1 Jɔ̌n 3:12 - Mundani

¹² Bà ka ngu mbɨ̀Ꞌɨ̀ Kên, tà li ngu wòt Satàn wòt kàbɔ̀ŋ, mbùŋè wanyɨ vi Abèl la. Bɨ ko àghɨ yu a li ngɨ̀ ka tà buŋè wanyɨ vi la à? Wu nê, tà li ngua ngɨ̀à mènəè kà kùꞋ, wanyɨ tò me ghɨ̀ mènəè e kùꞋù la.

1 Jɔ̌n 3:12 ပူးပေါင်းရင်းမြစ်များ

Matìù 13:19

Wòt nàa ngɨ̀ tà zə èngǎ̧ kèfɔ̧̀ Mbɔ̧ɔ̧mà, è bakà nyi èntɨ̧ɨ̧ tò ntsɔ̧̀, Satàn wòt kàbɔ̀ŋ kɨ̀Ꞌɨ̂ ntsì wùà. Eyaa wu mbɨ̀Ꞌɨ̀ èsaãaãme wu e kwente èbuꞋ èlu̧ la.

Matìù 13:38

mbȩ yu wu mbɨ̀Ꞌɨ̀ ngɔ̀ŋ yaa, èsaãaãme ntsɔ̧̀ wu wu bòt bu bɔ̀ɔ ndzəa mènəè kèfɔ̧̀ Mbɔ̧ɔ̧mà la. AfəèꞋ kàbɔ̀ŋ wu, wu mbɨ̀Ꞌɨ̀ bòt Satàn wòt kàbɔ̀ŋ.

Matìù 23:35

A èlɨ̀ waa, ànyem a bòt bu bàgème bɔ li mbùŋè àwɔb a sitsǎꞋ kà bɔ ko ànəê la aa li nɔ̀ŋke akedû̧tsə fɨ̧. Ànyem a mbɔŋ aa li buꞋu ane ànəa Abèl wòt mènəè ntsɔ̧̀ eghǎ wu ane Zàkàleyà waã Bàlachìà wu bɨ li mbuŋe tò a kètsìà lob nɨ̧ Mbɔ̧ɔ̧mà nè àdzìꞋ yu bɔ̀ɔ ŋa èghɨ abua Mbɔ̧ɔ̧mà la.

Matìù 27:23

Pȩlèt bììte nê “Ànəa tà fà̧ la wu ghàà?” Ka ènɔ̧̂ bòt bu e paà ŋȩ nê “Wu̧u̧te atò a mbɨ̧̀ Mbasa.”

Matìù 5:37

TsiꞋ èngǎ̧ wòt è kùꞋu ane oò nè àwɔꞋ. Àghɨa ko tsa kà wu ayaa a dzəa abua wòt kàbɔ̀ŋ.

Lûk 11:51

E bùꞋu ane èvə Abèl eghǎ wu ane èvə Zàkàleyà wu bɔ li mbùŋè atò a kètsìà lob nɨ̧ Mbɔ̧ɔ̧mà nè àdzìꞋ yu bɔ̀ɔ ŋǎ èghɨ abua Mbɔ̧ɔ̧mà la. Ane nkûŋ, tsiꞋ è shu awɨ̧ nê Mbɔ̧ɔ̧mà naa li zi bòt laane a èbem ngoꞋ nkàà wɔb bàgème.

Jɔ̌n 10:32

Yesò shu abua yɔb nê, “Mâ taꞋa ghɨ̌ efaꞋa ntsɔ̧̀ e dzəâ abua Tǎt am la, bɨ ye. Bɨ kɨ ebùŋè am ane ayea ŋa ane ebe mbɔŋ à?”

Jɔ̌n 8:40

ka nè àfɨ̀Ꞌ yaa bɨa nkɨ ebùŋè am, mmɔ̌ wu mâ shua wɨ̧ mèngǎ̧ nkûŋ mu mâ zə abua Mbɔ̧ɔ̧mà la. Abàlàghâm li tà kà ghɨ ànəa ko anè.

Jɔ̌n 8:41

Ka bɨ wua ngɨ̀à wuê àghɨa wɨ̧ ne tǎt li ngɨ̀ la.” Bɔ nê, “Mbɔ̧ɔ̧mà zìa ndziꞋne wu ndàꞋà Tǎt wa ba bɔ la. “Ba ntsě bɔ̧ mèdùùbè.”

