1 Kɔlìn 8:6 - Mundani

⁶ ko abua ya, ba bɔ wuê a Mbɔ̧ɔ̧mà wemɔ̀Ꞌ, tà wu Tǎt wa la. Èghɨ ègème ghɨ̀à tòà, è mè ngu tòà ka tà ghɨ̀ àwa mbɨ̀Ꞌɨ̀ baa wu bòt tò la, ba mè mbɔ a Lefɨ̀Ꞌ wuê wemɔ̀Ꞌ, wù Yesò Klistò la. Tà wu wòt Mbɔ̧ɔ̧mà ghɨ̂ tà nɨ̀ èbu bi ngɨ̀ èghɨ ègème la, è mè ngu tòà ka tà ghɨ̂ baa me ko tseka mbɨ̀Ꞌɨ̀ bòt Mbɔ̧ɔ̧mà la.

1 Kɔlìn 8:6 ပူးပေါင်းရင်းမြစ်များ

Matìù 11:27

“Tǎt am è ŋa èghɨ ègème abua am. Wòt kǒ tà lâ ko waã, kà wu tǎt tò la tsě; wòt kǒ tà meè ndâ ko a tǎt waã kà wu waã mbɔŋ la ka wu, nè bòt waã wu kɔ̀ŋkè nê bɔ̀ ko atò la.

Matìù 28:18

Yesò kɨ̀Ꞌɨ̂ a ngèt yɔb shu abua yɔb nê, “Mbɔ̧ɔ̧mà ŋa mètàŋ nàa ègwet nè sitsǎꞋ la ègème abua am.

Jɔ̌n 1:10

Tòà wu, tà wu èngǎ̧ Mbɔ̧ɔ̧mà la, li ngu a sitsǎꞋ ka bòt sitsǎꞋ è ka ko atò, Mbɔ̧ɔ̧mà tsè ane tò ka ngɨ̀ sitsǎꞋ.

Jɔ̌n 1:3

Mbɔ̧ɔ̧mà li ntsè ane tò ka ngɨ̀ èghɨ ègème. Àghɨa ko a mbê ntsě bɔ ghɨ̀ ka wu tòà tà li ngɨ̀ la.

Jɔ̌n 10:30

Ba Tǎt am e wu àghɨ yeamɔꞋ.”

Jɔ̌n 13:13

Bɨa ntɔ am ane nyɨꞋtà, mè ntɔ am ane tǎt wɨ̧ mbɔ̂ ngua shua nkûŋ, nkàà nê e ye wu àghɨa è ngu yùà la.

Jɔ̌n 14:20

Naa li ngu ane àlia mbɔŋ bɨ ko nê, e ngu àghɨ yeamɔꞋ nè Tǎt am, bɨ wu àghɨ yeamɔꞋ nè nà̧, e mè ngu àghɨ yeamɔꞋ nè nɨ̧.

Jɔ̌n 17:3

Mèmpème kàlìà maa wu nê, bòt è ko awê, àwɔ̀ wu à wu ndàꞋà Mbɔ̧ɔ̧mà tà wu yû̧ la, mè nkoa Yesò Klistò wu à tsàà la.

Jɔ̌n 20:17

Yesò shu abua tò nê, “Ka mbà̧à̧te am nkàà nê e mbakà ziꞋ nkɔꞋɔ te ghǎ ekwene ane Tǎt am. Ghǎ shu abua bɔnyɨ bɔ̧ nê, e ngua nga ekwene ane Tǎt am wu tà wu Tǎt wɨ̧ mɨ̧̂ la, ye wu tà wu Mbɔ̧ɔ̧mà am mè ngu Mbɔ̧ɔ̧mà wɨ̧ la.”

ÀfaꞋa 17:28

wuê mbɨ̀Ꞌɨ̀ wòt kǒ è làꞋà la nê: ‘Wu mètàŋ tò ka è ghɨ̂ ba wu yû̧, mè me ghȩ̀ȩ̀nè la.’ A wu mbɨ̀Ꞌɨ̀ bɔ̧ màshɨa bɨ̧ ko, e shɨ a si la nê, ‘Bàa mɨ̧̂ e wu bɔ̧ tò.’

ÀfaꞋa 2:36

“Bɨ̀a bòt Izəèlȩê bàgème, bɨ ko nkûŋ nkûŋ nê, Mbɔ̧ɔ̧mà lȩ̂ a Yesò wu bɨ li ngù̧ù̧te atò a mbɨ̧̀ mbasa la ane Tǎt wa, mè ndzɔ̀Ꞌɔ atò mbɨ̀Ꞌɨ̀ Fɔ̧̀ wu ye tsàà la.”

ÀfaꞋa 5:31

Mbɔ̧ɔ̧mà li ndɔke atò ntsìà àbâ àbualu̧ azi mbɨ̀Ꞌɨ̀ Fɔ̧̀ nè Mpemnà. Tà li ndɔ̀ke atò mbɨ̀Ꞌɨ̀ eŋa bòt Izəèlȩê èlu̧ bɔ̀ɔ kubte ane mènəè kàbɔ̀ŋ mɔb yea waꞋa a kàbɔ̀ŋ wɔb mɨ̧̂.

