1 Kɔlìn 9:5 - Mundani

⁵ Tè betsiꞋa bà ka yɔꞋɔ àvi mbɨ̀Ꞌɨ̀ bɔntu̧ Yesò ko, nè bɔnyɨ tò nè Pità?

1 Kɔlìn 9:5 ပူးပေါင်းရင်းမြစ်များ

Matìù 13:55

Tè eyaa ntsě waã kapentà wuù? Ka Màlià wu nyɨ̌ tò à? Ka Jimsì bɔ̂ Jòsêb nè Simùn bɔ̂ Judàs wu bɔnyɨ tò à?

Matìù 8:14

Yesò ghɨ̀ ale, ngà a lob Pità, me kɨꞋɨ nyɨ̌ vi tò wu a si ngò̧ò̧na sɔ̧̀ɔ̧̀nà,

Ntu̧ Ntsɔ̧̀ MAK 1:30

Nyɨ̌ vi Simùn li ngu a èku̧ ngo̧o̧na sɔ̧̀ɔ̧̀nà. Mbɨ̀Ꞌɨ̀ Yesò nyi a lob la, bɔ bê shua tò ànəa mbɔŋ.

Ntu̧ Ntsɔ̧̀ MAK 6:3

Tè eyaa ntsě kapentà wu tà wù waã Màlià la à? Ka Jimsì bɔ̂ Jòsêb, nè Simùn bɔ̂ Judàs wu bɔnyɨ tò à? Ka bɔnyɨ tò bɔɔ̀zi aà ntsèka ba tò ba à?” Bɔ làꞋ ale, mbɔ̂ ntû̧ èngǎ̧ tò.

Lûk 6:15

Màtìù bɔ̂ Tɔmasì, Jimsì waã Alfeɔ̀ nè Simùn wu tà lè taꞋa wua nùà mènəè àlaꞋ la,

Lûk 8:20

Wòt kǒ shu abua tò nê, “Nyɨ̌ wè nè bɔnyɨ bè bɔ wu àbȩ nkɨ eye awê.”

Jɔ̌n 1:42

Tà nɨa Simùn nkɨ̀Ꞌɨ̂ abua Yesò. Yesò lɔ̀kè àvi ndzě atò nê, “Bɔɔ ntɔ awê ane Simùn waã Jɔ̌n. Èlen lê aa tsiꞋi Sefàs.” (Sefàs wua shua nê Pità. Lə Pità è wu èwu.)

Jɔ̌n 2:12

Mbɨ̀Ꞌɨ̀ bɔ paa la Yesò bɔ̂ nyɨ̌ vi, nè bɔnyɨ bi nè bɔkatè bi e chu nga a Kàpenàwuêm ntsèke abàꞋ və ane èli ko.

ÀfaꞋa 1:14

Bɔ li ntaꞋa wua mbu̧u̧ta adzìꞋ yeamɔꞋ ntsàꞋta Mbɔ̧ɔ̧mà bɔ̀ɔgème fɔ̀ɔ̀le ne bèzi, nè Màlià nyɨ̌ Yesò, ndɔ̀Ꞌ nè bɔnyɨ tò.

Lûm 16:1

E nkɨ shu awɨ̧ nê Fobè wanyɨ wa waàvi wu è wu dikɨ̀n a chɔsì wu a Sènkliyà la wu wòt ntsɔ̧̀.

1 Kɔlìn 1:12

Ànəa e shua la wu nê, bɨ wu a mètsəê a mètsəê. Wòt wɨ̧ nàa ngɨ̀ tà nê, “E ngu wòt Pɔ̂l”, wekǒ nê, “E ngu wòt Àpolòs” wekǒ nê “E ngu wòt Pità”, ka nè è we tàa laꞋnê “E ngu wòt Yesò Klistò” la.

1 Kɔlìn 7:15

Ka wòt kà ko a Mbɔ̧ɔ̧mà me kɨ sà ndzɔꞋɔ, tà sàŋ. Ale, àghɨa ko mè nkùùla wanyɨ waa mbâ̧ kò àvi la leꞋ, a te ntsě. Mbɔ̧ɔ̧mà tɔ awa nê bà me tseke ane àlàŋkè.

