1 Tɔ̀màtià 3:15 - Mundani

¹⁵ Ka e mbakà yàŋè nkɨ̀Ꞌɨ̂, ko letà waa naa nyɨꞋte awɨ̧ ndɨ bàa bòt àndǎ̧ Mbɔ̧ɔ̧mà e bɔ ndɨ bàa me ghɨ̀ mènəè ma la. Eyaa wu àndǎ̧ bòt chɔsì Mbɔ̧ɔ̧mà wu tà wu yû̧ la. Bɔ wu èntɔ̧ nè àtetsi yu a baãaã èngǎ̧ Mbɔ̧ɔ̧mà wu è wû nkûŋ la.

1 Tɔ̀màtià 3:15 ပူးပေါင်းရင်းမြစ်များ

Matìù 16:16

Simùn Pità bɨ̀ɨ̀lè nê “À wu Fɔ̧̀ wu Mbɔ̧ɔ̧mà yɔꞋ ntsà la, Waã Mbɔ̧ɔ̧mà yû̧.”

Matìù 18:18

“Ane nkûŋ, tsiꞋ è shua wɨ̧ nê bɨ tsia ànəê a sitsǎꞋ ko bɔɔ tsia yùà a ègwet, ntsɔ̀Ꞌɔ ànəê a sitsǎꞋ ko bɔɔ tsɔꞋɔ yùà a ègwet mɨ̧̂.

Jɔ̌n 1:17

È wu nè ànəê mbɨ̧te Mbɔ̧ɔ̧mà ko Mbɔ̧ɔ̧mà li ndzi a tèkitebu Musì ka tà ŋǎ abua bɔbȩ, è me wu èkɔŋ nè nkûŋ, ta tsaa a Yesò Klistò ka tà kɨ̀Ꞌɨ̂ nyɨ̀Ꞌte awa.

Jɔ̌n 14:6

Yesò shu abua tò nê, “E ngu alu̧, è ngu nkûŋ, è ngu mèmpème. BetsiꞋa wòt kà gha abua Tǎt am, kà tse abua am.

Jɔ̌n 18:37

Pȩlèt bììte atò nê, “Tè a wu Fɔ̧̀?” Yesò bɨ̀ɨ̀lè nê, “À bê shu tè ndɔ̀Ꞌ. E ndi nkɨ̀Ꞌɨ̂ a ngɔ̀ŋ ŋaa bɔ bi am nkàà ànəê yeamɔꞋ, enyɨ̀Ꞌte bòt àghɨa nkûŋ wu yùà la. Waa waa tàa nkɔ̀ŋkà nkûŋ la nàà ndzəa ànəa màa shua la.”

Jɔ̌n 6:69

Ba bɨ̧ɨ̧ne mè nko nê, à wu ngule wòt wu Mbɔ̧ɔ̧mà tsàà la.”

ÀfaꞋa 1:2

eghǎ wu ane àlia Mbɔ̧ɔ̧mà li nɨ atò ngà a ègwet la a èbem àkata mbì am. Mbɔ̧ɔ̧mà li me laꞋ nê yea nɨ atò nga ègwet ale, tà nɨ̌ èyǐ Fo Kèfə nkɨ̀ɨ̀te bòt bu tà li ndàà àwɔb ane bɔntu̧ bi la.

ÀfaꞋa 14:15

Bɔ̀ gha abot bɔ biite bòt bu nê, “Bèshu̧ ba, bɨ ghɨ̀ na ka me ghɨ̀ èwuu ànəê yaa à? Ba wu bɔbȩ mbɨ̀Ꞌɨ̀ bɨ̀a mbɔŋ? Ba wu a si ŋàa nkɨ etsɔ̀te Ntu̧ Ntsɔ̧̀ Yesò abua yɨ̧, mbɨ̀Ꞌɨ̀ bɨa kubte ane ejuke ènəê baa, etsiꞋi me kùŋè wuê a Mbɔ̧ɔ̧mà yu̧ wu tà ghɨ̀ ègwet nè sitsǎꞋ, mè ngɨ̀ mèleb nè èghɨ ègème aa tèbèm la.

Lûm 3:2

Àbȩ̀ a taꞋa wu ane èghɨ bàa, ane abà àgème. Enɨ bùꞋu, Mbɔ̧ɔ̧mà li ndzì èngǎ̧ vi a tèkitebu Bèjuê.

