1 Kɔlìn 7:10 - Mundani

¹⁰ È me wu bòt bu bɔ yɔꞋɔ la ko mâ shu nê, àvi ka sà lu̧ vi. È kà shu mmɔ̌, è shua Tè Yesò à.

1 Kɔlìn 7:10 ပူးပေါင်းရင်းမြစ်များ

Matìù 5:32

Ka e ngua shua wɨ̧ nê wòt tà tu̧ vi vi ane ànəa ko tsa kà wu laꞋ nê àvi wu nɔ̀ŋkè bɔ̂ wòt kǒ la, ŋut ko nê ye ghɨ atò tà tsìꞋi àvi tàa njɨ̀a àbȩ la, na tà ghà ale mè ndzɔꞋɔ wòt kǒ tsa la. Wòt tà mèe ndzɔ̀Ꞌɔ atò wu bɔ tu̧ atò la, tà ko nê ye wu àzi wòt yèa njɨ̀a àbȩ la.

Ntu̧ Ntsɔ̧̀ MAK 10:2

Bèfalèsiì ko e kɨꞋɨ me kɨ enyɔ̀Ꞌte a Yesò, mbììte atò nê “Tè mbɨ̧ ta te bɨ̧ɨ̧nè nê, wòt tû̧ vi vi?”

Lûk 16:18

“Wòt ègème tà tu̧ vi vi ngà ndzɔ̀Ꞌɔ àvi kǒ tsa la, ŋut ko nê ye wua njɨ̀a àbȩ. Wòt tà yɔꞋɔ àvi lu̧ tò tu̧ atò la, wua njɨ̀a àbȩ mɨ̧̂.”

1 Kɔlìn 7:11

(Ka tà sà lu̧ vi, tà ka tsi ndzɔ̀Ꞌɔ wòt tsa, mbə tà wene a lob lu̧ vi bɔ̂ tò e ghɨ̀ àlàŋkè.) Ko mbɨ̀Ꞌɨ̀ mbâ̧ tù̧ù̧ vi vi mɨ̧̂.

1 Kɔlìn 7:12

È me wu bòt ko tsa ko mâ shu nê wanyɨ waa kǒ bɔ àvi tà bakà ko a Mbɔ̧ɔ̧mà, àvi wu me kɔ̀ŋkè tseke bɔ̂ tò, tà ka tù̧u̧ atò. Àyaa ntsě ànəa Tè Yesò laꞋnê è shu la.

1 Kɔlìn 7:15

Ka wòt kà ko a Mbɔ̧ɔ̧mà me kɨ sà ndzɔꞋɔ, tà sàŋ. Ale, àghɨa ko mè nkùùla wanyɨ waa mbâ̧ kò àvi la leꞋ, a te ntsě. Mbɔ̧ɔ̧mà tɔ awa nê bà me tseke ane àlàŋkè.

1 Kɔlìn 7:25

È me wu ane ànəa bòt kà yɔꞋ, ko ànəa ko Tè Yesò shu am nê è ndaꞋa la a ntsě, ka maa shu ndɨ màa ndzea la, mbɨ̀Ꞌɨ̀ wòt Tè Yesò nɨ tèsȩ ti ngɨ̀ tà kùꞋù è we bòt àa lɨ̀Ꞌɨ̀ àwɔb ane tò la.

1 Kɔlìn 7:40

A batè ngu ale ka ndɨ màa ndzea la wu nê, naa wu ànəa ntsɔ̧̀ abua tò taa tseke ka yɔꞋ, mbɔ̂ mâ mɨɨtè nê, Fo Mbɔ̧ɔ̧mà naa ane yaã.

1 Kɔlìn 7:6

È shua àyaa nê bɨ̀ kwaꞋta, è ntsě mbɨ̧.