1 Tɔ̀màtià 1:20 - Mundani

²⁰ Èbeko ane bòt ngaa wu Ghɨ̀menɔ̀s bɔ̂ Àlèkzandà. Mâ zì àwɔb wàa a tèkitebu Satàn. Àyaa aa nyɨꞋte awɔb nê, bɔ̀ ka ndi ndɔ̀Ꞌɔ̀ ane àli ako mè ndàꞋà a kàbɔ̀ŋ adù̧ èlen Mbɔ̧ɔ̧mà.

1 Tɔ̀màtià 1:20 ပူးပေါင်းရင်းမြစ်များ

Matìù 18:17

Bɨ làꞋ ale tà bakà mè mbɨ̧̀ɨ̧̀ne, bɨ ghà shu ànəa àgème abua chɔsì, tà bakà mè njùte ànəa chɔsì è shu abua tò la, bɨ tsì àwɨ̧ ane tò mbɨ̀Ꞌɨ̀ bɨ̀a ntsìà ane wòt tàa nɨa èkab taksì nè wòt kà ko a Mbɔ̧ɔ̧mà la.

ÀfaꞋa 13:45

Mbɨ̀Ꞌɨ̀ Bèjuê e ye ènɔ̧̂ bòt bu la, bɔ tsiꞋi me làꞋa ane ghòꞋnà, shua mènəè kàbɔ̀ŋ, ngèbtâ ànəê àgème Pɔ̂l nàa shua la.

ÀfaꞋa 19:33

Bòt ko e li mbê nkwàꞋtè nê wu Àlèkzandà ka tà ghɨ̌ ànəa mbɔŋ la, ndɨ̀ wu Bèjuê e li ŋweele atò nê tà kɔꞋ ngà ntɨ̧ɨ̧ nè mbì la. Mbɨ̀Ꞌɨ̀ àa ale la, Àlèkzandà è dèb èbu bi nê bòt bu è buŋ ye làꞋà èngǎ̧ nɨŋ fà àtsəa zi.

1 Kɔlìn 11:32

Ka Mbɔ̧ɔ̧mà nàa me saꞋa wa tà wua ngàꞋà àghɨ aya baa ye a kàbɔ̀ŋ wa, mbɨ̀Ꞌɨ̀ ka a ghɨ̀ me lìa Mbɔ̧ɔ̧mà ghɨ̀ a bɨɨ abà ya mbɨ̀Ꞌɨ̀ àa bɨɨ a yea bòt ngɔ̀ŋ la.

2 Kɔlìn 10:6

Baa me ghɨ̀ tê nko bòt bu bàgème ayɔɔ yɨ̧ bɔ̀ɔ ndzəa Yesò Klistò la, ntàŋke nyɨ̀Ꞌte bòt bu bɔ̀ɔ ka zə atò la àghɨa bɔ kɨà la.

2 Kɔlìn 13:10

E ngua shɨa letà waa àfɨ̀Ꞌ yaa mbɨ̀Ꞌɨ̀ è nkɨ̀Ꞌɨ̂ è kwene ane yɨ̧, è nka tsi nɨ̀ àtɔŋ yu Yesò Klistò ŋa abua am la enɨ ŋȩ awɨ̧. Tà li ŋà àtɔŋ yàà nê è nɨŋ ngɨ̀ mèntɨ̧ɨ̧ mɨ̧ me kweele ane mènəè mi. Tà li tà kà ŋa nê è nɨŋ ntsòkè àwɨ̧.

2 Tèsàlonikà 3:15

Mbɔ̂ bɨ̀ ka nɨ atò mbɨ̀Ꞌɨ̀ wɔ̀mbù̧, ka bɨ̀ me ŋa atò nkɨà mbɨ̀Ꞌɨ̀ wanyɨ wɨ̧ wòt Yesò.

1 Tɔ̀màtià 5:15

Ko nê, bènempfə ko e sà alu̧ Yesò tè ntsìꞋa kùŋe a Satàn.

2 Tɔ̀màtià 2:14

Ghɨ̌ bòt bê è ku̧u̧te mèngà̧ mu e shu awê la, mè nèètè səèŋkè ètû̧ bɔb a mbì Mbɔ̧ɔ̧mà nê, bɔ̀ ka me yɔ̌ a ègwet mèngǎ̧ àku. Nê, lə mèngǎ̧ àku è ntsě, nàà ntsòkà wuê mèntɨ̧ɨ̧ bòt bu bɔ̀ɔ njùtâ mèngǎ̧ mbɔŋ la.

2 Tɔ̀màtià 2:17

Mèngǎ̧ mu bɔ̀ɔ nyɨ̀Ꞌta la bê ngu wuê mbɨ̀Ꞌɨ̀ taꞋa fɨŋ, nàa nkwèla nyà̧ ènyit wɔ̀bȩ̂ la. Bòt babe ane bènyɨꞋtà èwuu mèngà̧ maa wu Ghɨ̀menɔ̀s bɔ̂ Fìletùs.

2 Tɔ̀màtià 3:2

Naa li ngu ane èli mbɔŋ, waa waa tsiꞋa kɔ̀ŋkà wuê avi zìambɔŋ, nkwàꞋtà wuê ànəa mèkab mɔb, ngù̧a nkùꞋ tɔb mè ŋèꞋa tèkwȩ tɔb a ègwet. Naa li ngu ane èli mbɔŋ, bòt e tsiꞋa ntsɔ̧̀ɔ̧̀tà beko, ngɨ̀à àtsə àkekweelè abua bètǎt bɔb, bɔ̀ ka tsi ngùa nkuŋà Mbɔ̧ɔ̧mà, wòt ghɨa ntsɔ̧̀ abua wòt tà kà lem ntsi nkɔ̀ŋkè atò.

Ebùlù 12:5

Bɨ lèènè mèngà̧ mu Àkata Mbɔ̧ɔ̧mà àa shua nɨa ndɔ̀ktà mèntɨ̧ɨ̧ mɨ̧, ntɔ awɨ̧ nê bɨ wu bɔ̧ la à? Àkata mbɔŋ aa shua nê, “Waã am, Mbɔ̧ɔ̧mà me baãaãte àwê ane èbu kekweelè nkàà mènəè à fà̧à̧tè la, à ka ngwàa ànəa mbɔŋ. À mè fà̧à̧ ànəê tà me ŋȩ awê, èntɨ̧ɨ̧ wê è ka fi ane tò.

Ètsə 13:1

E ndze nyà̧mɔ̀Ꞌ nkɔ̀Ꞌa a èbem *èdzî, è bɔ̀ ndɔŋtsə èghem nè ètsə besà̧à̧mbe. Ntà̧ nàà nyɨ̀Ꞌta mètàŋ tò la è wu a ègwet ndɔŋ ègème, àtsə àgème a bɔ èlen ko tsa àa ndàꞋa kàbɔ̀ŋ adù̧ èlen Mbɔ̧ɔ̧mà la.

Ètsə 3:19

“ ‘Bòt bu màa nkɔ̀ŋkà la wu bòt màa ŋȩ awɔb, mè mbà̧à̧ta wɔb ane èbu kekweelè mbɨ̀Ꞌɨ̀ bɔɔ bɔ èyì la. È wu ale, bɨ̀ kwàꞋte ntsɔ̧̀ nkùbte mènəè kàbɔ̀ŋ mɨ̧.