1 Kɔlìn 9:22 - Mundani

²² Màa ngɨ̀ è ngu ba bòt bɔ̀ɔ njùa ane ànəa Mbɔ̧ɔ̧mà la, e ntsiꞋi me tseke mbɨ̀Ꞌɨ̀ wekǒ ane yɔb mbɨ̀Ꞌɨ̀ è ngu ghɨ̌ bɔɔ zì mèntɨ̧ɨ̧ mɔb ane Yesò. E ndi ntsìꞋi àghɨ àgème abua wòt ègème, mbɨ̀Ꞌɨ̀ è ngu nɨ balu̧ bàgème betsiꞋa e nko nɨŋ la e ghɨ̌ bòt ko aa peme.

1 Kɔlìn 9:22 ပူးပေါင်းရင်းမြစ်များ

Lûm 11:14

mbɨ̀Ꞌɨ̀ à wu zìa ghòꞋnà a mèntɨ̧ɨ̧ Bèjuê, e ghɨ̌ àbəèꞋ àyɔb aa peme.

Lûm 14:1

Bɨ̀ baãaã wòt tà bakà zìꞋì nkwèèle ane mènəè Mbɔ̧ɔ̧mà la ntsɔ̧̀, bɨ̀ ka me buꞋu ètsə bɨ̧ ane àghɨa tà wu ghɨ̌, ko baka ghɨ̀ la leꞋ.

Lûm 14:2

Èntɨ̧ɨ̧ wòt kǒ tà zi ane Yesò la aà ngɨ̀à tà jɨa àghɨ àgème, ka wòt è we tò nè èntɨ̧ɨ̧ ane Yesò è bela njùa la me jɨ wuê mbɨ̀btsə.

Lûm 15:1

Bàa wu bàa nkwèèla ane mèntɨ̧ɨ̧ ma mu bàa zi ane Yesò la, bàà me tɨŋe bɔnyɨ ba ane èdziꞋi bɔ̀ɔ njùa adù̧ la. Bàà ka me ghɨ̀ wuê àghɨa àa mbɔ̀ àwa la.

Lûm 15:2

Waa waa ane ya me ghɨ̀ àghɨa àa me bɔ̀ wanyɨ vi ntɨ̀ŋa tò, ngɨ̀à tà kwèèlâ la.

1 Kɔlìn 10:33

Bɨ̀ ghɨ̀ anè wuê mbɨ̀Ꞌɨ̀ màa nyɔ̀Ꞌtà nkɨ ghɨ̌ èntɨ̧ɨ̧ waa waa aa me bɔ̌ ane àghɨ àgème màa ngɨ̀à la. È nka ghɨ ale nkɨà ntsɔ̧̀ kǒ abua am mmɔ̌ mbɔŋ. E nkɨà ntsɔ̧̀ bòt nyaŋ, mbɨ̀Ꞌɨ̀ bɔɔ peme.

1 Kɔlìn 7:16

Àwɔ̀ àvi, à bakà ko laꞋ nê betsiꞋa à ghɨ̀ lu̧ wê zì èntɨ̧ɨ̧ vi ane Mbɔ̧ɔ̧mà mpem? Àwɔ̀ mbâ̧ à kà mê nko laꞋ nê betsiꞋa à ghɨ̀ vi wè zì èntɨ̧ɨ̧ vi ane Mbɔ̧ɔ̧mà mpem?

1 Kɔlìn 8:13

Ale, è wu nê e njɨ̀a èghɨjɨ ko aa ghɨ̌ wanɔ̧ naa ghɨ̌ a kàbɔ̀ŋ, ko è nka tsi lɔ̀Ꞌɔ̀ àlia e kwele nyà̧ a, mbɨ̀Ꞌɨ̀ ka e ngɨ̀ wanɔ̧ ghɨ a kàbɔ̀ŋ.

1 Kɔlìn 9:19

Àghɨa ko a ntsě a kuule èbu bɔ̧ ŋa abua wòt ko la, e mbɔ̂ ngɨ̀ am mmɔ̌ mbɔŋ ane àbùꞋ abua wòt ègème, mbɨ̀Ꞌɨ̀ ghɨ̌ bòt bɔ̀ɔ ndzìà mèntɨ̧ɨ̧ mɔb ane Yesò Klistò la aa paa yaã.

1 Kɔlìn 9:23

E ngɨ̀à èghɨ bàagème mbɨ̀Ꞌɨ̀ ghɨ̌ Ntu̧ Ntsɔ̧̀ naa me ghà ne mbì, màa nkɨà mbɨ̀Ꞌɨ̀ è ngu bɔ wɔ̧ ne èghàb ane àbȩ̀ èngǎ̧ mbɔŋ la.

2 Kɔlìn 11:29

Wòt nàa me yu ane mènəè Mbɔ̧ɔ̧mà, è nka wu ntsɔ̧̀ wuê mbɨ̀Ꞌɨ̀ e ntsiꞋi tòà. Wòt nàa ngɨ̀à wekǒ ghɨ a kàbɔ̀ŋ, e ntsiꞋi a èbem ngoꞋ.

Gàlashìà 6:1

Bɔnyɨ bɔ̧, bɨ̀a wu bɨa ngȩ̀ȩ̀nà mbɨ̀Ꞌɨ̀ Fo Mbɔ̧ɔ̧mà nàa nkɨà la, bɨ yea wòt ngɨa kàbɔ̀ŋ la, bɨ bɔɔle awɨ̧ nkɨ̀ɨ̀te atò bò̧ bò̧. Ka bɨ̀ me ghɨ̀ ale bɨ me baabe awɨ̧ mbɨ̀Ꞌɨ̀ ka bɨ kwen a èbem kàbɔ̀ŋ mɨ̧̂.