1 Kɔlìn 8:1 - Mundani

¹ È wu ane ànəa èghɨjɨ bɔ nɨŋ njɨ̀a bènàmbəa la, ko baa ko nê, “Bàa gème e ko mènəè.” Wòt nàa nkoa mènəè è me ghɨ̌ tà me ŋeꞋe tèkwȩ ti a ègwet, ka èkɔŋ e me lɔktè mèntɨ̧ɨ̧ bòt.

1 Kɔlìn 8:1 ပူးပေါင်းရင်းမြစ်များ

ÀfaꞋa 15:10

Ale, bɨ ghɨ̀ na ka me kɨ nyɔ̀Ꞌte a Mbɔ̧ɔ̧mà ezǐ àbòꞋà yaa a kɔ̧̀ bɔkatè Yesò bu à? Eyaa wu àbòꞋa bètǎt nyaꞋ ba, kò bàambɔŋ leꞋ e li è ka wuê ko eŋeꞋe ayùà la.

ÀfaꞋa 15:29

Bɨ̀ ka tsi njɨ̀ èghɨ bɔ nɨŋ ntsì èpɨ̧̀ la. Bɨ̀ ka tsi nkwèle nyà̧ bɔ tɨ̀ŋè la. Bɨ kà mè ntsi njɨ̀ àlo̧. Bɨ̀ ka me nɔ̀ŋkè ne bèzi kà wu èbɨ̧. Bɨ paŋà mbɨ̧ tàa ntsɔ̧̀, ko bɨa taꞋa mě ètsə a èbem èngǎ̧ Mbɔ̧ɔ̧mà. Bɨ̀ tseke ntsɔ̧̀ bà tsiꞋi àfɨ̀Ꞌ àko.

ÀfaꞋa 21:25

È me wu bòt kà wu Bèjuê bu bɔ zì mèntɨ̧ɨ̧ mɔb ane Yesò la, ko bà le yaŋe tsàà àwɔb àkatè nê, bɔ̀ ka nkwèle nyà̧ bɔ nɨŋ ntsì èpɨ̧̀ adù̧ la, bɔ̀ ka nkwèle nyà̧ bɔ tɨ̀ŋè la, bɔ̀ ka mè njɨ̀ àlo̧, bɔ̀ ka mè ntsi nɔ̀ŋkè nè bèzi kà wu ebɔb.”

Lûm 11:25

Bɔnyɨ bɔ̧, ànəa ndò̧ àko aa və màa nkɨà bɨa ko la, mbɨ̀Ꞌɨ̀ bɨa baka wua mɨ̀ɨ̀tà nê bɨ ko nyaŋ. Ànəa mbɔŋ wu nê, àtsəa kekweelè Bèjuê à ka li wu àfɨ̀Ꞌ àgème a. Aa li lìa àfɨꞋa kèmpà̧ bòt kà wu Bèjuê bu Mbɔ̧ɔ̧mà làà àwɔb la, è kùꞋù la.

Lûm 12:16

Bɨ̀ me tseke ane ètsəê wemɔꞋ nè bɔnyɨ bɨ̧, bɨ̀ ka me ŋeꞋe tèkwȩ tɨ̧ a ègwet, mè me ghɨ̀ èshu̧ nè bòt bɔ̀ wu ne si la. Bɨ̀ ka me mɨ̀ɨ̀te nê bɨ bɔ èyì nyaŋ.

Lûm 14:10

À ghɨ̀ na ka me tsǐ mpəəte wanyɨ wè à? À ghɨ̀ na mè me waa wanyɨ wè à? À ka ngɨ̀ ale ndɨ̀ wu bàagème àa li tɨ̧ɨ̧ a mbì èsaꞋa Mbɔ̧ɔ̧mà la.

Lûm 14:14

Mâ lâ nko, ndɨ̀ wu è ntsiꞋi àghɨ yeamɔꞋ nè Yesò Lefɨ̀Ꞌ la nê àghɨa jɨ ako àa mbɨ̀a a mànjɨa la a ntsě, ka wòt yèa nê àghɨa ko bɔ̀ɔ njɨ̀a la wu àghɨa kàbɔ̀ŋ, mbɔ̂ njɨ, ko wu kàbɔ̀ŋ tà ghɨ̀ la.

Lûm 14:19

Ale, bàà me nyɔ̀Ꞌte àfɨ̀Ꞌ àgème ndzèa nê baa ngɨ̀à àghɨa àa me ghɨ̌ baa tseka ane àlàŋkè nè bɔnyɨ ba la, nè àghɨa àa me tɨŋe bɔnyɨ ba bɔ tsəa ane alu̧ Mbɔ̧ɔ̧mà la.

