1 Jɔ̌n 2:24 - Mundani

²⁴ È me wu awɨ̧ ko bɨ̀ ye nê bɨ nɔ̀ŋà mènəè mu bɨ li ndzə àfɨ̀Ꞌ yu bɨ li mbùꞋ me ko a Yesò la a mèntɨ̧ɨ̧ mɨ̧. Bɨ nɔ̀ŋè mènəè maa a mèntɨ̧ɨ̧ mɨ̧, ko bɨ Waã Mbɔ̧ɔ̧mà ba nè Tǎt wa Mbɔ̧ɔ̧mà aa tsiꞋi àghɨ yeamɔꞋ.

1 Jɔ̌n 2:24 ပူးပေါင်းရင်းမြစ်များ

Lûk 1:2

Bɔ shɨ ènəê bu ba zə a ètsəê bòt bu bɔ li ndzè èghɨ mbɔŋ a mèmbuꞋu ndɔ̀Ꞌ ntsɔ̀tè la.

Lûk 9:44

“Bɨ̀ zi ànəê yaa e nkɨ eshu awɨ̧ la a mèntɨ̧ɨ̧ mɨ̧. Bɔɔ baãaã Waã Wòt ezǐ a tèkitebu bɔbȩ.”

Jɔ̌n 14:23

Yesò bɨ̀ɨ̀lè nê, “Wòt me kɔ̀ŋkè am, ko taa me ghɨ̌ àghɨa mâ shu nê tà me ghɨ̀ la, Tǎt am mè ngu me kɔ̀ŋkè atò, ba Tǎt am e mè ngu ekɨꞋɨ tseke ba tò ba.

Jɔ̌n 15:7

Bɨ wu àghɨ yeamɔꞋ nè nà̧, mèngǎ̧ mɔ̧ mè ngu a mèntɨ̧ɨ̧ mɨ̧, ko bɨa biite a Tǎt am àghɨ àgème bɨ kɔ̀ŋkè la, taa ŋa.

Jɔ̌n 6:56

Wòt tà kwele nyà̧ ènyit yaã ndɔ̀Ꞌ nù àlo̧ am la wua ndzìà vi ane yaã, e mè ngua ndzì am ane tò mɨ̧̂.

Jɔ̌n 8:25

Ale, bɔ biite atò nê, “À wu wà à?” Yesò shu abua yɔb nê “E ngu wòt mâ yaã me bùꞋu shu abua yɨ̧ nê e ngu wùà la.

Filìpȩ 4:15

Bɨ̀a bòt Filìpȩ e ko nê, e ndi sà àbâ àlaꞋ a Màsèdonìà ane èli mbì bu màa ntsɔ̀tà Ntu̧ Ntsɔ̧̀ yu la ale, bɨ wu ndàꞋà chɔsì è li ntɨ̀ŋe am la. Wu wuê ba nɨ̧̀ ba, ba li ngua ngàbtà èghɨ bàa nkɨ̀ŋkà la.

Kɔ̀losìà 3:16

Bɨ̀ tsiꞋ èngǎ̧ Yesò Klistò è ghe a mèntɨ̧ɨ̧ mɨ̧. Bɨ̀ me nɨ èyì ègème ndàꞋà èngǎ̧ mbɔŋ abua bɔnyɨ bɨ̧ nkɨ̀ɨ̀ta awɔb. Bɨ̀ me kɔ̧ɔ̧ mètsəkû̧ è dzəâ a èbem àkata Mbɔ̧ɔ̧mà la, nkɔ̧̂ mètsəkû̧ Yesò, mè nkɔ̧̂ mètsəkû̧ Fo Mbɔ̧ɔ̧mà ghɨ̀ la. Bɨa me kɔ̧ɔ̧, bɨ me ŋa mènkɔ̀ŋke abua Mbɔ̧ɔ̧mà a èbem mèntɨ̧ɨ̧ mɨ̧.

Ebùlù 2:1

MbɨꞋɨ àa nè la, ba neeta mbà̧à̧ mènəè nkûŋ mu ba zə la ntsɔ̧̀, mbɨ̀Ꞌɨ̀ ka àghɨa ko a ghɨ̀ ba sà mùà.

Ebùlù 3:14

Bɨ̀ ghɨ̀ ale, nkàà nê bà tsiꞋi àghɨ yeamɔꞋ nè Yesò Klistò na èntɨ̧ɨ̧ wa wu ba li ndzi ane Mbɔ̧ɔ̧mà la e me kweele tê ngà ndzə a mèndìa la.

1 Jɔ̌n 1:3

Ba wua mè ndàꞋà ànəa ba ye mè ndzə la, mbɨ̀Ꞌɨ̀ bɨa fɔta wa ba nɨ̧̀ ba nè Tǎt wa Mbɔ̧ɔ̧mà bɔ̂ Waã vi Yesò Klistò baa tsiꞋi àghɨ yeamɔꞋ.

1 Jɔ̌n 1:7

Ka ba me ghɨ̀ mènəè ma a èbem èkaꞋà, wuê mbɨ̀Ꞌɨ̀ Mbɔ̧ɔ̧mà wu a èbem èkaꞋà la, ko ba tsiꞋi àghɨ yeamɔꞋ nè bɔnyɨ ba. Àlo̧ a Waã tò Yesò, aa mè ngu me shùù mènəè kàbɔ̀ŋ bàa ngɨ̀à la ègème.

