1 Kɔlìn 9:17 - Mundani

¹⁷ Mâ ghɨ̀ ale, ngua ngɨ̀à àyaa ane mènkɔ̀ŋke mɔ̧, ko maa bɔ àbȩ̀, ka ndɨ̀ wu màa ka ghɨ ane mènkɔ̀ŋke mɔ̧ la, ko wu Mbɔ̧ɔ̧mà ka tà zǐ àfaꞋa mbɔŋ a tèkitebu taã nê è me ghɨ̀ la.

1 Kɔlìn 9:17 ပူးပေါင်းရင်းမြစ်များ

Matìù 10:41

Wòt tà sèe ndàꞋàtɔŋ Mbɔ̧ɔ̧mà, nkàà nê ŋut wu ndàꞋàtɔŋ Mbɔ̧ɔ̧mà la, naa li bɔ àbȩ̀ bɔɔ ŋa abua ndàꞋàtɔŋ Mbɔ̧ɔ̧mà la. Wòt tà sèe wòt ntsɔ̧̀ ambo àfaꞋa ntsɔ̧̀ ŋut la, naa li bɔ àghɨa Mbɔ̧ɔ̧mà naa ŋǎ abua bòt ntsɔ̧̀ la.

Matìù 24:25

Bɨ̀ zə na mâ shua wɨ̧ àfɨꞋa ntsɔ̧̀ tè ndɔ̀Ꞌ la.

Lûk 12:42

Yesò bɨ̀ɨ̀lè nê, “WafàꞋ ntsɔ̧̀ tà bɔ èyì la wu we ŋa à? Wu wu tǎt àfàꞋ tò zi atò àtsəa beko nê tà me ŋa wɔb èghɨjɨ àfɨꞋa ntsɔ̧̀ la.

Jɔ̌n 4:36

Wòt wu tàa fùꞋà la, tàà mbɔ àbȩ̀ àfàꞋ àzi, mbɔ̂ ngua fete bòt mbɨ̀Ꞌɨ̀ bɔɔ bɔ mèmpème kàlìà. Ale, wòt màndiꞋa nè wòt màfuꞋa bɔɔ fɔte ewùꞋtè àwɔb.

1 Kɔlìn 3:14

ÀfaꞋa wòt ghɨ a ègwet àtetsi yu la a bakà shɨà, ko ŋut naa bɔ àbȩ̀.

1 Kɔlìn 3:8

Wòt wu tà nyɔ̀Ꞌ la, nè wòt tà zì mèleb la e wua ngɨ̀à wuê àfàꞋ yeamɔꞋ, Mbɔ̧ɔ̧mà na li ŋa àbȩ̀ waa waa mbɨ̀Ꞌɨ̀ tà ghɨ àfàꞋ àzi la.

1 Kɔlìn 4:1

Bɨ̀ me nɨ awa mbɨ̀Ꞌɨ̀ bòt Yesò Klistò zì mènəè mi mu è li ngu mènəè ndò̧ la a tèkitebu tɔb nê bɔ̀ me nyɨꞋte la.

1 Kɔlìn 9:16

Lə kǒ ntsě màa me wùꞋtè am ambo na màa ntsɔ̀tà ntu̧ tsɔ̧̀ la. Wu àghɨa mâ bɔ ndɨ màa ghɨ̀ la. Aa li bɨɨ abà am na e mbakà tsɔte Ntu̧ Ntsɔ̧̀ la.

1 Kɔlìn 9:18

Àbȩ̀ am nàa anè ngu ghàà? Àbȩ̀ am wu ndɨ màa ndàꞋà èngǎ̧ Mbɔ̧ɔ̧mà àku, è nka mê ngua nkɨà àghɨa è wù àyaã la ane Ntu̧ Ntsɔ̧̀ yu màa ndàꞋà la.

2 Kɔlìn 8:12

Bɨ ŋa nè èntɨ̧ɨ̧ wemɔꞋ ko Mbɔ̧ɔ̧mà naa nɨ nkàà nê, tàà nɨa àghɨ abua wòt ndɨ àbu ŋut a nyɨꞋte la. Mbɔ̧ɔ̧mà nàà ka shu laꞋ nê wòt ŋa àghɨ kà bɔŋ.

Gàlashìà 2:7

Ka bɔ li ndzè na Mbɔ̧ɔ̧mà zi ànəa màndaꞋa Ntu̧ Ntsɔ̧̀ zi abua bòt kà wu Bèjuê a tèkitebu taã wuê mbɨ̀Ꞌɨ̀ tà li ndzì ànəa màndaꞋa èngǎ̧ vi abua Bèjuê a tèkitebu Pità la.

Kɔ̀losìà 1:25

Wu Mbɔ̧ɔ̧mà ka tà li ndzì am ane wɔ̀fàꞋ bòt Yesò nê è me fàꞋa ntɨ̀ŋa wɔb la. ÀfaꞋa mbɔŋ wu ndɨ màa me tsɔ̀te Ntu̧ Mbɔ̧ɔ̧mà yu mbɨ̀Ꞌɨ̀ bòt aa paa eko la.

1 Tèsàlonikà 2:4

Bàa ngɨ̀ ba wua ndàꞋà wuê mènəè Mbɔ̧ɔ̧mà nàa nkɨà nê bà laꞋa la, nkàà nê tà lɨ̀ŋkè àwa ba kùꞋù èbe tàa zǐ Ntu̧ Ntsɔ̧̀ yu a tèkitebu ta la. Bà ka laꞋà àghɨa bɔbȩ àa nkɨà la. Baa ndàꞋà wuê ndɨ àa bɔ̌ abua Mbɔ̧ɔ̧mà wu tà ko mèntɨ̧ɨ̧ ma la.

Fȩlemùn 1:14

Ka maa kà kɨ ghɨ̌ kà à bɨ̧̀ɨ̧̀ne mbɨ̀Ꞌɨ̀ à me ghɨa ntsɔ̧̀ a tsiꞋi fəə ngaa mbɨ̀Ꞌɨ̀ bɔ ŋwèèlè awê ŋwèèle, à wuê ghɨ̀ wuê mbɨ̀Ꞌɨ̀ èntɨ̧ɨ̧ wê e kɔ̀ŋkè la.