1 Jɔ̌n 4:17 - Mundani

¹⁷ Lə yu Mbɔ̧ɔ̧mà è lu̧u̧ne mèntɨ̧ɨ̧ ma nè èkɔŋ la wu mbɨ̀Ꞌɨ̀ e ghɨ̌ baa li me ghàꞋtè àwa ane àli yu tàa li saꞋa bòt ngɔ̀ŋ la, nkàà nê ba bê ngu a ngɔ̀ŋ ŋaa wuê mbɨ̀Ꞌɨ̀ Yesò Klistò nàa la.

1 Jɔ̌n 4:17 ပူးပေါင်းရင်းမြစ်များ

Matìù 10:15

Ane nkûŋ, e shua wɨ̧ nê, naa li ngu ane àlia saꞋa Mbɔ̧ɔ̧mà, tà kù tèsȩte bòt Sodòm nè Gòmolà tè ntsè ndɨ tàa ku e te bòt èpfəè mbɔŋ la.

Matìù 10:25

Ale, wakatè è tsìꞋa mbɨ̀Ꞌɨ̀ nyɨꞋta vi, tà wùꞋtè àvi. WafàꞋ è tsìꞋa mbɨ̀Ꞌɨ̀ tǎt àfàꞋ vi, tà wùꞋtè àvi mɨ̧̂. Bɔ wu tsì èlen tǎt lob ane Belzebùl, ko bɔɔ tɔ bòt lob tò ane tèlente kàbɔ̀ŋ te tsě.

Matìù 11:22

Ka tsiꞋ è shu awɨ̧ nê Mbɔ̧ɔ̧mà naa li eku tèsȩte bòt Tȩê nè Sidɔ̀n àlia tàa li saꞋa ngɔ̀ŋ la, te tsě ndɨ tàa eku tɨ̧ la.

Matìù 11:24

Ka tsiꞋ e shu awɨ̧ nê naa li ngu ane àli yu Mbɔ̧ɔ̧mà nàa saꞋa bòt ngɔ̀ŋ la, ta kù tèsȩte bòt Sodòm tè ntsè è tɨ̧.”

Matìù 12:36

Ka tsiꞋ è shu awɨ̧ nê naa li ngu àlia èsaꞋa, wòt ègème làꞋ ànəa èngǎ̧ kà kùꞋ ègème e li mè dzəâ a ètsəê tò la abua Mbɔ̧ɔ̧mà.

Jɔ̌n 15:20

Bɨ̀ ku̧u̧te èngǎ̧ wu mâ yaã shu abua yɨ̧ la, wafàꞋ bakà tse a tǎt àfàꞋ vi. È wu nê bɔ li ngua nkɨà àtsəa am enɨ, ko bɔɔ me kɨa ayɨ̧ enɨ mɨ̧̂. È wu nê, bɔ li ngɨ̀ mbɨ̀Ꞌɨ̀ èngǎ̧ am e shua la, ko bɔɔ̀ me ghɨ̌ mbɨꞋɨ̀ bɨ shu la mɨ̧̂.

Jɔ̌n 17:22

Mâ ghɨ̂ bɔ bɔ èwuu ènɨ̧ wu à li ŋǎ abua am la, mbɨ̀Ꞌɨ̀ bɔɔ tsiꞋi àghɨ yeamɔꞋ mbɨ̀Ꞌɨ̀ ba nè è wu àghɨ yeamɔꞋ la.

Lûm 8:29

Bòt bu Mbɔ̧ɔ̧mà li mbele àfɨꞋa tsa ndà la, tà li nɔ̀ŋè nê bɔ̀ wu mbɨꞋɨ̀ waã vi nàa la, mbɨ̀Ꞌɨ̀ e ghɨ̌ taa wu waã mbì ayɔɔ bɔnyɨ nyaŋ.

Ebùlù 9:27

Waa waa bɔ ndɨ tàa pfə ngò̧ yemɔ̀Ꞌ, e me lɔ̀Ꞌɔ Mbɔ̧ɔ̧mà naa saꞋa atò la.

Jimsì 2:13

Aa ale nkàà nê, Mbɔ̧ɔ̧mà naa li saꞋa bòt bu bɔ̀ɔ ka ku tèsȩ la kà ku tèsȩ. Ka bòt bu bɔ̀ɔ nkua tèsȩ la e bakà tsi mbɔ̌ ndɨ bɔ̀ɔ mèe me bɔɔ èsaꞋa Mbɔ̧ɔ̧mà la.

