1 Kɔlìn 9:20 - Mundani

²⁰ Màa ngɨ̀ è ngu ba Bèjuê, e tsiꞋi me ntsèke mbɨꞋɨ̀ wòt Juê, màa nkɨà mbɨ̀Ꞌɨ̀ ghɨ̌ bɔɔ zì mèntɨ̧ɨ̧ mɔb ane Yesò la. Màa ngɨ̀ è ngu ba bòt bu mbɨ̧tsə te tsèm àwɔb nê mbɨ̀Ꞌɨ̀ bɔ me ghɨ̌ èghɨ ko la, e tsiꞋi me tseke mbɨꞋɨ̀ wòt mbɨ̧ te mbɔŋ tê tsem atò la, ka mmɔ̌ mbɔŋ è nka wua nɔ̀ŋà mbɨ̧tsə, màa ngɨ̀à ale mbɨ̀Ꞌɨ̀ ghɨ̌ bòt bu bɔ̀ɔ nɔ̀ŋà mbɨ̧tsə la aa zì mèntɨ̧ɨ̧ mɔb ane Yesò Klistò la.

1 Kɔlìn 9:20 ပူးပေါင်းရင်းမြစ်များ

ÀfaꞋa 16:3

Bɔ làꞋa ale, Pɔ̂l me kɨ enɨ atò, bɔ̂ tò ba aa ghà nɔ̂, mbɔ̂ nàŋe tò. Me naŋe Tɔ̀màtià ale ngu ndɨ̀ wu Bèjuê bàgème bɔ̀ le wua ntsèka a èdziꞋ ngaa la, e li nko nê tǎt tò li ngu wòt Glɨ̂k la.

ÀfaꞋa 18:18

Pɔ̂l li ntsèke bɔ̂ bɔnyɨ ba ko bu ane èli nyaŋ a Kɔlìn. Tà lɔ̀Ꞌɔ ebàꞋ və, bɔ̂ Plìsilà nè Àkwilà e nyi a èbem ànkànuꞋ me ghà ne àlaꞋ a Silìà. Me laꞋnê yea ngà ale, ndzì nkà̧ a mbì Mbɔ̧ɔ̧mà a Sènkliyà, tè mù fɔ̀ɔ̀lè àtsə azi.

Lûm 11:14

mbɨ̀Ꞌɨ̀ à wu zìa ghòꞋnà a mèntɨ̧ɨ̧ Bèjuê, e ghɨ̌ àbəèꞋ àyɔb aa peme.

Lûm 3:19

Baà ko nê àghɨ àgème bɔ shɨ a èbem mbɨ̧ Musì la a wua ndàꞋa abua bòt bu bɔ ŋa mbɨ̧ mbɔŋ abua yɔb la. Aà anè mbɨ̀Ꞌɨ̀ wòt è ka li bɔ ànəê àko tàà làꞋa ane àli yu bòt bàgème àa tɨ̧ɨ̧ e mbì Mbɔ̧ɔ̧mà tàa saꞋa awɔb la.

Gàlashìà 2:19

Aa anè nkàà nê è wu mbɨ̀Ꞌɨ̀ mbɨ̧te Musì tèa nkɨà la ko mâ pfə te ndɔ̀Ꞌ, nkàà nê betsiꞋa è nka tɨ̧ɨ̧ ndɨŋndɨ̀ŋ a mbì Mbɔ̧ɔ̧mà nkàà mbɨ̧tsə màa nkùŋà la. A wu anè mbɨ̀Ꞌɨ̀ maa tsiꞋi me lɨ̀ŋkè wuê a Mbɔ̧ɔ̧mà wu tàa nkùa tèsȩ taã la.

Gàlashìà 4:21

Bɨ̀ tsiꞋ è mbiite awɨ̧ wu bɨ̀a nùà nkɨ ewu wuê a èten mbɨ̧tsə la, bɨà kà zə ànəa mbɨ̧te mbɔŋ te shuà la à?

Gàlashìà 4:5

Tà li ntsaa atò mbɨ̀Ꞌɨ̀ taa kɨꞋɨ echùꞋù ètsə bòt bu bɔ̀ wu mbɨ̀Ꞌɨ̀ èbùꞋ a èten mbɨ̧tsə la e ghɨ̌ baa tsiꞋi bɔ̧ Mbɔ̧ɔ̧mà.

Gàlashìà 5:18

Ka è wu nê bɨa ngɨ̀à àghɨa Fo Mbɔ̧ɔ̧mà nàa nkɨà la, ko bɨ te ntsě a èten mbɨ̧tsə.