အွန်လိုင်း သမ္မာကျမ်းစာ

« အရင်

နောက်တစ်ခု »

1 Jɔ̌n 4:6 - Mundani

⁶ È me wu awa, ko ba wu bòt Mbɔ̧ɔ̧mà. Waa waa tà ko a Mbɔ̧ɔ̧mà la nàà ndzəa awa, waa waa kà wu wòt Mbɔ̧ɔ̧mà kà wua ndzəa awa. Eyaa wu àghɨa àa ghɨ̌ ka baa ko fo yu ndàꞋà nkûŋ la, nè èye ndàꞋà àfɨte la.

အခန်းကိုကြည့်ပါ။ ကော်ပီ

« အရင်

ပြန်တက်သွားပါ။ ⬆

နောက်တစ်ခု »

1 Jɔ̌n 4:6
33 ပူးပေါင်းရင်းမြစ်များ

Lûk 10:22

“Tǎt am è ŋa èghɨ ègème abua am. Wòt kǒ tà lâ ko àghɨa waã wu yùà kà wu tǎt tò la è ntsě; wòt kǒ tà meè ndâ ko a tǎt waã kà wuê waã mbɔŋ la ka wuê, nè bòt waã wu è kɔ̀ŋkè nê bɔ̀ ko atò la.”

အခန်းကိုကြည့်ပါ။

Jɔ̌n 10:16

Mâ bɔ njɨ̀te ko kà zìꞋ ngu a èbem àlaã yàa. Mâ bɔ ndɨ màa fete tùà mɨ̧̂ la. Tea zə àtɔŋ am ekɨꞋɨ, àlaã njɨ̀ yu aa tsiꞋi yeamɔꞋ e mě bɔ a mbaabà wemɔ̀Ꞌ.

အခန်းကိုကြည့်ပါ။

Jɔ̌n 10:27

Njɨ̀ taã teà ndzəa ànəa màa shua la, e mè ndâ nko awɔb, te mè me kùŋè am.

အခန်းကိုကြည့်ပါ။

Jɔ̌n 10:3

Tàa me kɨꞋɨ, wòt wu tàa mbààba ètsələèꞋ àkààla njɨ̀ tu la, tsɔꞋɔ ètsələèꞋ abua tò. Njɨ̀te mbɔŋ te ko àtɔŋ tò, tà mè me tɔ njɨ̀ ti ane tèlen tɔb, nɨa wɔb nɨa nga àbȩ.

အခန်းကိုကြည့်ပါ။

Jɔ̌n 13:20

Ane nkûŋ, tsiꞋ è shua wɨ̧ nê, wòt sèe wòt mâ tsǎ atò la, tà ko nê, ye sèà am, èwe tà sèe am la ko nê, ye sèe atò wu tà tsàà am la.”

အခန်းကိုကြည့်ပါ။

Jɔ̌n 14:17

Ŋut wu Fo Mbɔ̧ɔ̧mà yu nàa nyɨ̀Ꞌta mènəè nkûŋ la. BetsiꞋa bòt ngɔ̀ŋ yaa è ka bɨ̧ɨ̧nê Fo mbɔŋ kɨꞋɨ̀ ngu nè nɔb, nkàà nê bɔɔ kà ye atò bɔ̀ ka ko atò. Ka bɨ ko atò ndɨ̀ wu tàa ntsèka bɨ tò ba, mè ngua nga ewu a mèntɨ̧ɨ̧ mɨ̧ la.

အခန်းကိုကြည့်ပါ။

Jɔ̌n 15:26

“Ka wòt tàa tɨŋe awɨ̧ la nàà kɨꞋa. Tà dzə abua tǎt am, ngu Fo tò yu nàa nyɨ̀Ꞌta mènəè mu è wu nkûŋ la. Maa ghɨ̌ Tǎt am naa tsǎ atò abua yɨ̧, taa kɨꞋɨ làꞋa ànəa ye ko ane yaã la.