Lûm 11:36

Èghɨ ègème e li ngu nkàà mètàŋ tò, èghɨ ègème e mè ngu nkàà atò, mè ngu abua tò. TsiꞋ mèngùꞋte wu abua Mbɔ̧ɔ̧mà ane àlia nè àlia. Àmèn.

1 Kɔlìn 1:2

Abua bòt chɔsì Mbɔ̧ɔ̧mà wu a Kɔlìn la, bɔ̀ɔ wu bɔ̀ tsiꞋi àghɨ yeamɔꞋ nè Yesò Klistò, bɔ̀ tsiꞋi bòt Mbɔ̧ɔ̧mà la, nè bòt bu àdzìꞋ ègème bɔ̀ɔ ngùꞋtà èlen Yesò Klistò mbɨ̀Ꞌɨ̀ Lefɨ̀Ꞌ wɔb nè wa la.

1 Kɔlìn 12:3

Ale, maà nkɨà bɨa ko nê, betsiꞋa wòt Fo Kèfə è ghɨ̂ tà me làꞋà la ka tsɔ̧ɔ̧ a Yesò, wòt kà mê ngu ko shu nê Yesò wu Tàt, kà wu wòt Fo Kèfə nàa èntɨ̧ɨ̧ tò la.

1 Kɔlìn 6:13

Bɨa shua nê, “Èghɨjɨ e wu abua èbêm, èbêm e mê ngu abua èghɨjɨ,” Ka Mbɔ̧ɔ̧mà bɔ̂ ngu ghɨ̀ èghɨ mbɔŋ ègème aa baka tsi ngu àghɨ. Bɨ̀ ka me nɨ mbɨ̧te ènyit tɨ̧ mpàꞋta àbɨ̧, ka bɨ̀ me nɨa nkùkta Tè Yesò. Wu Tè Yesò ka tà bɔ mbɨ̧̀ ènyit la.

1 Kɔlìn 8:4

Ale, è me wu ànəa mànjɨa èghɨ bɔ nɨŋ njɨ̀a bènàmbəa la, ko baà ko nê, “Àghɨa ko a mbê ndâ ntsě mbɨ̀Ꞌɨ̀ nàmbəa,” mè nko nê, “Mbɔ̧ɔ̧mà nàà ndàꞋ wemɔ̀Ꞌ.”

Efesɔ̀s 1:3

Bà kɔ̀ŋka Mbɔ̧ɔ̧mà wu tà wu Tǎt Yesò Klistò Lefɨ̀Ꞌ wa la. Ndɨ̀ wu bà tsiꞋi àghɨ yeamɔꞋ nè Yesò Klistò la, Mbɔ̧ɔ̧mà lɔ̀ɔ̀lè àwa, nè èghɨ ntsɔ̧̀ ègème e dzə a ègwet, è wu èghɨ e bɔ ndɨ àa ghɨ̀ ne mèntsèke ma ane Mbɔ̧ɔ̧mà la.

Efesɔ̀s 3:14

Àyaa a ghɨ̂ e teme tènjûŋ taã a si a mbì Tǎt wa Mbɔ̧ɔ̧mà

Kɔ̀losìà 1:6

Ntu̧ Ntsɔ̧̀ yaa bɔ tsɔte abua yɨ̧ la nàà ngà̧aã a èdzìꞋ ègème a ngɔ̀ŋ ŋaa mɨ̧̂, ngɨ̀à bòt e zəa ntsɔ̧̀, wuê mbɨ̀Ꞌɨ̀ nàa ngɨ̀à èghɨ ngaa ègème a kètsìà wɨ̧ la. E li ngua ngɨ̀à anè e bùꞋù tê ane àlia mbì yu bɨ li ndzə ànəa ntsɔ̧̀ Mbɔ̧ɔ̧mà ndɔ̀Ꞌ a me lìa bɨ mè ndâ nko ndɨ nàa la.

1 Pità 1:21

Yesò ghɨ̂ bɨ zì èntɨ̧ɨ̧ wɨ̧ ane Mbɔ̧ɔ̧mà wu tà li njù̧ù̧me atò àfɨꞋa tà pfə la, ngɨ̀ tà bɔ̀ ènɨ̧ vi la. Eyaa wu àghɨa a ghɨ̂ ka bɨ zì mèntɨ̧ɨ̧ mɨ̧ ane Mbɔ̧ɔ̧mà, mè nɔ̀ŋè ntɨ̀ yɨ̧ ane tò la.

Ètsə 1:18

mè ngu wòt wu tà wu yu̧ la. E ndi mpfə, ka nè àfɨ̀Ꞌ yaa e ntsiꞋi yu̧ kà wu li e tsi pfə. Mâ bɔ nkȩ̀ȩ̀te èvə nè ète àdziꞋa àlaꞋ a bèmpfəà.