Lûm 9:26

KwàꞋ adziꞋ yu tà li shu awɔb nê ‘Bɨ ntsě bòt bɔ̧ la’, bɔɔ tɔ awɔb abot ane bɔ̧ Mbɔ̧ɔ̧mà yû̧.”

1 Kɔlìn 10:32

Bɨ̀ me tseke ntsɔ̧̀ ane ndɨ bɨ̀ ka ghɨ̌ ngoꞋ ane wòt Juê, kò wòt kà wu Juê, kò bòt chɔsì Mbɔ̧ɔ̧mà la leꞋ.

1 Kɔlìn 3:16

Bɨ bakà ko nê bɨ wu lob Mbɔ̧ɔ̧mà, Fo tò nàa ntsèka ane yɨ̧ la à?

2 Kɔlìn 3:3

Bɨ lâ ngu àkata Yesò Klistò shɨŋ ndzi a tèkitebu ta ba nɨŋ nkɨ̀Ꞌɨ̂ ŋa la. Tà li tà kà nɨ mbȩ̀ àkatè ka shɨ letà waa mbɨ̀Ꞌɨ̀ bɔ̀ɔ shɨa la, tà li nɨ Fo Mbɔ̧ɔ̧mà yû̧ ka shɨŋ. Tà li tà kà shɨ a ègwet àti, tà li shɨ a mèntɨ̧ɨ̧ bɔbȩ.

2 Kɔlìn 6:16

Lob Mbɔ̧ɔ̧mà bakà bɔ àghɨa ko nàa ghɨ̀ ne èghɨ bu bòt àa nɨ̀a nê wu bèmbɔ̧ɔ̧mà la. Ba wu lob Mbɔ̧ɔ̧mà yû̧, wuê mbɨ̀Ꞌɨ̀ tà shu la nê, “Maa me tseke ane yɔb, mè ngȩȩna ayɔɔ yɔb. Maa li ewu Mbɔ̧ɔ̧mà wɔb, bɔɔ wu bòt bɔ̧.”

2 Kɔlìn 6:7

mè ndàꞋà èngǎ̧ nkûŋ ane mètàŋ mu Mbɔ̧ɔ̧mà ŋa abua ya la. Mènəè ntsɔ̧̀ ma wu èghɨ èbet ba bèà me nɨa nua èbet Mbɔ̧ɔ̧mà mè nkèla bɔmbù̧ la.

Gàlashìà 2:9

ÀfɨꞋa Jimsì bɔ̂ Pità, nè Jɔ̌n wu bɔ̀ tɔ̀ke bòt Yesò la e ye a ntsɔ̧̀ wu Mbɔ̧ɔ̧mà nyɨꞋtè am la, bɔ zi èbu abua ya baa Bànabasì, mbɔ̂ ndàŋkè nê, bà ghǎ abua bòt kà ko a Mbɔ̧ɔ̧mà, bɔ̀ɔmbɔŋ è ghǎ abua Bèjuê.

Gàlashìà 3:1

Bɨ̀a bòt Gàlashìà bàa bɨ wu kwàꞋ èkèghɨ̧̀. Wàa chɨɨmè nɨ̀ èbə nɨŋ ngèble ètsə bɨ̧ nê bɨ̀ ka mbɨ̧̀ɨ̧̀ne nkûŋ à? Ka bɔ li ngàꞋte kwàꞋ a mbì lɨ̧ nyɨ̀Ꞌte ndɨ bɔ li ngù̧ù̧te Yesò Klistò a mbɨ̧̀ mbasa la à?

Efesɔ̀s 4:21

Mâ ko nê bɔ li shu awɨ̧ ànəa tò, mè nko nê ndɨ̀ wu bɨ̀ wu bòt tò la bɔ li nyɨ̀Ꞌte awɨ̧ nkûŋ yu adù̧ Yesò la.

Kɔ̀losìà 1:5

È li ngu àfɨꞋa bɔ li mbɨ̀ ntsɔ̀tè èngǎ̧ nkûŋ wu è wu Ntu̧ Ntsɔ̧̀ Mbɔ̧ɔ̧mà, abua yɨ̧ la, bɨ zə ànəa ntu̧ mbɔŋ shua la. È li ngua ndàꞋà ànəa ntsɔ̧̀ wu betsiꞋa bɨ bɔŋ mbɨ̀Ꞌɨ̀ bɨ nɔ̀ŋè mèntɨ̧ɨ̧ mɨ̧ adù̧ me chɨ̀Ꞌɨ̀ la. Wu ànəa ntsɔ̧̀ waa Mbɔ̧ɔ̧mà neetè nɔŋe abua yɨ̧ a ègwet bɨ mè me chɨ̀Ꞌɨ̀ la, ka a ghɨ̂ bɨ zì mèntɨ̧ɨ̧ mɨ̧ ane Yesò mè me kɔ̀ŋkè bòt Mbɔ̧ɔ̧mà la.