1 Kɔlìn 7:39

Àvi yɔꞋa tà bɔ̌ ndɨ tàa wu wuê bɔ̂ lu̧ vi mbɨ̀Ꞌɨ̀ lu̧ tò bele yû̧ la. Ka lu̧ tò pfəa tà mè nko ndzɔꞋ, mbɔ̂ tà me yɔꞋɔ, tà yɔ̀Ꞌɔ̀ wuê wòt Mbɔ̧ɔ̧mà.

1 Kɔlìn 7:7

Bòt bàgème e ghɨ̀ ale, ngu mbɨ̀Ꞌɨ̀ mmɔ̌, ko a bɔ̀ŋ am, ka Mbɔ̧ɔ̧mà nàà ŋǎ èghab wòt ègème tsa. Tàà ngɨ̀à wòt kǒ a èlɨ̀ waa, ngɨ̀à è via ane via nè èlɨ̀.

1 Kɔlìn 7:8

È me wu bòt kà yɔꞋ nè bènempfə, ko mâ shu nê aà mbɔ̀ bɔɔ tseke ka yɔꞋ mbɨ̀Ꞌɨ̀ mmɔ̌ mbɔŋ.

Gàlashìà 1:19

Mâ ghà ale, e nka ye wantu̧ Yesò kǒ tsa ka nè Jimsì wanyɨ Tè Yesò.

1 Tɔ̀màtià 3:2

Wòt àtsəa bòt Yesò kâ ngu wòt bòt àa ndàꞋà kàbɔ̀ŋ adù̧ tò la. Tà bɔ̂ ndɨ tàa bɔ wuê àvi wemɔ̀Ꞌ, mè me baãaã èntɨ̧ɨ̧ vi ka ngɨ̀à mènəè la. Ŋut me ghɨ̌ mènəè wuê ane èlɨ bòt àa me zə atò la, nko a màsea bègɨ̧̀ ntsɔ̧̀, nko a mànyɨꞋte mènəè ntsɔ̧̀ mɨ̧̂.

1 Tɔ̀màtià 4:3

Èwuu bòt ngaa aà nyɨ̀Ꞌta bòt nê, bɔ̀ ka me yɔꞋɔ bèzi, mè nê bɔ̀ me shɨ̀kè èghɨjɨ ko. Ka ba ko nê, Mbɔ̧ɔ̧mà li ngɨ̀ èghɨjɨ abua bòt bu bɔ zì mèntɨ̧ɨ̧ mɔb ane zi, mè nko mènəè mi mu è wû nkûŋ la, nê bɔ̀ jɨ ŋǎ mènkɔ̀ŋke abua zi.

1 Tɔ̀màtià 5:2

mbà̧aã bèzi juŋ mbɨ̀Ꞌɨ̀ bènyɨ̌ bê, mbà̧à̧ bɔɔ̀zi techɨɨle mbɨ̀Ꞌɨ̀ bɔnyɨ bè, à kà bɔ mèmɨ̀ɨ̀te ko tsa.

Tȩtɔ̀s 1:6

Ko nê, wòt tà wu àtsəa bòt Yesò la, bakà bɔ ndɨ tàa me ghɨ̀ mènəè bòt àa me fèèle atò la. Tà bɔ ndɨ tàa bɔ wuê àvi wemɔ̀Ꞌ la, bɔ̧ tò mè ngu bòt bɔ zì mèntɨ̧ɨ̧ mɔb ane Yesò la. Bɔ̀ ka me ghɨ̀ mènəè mbɨ̀Ꞌɨ̀ nyaãtebàꞋ, bɔ̀ ka me ghɨ̀ àtsəa kekweelè.

Ebùlù 13:4

Wòt ègème me nɨ èyɔꞋɔ mbɨ̀Ꞌɨ̀ ànəa ntsɔ̧̀. Mbâ̧ kò àvi leꞋ ka mpàꞋte àbɨ̧ nè wòt tsa, nkàà nè Mbɔ̧ɔ̧mà naa li saꞋa bòt bu bɔ̀ɔ mpàꞋta bòt kà yɔꞋɔ awɔb la, nè bòt bu bɔ̀ɔ njɨ̀a àbȩ la.