1 Kɔlìn 9:1 - Mundani

¹ Àghɨa ko a sèlà am a si la a ntsě. Bɨ bakà ko nê e ngu wantu̧ Yesò Klistò? Mâ ye a Yesò Klistò Lefɨ̀Ꞌ wa nè èghɨ laã. Wu mmɔ̌ ka mâ tsɔ̀te ntu̧ yu è ghɨ bɨ zì mèntɨ̧ɨ̧ mɨ̧ ane Yesò Klistò la. Ale, bɨ wu àbu àfàꞋ am.

1 Kɔlìn 9:1 ပူးပေါင်းရင်းမြစ်များ

ÀfaꞋa 13:2

Mbɨ̀Ꞌɨ̀ bɔ̀ɔ ntsèka kà jɨ èghɨjɨ mè ntsàꞋta Mbɔ̧ɔ̧mà la, Fo Kèfə shu abua yɔb nê “Bɨ̀ tsàa a Bànabasì bɔ̂ Sɔ̂l bɔ̀ ghǎ me ghɨ̌ àfàꞋ yaa mâ nɔ̀ŋe abua yɔb la.”

ÀfaꞋa 14:14

Bànabasì bɔ̂ Pɔ̂l e zə àghɨa bɔ kɨ e ghɨ̌ la, ànəa ngaa a sàà awɔb tè bɔ saãaãtè ndǐ tɔb me ŋȩa ndùùlà nga a kètsìà ènɔ̧̂ bòt bu.

ÀfaꞋa 14:4

Ènɔ̧̂ bòt bu àpfəèà nɨ̧ yu la e ghàbtè èbà bebe, bòt ko e tɨ̧ɨ̧ akwene Bèjuê, èbeko e tɨ̧ɨ̧ akwene bɔntu̧ Yesò bu.

ÀfaꞋa 23:11

È lɔ̀Ꞌ me wu ètsəꞋ, Waã Mbɔ̧ɔ̧mà è kɨ̀Ꞌɨ̂ è shu abua Pɔ̂l nê, “Ka mbɔ̀a! Mbɨ̀Ꞌɨ̀ à nyɨꞋte nkûŋ yu à ko ane yaã a Jèlusalèm ŋaa la, à bɔ ndɨ àa ghɨ̀ wuê a èlɨ mbɔŋ a Luêm la.”

ÀfaꞋa 9:15

Tè Yesò mè shu abua Ànàniàs nê, “Ghà wuê ghǎ, nkàà nê mâ lȩ̀ atò nê tà faꞋa àfàꞋ am. Nê tà tɨŋe bòt kà wu Bèjuê bɔ̂ bèfɔ̧̀ bɔb, nè bòt Izəèlȩê bàgème bɔ ko wòt è ngu wùà la.

ÀfaꞋa 9:17

Mbɨ̀Ꞌɨ̀ tà shu ale la, Ànàniàs è gha a lob və, ndze a Sɔ̂l, nɔ̀ŋè èbu bi àtsə atò. Mbɔ̂ shu nê, “Wanɔ̧ Sɔ̂l, Yesò Lefɨ̀Ꞌ wu tà lè saꞋa a mbì lê a alu̧ mbɨ̀Ꞌɨ̀ à lè wua nkɨ̀Ꞌa abàꞋ ŋaa la è tsàà am. Tà tsàà am mbɨ̀Ꞌɨ̀ aa mě me ye edziꞋ, Fo Kèfə naa mě nyi a èntɨ̧ɨ̧ wê.”

ÀfaꞋa 9:3

Mbɨ̀Ꞌɨ̀ tà ghà tê ntsìꞋa nkɨ enyi a Dàmaskɔ̀s la, me ko àbȩ a kàꞋ a ègwelebuule nchu a si adù̧ tò.

ÀfaꞋa 9:5

Tà bììte nê, “À wu wàà a Tè?” Àtɔŋ yu a nê, “E ngu Yesò wu àa nkɨà àtsəa tò enɨ la.

Lûm 1:1

Letà Pɔ̂l wɔ̀fàꞋ Yesò Klistò, Mbɔ̧ɔ̧mà lè tɔ nê tà me tsɔ̀te Ntu̧ Ntsɔ̧̀ yu è dzə abua zi la.

Lûm 1:5

Mbɔ̧ɔ̧mà li ntsè ane Yesò nɨa ntsɔ̧̀ vi ngɨ̀ am ane wantu̧ Yesò, mbɨ̀Ꞌɨ̀ maa me ghaãaã ane èlen Yesò ndàꞋà èngǎ̧ tò abua bòt èlaꞋ ègème, mbɨ̀Ꞌɨ̀ bɔɔ bɨ̧ɨ̧ne èngǎ̧ mbɔŋ, e tsiꞋi me zə wuê atò.