1 Tèsàlonikà 1:9

Bòt ngaa bàgème aà ndàꞋà ndɨ bɨ li mbà̧à̧ àwa àfɨ̀Ꞌ yu ba li nkɨ̀Ꞌɨ̂ emù àwɨ̧ la, mè shua ndɨ bɨ sà bènàmbəa bɨ̧, tè ntsìꞋa ntsàꞋtà wuê ngule Mbɔ̧ɔ̧mà yû̧ la.

1 Tɔ̀màtià 3:14

Mbɨ̀Ꞌɨ̀ e shɨa letà waa abua yɨ̧ la, maà nkwàꞋtà nê, e mbele eyàŋe ekɨꞋɨ eye awɨ̧.

1 Tɔ̀màtià 3:16

Ànəa ndò̧ yu ba ko ane èngǎ̧ Mbɔ̧ɔ̧mà la aà nkwèèla tè betsiꞋa wòt kà ko ntu̧. Yesò Klistò li mpùùlà ntsìꞋi wɔ̀bȩ̂. Fo Mbɔ̧ɔ̧mà è nyɨꞋte wòt tà wu wùà la, Bɔntu̧ Mbɔ̧ɔ̧mà e mè ndzě atò. Bòt e li ndàꞋà èngǎ̧ tò abua bòt èlaꞋ tsa, Bòt èdzìꞋ ègème a ngɔ̀ŋ ŋaa e zì mèntɨ̧ɨ̧ mɔb ane tò, Mbɔ̧ɔ̧mà nɨ atò a ègwet ntsìa a ègwet àtɨ̧a kèfɔ̧̀ àzi.

1 Tɔ̀màtià 3:2

Wòt àtsəa bòt Yesò kâ ngu wòt bòt àa ndàꞋà kàbɔ̀ŋ adù̧ tò la. Tà bɔ̂ ndɨ tàa bɔ wuê àvi wemɔ̀Ꞌ, mè me baãaã èntɨ̧ɨ̧ vi ka ngɨ̀à mènəè la. Ŋut me ghɨ̌ mènəè wuê ane èlɨ bòt àa me zə atò la, nko a màsea bègɨ̧̀ ntsɔ̧̀, nko a mànyɨꞋte mènəè ntsɔ̧̀ mɨ̧̂.

1 Tɔ̀màtià 3:5

Wòt bakà wu ko ebaãaã lob zi, tà ghɨ̀ na ka nko mbà̧aã bòt Mbɔ̧ɔ̧mà à?

1 Tɔ̀màtià 4:10

Eyaa wu àghɨ a ghɨ̀ ba me nyɔ̀Ꞌta fàꞋà nyaŋ nkàà nê ba zǐ ntɨ̀ ya ane Mbɔ̧ɔ̧mà wu tà wu eyû̧ la. Tà wu Mpemnà wɔ̀bȩ̂ ègème, mbɔ̂ mèmpème mbɔŋ wu abua bòt bu bɔ zì mèntɨ̧ɨ̧ mɔb ane Yesò la.

1 Tɔ̀màtià 6:16

Tà wu ndàꞋà wòt kà wu li epfə, mè me tsèke a kètsìà èkaꞋa vi wu betsiꞋa wòt kà ko ntsě abot la. Wɔ̀bȩ̂ bakà li mè ye atò, wòt kà mè ngu eko eye atò. TsiꞋ bɔbȩ è wùꞋte atò mè ŋeꞋe atò a ègwet tè ndɨ ngɔ̀ŋ naa li ghǎ elìa la. Àmèn.

2 Tɔ̀màtià 2:19

Ka, betsiꞋa àtetsi àkekweelè yu Mbɔ̧ɔ̧mà li mbɔ̧ la à ka nyiꞋnè. Bɔ shɨ mèngà̧ maa adù̧ və nê, “Mbɔ̧ɔ̧mà è ko bi ne bòt.” Mè shɨŋ nê, “Wòt tà laꞋnê ye wu wòt Mbɔ̧ɔ̧mà la è bɔ ndɨ tàa waꞋa mènəè kàbɔ̀ŋ mi la.”

