1 Kɔlìn 9:19 - Mundani

¹⁹ Àghɨa ko a ntsě a kuule èbu bɔ̧ ŋa abua wòt ko la, e mbɔ̂ ngɨ̀ am mmɔ̌ mbɔŋ ane àbùꞋ abua wòt ègème, mbɨ̀Ꞌɨ̀ ghɨ̌ bòt bɔ̀ɔ ndzìà mèntɨ̧ɨ̧ mɔb ane Yesò Klistò la aa paa yaã.

1 Kɔlìn 9:19 ပူးပေါင်းရင်းမြစ်များ

Matìù 18:15

“Wanyɨ wè fà̧ ànəê abua yê à tɔ atò bɨ tò e gha a ntsèm, à shu atò ànəa tà fà̧ la, à shu ale, tà bɨ̧̀ɨ̧̀ne nê ye fà̧, à ko nê yê mê mbɔ atò mbɨ̀Ꞌɨ̀ wanyɨ wè.

Lûm 1:14

Eyaa wu àfaꞋa mâ bɔ ndɨ màa faꞋa abua bòt bàgème la. Abua bòt àghɨ ayɔb a ghaꞋa la, nè èbe kà ayɔb a ghaꞋà, nè bòt bɔ ko àkatè la, nè èbe kà koê.

Lûm 11:14

mbɨ̀Ꞌɨ̀ à wu zìa ghòꞋnà a mèntɨ̧ɨ̧ Bèjuê, e ghɨ̌ àbəèꞋ àyɔb aa peme.

Lûm 15:2

Waa waa ane ya me ghɨ̀ àghɨa àa me bɔ̀ wanyɨ vi ntɨ̀ŋa tò, ngɨ̀à tà kwèèlâ la.

1 Kɔlìn 10:29

E shu èntɨ̧ɨ̧ tò, è nka shu èwê.) Ndɨ wòt kǒ tsa nàa mɨ̀ɨ̀tà la, àa ghɨ̀ na e kele am nê è nka njɨ àghɨa màa nkɨ jɨ la à?

1 Kɔlìn 10:33

Bɨ̀ ghɨ̀ anè wuê mbɨ̀Ꞌɨ̀ màa nyɔ̀Ꞌtà nkɨ ghɨ̌ èntɨ̧ɨ̧ waa waa aa me bɔ̌ ane àghɨ àgème màa ngɨ̀à la. È nka ghɨ ale nkɨà ntsɔ̧̀ kǒ abua am mmɔ̌ mbɔŋ. E nkɨà ntsɔ̧̀ bòt nyaŋ, mbɨ̀Ꞌɨ̀ bɔɔ peme.

1 Kɔlìn 7:16

Àwɔ̀ àvi, à bakà ko laꞋ nê betsiꞋa à ghɨ̀ lu̧ wê zì èntɨ̧ɨ̧ vi ane Mbɔ̧ɔ̧mà mpem? Àwɔ̀ mbâ̧ à kà mê nko laꞋ nê betsiꞋa à ghɨ̀ vi wè zì èntɨ̧ɨ̧ vi ane Mbɔ̧ɔ̧mà mpem?

1 Kɔlìn 9:1

Àghɨa ko a sèlà am a si la a ntsě. Bɨ bakà ko nê e ngu wantu̧ Yesò Klistò? Mâ ye a Yesò Klistò Lefɨ̀Ꞌ wa nè èghɨ laã. Wu mmɔ̌ ka mâ tsɔ̀te ntu̧ yu è ghɨ bɨ zì mèntɨ̧ɨ̧ mɨ̧ ane Yesò Klistò la. Ale, bɨ wu àbu àfàꞋ am.