Lûm 11:13

E ntsiꞋa ndàꞋa abua yɨ̧ bɨ̀a bòt kà wu bòt Izəèlȩê àfɨ̀Ꞌ yaa. Maa me ghàꞋtè am ane àfàꞋa am mbɨ̀Ꞌɨ̀ è ngu wantu̧ Yesò abua bòt kà wu bòt Izəèlȩê la,

1 Kɔlìn 1:1

Letà Pɔ̂l wantu̧ Yesò Klistò, Mbɔ̧ɔ̧mà lè lȩ ane mènkɔ̀ŋke mi la, nè wanyɨ wa Sostènès,

1 Kɔlìn 10:29

E shu èntɨ̧ɨ̧ tò, è nka shu èwê.) Ndɨ wòt kǒ tsa nàa mɨ̀ɨ̀tà la, àa ghɨ̀ na e kele am nê è nka njɨ àghɨa màa nkɨ jɨ la à?

1 Kɔlìn 10:30

E me jɨa nkɔ̀ŋkà Mbɔ̧ɔ̧mà adù̧, lə yu wòt nàa me tsǐ mpəè taã la wu ne ghàà?

1 Kɔlìn 11:16

Ka wòt bakà ye ne nà̧ ane ànəê yaa, ko ndàꞋ ànəa màa shu la wu nê, bàa nè bèchɔsì Mbɔ̧ɔ̧mà e bakà bɔ èlɨ̀ ko tsa bàa nɨa ntsàꞋta Mbɔ̧ɔ̧mà la.

1 Kɔlìn 3:6

E ndi nyɔ̀Ꞌ èsaãaãme, e tu, Àpolòs zì mèleb, ka è lè wu Mbɔ̧ɔ̧mà tà ghɨ̂ e tsə la.

1 Kɔlìn 9:19

Àghɨa ko a ntsě a kuule èbu bɔ̧ ŋa abua wòt ko la, e mbɔ̂ ngɨ̀ am mmɔ̌ mbɔŋ ane àbùꞋ abua wòt ègème, mbɨ̀Ꞌɨ̀ ghɨ̌ bòt bɔ̀ɔ ndzìà mèntɨ̧ɨ̧ mɔb ane Yesò Klistò la aa paa yaã.

2 Kɔlìn 10:7

Bɨ̀ lɨ̀ŋkè èghɨ àa a mbì lɨ̧ la. Wòt me ye avi zìambɔŋ mɨ̀ɨ̀tà nê ye wu wòt Yesò Klistò, ta mè nkwàꞋtè, ko taa ye nê bàambɔŋ ba wu bòt Yesò Klistò mɨ̧̂ mbɨ̀Ꞌɨ̀ tòà.

2 Kɔlìn 11:5

Bɨa ŋèꞋa bòt bɨ̧ bu a ègwet shua nê bɔ ghe ka bɔ̀ ka tse am ane àghɨa ko.

2 Kɔlìn 6:1

Ba nɨ̧̀ ba e wu bòt bàa faꞋa abua Mbɔ̧ɔ̧mà nɔ̂ la, ale ba me shu̧u̧te awɨ̧ nê bɨ ka nɨ ntsɔ̧̀ Mbɔ̧ɔ̧mà wu tà nyɨꞋte abua yɨ̧ la mbɨ̀Ꞌɨ̀ àghɨa àku.

Gàlashìà 1:1

Letà Pɔ̂l wantu̧ Yesò ane mèngɨ̌ Yesò Klistò bɔ̂ Tǎt wa Mbɔ̧ɔ̧mà wu Yesò lè pfə tà yù̧ù̧me atò la. È li è kà ghɨ̂ wɔ̀bȩ̂ tà kà mê ntsè ane wɔ̀bȩ̂ ka nguê wantu̧.

Gàlashìà 5:1

Yesò Klistò li ndzà àwa ntsì a èbem mbɨ̧te Musì, è wu ale bɨ̀ ŋwètè èka bɨ̧ a si ntsɔ̧̀, bɨ̀ ka mbɨ̧̀ɨ̧̀ne àghɨa ko a mè ngɨ̀ bɨ tsiꞋi èbùꞋ.

1 Tèsàlonikà 2:6

Ba li bà ka wua nyɔ̀Ꞌtà nkɨà bòt aa me kukte awa ka wuê bɨ̀a kò bòt ko tsa leꞋ, è wu àghɨa bàa mbɨ̀Ꞌɨ̀ bɔntu̧ Yesò Klistò e wu ko e ghɨ̀ la.

1 Tɔ̀màtià 2:7

Eyaa wu lə Mbɔ̧ɔ̧mà li ndzì am ane wantu̧ vi nê, è me tsɔ̀te ntu̧ yaa abua bòt kà wu Bèjuê la. Tà li nê, è nyɨꞋte èngǎ̧ vi wu è wû nkûŋ la abua bòt, mbɨ̀Ꞌɨ̀ bɔɔ la ebɨ̧ɨ̧ne. È nka laꞋà mèfà̧. E shua nkûŋ.

2 Tɔ̀màtià 1:11

Mbɔ̧ɔ̧mà è lȩ̀ am ane wantu̧ vi nê è nyɨꞋte mè ntsɔ̀tè Ntu̧ Ntsɔ̧̀ yu abua bɔbȩ.