2 Tɔ̀màtià 2:20

Àa ngɨ̀ à nyi a èbem lob nɨ̧, à ye tèwuute bapfəèꞋ tègème, èbe bɔ ghɨ ane silbà nè goêl la, nê èbe bɔ ghɨ ane èyɨt la mè nè èbe bɔ ghɨ ane ètsaꞋ la. Beko wu èbe bɔ̀ɔ mbà̧à̧ta a lob àli àgème la, beko wu èbe èpà̧.

Ebùlù 10:21

Ba bɔ taꞋà ntsìà mèpɨ̧̀ tà wu àtsəa lob Mbɔ̧ɔ̧mà la.

Ebùlù 12:22

Ka bɨ kɨꞋɨ tê ntsìꞋi a mbɨ̧̀ èbȩ lu bɔ̀ɔ ntɔ nê Zayɔ̀n la, è wu àpfəèà nɨ̧ a Mbɔ̧ɔ̧mà yû̧ la. Eyaa wu Jèlusalèm wu a ègwet, nè bɔntu̧ Mbɔ̧ɔ̧mà bu kà pà̧ bɔ bù̧ù̧te ane mèngùꞋte la.

Ebùlù 3:12

Bɔnyɨ bɔ̧, bɨ̀ me ko awɨ̧ mbɨ̀Ꞌɨ̀ ka wòt kǒ wu ane yɨ̧ nè èntɨ̧ɨ̧ kàbɔ̀ŋ, tè ntù̧u̧ a Mbɔ̧ɔ̧mà yû̧, tà kà tsi ngua nkuŋa tò.

Ebùlù 9:14

Tè a wu ewu anè, ko àlo̧ Yesò Klistò à ka faꞋa te tsè ale a? Fo Mbɔ̧ɔ̧mà àlia nè àlia li ngɨ̀ tà ŋà àtsəa zi mbɨ̀Ꞌɨ̀ nkɔ̀Ꞌ èpɨ̧̀ kà ye àlɔꞋ, mbɨ̀Ꞌɨ̀ enɨ àlo̧ azi e shùù mèntɨ̧ɨ̧ ma ane èghɨ bàa kà nɔŋe lə la, mbɨ̀Ꞌɨ̀ baa me ghɨ̀ àghɨa Mbɔ̧ɔ̧mà yû̧ nàa nkɨà nê bà me ghɨ̀ la.

1 Pità 2:5

Bɨ̀a anè ntsìꞋi àti a yu̧ mɨ̧̂. È wu ale, bɨ̀ səèꞋtè àwɨ̧ ngà mbɨ̧̀ tò tà nɨ awɨ̧ mvəèəè lob Mbɔ̧ɔ̧mà, è wu ye Fo tò yu ane yɨ̧ la. À wu ale mbɨ̀Ꞌɨ̀ bɨa me fàꞋa a èbèm mbɨ̀Ꞌɨ̀ bèntsìà mèpɨ̧̀ èntɨ̧ɨ̧ kèfə, e me tsì mèpɨ̧̀ Fo Mbɔ̧ɔ̧mà, è kùꞋu a mbì tò nkàà àghɨa Yesò Klistò è ghɨ̀ la.

1 Pità 4:17

ÀfɨꞋa Mbɔ̧ɔ̧mà naa saꞋa bòt la a kuêꞋ, tà bɔ̂ ngua nga ebùꞋu ane bòt bi. Tè tà wu ebùꞋu ane ya ko àa li ewu na ane bòt bu bɔ ntu̧ ebɨ̧ɨ̧ne Ntu̧ Ntsɔ̧̀ yu è dzə abua Mbɔ̧ɔ̧mà la à?

Ètsə 7:2

Mâ ghɨ̀ ale, mè ndze wantu̧ Mbɔ̧ɔ̧mà kǒ tà dzə àbâ yu nyèm nàa sàꞋa la, nè àghɨa ko àbu azi, è wu àghɨa Mbɔ̧ɔ̧mà yu̧ nàa nɨa ndzìà àlȩê ane bòt la. Tà ŋȩ ntɔ bɔntu̧ Mbɔ̧ɔ̧mà ko bu bakwì Mbɔ̧ɔ̧mà ŋa awɔb mètàŋ a màntsoka sitsǎꞋ nè *èdzî la,