Lûm 14:22

Nɔ̀ŋe àghɨa àa èntɨ̧ɨ̧ wê ane ànəa èghɨ bàa la a kètsìà wɨ̧ bɨ Mbɔ̧ɔ̧mà. Ntsɔ̧̀ wu wòt wu èntɨ̧ɨ̧ tò àa ka feele atò ane àghɨa tà ye nê wu ntsɔ̧̀ la.

Lûm 14:3

Wòt wu tàa njɨ̀a àghɨ àgème la ka me waa wòt wu kà wua njɨ̀a la, wòt wu tàa njɨ̀a wuê mbɨ̀btsə la ka mè me tsi mpəèəète wòt wu tàa njɨ̀a àghɨ àgème la, nkàà nê Mbɔ̧ɔ̧mà nɨ atò mbɨ̀Ꞌɨ̀ wòt vi.

Lûm 15:14

Bɔnyɨ bɔ̧, mmɔ̌ mbɔŋ mâ lâ nko nê bɨ̀ambɔŋ e lu̧u̧ nê ntsɔ̧̀, mè ndâ nko àghɨa bɨ bɔ ndɨ bɨ̀a me ghɨ̀ la, mè ngu eko nyɨꞋte bɔnyɨ bɨ̧.

1 Kɔlìn 1:5

Maà ndzèa àyaa ane èghɨ ntsɔ̧̀ bu ègème tà ghɨ̂ bɨ bɔŋ la, nè ndɨ̀ wu bɨ ko a màndaꞋa èngǎ̧ tò ane balu̧ bàgème mè nko àghɨ àgème a bɔ ndɨ àa ghɨ̀ nê Fo Mbɔ̧ɔ̧mà la.

1 Kɔlìn 10:15

E ngua ndaꞋa abua yɨ̧ mbɨ̀Ꞌɨ̀ e ndaꞋa abua bòt èyì. Bɨ̀ kwàꞋtà àyɨ̧ ndze ànəa e shuà la.

1 Kɔlìn 10:28

(Ka wòt shu abua yê nê, “Eyaa wu èghɨjɨ bɔ nɨŋ njɨ̀a bènàmbəa la”, à ka njɨ ambo wòt wu tà shu awê la, nè ndɨ èntɨ̧ɨ̧ wê àa me fèèlè àwê la.

1 Kɔlìn 14:20

Bɔnyɨ bɔ̧, bɨ̀ ka ngu mbɨ̀Ꞌɨ̀ bɔtechɨɨle ane mènkwàꞋte mɨ̧. Ka è me wu ane ànəa kàbɔ̀ŋ, bɨ wu mbɨꞋɨ̀ bɔtechɨɨle, mbɔ̂ bɨ̀ wu mbɨ̀Ꞌɨ̀ bɔɔjuŋ ane mènkwàꞋte mɨ̧.

1 Kɔlìn 15:34

Bɨ̀ kubte mènkwàꞋte mɨ̧, bɨ̀ ka tsi ngɨ a kàbɔ̀ŋ. ÀbəèꞋ àyɨ̧ ako a bakà bê nkoê wòt Mbɔ̧ɔ̧mà wû wùà la. E ndàꞋà àyaa mbɨ̀Ꞌɨ̀ bɨa bɔ àtsəa kɔꞋɔ.

1 Kɔlìn 4:10

Bòt aa nɨa wa ane èkèghɨ̧̀ nkàà ndɨ bà wu bɔfàꞋ Yesò Klistò la, ka bɨ bɔ̂ me mɨ̀ɨ̀te nè bɨ bɔ èyì, ndɨ̀ wu bɨ̀ tsiꞋi àghɨ yeamɔꞋ nè Yesò Klistò la. Baà njùa àghɨ a bɔbȩ, ka è me wu awɨ̧ bɨ me kweele. Bòt e me kukte awɨ̧, ka è wu awa, bɔ me waa.

1 Kɔlìn 4:18

ÀbəèꞋ àyɨ̧ aa ŋèꞋa tèkwȩ tɔb a ègwet mɨ̀ɨ̀tà nê è nka kɨꞋɨ e ye awɨ̧ a.

1 Kɔlìn 4:6

Bɔnyɨ bɔ̧, mâ fɨ̀Ꞌnè mènəè maa ane ya ba Àpolòs, mbɨ̀Ꞌɨ̀ bɨa ye ane ya lə ànəa èngǎ̧ Mbɔ̧ɔ̧mà àa shua la, “Bɨ̀ ghɨa mbɨ̀Ꞌɨ̀ mbɨ̧ shuà la.” Wòt ka me ŋeꞋe tèkwȩ ti a ègwet ane èlen wòt ngwaa wekǒ.