2 Kɔlìn 12:14

Eyaa wu ngò̧ tetat màa nkɨ mě kɨꞋɨ eye awɨ̧ la, ka è nkɨ̀Ꞌa kà wu me lɨ̀ŋke àwɨ̧ a ebàꞋa àghɨa ko, nkàà nê è nka kɨꞋa ebàꞋa èghɨ bɨ̧. E nkɨ̀Ꞌa etɨŋe awɨ̧. È ntsě bɔtechɨɨle bɔ̀ɔ fèta èghɨ nɔŋa abua bètǎt bɔb bɔ̂ bènyɨ̌ bɔb la. Wu bènyɨ̌ bɔ̂ bètǎt ka bɔ̀ɔ fèta èghɨ nɔŋa abua bɔ̧ bɔb la.

2 Kɔlìn 4:15

Ba yea ngoꞋ anè mbɨ̀Ꞌɨ̀ bɨa jɨ àbȩ̀, mbɨ̀Ꞌɨ̀ bòt è me kwèꞋna ndzəa ntsɔ̧̀ Mbɔ̧ɔ̧mà ngà nè mbì, bòt bɔ̀ɔ me ŋǎ mèngùꞋte abua Mbɔ̧ɔ̧mà nɨa ndɔ̀kà èlen tò ntsaa a ègwet la e me yaã.

2 Kɔlìn 4:5

Èngà̧ waa ba làꞋà la, ba ntsea nkɨ shu àghɨa bà wu yùà la. Ba làꞋà ànəa Yesò Klistò, shua nê tà wu Tǎt àtsəa bòt bàgème, è me wu awa ba wu bɔfàꞋ bɨ̧ nkàà a Yesò Klistò.

Gàlashìà 5:1

Yesò Klistò li ndzà àwa ntsì a èbem mbɨ̧te Musì, è wu ale bɨ̀ ŋwètè èka bɨ̧ a si ntsɔ̧̀, bɨ̀ ka mbɨ̧̀ɨ̧̀ne àghɨa ko a mè ngɨ̀ bɨ tsiꞋi èbùꞋ.

Gàlashìà 5:13

Bɔnyɨ bɔ̧, Fo Mbɔ̧ɔ̧mà tɔ awɨ̧ nê bɨ̀ ka tsi mbɨ̧̀ɨ̧̀ne èbùꞋ abua mbɨ̧te Musì, wuê nê bɨ̀ ka nɨ àyea mbɔŋ mbɨ̀Ꞌɨ̀ alu̧ a màngɨa àghɨa mbɨ̧te ènyit tɨ̧ tèa nkɨà la, ka bɨ̀ me kɔ̀ŋkè bɔnyɨ bɨ̧ mbɔ̂ ntɨ̀ŋe awɔb.

1 Tɔ̀màtià 4:16

Me nèèta mbààba awê mè mbààba èngà̧ wu àa nyɨ̀Ꞌta la. Me ghɨ̀ wuê èghɨ bàa nkàà nê, à ghɨ̀ ale, ko aa tɨŋe awê nè bòt bu bɔ̀ɔ njùtâ awê la, bɨa bɔ ngule mèmpème.

2 Tɔ̀màtià 2:10

Mbɨ̀Ꞌɨ̀ àa anè la, maà nkìà ngoꞋ tègème nkàà bòt bu Mbɔ̧ɔ̧mà è làà àwɔb ane bòt ebi la. E nkìà ale mbɨ̀Ꞌɨ̀ Yesò Klistò naa ŋa awɔb mèmpème mi, bɔɔ ghǎ me tseke a èbem Kèfɔ̧̀ nɨ̧ tò wu kà wu li elìa la.

1 Pità 3:1

Bɨ̀a wu bɨ̀ wu bèzi nè bèlu̧ la, bɨ̀ me zə bèlu̧ bɨ̧. Bɨ̀ me ghɨ̀ ale, mbɨ̀Ꞌɨ̀ wòt wu ane yɔb kà bɨ̧ɨ̧ne èngǎ̧ Mbɔ̧ɔ̧mà, tà ye mènəè ntsɔ̧̀ mu bɨ̀a ngɨ̀à la ndzì èntɨ̧ɨ̧ vi ane Mbɔ̧ɔ̧mà. Bɨ bakà lem mbɔ̌ ndɨ bɨ̀a làꞋa èngà̧ ka wòt naa kubte la.