1 Jɔ̌n 3:21 - Mundani

²¹ Ngule bèshu̧ bɔ̧, è wu ale mèntɨ̧ɨ̧ ma bakà saꞋa wa nê ba ngɨa kàbɔ̀ŋ, ba ko nê ba tɨ̧ɨ̧ e mbì Mbɔ̧ɔ̧mà kà bɔ àtsəa kɔꞋɔ.

1 Jɔ̌n 3:21 ပူးပေါင်းရင်းမြစ်များ

Lûm 14:22

Nɔ̀ŋe àghɨa àa èntɨ̧ɨ̧ wê ane ànəa èghɨ bàa la a kètsìà wɨ̧ bɨ Mbɔ̧ɔ̧mà. Ntsɔ̧̀ wu wòt wu èntɨ̧ɨ̧ tò àa ka feele atò ane àghɨa tà ye nê wu ntsɔ̧̀ la.

1 Kɔlìn 4:4

E mbakà ko ànəa ko mâ fà̧à̧ la, ka è nka wua shua nê mâ kuꞋu e mbì Mbɔ̧ɔ̧mà. Wu Yesò Klistò ka tàa bàŋe am la.

2 Kɔlìn 1:12

Àghɨa betsiꞋa ba me ghàꞋtè àwa adù̧ la wu nê, mèntɨ̧ɨ̧ ma nàà shua wa nê baa ngɨ̀à mènəè ma a sitsǎꞋ ŋàa fɔɔle a mbì lɨ̧ àfɨ̀Ꞌ àgème mbɨ̀Ꞌɨ̀ bòt Mbɔ̧ɔ̧mà nè nkûŋ. È ntsě èyǐ wɔ̀bȩ̂ ka ba nɨŋ me ghɨ̀ mènəè maa la. Ba ghɨa ane ntsɔ̧̀ Mbɔ̧ɔ̧mà wu tà nyɨꞋte abua ya la.

Efesɔ̀s 3:12

Ndɨ̀ wu ba tsiꞋi àghɨ yeamɔꞋ nè Yesò Klistò mè ndzì mèntɨ̧ɨ̧ ma ane tò la, baa ko eghǎ a mbì Mbɔ̧ɔ̧mà elàꞋà ba tò ba kà ye kèbɔɔ.

1 Tɔ̀màtià 2:8

Maà nkɨà nê, àdzìꞋ àgème bòt e bù̧ù̧te etsàꞋte a Mbɔ̧ɔ̧mà la, mbâ̧tsə tè lɔ̀kè èbu bɔb ntsà a ègwet ntsàꞋtè a Mbɔ̧ɔ̧mà. Bɔ bɔ ndɨ bɔ̀ɔ wu mbaãte mènəè mɔb tɨ̧ɨ̧ ndɨŋndɨ̀ŋ e mbì Mbɔ̧ɔ̧mà bɔ̀ ka meè ngua ntsòa kò ndzɔ̀ nè bòt la.

Ebùlù 10:22

Ale, bà ghǎ ndàꞋà a ngèt Mbɔ̧ɔ̧mà nè èntɨ̧ɨ̧ kèfə kà màkè ànəê àko ane èngǎ̧ tò. Bà gha a ngèt tò nè mèntɨ̧ɨ̧ bɔ shùù è fə tê è kà tsi ngua fèèlà wa nê ba wu bòt kàbɔ̀ŋ la, mè nkɨ̀Ꞌɨ̂ nè mbɨ̧te ènyit tèa mbɨꞋɨ̀ è te bɔ shùù ne mèleb ntsɔ̧̀ la.

Ebùlù 4:16

È wu ale, bà ka mbɔ̀a a mà nkɨꞋa a mbì Mbɔ̧ɔ̧mà wu tàa nyɨ̀Ꞌta ntsɔ̧̀ vi abua bòt la. Bà kɨꞋɨ mbɨ̀Ꞌɨ̀ taa ku tèsȩ ta, enyɨꞋte èkɔŋ vi ane ya, e mě tɨŋe awa.

1 Jɔ̌n 2:28

Bɔ̧ bɔ̧, mbɨ̀Ꞌɨ̀ àa la, bɨ̀ wu àghɨ yeamɔꞋ nè tò, mbɨ̀Ꞌɨ̀ tà li tà mea tà kɨꞋɨ, mèntɨ̧ɨ̧ ma me kweele, bà ka bɔ àtsəa kɔꞋɔ etɨ̧ɨ̧ a mbì tò.

1 Jɔ̌n 2:7

Ngule bèshu̧ bɔ̧, mbɨ̧ yaa e shɨa abua yɨ̧ la ntsě ànəa fi Mbɔ̧ɔ̧mà laꞋnê bɨ̀ me ghɨ̀ la. Wu mbɨ̧ bɨ li ndzə e bùꞋù tê ane àlia mbì yu bɨ li ndzì mèntɨ̧ɨ̧ mɨ̧ ane Yesò Klistò la. Mbɨ̧ nyǎꞋ wu ànəa yu bɨ yaŋe zə la.

1 Jɔ̌n 3:2

Ngule bèshu̧ bɔ̧, ba wu bɔ̧ Mbɔ̧ɔ̧mà àfɨ̀Ꞌ yaa, kò tètsɔꞋ nàa sàꞋa ewu na leꞋ, ko ànəa ba ko la wu nê Yesò Klistò naa li mè nkɨ̀Ꞌɨ̂, ba tsiꞋi mbɨ̀Ꞌɨ̀ tòà, nkàà nê baa li ye atò mbɨ̀Ꞌɨ̀ tàa la.

1 Jɔ̌n 3:20

Èntɨ̧ɨ̧ wa e saꞋa wa nê ba ghɨa kàbɔ̀ŋ, ba ko nê Mbɔ̧ɔ̧mà e tsè èntɨ̧ɨ̧ wa, tà mè nko ànəê àgème.

1 Jɔ̌n 4:17

Lə yu Mbɔ̧ɔ̧mà è lu̧u̧ne mèntɨ̧ɨ̧ ma nè èkɔŋ la wu mbɨ̀Ꞌɨ̀ e ghɨ̌ baa li me ghàꞋtè àwa ane àli yu tàa li saꞋa bòt ngɔ̀ŋ la, nkàà nê ba bê ngu a ngɔ̀ŋ ŋaa wuê mbɨ̀Ꞌɨ̀ Yesò Klistò nàa la.

1 Jɔ̌n 5:14

Lə bàa ngàꞋtà àwa a mbì Mbɔ̧ɔ̧mà la wu nê, bàa ndò̧a àghɨ mbɨ̀Ꞌɨ̀ tàa nkɨà la tè tà zə.