အခန်းကိုကြည့်ပါ။

Jɔ̌n 16:13

Fo Mbɔ̧ɔ̧mà yu nàa nyɨ̀Ꞌta nkûŋ la naa me ghɨ̀ tê nkɨ̀Ꞌɨ̂, ngɨ̀ bɨ ko nkûŋ ègème è dzə abua Mbɔ̧ɔ̧mà la, nkàà nê tà kà gha elàꞋa ànəa zi zìambɔŋ. Taa làꞋà wuê ànəa ye zə la, mè shu awɨ̧ mènəè nàa li ghɨ̀ la.

အခန်းကိုကြည့်ပါ။

Jɔ̌n 18:37

Pȩlèt bììte atò nê, “Tè a wu Fɔ̧̀?” Yesò bɨ̀ɨ̀lè nê, “À bê shu tè ndɔ̀Ꞌ. E ndi nkɨ̀Ꞌɨ̂ a ngɔ̀ŋ ŋaa bɔ bi am nkàà ànəê yeamɔꞋ, enyɨ̀Ꞌte bòt àghɨa nkûŋ wu yùà la. Waa waa tàa nkɔ̀ŋkà nkûŋ la nàà ndzəa ànəa màa shua la.”

အခန်းကိုကြည့်ပါ။

Jɔ̌n 20:21

Yesò mè shu abua yɔb nê, “Àlàŋkè à wu nè nɨ̧̀. Mbɨ̀Ꞌɨ̀ Tǎt am li ntsàà am a ngɔ̀ŋ la, wuê wu a èlɨ mbɔŋ mâ tsàà wɨ̧ àfɨ̀Ꞌ yaa la.”

အခန်းကိုကြည့်ပါ။

Jɔ̌n 8:19

Yesò làꞋ ale bɔ biite atò nê, “Tǎt wè wua à?” Tà bɨ̀ɨ̀lè nê, “Bɨ bakà ko am, bɨ̀ ka mèe nko Tǎt am. Bɨ ghɨ̀ ale nko am, ko bɨ koa Tǎt am mɨ̧̂.”

အခန်းကိုကြည့်ပါ။

Jɔ̌n 8:23

Yesò shu abua yɔb nê, “Bɨ dzəa sitsǎꞋ, è wu am, ko e ndzəa a ègwet. Bɨ ndzəa ngɔ̀ŋ ŋaa, è me wu am, e nka dzəa ngɔ̀ŋ ŋaa.

အခန်းကိုကြည့်ပါ။

Lûm 1:1

Letà Pɔ̂l wɔ̀fàꞋ Yesò Klistò, Mbɔ̧ɔ̧mà lè tɔ nê tà me tsɔ̀te Ntu̧ Ntsɔ̧̀ yu è dzə abua zi la.

အခန်းကိုကြည့်ပါ။

Lûm 11:8

A li ngu mbɨ̀Ꞌɨ̀ bɔ shɨ a èbem Àkata Mbɔ̧ɔ̧mà la nê, “Mbɔ̧ɔ̧mà li ngɨ̀ bɔ tsiꞋi mbɨ̀Ꞌɨ̀ bòt kà ko èdziꞋ, Mbɔ̀ àghɨ a àa ka ye èdziꞋ la, nè ètû̧ àa ka zə èdziꞋ la, e kɨꞋɨ dzəè laane.”

အခန်းကိုကြည့်ပါ။

1 Kɔlìn 14:37

Wòt me shu nê ye wu ndàꞋàtɔŋ Mbɔ̧ɔ̧mà, kò shua nê Fo Mbɔ̧ɔ̧mà ŋa avi àghɨa ko leꞋ, tà zì àyaa àtsəa zi nê, èghɨ mâ shɨ la wu mbɨ̧te Lefɨ̀Ꞌ.

အခန်းကိုကြည့်ပါ။

2 Kɔlìn 10:7

Bɨ̀ lɨ̀ŋkè èghɨ àa a mbì lɨ̧ la. Wòt me ye avi zìambɔŋ mɨ̀ɨ̀tà nê ye wu wòt Yesò Klistò, ta mè nkwàꞋtè, ko taa ye nê bàambɔŋ ba wu bòt Yesò Klistò mɨ̧̂ mbɨ̀Ꞌɨ̀ tòà.

