1 Jɔ̌n 3:7 - Mundani

⁷ Bɔ̧ bɔ̧, ko mbɨ̀Ꞌɨ̀ wòt kǒ fɨte awɨ̧. Waa waa tàa ngɨ̀à mènəè ntsɔ̧̀ la wu wòt tà tɨ̧ɨ̧ ndɨŋndɨ̀ŋ a mbì Mbɔ̧ɔ̧mà, wuê mbɨ̀Ꞌɨ̀ Yesò Klistò tɨ̧ɨ̧ ndɨŋndɨ̀ŋ la.

1 Jɔ̌n 3:7 ပူးပေါင်းရင်းမြစ်များ

Matìù 5:20

Ka e ngua shua wɨ̧ nê bɨ bakà ghɨ àghɨa Mbɔ̧ɔ̧mà nàa nkɨà la, te tse bènyɨꞋtà mbɨ̧te Musì nè Bèfalèsiì, ko bɨ̀ ka li nyi a kèfɔ̧̀ Mbɔ̧ɔ̧mà à.

Lûk 1:75

mbɨ̀Ꞌɨ̀ bòt bɔ li tɨ̧ɨ̧ ndɨŋndɨ̀ŋ a mbì li mè mbɔ̀ mèntɨ̧ɨ̧ kèfə ane èli ba a sitsǎꞋ ègème la.

ÀfaꞋa 10:35

Waa waa tàa ngùꞋtà atò mè ngɨ̀à àghɨa tàa nkɨà la, ka tà màà ndzəèà wuê a ka àbâ àlaꞋ leꞋ, ko Mbɔ̧ɔ̧mà naa bɨ̧ɨ̧ne atò.

Lûm 2:13

È ntsě bòt bu bɔ̀ɔ ndzəa mènəè mu mbɨ̧ Musì nàa shua la ka bɔ̂ kùꞋu e mbì Mbɔ̧ɔ̧mà la, wu bòt bu bɔ̀ɔ ngɨ̀à àghɨa mbɨ̧ mbɔŋ shua la. Wu bɔ̀ɔ̀ba ka bɔ tɨ̧ɨ̧ ndɨŋndɨ̀ŋ a mbì tò la.

1 Kɔlìn 6:9

Bɨ bakà ko laꞋ nê bòt mènəè kàbɔ̀ŋ è ka li bɔ àdziꞋ a kèfɔ̧̀ Mbɔ̧ɔ̧mà a? Bɨ̀ ka fɨ̀te awɨ̧ bɨ̀ambɔŋ. Bòt bu bɔ̀ɔ njɨ̀a ngò̧ò̧tètsə la, nè è bu bɔ̀ɔ nkùkta bènàmbəa la, nè è bu bɔ̀ɔ njɨ̀a àbȩ la, nè mbâ̧ tu tèa mpàꞋta te ko la, è ka li bɔ àdziꞋ a kèfɔ̧̀ Mbɔ̧ɔ̧mà a.

Efesɔ̀s 5:6

Bɨ̀ ka mbɨ̧̀ɨ̧̀ne wòt fɨ̀te awɨ̧ ngɨ̀ bɨ bɨ̧ɨ̧ne mèngǎ̧ èkèghɨ̧̀. Ntsǒ Mbɔ̧ɔ̧mà nàà ènkɨ̀Ꞌa enɔ̀ŋke àtsəa bòt bu bɔ̀ɔ ngɨ̀à èghɨ bàa ntu̧ me zə atò la.

Efesɔ̀s 5:9

Wu èkaꞋà waa ka àa ngɨ̀à bòt e ghɨ̀à àghɨ àgème è wù àyea ntsɔ̧̀ la, nè àyea a kùꞋù la, nè àyea è wû nkûŋ la.

Filìpȩ 1:11

A wu anè, ko bɨa tsiꞋa ngɨ̀à wuê mènəè Mbɔ̧ɔ̧mà nàa nkɨà la, ye mu Yesò Klistò nàa ŋǎ bòt bi mètàŋ bɔ ghɨ̀à la. Bɨ me ghɨ̌ ko bòt aa lɔ̀kè èlen Mbɔ̧ɔ̧mà etsàa ègwet e mě ewùꞋte atò.

Ebùlù 1:8

È bɔ è me wu ane ànəa Waã tò tà nê, “À wu Mbɔ̧ɔ̧mà, kèfɔ̧̀ wê ka li lɔ̀Ꞌɔ elìa. Àà mbà̧aã kèfɔ̧̀ wê wuê ane èlɨ è kùꞋù la.

