1 Jɔ̌n 2:19 - Mundani

¹⁹ Bɔ li ndzəa ayɔɔ ya ka ba tò ba e li bà ka wu àghɨ yeamɔꞋ. Eyaa wu àghɨa a li ngɨ̀ ka bɔ dzə ayɔɔ ya ngà la. Bɔ li ngɨ̀ ale ngu àghɨ yeamɔꞋ ba tò ba ko bɔ li ntèꞋà ba tò ba. Ka bɔ li sà àwa ale, a nyɨꞋtè nê ba tò ba e li bà ka lâ ngu nɔ̂.

1 Jɔ̌n 2:19 ပူးပေါင်းရင်းမြစ်များ

Matìù 24:24

Bòt aa li lɔ̀Ꞌte a si me fɨta shua nê bɔ wu Fɔ̧̀ mbɔŋ e mě me fɨta shua nê, bɔ wu bèndàꞋàtɔŋ Mbɔ̧ɔ̧mà. Bɔɔ li ghɨ̀ èghɨ a nyɨ̀Ꞌta mètàŋ Mbɔ̧ɔ̧mà la, e mě lute tèkaŋtsə mbɨ̀Ꞌɨ̀ efɨte banɔ̧̀, te e me nyɔ̀Ꞌte a màfɨta bòt Mbɔ̧ɔ̧mà na èlu̧ e wuà la.

Ntu̧ Ntsɔ̧̀ MAK 13:22

Bòt nyaŋ aa li kɨꞋɨ me fɨta shua nê bɔ wu Fɔ̧̀ mbɔŋ, èbeko aa me fɨte nê bɔ wu bèndàꞋàtɔŋ Mbɔ̧ɔ̧mà. Bɔɔ li me ghɨ̀ èghɨ àa nyɨ̀Ꞌta mètàŋ Mbɔ̧ɔ̧mà la e mě me lute tèkaŋtsə, enɨ fɨte bòt Mbɔ̧ɔ̧mà, na bɔ wu ko e ghɨ̀ la.

Lûk 8:13

Èsaãaãme wu e kwente a ègwet èwu la e wua nyɨ̀Ꞌtà bòt bu bɔ zə èngà̧ wu, mbê mbɨ̧̀ɨ̧̀ne nè mèngùꞋte, ka bɔ kà zi èntɨ̧ɨ̧ wɔb adù̧, è ka tseke ane àfɨ̀Ꞌ à seè la. ÀfɨꞋa ngoꞋ kɨꞋɨ̀, kò bòt e me kɨ àtsəa yɔb enɨ ambo èngà̧ mbɔŋ la leꞋ, bɔ bê ntû̧ wùà.

Jɔ̌n 15:2

Tàa ngɨ̀ tà fààtè mèntaãaã ègème, è wu àdziꞋa ènyit yaã nàa ka kɔɔle tètaãaãtsə la ntsì, mbɔ̂ ntsènè nèètè è me nàa nkɔ̀ɔ̀lâ la, mbɨ̀Ꞌɨ̀ naa tsène ekɔɔle ntsɔ̧̀.

Jɔ̌n 4:14

ka wòt ègème tà nu mèleb mu màa ŋa abua tò la, àtɔŋ tò à ka lɔꞋ àlia ntsi nju̧. Mèleb mu màa ŋa abua tò la, naa tsiꞋi ane tò mbɨ̀Ꞌɨ̀ adzì nàa nkɔꞋɔ a si àfɨ̀Ꞌ àgème ŋǎ tò mèmpème kàlìà la.”

ÀfaꞋa 15:24

Ba zə nê bòt ko e li ndzə ayɔɔ aya kà ba tu̧u̧ awɔb nkɨ̀Ꞌɨ̂ ndàꞋà èbɨꞋte mèngǎ̧ kǒ nɨŋ ntsòkè mèntɨ̧ɨ̧ mɨ̧.