Jimsì 2:22

Bɨ ye nê èntɨ̧ɨ̧ wu tà li ndzi ane Mbɔ̧ɔ̧mà la e li ngua ngȩ̀ȩ̀nà bɔ̂ èfaꞋa tò nɔ̂. Àghɨ yu tà li ngɨ̀ la a li ngɨ̀ èntɨ̧ɨ̧ wu tà li ndzi ane Mbɔ̧ɔ̧mà la e tsiꞋi àghɨ.

2 Pità 2:9

Mènəè maa ègème wua nyɨ̀Ꞌta nê, Mbɔ̧ɔ̧mà ko ndɨ tàa tsǐ bòt bu bɔ̀ɔ ngɨ̀a àghɨa tàa nkɨà la a èbem ngoꞋ tɔb la, mè nko ndɨ tàa nɔ̀ŋe bòt kàbɔ̀ŋ e me chɨ̀Ꞌɨ̀ àlia tàa saꞋa ngɔ̀ŋ e zi àwɔb a èbem ngoꞋ la.

2 Pità 3:7

Mbɔ̧ɔ̧mà li ndàꞋ wuê èngǎ̧ vi mbɔŋ nɔ̀ŋè ègwet làa bɔ̂ sitsǎꞋ yàa àfɨ̀Ꞌ yaa la me chɨ̀Ꞌɨ èwet àa tò̧o̧. Aa li ghɔ̀Ꞌɔ ane àli yu tàa li esaꞋa bòt bu bɔ tu̧u̧ atò la eliime awɔb la.

1 Jɔ̌n 2:28

Bɔ̧ bɔ̧, mbɨ̀Ꞌɨ̀ àa la, bɨ̀ wu àghɨ yeamɔꞋ nè tò, mbɨ̀Ꞌɨ̀ tà li tà mea tà kɨꞋɨ, mèntɨ̧ɨ̧ ma me kweele, bà ka bɔ àtsəa kɔꞋɔ etɨ̧ɨ̧ a mbì tò.

1 Jɔ̌n 2:5

Ka wòt ègème tàa ndzəèa èngǎ̧ tò la, wu ndâ wòt Mbɔ̧ɔ̧mà è lu̧u̧ne èntɨ̧ɨ̧ tò ègème nè èkɔŋ la. Àghɨa àa nyɨ̀Ꞌta awa nê ba tsiꞋi àghɨ yeamɔꞋ nè Mbɔ̧ɔ̧mà la wu nê,

1 Jɔ̌n 2:6

wòt ègème tà laꞋnê ye tsiꞋi àghɨ yeamɔꞋ bɔ̂ Mbɔ̧ɔ̧mà la, è bɔ ndɨ tàa me tseke wuê mbɨ̀Ꞌɨ̀ Yesò Klistò li ngua ntsèka la.

1 Jɔ̌n 3:1

Bɨ̀ ye èwuu èkɔŋ ko Tǎt wa Mbɔ̧ɔ̧mà bɔ ane ya la! Tà kɔ̀ŋkè àwa nyaŋ tè bɔ ntsiꞋa ntɔ awa ane bɔ̧ tò, ba bɔ mbê ngù bùà. Àghɨa a ghɨ̂ ka bòt ngɔ̀ŋ yaa è ka ko èwuu bòt bà wu bùà la, wu ndɨ̀ wu bɔ̀ bakà ko wòt Tǎt wa Mbɔ̧ɔ̧mà wu wùà la.

1 Jɔ̌n 3:3

Waa waa tà nɔ̀ŋe ntɨ̀ zi ane Yesò Klistò la, nàà nɔ̀ŋà èntɨ̧ɨ̧ vi è kèfə wuê mbɨ̀Ꞌɨ̀ èwe Yesò Klistò àa fəèa la.

1 Jɔ̌n 3:7

Bɔ̧ bɔ̧, ko mbɨ̀Ꞌɨ̀ wòt kǒ fɨte awɨ̧. Waa waa tàa ngɨ̀à mènəè ntsɔ̧̀ la wu wòt tà tɨ̧ɨ̧ ndɨŋndɨ̀ŋ a mbì Mbɔ̧ɔ̧mà, wuê mbɨ̀Ꞌɨ̀ Yesò Klistò tɨ̧ɨ̧ ndɨŋndɨ̀ŋ la.

1 Jɔ̌n 4:12

Wòt te bakà ye a Mbɔ̧ɔ̧mà, ka ba me kɔ̀ŋkè bɔnyɨ ba, ko baa Mbɔ̧ɔ̧mà ba e tsiꞋi àghɨ yeamɔꞋ, tà mè ndù̧ù̧ne mèntɨ̧ɨ̧ ma nè èkɔŋ.