1 Kɔlìn 9:26 - Mundani

²⁶ Mbɨ̀Ꞌɨ̀ àa ale la, maa kà luula ka ko àtsə, è nka mee ngua nùà mbɨ̀Ꞌɨ̀ wòt tàa ndèbà fo la.

1 Kɔlìn 9:26 ပူးပေါင်းရင်းမြစ်များ

Matìù 11:12

E buꞋu afɨꞋa Jɔ̌n ndzìà èdzî li mbùꞋ me làꞋa èngǎ̧ Mbɔ̧ɔ̧mà la, ekɨꞋɨ dzə àfɨ̀Ꞌ yaa, kèfɔ̧̀ Mbɔ̧ɔ̧mà nàà nkɨ̀Ꞌa nè ètɨ̧̂, bòt mètàŋ bɔ̂ ngu bòt bɔ̀ɔ fàa ane ètɨ̧̂ la.

Lûk 13:24

“Nyɔ̀Ꞌta a mànyia ane ètsələèꞋ techɨɨle, nkàà nê bòt nyaŋ aa li me nùa nyɔ̀Ꞌtà nkɨ enyi ka èlu̧ è ka wu wu abua yɔb.

1 Kɔlìn 14:9

Ale, wòt ane yɨ̧ làꞋà ànəê ane ndɨ̧ kà bòt e koê, ko bɔ̀ɔ ghɨ̀ na ka ko ànəa tà shua la à? Wòt ghɨ̀ ale, ko èngǎ̧ tò aa nyɔ a èbem fo.

2 Kɔlìn 5:1

Ba ko nê mbɨ̧te ènyit ta tàa te wu mbɨꞋɨ̀ bayò bàa ntsèka a èbèm a sitsǎꞋ ŋàa la. Bɔ bùà bayò mbɔŋ ko baa bɔ lob a ègwet kà vəə bɔbȩ. Lob mbɔŋ wu lob Mbɔ̧ɔ̧mà zìambɔŋ è vəə nàa li ewu ane àlia nè àlia la.

2 Kɔlìn 5:8

Ale, baa ngùꞋtà wa mè ndâ nko nê, aà mbɔ̀ nê bà sǎ mbɨ̧te ènyit ta tàa ngà ngu nè Tǎt wa Yesò Klistò àdziꞋa tà wù la.

Gàlashìà 2:2

Maà ngà ale ngu ndɨ Mbɔ̧ɔ̧mà ghaꞋtè nyɨ̀Ꞌte am nê è nga la. Mâ ghǎ abàꞋ və ale ngàꞋte Ntu̧ Ntsɔ̧̀ yu màa ndaꞋa abua bòt bu bɔ̀ baka ko a Mbɔ̧ɔ̧mà la shu awɔb. Maà ngɨ̀à ale mbɔ̂ ndàꞋà wuê a ntsèm abua bɔɔjuŋ, màa mbɔ̀ɔ mbɨ̀Ꞌɨ̀ àfaꞋa e fàꞋà la, nè àyea e ndi ndzaŋe fàꞋà la a tsè àku la.

Efesɔ̀s 6:12

Baa ntsea nùà bɔbȩ. Ba wua nùà fote kàbɔ̀ŋ tu tèa mbà̧aã èlaꞋ, mè ntsìta mènəè la, nè bènàmbəa bu a ngɔ̀ŋ ŋaa bòt àa ngùꞋtà la, ndɔ̀Ꞌ nè fo tu a ègwet tèa ngɨa kàbɔ̀ŋ la.

Filìpȩ 1:21

Ale, abua am, e ntsekè a sitsǎꞋ ŋàa ko àtsəa ànəê am wu màngua àghɨ yeamɔꞋ nè Yesò Klistò, mbə è mpfə a bɔ̀ŋ tè ntsè.

Kɔ̀losìà 1:29

Maa ndâ fàꞋà ànyaꞋne nè mètàŋ mu è ghe Yesò Klistò e ŋǎ abua am la, mbɨ̀Ꞌɨ̀ eye nê mâ ghɨ èghɨ bàagème.

2 Tɔ̀màtià 1:12

Eyaa wu lə yu e ndzèa ngoꞋ yaa la. Ka betsiꞋa è nka bɔ àtsəa kɔꞋɔ ane ànəa ko nkàà nê mâ ko wòt wu mâ zì ntɨ̀ yaã ane tò la. Mâ ko mɨ̧̂ nê, betsiꞋa tà baabe Ntu̧ Ntsɔ̧̀ yu tà ŋa abua am la tè ngà ngu ane àli yu tàa li e mě kɨꞋɨ la.

2 Tɔ̀màtià 2:5

Ko mɨ̧̂ nê, wòt me lùùla àlùùlà, tè mbakà wua ndùùlà mbɨ̀Ꞌɨ̀ mbɨ̧te àlùùlà yu te kɨa la, tà kà tse àyùà.

2 Tɔ̀màtià 4:7

Mâ nù èbet ntsɔ̧̀, mâ lùùlà tê mpàâ,

Ebùlù 12:1

È me wu awa ko ba bɔ taꞋà ènɔ̧̂ bòt baa bɔ li ndzì mèntɨ̧ɨ̧ mɔb ane Mbɔ̧ɔ̧mà la, bɔ ghaale awa ndzi a kètsìà la. Ale, bɨ̀ tsiꞋ bà waꞋ àghɨ àgème àa nkèla wa nê bà ka ngɨ̀ àghɨa ba wu e ghɨ̀ la, mè ngwàꞋà mènəè kàbɔ̀ŋ mu è kuule awa la. Bà kuule mèntɨ̧ɨ̧ ma ndùùlà àlùùlà yu ba bɔ ndɨ bàa lùùla àyùà la.

Ebùlù 4:1

Ndɨ̀ wu Mbɔ̧ɔ̧mà bakà kùbte mènkàꞋa mi nê baa li ekɨꞋɨ àdziꞋa yea ghɨ̌ baa yètè la, bɨ̀ me ko awɨ̧ mbɨ̀Ꞌɨ̀ ka wòt kǒ ane yɨ̧ bela ngɨ̀à tà kà tsi nkùꞋù è we tàa nyi àdziꞋa mbɔŋ la.

1 Pità 5:1

E ngua shù̧ù̧ta wɨ̧ bɔɔjuŋ ayɔɔ bòt Mbɔ̧ɔ̧mà mbɨ̀Ꞌɨ̀ wajûŋ kǒ, mè ngua ndàꞋà mbɨ̀Ꞌɨ̀ wòt tà ye ngoꞋ Yesò Klistò li ndze la; mè ngu ebɔ wɔ̧ nê èghàb ane ènɨ̧ tò wu tàa li kɨꞋɨ nê wùà la.

2 Pità 1:10

È wu ale a bɔnyɨ bɔ̧, bɨ̀ la nyɔ̀Ꞌtè ngɨ̀ bòt e ye nê wu nkûŋ nê Mbɔ̧ɔ̧mà làà àwɨ̧, nɨ̀ àwɨ̧ ane bòt bi. Bɨ me ghɨ èghɨ bàa, ko èntɨ̧ɨ̧ wɨ̧ è ka li lɔ̀Ꞌɔ edzə ane Mbɔ̧ɔ̧mà a,