ÀfaꞋa 20:30

Àfɨ̀Ꞌ àko aa li nkùꞋ, bòt ko e lɔ̀Ꞌɔ a kètsìà wɨ̧ fɨte mènəè è shu mbɨ̀Ꞌɨ̀ etsòkè àtsəa bɔkatè Yesò bu.

Lûm 9:6

Ka la, e ntsèa shua nê tà bakà ghɨ àghɨa èngǎ̧ tò e shu la, nkàà nê è ntsě wòt ègème bɔ bi atò àndǎ̧ bòt Izəèlȩê la, è wu wòt Mbɔ̧ɔ̧mà làà la.

1 Kɔlìn 11:19

Ka àghàbtè wu ànəa ntsɔ̧̀ ndɨ̀ wu betsiꞋa a ghɨ̀ bɔ ko bòt nkûŋ ayɔɔ yɨ̧ la.

2 Tɔ̀màtià 2:10

Mbɨ̀Ꞌɨ̀ àa anè la, maà nkìà ngoꞋ tègème nkàà bòt bu Mbɔ̧ɔ̧mà è làà àwɔb ane bòt ebi la. E nkìà ale mbɨ̀Ꞌɨ̀ Yesò Klistò naa ŋa awɔb mèmpème mi, bɔɔ ghǎ me tseke a èbem Kèfɔ̧̀ nɨ̧ tò wu kà wu li elìa la.

2 Tɔ̀màtià 2:19

Ka, betsiꞋa àtetsi àkekweelè yu Mbɔ̧ɔ̧mà li mbɔ̧ la à ka nyiꞋnè. Bɔ shɨ mèngà̧ maa adù̧ və nê, “Mbɔ̧ɔ̧mà è ko bi ne bòt.” Mè shɨŋ nê, “Wòt tà laꞋnê ye wu wòt Mbɔ̧ɔ̧mà la è bɔ ndɨ tàa waꞋa mènəè kàbɔ̀ŋ mi la.”

2 Tɔ̀màtià 3:9

BetsiꞋa bòt ngaa è ka gha a endɨ̌, nkàà nê bòt ko aa ye nê, bɔ wu èkèghɨ̧̀, wuê mbɨ̀Ꞌɨ̀ bɔ̀ li ndze nê Janèsìs bɔ̂ Jamblès wu èkèghɨ̧̀ la.

Ebùlù 10:39

Ba ntsě èwuu bòt bu bɔ̀ɔ ntsìà èntɨ̧ɨ̧ wɔb ane Mbɔ̧ɔ̧mà ndema la. Ka ba wu èwuu bòt bu bɔ̀ɔ ndzìà mèntɨ̧ɨ̧ mɔb ane Mbɔ̧ɔ̧mà mbɔ̌ mèmpème la.

2 Jɔ̌n 1:7

Bòt mèfà̧ e taꞋa wu àbȩ àfɨ̀Ꞌ yaa. Bèŋût wu bòt bu bɔ̀ɔ ka bɨ̧̀ɨ̧̀ne laꞋ nê Yesò Klistò li ntsìꞋi wɔ̀bȩ̂ la. Èwuu bòt mbɔŋ wu bòt mèfà̧, mè ngu bɔmbù̧ Yesò Klistò.

Jûd 1:1

Letà Juêd, wɔ̀fàꞋ Yesò Klistò, wanyɨ Jimsì, Abua bòt bu bàgème Tǎt waa Mbɔ̧ɔ̧mà làà àwɔb ane bòt bi me nèèta nkɔ̀ŋkè àwɔb, Yesò Klistò mè me baabe awɔb la.

Jûd 1:19

Bòt mbɔŋ wu bòt bɔ̀ɔ ndzìà àghàbtè a kètsìà bòt la. Bɔɔ ngɨ̀à wuê mbɨ̀Ꞌɨ̀ mbɨ̧te ènyit tɔb te kɨa la, bɔ̀ ka bɔ Fo Kèfə ane yɔb.