1 Jɔ̌n 2:7

Ngule bèshu̧ bɔ̧, mbɨ̧ yaa e shɨa abua yɨ̧ la ntsě ànəa fi Mbɔ̧ɔ̧mà laꞋnê bɨ̀ me ghɨ̀ la. Wu mbɨ̧ bɨ li ndzə e bùꞋù tê ane àlia mbì yu bɨ li ndzì mèntɨ̧ɨ̧ mɨ̧ ane Yesò Klistò la. Mbɨ̧ nyǎꞋ wu ànəa yu bɨ yaŋe zə la.

1 Jɔ̌n 3:24

Waa waa tàa ngɨ̀à ànəa Mbɔ̧ɔ̧mà shu la tsiꞋi àghɨ yeamɔꞋ bɔ̂ tò; Mbɔ̧ɔ̧mà mè ntsìꞋi àghɨ yeamɔꞋ bɔ̂ ŋut. Àghɨa a ghɨ̀ ka ba nê ba tsiꞋi àghɨ yeamɔꞋ nè Mbɔ̧ɔ̧mà la, wu nè tà zi Fo zi a mèntɨ̧ɨ̧ ma.

1 Jɔ̌n 4:13

Ba ko nè ba tò ba e tsiꞋi àghɨ yeamɔꞋ, tà mè ntsìꞋi àghɨ yeamɔꞋ nè nà nkàà Fo tò yu tà zi a mèntɨ̧ɨ̧ ma la.

1 Jɔ̌n 4:15

Waa waa tà bɨ̧ɨ̧nè mè me shu ane ètsəê vi nê, Yesò wu Waã Mbɔ̧ɔ̧mà la, ko nê Mbɔ̧ɔ̧mà tsiꞋi àghɨ yeamɔꞋ bɔ̂ tò, tà mè ntsìꞋi àghɨ yeamɔꞋ bɔ̂ Mbɔ̧ɔ̧mà mɨ̧̂.

1 Jɔ̌n 4:16

Ale, ba koê mè ndâ mbɨ̧̀ɨ̧̀nê nê Mbɔ̧ɔ̧mà nàà nkɔ̀ŋkà wa. Mbɔ̧ɔ̧mà wu èkɔŋ. Ale, wòt ègème tàa ntsèka nyɨ̀Ꞌta èkɔŋ la tsiꞋi àghɨ yeamɔꞋ bɔ̂ Mbɔ̧ɔ̧mà, Mbɔ̧ɔ̧mà mè ntsìꞋi àghɨ yeamɔꞋ bɔ̂ ŋut mɨ̧̂.

2 Jɔ̌n 1:2

Ba nkɔ̀ŋkà àwɨ̧ anè nkàà èngǎ̧ nkûŋ yu è wu a mèntɨ̧ɨ̧ ma, mè ngu etseke a mèntɨ̧ɨ̧ ma ane àlia nè àlia la.

2 Jɔ̌n 1:9

Bɨ̀ ko nê, waa waa tàa ka ghɨ mbɨꞋɨ̀ èngǎ̧ Yesò Klistò e shu la, me làꞋa nkwèꞋnà àghɨ la, bakà ko a Mbɔ̧ɔ̧mà. Waa waa tàa ngɨ̀à mbɨ̀Ꞌɨ̀ èngǎ̧ mbɔŋ e shu la, è koê a Tǎt wa Mbɔ̧ɔ̧mà bɔ̂ Waã vi.

3 Jɔ̌n 1:3

E ndi ntaꞋa wùꞋtè am ndɨ bɔnyɨ ba ko ayɔɔ bòt Yesò, e li nkɨ̀Ꞌɨ̂ a si ŋàa shua am ndɨ àa ntsèka wuê mbɨ̀Ꞌɨ̀ èngǎ̧ Mbɔ̧ɔ̧mà e kɨa la, mè ndâ me ghɨ̀ mènəè nkûŋ la.

Ètsə 3:11

“ ‘E mbele yàŋe kɨꞋɨ, è wu ale bɨ̀ baãaã èghɨ bu bɨ bɔ tê ndɔ̀Ꞌ la ntsɔ̧̀, mbɨ̀Ꞌɨ̀ ka wòt kǒ fàà ènɨ̧ wu Mbɔ̧ɔ̧mà nɔ̀ŋe abua yɨ̧ la.

Ètsə 3:3

Ale, bɨ̀ ku̧u̧te àghɨa bɨ li ndzə mbɨ̧̀ɨ̧̀nê la, me ghɨa yùà ngà nè mbì, mbɔ̂ mè nkùbte mèntɨ̧ɨ̧ mɨ̧ ane kàbɔ̀ŋ wu bɨ̀a ngɨ̀à la. Bɨ baka lɔke wɨ̧, ko maa kɨꞋɨ àfɨꞋa kà bɨ ko, mbɨ̀Ꞌɨ̀ tsɔŋ nàa ngɨ̀ tà kɨ̀Ꞌɨ̂ la.