1 Jɔ̌n 2:14 - Mundani

¹⁴ Bètǎt bɔ̧, e shɨa àkatè yaa abua yɨ̧ nkàà nê bɨ ko a tò wu tà li ngu ka ngɔ̀ŋ naa li lɔ̀Ꞌɔ ebùꞋù la. BɔngwàꞋ, e shɨa àkatè yaa abua yɨ̧ nkàà nê bɨà nkwèèlâ, èngǎ̧ Mbɔ̧ɔ̧mà e mè ngu a mèntɨ̧ɨ̧ mɨ̧, bɨ mè ntsèke àtsəa Satàn wòt kàbɔ̀ŋ.

1 Jɔ̌n 2:14 ပူးပေါင်းရင်းမြစ်များ

Jɔ̌n 15:7

Bɨ wu àghɨ yeamɔꞋ nè nà̧, mèngǎ̧ mɔ̧ mè ngu a mèntɨ̧ɨ̧ mɨ̧, ko bɨa biite a Tǎt am àghɨ àgème bɨ kɔ̀ŋkè la, taa ŋa.

Jɔ̌n 5:38

ànəa tò à ka wu a èbem mèntɨ̧ɨ̧ mɨ̧ nkàà nê bɨ bakà zi mèntɨ̧ɨ̧ mɨ̧ ane wòt wu tà tsàà la.

Jɔ̌n 8:31

Yesò ghɨ̀ ale, shu abua Bèjuê bu bɔ zi èntɨ̧ɨ̧ wɔb ane zi la nê, “Bɨ me ghɨ̀ àghɨa mâ shu awɨ̧ la, ko bɨ lâ ngu kwàꞋ bɔkatè bɔ̧,

Jɔ̌n 8:37

Mâ ko nê bɨ wu bòt àndǎ̧ Abàlàghâm, ka bɨ bɔ̂ me kɨ wuê èlu̧ ebùŋè am nkàà nê, bɨa kà bɨ̧ɨ̧ne èngǎ̧ am.

Efesɔ̀s 6:10

Enɨ lìa, bɨ̀ me kweele ndɨ̀ wu bɨ̀ tsiꞋi àghɨ yeamɔꞋ nè Tè Yesò la, mè tsiꞋ tà ŋa awɨ̧ mètàŋ kèkweelè mi.

Filìpȩ 4:13

BetsiꞋa e nko ngɨ̀ àghɨ àgème, nkàà mètàŋ mu Yesò Klistò nàa ŋǎ abua am la.

Kɔ̀losìà 1:11

Maà ntsàꞋtà nê Mbɔ̧ɔ̧mà nɨ mètàŋ mi mu è ghe la ngɨ̀ mèntɨ̧ɨ̧ mɨ̧ neeta nkwèèlê, mbɨ̀Ꞌɨ̀ bɨa me kuule mèntɨ̧ɨ̧ mɨ̧ nkìà mènəè ègème nè mèngùꞋte,

Kɔ̀losìà 3:16

Bɨ̀ tsiꞋ èngǎ̧ Yesò Klistò è ghe a mèntɨ̧ɨ̧ mɨ̧. Bɨ̀ me nɨ èyì ègème ndàꞋà èngǎ̧ mbɔŋ abua bɔnyɨ bɨ̧ nkɨ̀ɨ̀ta awɔb. Bɨ̀ me kɔ̧ɔ̧ mètsəkû̧ è dzəâ a èbem àkata Mbɔ̧ɔ̧mà la, nkɔ̧̂ mètsəkû̧ Yesò, mè nkɔ̧̂ mètsəkû̧ Fo Mbɔ̧ɔ̧mà ghɨ̀ la. Bɨa me kɔ̧ɔ̧, bɨ me ŋa mènkɔ̀ŋke abua Mbɔ̧ɔ̧mà a èbem mèntɨ̧ɨ̧ mɨ̧.

2 Tɔ̀màtià 2:1

È me wu awê à waã am, à me kweele ane mènəè Mbɔ̧ɔ̧mà mu è wuê ma, ndɨ̀ wu ba tsiꞋi àghɨ yeamɔꞋ ane Yesò Klistò la.

Ebùlù 8:10

Eyaa wu mènkàꞋa kèkweelè mu màa ghɨ̀ ba bòt Izəèlȩê la. Mmɔ̌ Tǎt wɨ̧ Mbɔ̧ɔ̧mà e ngua shua nê, àfɨꞋa mbɔŋ aa li nkùꞋ, e ndzì mbɨ̧ taã a ètsə bɔb, mè ndzì tua a mèntɨ̧ɨ̧ mɔb. Maa li wu Mbɔ̧ɔ̧mà wɔb, bɔɔ wu bòt bɔ̧.

1 Jɔ̌n 1:1

Ba shɨa abua yɨ̧ ane ànəa èngǎ̧ wu e li mbɨ̀ ngu tê àfɨꞋa mbì ka ngɔ̀ŋ naa li ebùꞋù la. Bàa mbɔŋ e zə èngǎ̧ mbɔŋ mè ndzè ne àghɨ aya. Ba lâ ndzě wùà mè mbà̧à̧te nè èbu ba. Wu èngǎ̧ Mbɔ̧ɔ̧mà wu àa ŋǎ bòt mèmpème kàlìà la.

1 Jɔ̌n 1:10

Ba me shu nê, ba bakà ghɨ a kàbɔ̀ŋ, ba wua shua nê Mbɔ̧ɔ̧mà wu wòt mèfà̧, èngǎ̧ tò è ka mê ngu a èbem mèntɨ̧ɨ̧ ma.

1 Jɔ̌n 2:13

Bètǎt bɔ̧, e shɨa àkatè yaa abua yɨ̧ nkàà nê bɨ ko a tòà wu tà li nguê ka ngɔ̀ŋ naa li lɔ̀Ꞌɔ ebùꞋù la. E shɨa àkatè yaa abua yɨ̧ bɔngwàꞋ, nkàà nê bɨ tseke àtsəa Satàn wòt kàbɔ̀ŋ. E shɨa àkatè yaa abua yɨ̧, bɔngwàꞋ nkàà nê, bɨ ko a Tǎt wa Mbɔ̧ɔ̧mà.

2 Jɔ̌n 1:2

Ba nkɔ̀ŋkà àwɨ̧ anè nkàà èngǎ̧ nkûŋ yu è wu a mèntɨ̧ɨ̧ ma, mè ngu etseke a mèntɨ̧ɨ̧ ma ane àlia nè àlia la.

3 Jɔ̌n 1:3

E ndi ntaꞋa wùꞋtè am ndɨ bɔnyɨ ba ko ayɔɔ bòt Yesò, e li nkɨ̀Ꞌɨ̂ a si ŋàa shua am ndɨ àa ntsèka wuê mbɨ̀Ꞌɨ̀ èngǎ̧ Mbɔ̧ɔ̧mà e kɨa la, mè ndâ me ghɨ̀ mènəè nkûŋ la.

Ètsə 2:3

Bɨ batè ntaꞋa ye ngoꞋ ane èlen laã ale, ka mbɔ̀ nkùùle mèntɨ̧ɨ̧ mɨ̧, bɨ̀ ka kaã.

Ètsə 2:7

“ ‘Wòt bɔ ètû̧, tà yùte ànəê ayaa Fo Mbɔ̧ɔ̧mà wua shua abua bèchɔsì bu la. Wòt kuula èntɨ̧ɨ̧ vi nùà tè ntsèà ko maa ghɨ̌ tàa jɨ tètaãaãte àyɨt yu a palàdȩê Mbɔ̧ɔ̧mà, àa ŋa mèmpème la.