ÀfaꞋa 7:52

Ngule ndàꞋàtɔŋ Mbɔ̧ɔ̧mà kǒ nàà və bètǎt nyaꞋ bɨ̧ e li bɔ̀ ka wua nkɨà àtsəa tò enɨ la à? Bɔ li mbùŋè bòt bu Mbɔ̧ɔ̧mà li ntsàà nê bɔ̀ kɨꞋɨ ntsɔ̀tè ànəa mènkɨ̀Ꞌɨ̂ WafaꞋ vi wu tàa ndzəa vi ntsɔ̧̀ la. Bɨ me wu àfɨ̀Ꞌ yaa ko nê bɨ jɨ mènàŋ tò mbùŋe atò.

1 Tèsàlonikà 2:14

Bɔnyɨ bɔ̧, àghɨ yu a li ngɨ̀ ane bèchɔsì Mbɔ̧ɔ̧mà bu a Jùdià bè wu àghɨ yeamɔꞋ nè Yesò Klistò la, a bê ngɨ ane yɨ̧. Bòt àlaꞋ ayɨ̧ e li ngua nkɨà àtsəa yɨ̧ enɨ wuê mbɨ̀Ꞌɨ̀ Bèjuê e li ngua nkɨà àtsəa bòt Jùdià enɨ la.

Ebùlù 11:4

Èntɨ̧ɨ̧ wu Abèl li ndzi ane Mbɔ̧ɔ̧mà la e li ngɨ̀ tà ŋà èghɨ e bɔ̂ŋ ntsè èbe Kên la abua Mbɔ̧ɔ̧mà. Èntɨ̧ɨ̧ mbɔŋ tà li ndzi ane Mbɔ̧ɔ̧mà la, e li ngɨ̀ Mbɔ̧ɔ̧mà nɨ atò mbɨ̀Ꞌɨ̀ wòt tà tɨ̧ɨ̧ ndɨŋndɨ̀ŋ a mbì li la. Ba ko anè nkàà nê Mbɔ̧ɔ̧mà li mbɨ̧̀ɨ̧̀ne nɨ èghɨ bu tà ŋa abua tò la. Abèl li mbàte mpfə ale ka ba bɔ̂ mbèla ndzəa ànəa àghɨa tà li ngɨ̀ la, nkàà èntɨ̧ɨ̧ wu tà li ndzi ane Mbɔ̧ɔ̧mà la.

Ebùlù 12:24

Bɨ kɨꞋɨ abua Yesò wu tà tɨ̧ɨ̧ a kètsìà ka ngɨ̀ Mbɔ̧ɔ̧mà ghɨ̀ mènkàꞋa kèkweelè fi mi la. Wu tòà wu àlo̧ atò yu bɔ li mìì la a tɨ̧ɨ̧ ane ànəa èghɨ ntsɔ̧̀ tè tsè àyea Abèl la.

1 Pità 4:4

A taꞋa tsě bòt ngaa kà ko a Mbɔ̧ɔ̧mà la ndɨ̀ wu bɨ̀a ka tsi nkùŋè àwɔb a màngɨa èwuu èbɨꞋte ènəê kèkweelè baa la, ale bɔ tsiꞋi me tsɔ̧̀ɔ̧̀tè àwɨ̧ tsɔ̧̀ɔ̧̀te.

1 Jɔ̌n 3:8

Ka waa waa tàa ngɨa kàbɔ̀ŋ la wu waã Satàn wòt kàbɔ̀ŋ, nkàà nê Satàn lè yaŋe wua ngɨa a kàbɔ̀ŋ ka ngɔ̀ŋ naa li lɔ̀Ꞌɔ ebùꞋu. Waã Mbɔ̧ɔ̧mà li ngua nkɨ̀Ꞌa a ngɔ̀ŋ ŋaa mbɨ̀Ꞌɨ̀ etsòke àfaꞋa Satàn wòt kàbɔ̀ŋ.

Jûd 1:11

Aa li bɨɨ awɔb nkàà nê bɔɔ̀ ngȩȩna ane alu̧ Kên li ngȩ̀ȩ̀nè la. Bɔɔ ngɨa kàbɔ̀ŋ wuê mbɨ̀Ꞌɨ̀ Balààm li ngɨ̀ la ambo èkab, mè nkwèèla àtsə mbɨ̀Ꞌɨ̀ Kolà li nkwèèle la tè Mbɔ̧ɔ̧mà wu li eliime awɔb wuê mbɨ̀Ꞌɨ̀ tòà.

Ètsə 17:6

E mè me ye àvi ngaa be àlo̧ a bòt Mbɔ̧ɔ̧mà tà nu la, nè àyea bòt bu bɔ bùŋè àwɔb nkàà ndɨ bɔ̀ɔ ndàꞋà èngǎ̧ Yesò la. Mâ ye atò ale a taꞋa tsè am.