1 Kɔlìn 7:17 - Mundani

¹⁷ Mbɨ̀Ꞌɨ̀ àa la, waa waa me ghɨ̀ wuê àghɨa Mbɔ̧ɔ̧mà li ŋǎ abua tò la, mè me tseke wuê mbɨ̀Ꞌɨ̀ tà li ngu ka Mbɔ̧ɔ̧mà naa tɔ atò ane wòt vi la. Eyaa wu àghɨa màa nyɨ̀Ꞌta bèchɔsì a èdzìꞋ ègème la.

1 Kɔlìn 7:17 ပူးပေါင်းရင်းမြစ်များ

Matìù 19:12

Ane bòt bu kà yɔꞋ la èbeko àa ngɨ̀ bɔ me lɔ̀Ꞌɔ a si bɔ̀ ka bɔ ntɨ̀ a màndzɔꞋɔ, èbeko e me bakà yɔꞋ è ghɨ̀à bɔbȩ, ka nê èbe bɔ gha ambo kèfɔ̧̀ Mbɔ̧ɔ̧mà ntû̧ eyɔꞋɔ la. Wòt tàa ko ebɨ̧ɨ̧ne èngà̧ waa la tà bɨ̧ɨ̧ne.”

1 Kɔlìn 10:32

Bɨ̀ me tseke ntsɔ̧̀ ane ndɨ bɨ̀ ka ghɨ̌ ngoꞋ ane wòt Juê, kò wòt kà wu Juê, kò bòt chɔsì Mbɔ̧ɔ̧mà la leꞋ.

1 Kɔlìn 11:16

Ka wòt bakà ye ne nà̧ ane ànəê yaa, ko ndàꞋ ànəa màa shu la wu nê, bàa nè bèchɔsì Mbɔ̧ɔ̧mà e bakà bɔ èlɨ̀ ko tsa bàa nɨa ntsàꞋta Mbɔ̧ɔ̧mà la.

1 Kɔlìn 11:34

Ndzìtsə te me ku wòt ane yɨ̧, tà me dzə a lob zi tà jɨ àghɨ, mbɨ̀Ꞌɨ̀ ka tà kɨꞋɨ ayɔɔ bòt nkɨ ngoꞋ zi zìambɔŋ abua Mbɔ̧ɔ̧mà. Maa tsiꞋi shu ndɨ bɨ̀a me ghɨ̌ me kǒ nè mènəè la àfɨꞋa màa kɨꞋɨ la.

1 Kɔlìn 14:33

nkàà nê Mbɔ̧ɔ̧mà nàà kà kɔ̀ŋkè ànəèꞋnè, tà wu Mbɔ̧ɔ̧mà àlàŋkè. Mbɨ̀Ꞌɨ̀ àa èbem bèchɔsì bòt Yesò a èdzìꞋ ègème la,

1 Kɔlìn 16:1

Maà nkɨ làꞋa ane ànəa màfeta èkab e nɨ tɨŋe bòt Mbɔ̧ɔ̧mà bu a Jèlusalèm la, nê, bɨ bɔ ndɨ bɨ̀a ghɨ̀ àghɨa e ndi shu abua bèchɔsì bu a Gàlashìà nê bɔ̀ me ghɨ̀ la.

1 Kɔlìn 4:17

Eyaa wu lə e ntsàa Tɔ̀màtià la. Tà wu waã èkɔŋ am ndɨ̀ wu bà wu bòt Tè Yesò Klistò la. Tàà ngɨ̀à àfàꞋ àzi nè èntɨ̧ɨ̧ vi ègème. E ntsaa tò nê ta kɨꞋɨ nkù̧ù̧te awɨ̧ mènəè mɔ̧ ane Yesò Klistò. Wu mènəè maa nkùŋà mùà mè nyɨ̀Ꞌta a bèchɔsì a èdzìꞋ ègème la.

1 Kɔlìn 7:18

È wu nê Mbɔ̧ɔ̧mà me tɔ wòt bɔ naŋe tò tè ndɔ̀Ꞌ, tà ka me nyɔ̀Ꞌta nkɨ tsǐ àlȩê yu àa nyɨ̀Ꞌta nê bɔ naŋe tò la. È wu nê Mbɔ̧ɔ̧mà me tɔ wòt bɔ̀ ka zîꞋ nàŋe atò, tà ka me kɨ nê bɔ̀ naŋe avi.

1 Kɔlìn 7:24

Bɔnyɨ bɔ̧, waa waa me tseke ane Mbɔ̧ɔ̧mà mbɨ̀Ꞌɨ̀ Mbɔ̧ɔ̧mà li me tɔ atò tà wuê la.

1 Kɔlìn 7:7

Bòt bàgème e ghɨ̀ ale, ngu mbɨ̀Ꞌɨ̀ mmɔ̌, ko a bɔ̀ŋ am, ka Mbɔ̧ɔ̧mà nàà ŋǎ èghab wòt ègème tsa. Tàà ngɨ̀à wòt kǒ a èlɨ̀ waa, ngɨ̀à è via ane via nè èlɨ̀.

2 Kɔlìn 11:28

E mbakà bàte ntɨ̧̀ɨ̧ èghɨ ba ègème, ka ànəa ko a bɔ̂ nguê àa ndèlà a èntɨ̧ɨ̧ am àfɨ̀Ꞌ àgème la. Ànəa mbɔŋ wu nê maà ntsèka mɨ̀ɨ̀tà bèchɔsì bàgème.

2 Kɔlìn 8:18

Tà gha ekɨꞋɨ bɔ̂ wòt kǒ ba tsàà la. Wu wanyɨ wa wu bèchɔsì bàgème bèa ngùꞋta tò ane àfaꞋa to a màntsɔta Ntu̧ Ntsɔ̧̀ Yesò Klistò la.

Gàlashìà 1:22

È me wu àfɨꞋa mbɔŋ ale, bòt bèchɔsì Yesò bu a Jùdià la è ka lem nko am ane èsi.

1 Tèsàlonikà 2:14

Bɔnyɨ bɔ̧, àghɨ yu a li ngɨ̀ ane bèchɔsì Mbɔ̧ɔ̧mà bu a Jùdià bè wu àghɨ yeamɔꞋ nè Yesò Klistò la, a bê ngɨ ane yɨ̧. Bòt àlaꞋ ayɨ̧ e li ngua nkɨà àtsəa yɨ̧ enɨ wuê mbɨ̀Ꞌɨ̀ Bèjuê e li ngua nkɨà àtsəa bòt Jùdià enɨ la.

2 Tèsàlonikà 1:4

Eyaa wu lə bàa ngàꞋtà wa ndàꞋà ànəa yɨ̧ ayɔɔ bèchɔsì Mbɔ̧ɔ̧mà la. Ba ghàꞋtà wa ale ngu ndɨ̀ wu bòt àa mbàtâ nkɨà àtsəa yɨ̧ enɨ, ngɨ̧̀ɨ̧̀nà wɨ̧, ka bɨ bɔ̂ me kweela ngà wuê nè mbì ane èntɨ̧ɨ̧ wɨ̧ wu bɨ zi ane Yesò la.