfə è ŋa mètàŋ e ngɨ̀ la. Ale, ebuꞋu a Jèlusalèm e ghǎ wua Èlikùm, mâ tsɔ̀te Ntu̧ Ntsɔ̧̀ Yesò Klistò a èdziꞋ ègème.

1 Kɔlìn 2:10

Mbɔ̧ɔ̧mà nɨ Fo zi ngɨ̀ ba ko ànəa ndò̧ atò yaa. Fo Mbɔ̧ɔ̧mà nàà nkoa àghɨ àgème fɔɔle ka wuê mènəè Mbɔ̧ɔ̧mà mu è lò̧ò̧tè la.

2 Kɔlìn 1:22

Tà zǐ àlȩê a zi ane ya, enɨ nyɨꞋte nê ba wu bòt bi, mè ndzì Fo Kèfə a mèntɨ̧ɨ̧ ma enɨ nyɨꞋte nê baa li ebɔ èghɨ tà nɔ̀ŋe abua ya la.

2 Kɔlìn 6:6

Ba fàꞋ nè mèntɨ̧ɨ̧ kèfə, Mbɔ̧ɔ̧mà ghɨ̀ ba bɔ èyì, ba nkùùla mèntɨ̧ɨ̧ ma ndɔ̀Ꞌ ngɨa ntsɔ̧̀ abua bòt, mbɔ Fo Kèfə ane ya, nè èkɔŋ kà ye àfɨte adù̧

Gàlashìà 1:12

E ndi e ka nɨ èngǎ̧ mbɔŋ abua wɔ̀bȩ̂, è ka mèe ngu wɔ̀bȩ̂ ka tà nyɨꞋte am la. Yesò Klistò zìambɔŋ ka tà li ngàꞋte èngǎ̧ mbɔŋ nyɨ̀Ꞌte am la.

Gàlashìà 1:16

nyɨ̀Ꞌte waã vi abua am mbɨ̀Ꞌɨ̀ maa tsɔ̀te Ntu̧ Ntsɔ̧̀ tò ayɔɔ bòt kà ko a Mbɔ̧ɔ̧mà. ÀfɨꞋa mbɔŋ, è nka gha enɨ nkɨ̀a abua wɔ̀bȩ̂ kǒ,

Efesɔ̀s 3:10

Tà li me ghɨ̀ àyaa ngua nkɨà mbɨ̀Ꞌɨ̀ è wu àfɨ̀Ꞌ yaa tà nyɨ̀Ꞌte àghɨ àgème a ègwet àa mbà̧aã èlaꞋ me ntsìta mènəè la ndi ye bɔ èyì ane àghɨ àgème la. Tà li ngɨ̀ bɔ ye àyaa ane èghɨ tàa ngɨ̀à ane chɔsì la.

1 Tèsàlonikà 2:9

Bɔnyɨ ba, ba ko nkûŋ nê bɨ bakà leenè ndɨ ba li ndâ ngua fàꞋà mbɔ̌ tèbəꞋtsə la. Ba li ngua fàꞋà ètsəꞋ bɔ̂ nèngû̧ mbɨ̀Ꞌɨ̀ bà me tsɔ̀te Ntu̧ Ntsɔ̧̀ yu è dzəè abua Mbɔ̧ɔ̧mà la, bà ka ŋa ngoꞋ abua wòt kǒ ane yɨ̧.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

Ebùlù 11:13

Bòt baa bàgème bɔ tɨ̧ɨ̧ tèlen tɔb la e li me pfəꞋte mèntɨ̧ɨ̧ mɔb bele wuê ane Mbɔ̧ɔ̧mà, mbɔ̂ me pfəꞋte ale èghɨ bu Mbɔ̧ɔ̧mà li nkàꞋ la e bele kà ko àfɨꞋa àa li lɔ̀Ꞌɔ̀ ewu la. Ka bɔ li ndzaŋe eye bùà tea a endɨ̌ sèè. Mbɨ̀Ꞌɨ̀ bɔ ye ale la, bɔ bɨ̧ɨ̧nè nê bɔ wu bègɨ̧̀, mè ngu bòt ntsèa tsě a sitsǎꞋ ŋàa la.

Ebùlù 2:4

Mbɔ̧ɔ̧mà zìambɔŋ nɨ èlȩê, nè ngɨŋa mènəè, nè tèwuute ènəê kà ye fɨ̀Ꞌ nɨŋ nyɨ̀Ꞌte nê ànəa ngaa wu nkûŋ mɨ̧̂, ndɔ̀Ꞌ mè ngàbtè èghɨ Fo Kèfə nàa ŋǎ la abua bòt. Mbɔ̧ɔ̧mà wu nàà ŋǎ èghɨ bàa abua bòt mbɨ̀Ꞌɨ̀ tà kɔ̀ŋkè la.

Ebùlù 4:2

Ba li ndzəâ Ntu̧ Ntsɔ̧̀ Mbɔ̧ɔ̧mà wuê mbɨ̀Ꞌɨ̀ bɔ li ndzə la, ka ndzə ale èngǎ̧ mbɔŋ è ka ghɨ a ntsɔ̧̀ ko ane yɔb nkàà nê, bɔ li bɔ̀ ka bɨ̧ɨ̧nè a mèntɨ̧ɨ̧ mɔb nê Mbɔ̧ɔ̧mà naa ghɨ̀ mbɨꞋɨ̀ tà shu la.

1 Pità 1:25

Ka èngǎ̧ Mbɔ̧ɔ̧mà e bɔ̂ ngu etèꞋa ane àlia nè àlia.” Èngǎ̧ mbɔŋ wu Ntu̧ Ntsɔ̧̀ yu bɔ li ndàꞋ abua yɨ̧ la.

1 Pità 4:6

Eyaa wu lə Yesò Klistò li ntsɔ̀tè Ntu̧ Ntsɔ̧̀ Mbɔ̧ɔ̧mà fɔ̀ɔ̀le abua bòt bɔ pfəꞋte la. Bɔ li mpfəèꞋte mbɨ̀Ꞌɨ̀ bɔbȩ àa mpfəèꞋta la, nkàà nê wu ngoꞋ Mbɔ̧ɔ̧mà nɔ̀ŋe a ègwet bòt bàgème a sitsǎꞋ la. Ka bɔ li ntsɔ̀tè Ntu̧ Ntsɔ̧̀ yaa abua yɔb, mbɨ̀Ꞌɨ̀ bɔ̀ wu epeme e me tseke nê Mbɔ̧ɔ̧mà.

Ètsə 5:11

E ndȩ̀ mè ndzəè bɔntu̧ Mbɔ̧ɔ̧mà bètɔsì nè bèmilèyɔ̂ŋ kà wòt wu ko pà̧aã. Bɔ tɨ̧ɨ̧te a ngèt àtɨ̧a kèfɔ̧̀ yu, nè èghɨ bu bekwì è wu yu̧ la, mè nè bɔɔjuŋ bu èghem yebe ntsɔ̀b bakwì la.