အခန်းကိုကြည့်ပါ။

2 Tèsàlonikà 1:8

Tà kɨꞋa e ghɨ̌ bòt bu ka nɔ̀ŋe àdziꞋ abua Mbɔ̧ɔ̧mà a èbem mèntɨ̧ɨ̧ mɔb la aa ye ngoꞋ nkàà mènəè kàbɔ̀ŋ mɔb, nè èbu bɔ̀ɔ ka ghɨ mbɨ̀Ꞌɨ̀ Ntu̧ Ntsɔ̧̀ Yesò Lefɨ̀Ꞌ wa wu tà wu Tǎt wa la nàa shua la.

အခန်းကိုကြည့်ပါ။

1 Tɔ̀màtià 4:1

Fo Mbɔ̧ɔ̧mà nàà bê ndâ ndàꞋà shua nê, ngɔ̀ŋ naa li ngà me lìa, bòt ko e tsì mèntɨ̧ɨ̧ mɔb ane Yesò, ntsiꞋi me zə ànəa fote kàbɔ̀ŋ te fɨtà shua la, mè nkùŋà mènəè te nyɨꞋtà la.

အခန်းကိုကြည့်ပါ။

2 Pità 3:2

E nkɨa bɨa ku̧u̧te mèngà̧ mu ngule bèndàꞋàtɔŋ Mbɔ̧ɔ̧mà e li ndàꞋ àfɨꞋa mbì la, nè ànəa Lefɨ̀Ꞌ Mpemnà wa li ngɨ̀ bɔntu̧ tò elàꞋ la.

အခန်းကိုကြည့်ပါ။

1 Jɔ̌n 4:1

Ngule bèshu̧ bɔ̧, wòt nê ye bɔ Fo Mbɔ̧ɔ̧mà, bɨ̀ ka mbê mbɨ̧̀ɨ̧̀nê nèmbuꞋ kà nyɔꞋte a ŋut eye nê kò fo yu ane tò la wu Fo Mbɔ̧ɔ̧mà leꞋ. Bɨ̀ me ghɨ̀ ale nkàà nê bèndàꞋàtɔŋ Mbɔ̧ɔ̧mà fɨte be taꞋa wu àbȩ àfɨ̀Ꞌ yaa.

အခန်းကိုကြည့်ပါ။

1 Jɔ̌n 4:4

Ka è me wu awɨ̧, bɔ̧ bɔ̧ bɨ wu bòt Mbɔ̧ɔ̧mà. Bɨ nù bèndàꞋàtɔŋ Mbɔ̧ɔ̧mà àfɨte tè ntsè, nkàà nê Fo yu a mèntɨ̧ɨ̧ mɨ̧ la è kweele tê ntsè yu a mèntɨ̧ɨ̧ bòt ngɔ̀ŋ yaa la.

အခန်းကိုကြည့်ပါ။

1 Jɔ̌n 4:8

Wòt ègème tàa ka kɔ̀ŋkè bɔnyɨ bi la bakà ko a Mbɔ̧ɔ̧mà, nkàà nê Mbɔ̧ɔ̧mà wu èkɔŋ.

အခန်းကိုကြည့်ပါ။

1 Jɔ̌n 5:19

Ngɔ̀ŋ yaa è batè ngu a tèkitebu Satàn wòt kàbɔ̀ŋ, ka baa koê nê ba wu bɔ̧ Mbɔ̧ɔ̧mà.

အခန်းကိုကြည့်ပါ။

Jûd 1:17

Bèshu̧ bɔ̧, bɨ̀ ku̧u̧te mènəè bɔntu̧ Yesò Klistò Lefɨ̀Ꞌ wa e li shu nê naa li ghɨ̀ la.

အခန်းကိုကြည့်ပါ။

ကြှနျုပျတို့နောကျလိုကျပါ:

ပံ့ပိုးပေးထားသော လင့်ခ်များ

ကြော်ငြာတွေ

ကြော်ငြာတွေ