Ebùlù 7:2

Abàlàghâm li ngàbtè èghɨ ègème tà nɨa èbet wu la ane èdzìꞋ èghem, ŋǎ àdziꞋ yeamɔꞋ abua tò. Lə mbì èlen Mèkizedèk wu, “Fɔ̧̀ tàa ngɨa àghɨa Mbɔ̧ɔ̧mà nàa nkɨa la” mè nga ane èlɨ̀ wu tà lè wu fɔ̧̀ Salèm la, lə èlen tò mè ngu “Fɔ̧̀ tàa ngɨa àlàŋkè la.”

Jimsì 1:22

Bɨ̀ ka me fɨte awɨ̧ bɨ̀ambɔŋ ndzəèa àghɨa èngǎ̧ Mbɔ̧ɔ̧mà e shua la zə, bɨ̀ me ghɨ̀ mbɨ̀Ꞌɨ̀ e shua la.

Jimsì 2:19

Bɨ bɨ̧ɨ̧ne nê Mbɔ̧ɔ̧mà nàà wemɔ̀Ꞌ ale nko nê bɨ ghɨ ntsɔ̧̀. Ka wuê fote kàbɔ̀ŋ tè bɨ̧ɨ̧ne ayɔb mɨ̧̂, tè me benta mbɔ̀ɔ.

1 Pità 2:24

Yesò Klistò zìambɔŋ li ŋèꞋe a kàbɔ̀ŋ wa àtsəa zi nɨŋ nga a mbɨ̧̀ mbasa mbɨ̀Ꞌɨ̀ e ghɨ̌ kàbɔ̀ŋ naa bakà tsi mbɔ̀ mètàŋ a ègwet la, baa me tseke mbɨꞋɨ̀ Mbɔ̧ɔ̧mà nàa nkɨà la. Tèfɨŋ tu tà li mbɔŋ la te ghɨ̂ bɨ pem.

1 Jɔ̌n 2:1

E shɨa àkatè yaa abua yɨ̧, bɔ̧ bɔ̧, mbɨ̀Ꞌɨ̀ wòt kǒ ane yɨ̧ ghɨ a kàbɔ̀ŋ. Ka wòt ane yɨ̧ ghɨ a kàbɔ̀ŋ, tà ko nê wòt kǒ nàà və tà tɨ̧ɨ̧ ndɨŋndɨ̀ŋ e mbì Mbɔ̧ɔ̧mà tàa ndɨ̀à ànəa kàbɔ̀ŋ wa abua Tǎt wa Mbɔ̧ɔ̧mà la. Ŋut wu Yesò Klistò à.

1 Jɔ̌n 2:26

E shɨa abua yɨ̧ ane ànəa bòt bu bɔ̀ɔ nyɔ̀Ꞌtà nkɨ efɨte awɨ̧ la.

1 Jɔ̌n 2:29

Bɨ koa nê Yesò Klistò tɨ̧ɨ̧ ndɨŋndɨ̀ŋ a mbì Mbɔ̧ɔ̧mà, bɨ bɔ ndɨ bɨ̀a ko nê waa waa tàa ngɨ̀à àghɨa Mbɔ̧ɔ̧mà nàa nkɨà la wu Waã Mbɔ̧ɔ̧mà la.

1 Jɔ̌n 3:18

Bɔ̧ bɔ̧, mbɨ̀Ꞌɨ̀ àa anè la, bà me nèèta nkɔ̀ŋkà bɔnyɨ ba mè ngɨ̀à èghɨ àa nyɨ̀Ꞌta nê baa ndâ nkɔ̀ŋkà àwɔb la. Bà kà me kɔ̀ŋkè bòt wuê ane mèngǎ̧ ètsəê.

1 Jɔ̌n 3:3

Waa waa tà nɔ̀ŋe ntɨ̀ zi ane Yesò Klistò la, nàà nɔ̀ŋà èntɨ̧ɨ̧ vi è kèfə wuê mbɨ̀Ꞌɨ̀ èwe Yesò Klistò àa fəèa la.

1 Jɔ̌n 4:17

Lə yu Mbɔ̧ɔ̧mà è lu̧u̧ne mèntɨ̧ɨ̧ ma nè èkɔŋ la wu mbɨ̀Ꞌɨ̀ e ghɨ̌ baa li me ghàꞋtè àwa ane àli yu tàa li saꞋa bòt ngɔ̀ŋ la, nkàà nê ba bê ngu a ngɔ̀ŋ ŋaa wuê mbɨ̀Ꞌɨ̀ Yesò Klistò nàa la.