1 Kɔlìn 5:2

Bɨ bɔ̂ me ŋeꞋe tèkwȩ a ègwet nê bɨ wu bòt Mbɔ̧ɔ̧mà, è bɔ̂ ngu àghɨa bɨ wuê tseke ane tèsȩ me shùù mèsi la. Bɨ̀ tsǐ wòt tà ghɨ̀ èwuu ànəê yaa la ayɔɔ yɨ̧.

1 Kɔlìn 5:6

È ntsě ànəa ntsɔ̧̀ bɨa me ŋeꞋe tèkwȩ tɨ̧ a ègwet. Bɨ bakà ko laꞋ nê betsiꞋa adziꞋi yis ghɨ̀ apfəèꞋ fàlawà kɔꞋ ndû̧ èpfəêꞋ?

1 Kɔlìn 8:2

Wòt mɨ̀ɨ̀tà nê ye ko àghɨ, ko tà bakà ko mbɨ̀Ꞌɨ̀ tà wuê ko la.

1 Kɔlìn 8:4

Ale, è me wu ànəa mànjɨa èghɨ bɔ nɨŋ njɨ̀a bènàmbəa la, ko baà ko nê, “Àghɨa ko a mbê ndâ ntsě mbɨ̀Ꞌɨ̀ nàmbəa,” mè nko nê, “Mbɔ̧ɔ̧mà nàà ndàꞋ wemɔ̀Ꞌ.”

1 Kɔlìn 8:7

Ka è ntsě wòt ègème tà ko nkûŋ yaa la. Bòt ko e li ngua nkùkta bènàmbəa tè bɔ̀ɔ ngɨ̀ bɔ me kɔ̀ŋkè èjɨ èghɨjɨ bɔ nɨŋ njɨ̀a nàmbəa la. Bɔ̀ɔ ngɨ̀ bɔ̀ jɨ ale, mèntɨ̧ɨ̧ mɔb ka lem fèèlè àwɔb ndɨ̀ wu bɔ̀ɔ njùa la.

Efesɔ̀s 4:16

Wu tòà ka tàa ngɨ̀à èdziꞋi ènyit ègème e tsəꞋnà ntsìꞋa àghɨ yeamɔꞋ la, è mè ngu mbɔ̀ɔ̀la ègème a mbɨ̧̀ ènyit nàa fèta mbɨ̧̀ ènyit mbɔŋ nènkèm mbà̧aã la. Ale, àdziꞋa ènyit àgème a me ghɨ̀ àghɨa a bɔ ndɨ àa ghɨ̀ la, ko bòt aa me kɔ̀ŋkè bɔnyɨ bɔb, mbɨ̧̀ ènyit ègème naa me tsəa nkwèèla.

Kɔ̀losìà 2:18

Bɨ̀ ka mbɨ̧̀ɨ̧̀nê wòt kǒ tà mɨɨtè nê ye tsě bòt nkàà ndzò̧ tu tàa ndzèa la è fɨ̀ta awɨ̧. Eyaa èwuu bòt bu bɔ̀ɔ shɨ̀ɨ̀bà nê, bòt è me nɨa wɔb a si mè shua nê, bòt è me ŋa kènuke wuê abua bɔntu̧ Mbɔ̧ɔ̧mà la. MènkwàꞋte tò mbɨ̀Ꞌɨ̀ è me bòt ko nàà ngɨ̀à tà wu̧a nkùꞋ zi kà ye lə.

Ètsə 2:14

“ ‘Ka èghɨ ko aa və bɨ̀a ngɨ̀à màa ka kɔ̀ŋkè la. Bòt ko aa ayɔɔ yɨ̧ bɔ̀ɔ ngɨ̀à èghɨ bu Balààm li ngua nyɨ̀Ꞌta la. Tà li nkɨ̀ɨ̀te a Balàk tà fɨte bòt Izəèlȩê bɔ ghɨa kàbɔ̀ŋ. Balàk li ngɨ̀ bɔ me paꞋte àbɨ̧ mè njɨ̀a èghɨ bɔ nɨŋ ntsì mèpɨ̧̀ la.

Ètsə 2:20

“ ‘Ka àghɨ aà yeamɔꞋ bɨ̀a ngɨ̀à màa ka kɔ̀ŋkè la. Bɨ sǎ Jezebèl ayɔɔ yɨ̧, àvi wu tàa ntɔ avi nê ye wu ndàꞋàtɔŋ Mbɔ̧ɔ̧mà la. Tàa fɨ̀ta bɔfàꞋ bɔ̧ ngɨ̀à bɔ paꞋtà àbɨ̧ mè njɨ̀a èghɨ bɔ nɨŋ ntsì mèpɨ̧̀ la.